Archives de la catégorie: Toriteny

Toriteny alahady maraina na fanompoam-pivavahana hafa

Ao amin’ny Marka 7, Marka 7 ry havana, tantara malaza, tantaran’ny nahasitranan’i Jesoa zanakavavy-na vehivavy Kananita, izany hoe jentilisa izany. Izany no perikopantsika androany. Ny hafatra ry havana dia izao : NY FINOANAO VE MAHATONGA ANAO HIANDRANDRA MARINA AN’I JESOA ? Ilay « miandrandra » moa dia hoe « manantena marina » an’i Jesoa. NY FINOANAO VE MAHATONGA ANAO HIANDRANDRA MARINA AN’I JESOA ? Fa izany no finoana marina, izany no finoana mahavonjy : finoana mahatonga hiandrandra an’i Jesoa ry havana.

Misy ohatra tsara anankiray ato amin’ity perikopa ity, hitantsika izany eo amin’ny and.24 : « Ary niala teo Jesosy ka lasa nankany amin’ ny sisin-tanin’ i Tyro sy Sidona; dia niditra tao an-trano Izy, ary tiany tsy ho fantatry ny olona izany; kanefa tsy nahazo niery Izy ».

Ny Fahamarinana 1 ry havana, ny fampieritreretana voalohany ry havana dia izao : VONONA VE IANAO HANAO A LA DISPOSITION AN’I JESOA NY TRANONAO ?
Ary rehefa ataonao à la disposition an’i Jesoa ny tranonao, ny dikan’izany dia hoe : ny rehetra rehetra anao ataonao à la disposition an’i Jesoa ry havana ô, matoa ny tranonao ataonao à la disposition an’i Jesoa.
Inona ny zavatra mitranga eto ry havana ? Vao avy nifamaly tamin’ny fariseo Jesoa tao amin’ny perikopa talohan’izao ary niteny mafy ny fariseo Izy noho ny fihatsaram-belatsihy an’izy ireo. Tao Izy no niteny hoe : « Ity firenena ity tena hoe manompo ahy eo imolotra, midera Ahy eo imolotra, fa ny fo lavitra Ahy ». Ary satria lavitra ny fon’ireto fariseo ireto an, lavitra an’i Jehovah ny fon’ireto fariseo ireto an, ny ataony : fombam-pivavahana. Niditra tao an-trano Jesoa ry havana, nila niditra tao an-trano Jesoa satria hoe niafina an’ireo fariseo ireo. Satria tsy mora ry havana ô, izany hoe nanabatian’ny Tompo an’ireo fariseo ireo, ary nanabatiany azy ampahibemaso. Raha ianao ve ry havana no hoe nondondomin’i Jesoa varavarana tao anatin’izany contexte-na persécution na fanenjehana izany : sahinao ve ny mampiantrano an’i Jesoa ry havana ? Sahinao ve ? Misy fotoana ry havana eo amin’ny fiaraha-monim-pirenena, araka ilay fitenenana, hoe : « teny iray monja dia efa mahatonga anao any am-ponja ». Eto ry havana, fantatra tsara ny fahasiahan’ireto fariseo ireto ; fa ity jiosy ity an, nampiantrano azy. Ary tsy fantatra anarana ilay jiosy, ary matetika rehefa hoe tsy fantatra anarana ilay jiosy : tian’ny Tompo ataonao eo ny anaranao, hoe : « izaho Solofo koa, ny tranoko dia ataoko à la disposition an’i Jesoa ry havana ô ». Mila miafina ny Fariseo Jesoa satria efa nitsiry tao an-tsain’ny Fariseo izany hoe fikasana hamono Azy izany. Fa nila niafina tamin’ny vahoaka koa Jesoa ry havana, satria diso hevitra ny amin’i Jesoa ireto vahoaka ireto noho ny fahagagana nataony ; dia te handray Azy, te hanao Azy ho Mpanjaka ; te hanao an’i Jesoa ho Mpanjaka ireto vahoaka ireto ary tsy tian’i Jesoa Izy ho diso hevitra ny amin’ny maha-Mesia Azy ry havana ô. Vonona ve ianao, raha misy ilàn’ny Tompo ny tranonao, hanao an’izany tranonao izany, sy izay rehetra momba anao à la disposition an’i Jesoa ? Finoana arahina asa ry havana ô. Ny finoana marina, ilay finoana mampiditra any an-danitra : arahin’asa.
Izay ny fahamarinana 1, hoe : VONONA VE IANAO HANAO A LA DISPOSITION AN’I JESOA NY TRANONAO SY IZAY REHETRA ANAO ?

Raha izay ny amin’ilay jiosy tsy fantatra anarana ; fa jiosy tamin’izany ohatran’i Nikodemosy ireny: nino tamin’ny mangingina. Andeha amin’izay ary jerentsika kosa ny finoan’ity vehivavy ity, ary tena hoe toriteny ho anareo vehivavy manokana. Ny andraikitra sarobidy, ny andraikitra tsy manam-paharoa omen’ny Tompo anareo ho famonjena ny ankohonanareo ; matoa voavonjy ny ankohonana anankiray dia satria ny vehivavy nandeha mendrika ny fiantsoana niantsoan’ny Tompo azy ry havana ô.
Inona ny zavatra voalohany, ny ohatra tsara hita eto amin’ity vehivavy Kananita ? Kananita, izany hoe jentilisa ; Kananita, izany hoe tsy jiosy. Vao maika koa mahagaga ilay finoany ry havana. Ny zavatra hita eto dia hoe, ilay fahamarinana dia izao hoe : NY FINOANA MARINA DIA MAHATONGA ANAO HIANKOHOKA EO AN-TONGOTR’I JESOA KA MANGATAKA AMINY HO AN’NY ANKOHONANAO.
Andeha jerentsika ry havana ny and.25-26 : « Fa niaraka tamin’ izay dia nisy vehivavy anankiray nandre ny aminy (ny zananivavy tanora dia azom-panahy maloto), dia nankao ka niankohoka tamin’ ny tongony. Ary jentilisa ravehivavy, avy amin’ ny firenena Syro-foinika; dia nangataka taminy izy mba hamoaka ny demonia amin’ ny zananivavy ». Izay ilay fahamarinana resahintsika : ny finoana marina ry havana, dia mahatonga hiankohoka eo an-tongotr’i Jesoa ary hangataka Aminy ho an’ny ankohonanao.
Ny zavatra hita eto, dia na jentilisa aza ity vehivavy ity an : nahare momba an’i Jesoa. Isika rehetra ireto ange e, izany hoe jentilisa taloha e, fa kristiana ankehitriny e : nahare e momba an’i Jesoa ry havana ô. Fa ny zavatra renao, ny zavatra fantatrao momba an’i Jesoa ve mahatonga anao hiankohoka e, eo anatrehan’i Jesoa ry havana ?
Maro amintsika no mihaino hiram-pivavahana, maro amintsika no mihaino hira tonon-kiram-panahy, maro amintsika ny mankafy hira hirain’ny mpanakanto malaza ; mety ho mpanakanton’izao tontolo izao, fa mihira hira ara-pivavahana, dia revo amin’izay. Dia mientanentana ny fo. Tsia ry havana ô, tsy izany ilay finoana mahavonjy ; fa ilay finoana mahavonjy aloa dia finoana mahatonga anao hiankohoka eo an-tongotr’i Jesoa. Ary naninona ity vehivavy ity ry havana no niankohoka teo an-tongotr’i Jesoa ? Araka ilay voalaza teo, hoe : reny ny lazan’ity Jesoa ity, ny asa soa nataony ; fa surtout ry havana, fantany ny momba ny tenany , izy vehivavy Kananita jentilisa io, ny tantaram-piainany, ary indrindra indrindra ny fahoriana mianjady ao amin’ny tokantranony amin’io fotoana io. Inona ny toe-pony ? Inona ny toe-tsainy amin’io fotoana io ? Mahatsiaro izy fa olona resy manana an’io zanany vavy azon’ny demonia io. Mahatsiaro izy fa olona mahantra ; tsy fantatra izay hoe situation matérielle an’ity vehivavy ity, fa hoe mahatsiaro izy fa olona mahantra, olona mila vonjy. Izany no mahatonga azy hiankohoka, ary ianao tsy hiankohoka ry havana ô, eo an-tongotr’i Jesoa, raha tsy mahatsiaro fahantrana ara-panahy, raha tsy mahatsiaro hoe mila vonjy.
Lazaina izy, lazaina fa hoe avy amin’ny firenena Syro-foinika ; ilazana ange izany fa jentilisa e. Avy amin’itony hoe Kananita, ilay mponina taloha tao Israël tao ; raha amin’izao fotoana izao izany dia ireo palestinianina ireo. Ary ny problemany : satria izy nanompo ny andriamanitry ny Kananita, nanompo izy probablement ny Astarté, dia devoly azo avy amin’izany fanompoana Astarté izany no nahazo, nampahory ny zanany vavy. Ry havana malala ô, miteny amintsika malagasy : io fomban-drazana izay tsy mety ialantsika io, mampiditra demony ao amin’izay manompo an’izany ary ao amin’ny ankohonany manompo an’izany. Io andrandraintsika io, kolokolointsika io : io ity vehivavy Kananita ity, mampiseho fa tena hoe mampidi-doza izany. Fa ny vaovao mahafaly ampisehon’ity vehivavy Kananita ity dia hoe : Jesoa afaka mamonjy amin’izany ary Jesoa irery no mamonjy amin’izany. Jesoa irery no mamonjy amin’izany. Diniho ary ry havana ny finoanao, diniho ny finoanao raha finoan’ny olona resy, mahantra ara-panahy, raha finoan’ny olona mahatonga azy hi- se prosterner, hiankohoka mandrakariva ? Tsy hoe fiankohofan’ny vatana loatra, fa tena hoe fiankohofan’ny fanahy, fiankohofan’ny saina eo anatrehan’i Jesoa. Ary rehefa miankohoka eo anatrehan’i Jesoa ianao, zavatra tokana no ampianarin’ilay vehivavy samaritana ity : mangataka, mangataka, mangataka.

Ny Fahamarinana manaraka ry havana dia izao, ary sady fampieritreretana, famporisihina ho antsika Fiangonana no ataon’ity vehivavy Kananita ity : misy teny naloaky ny vavany izay nankasitrahan’i Jesoa. Raha lazaina amin’ny fomba hafa, io teny izay naloaky ny vavan’ity vehivavy Kananita ity no nahatonga an’i Jesoa hanasitrana ilay zanany vavikely 6 na 8 taona izay tany an-tranony fa tsy teo. Dia nahafinaritra ny teny-na mpanompon’Andriamanitra anankiray izay hoe : ny teny nataon’ity vehivavy Kananita ity nanokatra ny varavaran’ny fahasoavana. NY TENY NATAON’ITY VEHIVAVY KANANITA ITY NANOKATRA NY VARAVARAN'NY FAHASOAVANA.
Ry havana malala ô, saino, diniho manomboka izao izay teny aloaky ny vavantsika, dia eritrereto hoe teny mahafinaritra an’i Jesoa ve izany teny aloaky ny vavako izany ? Teny ankasitrahany ve izany ? Tenin’olona manam-pinoana, manantena Azy, miandrandra Azy marina ve izany ? Hany ka teny manokatra ny varavaran’ny fahasoavana.
Andeha hiarahantsika mamaky ny and.27-29 : « Fa hoy Jesosy taminy: Aoka ho voky aloha ny zaza; fa tsy mety raha maka ny mofon-jaza ka manipy azy ho an’ ny amboakely. Fa ravehivavy namaly ka nanao taminy hoe: Eny, Tompoko; kanefa na dia ny amboakely ao ambanin’ ny latabatra aza dia mba mihinana ny sombintsombin’ ny mofon-jaza ihany. Dia hoy Jesosy taminy: Noho izany teny izany mandehana hianao; efa nivoaka tamin’ ny zanakao-vavy ny demonia ». Io ilay teny ankasitrahan’i Jesoa ry havana. Tsaroantsika ny zavatra nitranga ry havana : niankohoka ilay vehivavy dia nangataka. Eo izany isika, mahare an’izao toriteny izao, dia hoe manapa-kevitra ny hiankohoka, hanetry tena, dia mivavaka.
Any amin’ny texte parallèle, ao amin’i Matio, dia lazain’i Matio hoe tsy niteny aloa Jesoa ; nangina aloa Jesoa teo anatrehan’ity vehivavy kananita ity. Ary io ry havana zavatra mpahazo antsika matetika : resy lahatra isika hoe tsy misy afa-tsy ny vavaka e ; iray volana isika izay nandinika ny hoe ny mino dia miandrandra ny famonjen’ny Tompo : ok ; andao ary hivavaka : ok ; fa rehefa manomboka mivavaka isika : mangina aloa ny Tompo indraindray, ohatrany amin’ity vehivavy kananita ity ry havana ô. Ary raha tsy manana finoana miorina amin’ny Soratra Masina isika maka exemple ohatran’izany, dia malaky kivy ary tsy maharitra amin’ny vavaka. Fa misy fotoana ny Tompo mizaha toetra antsika, manefy ny finoantsika mba tsy ho finoanoam-poana : mangina aloa, mangina aloa. Ary zavatra sarotra izany ho antsika miaina amin’izao karazana vanin’andron’ny « instantanéité » izao : ny zavatra rehetra tsy maintsy hoe ohatan’izay dia tiantsika ho azo, tiantsika hipoitra, hany ka hoe déboussolé isika rehefa hoe mangina aloa ny Tompo fa tsy avy hatrany dia mamaly vavaka ry havana ô. Mahareta e, mahareta amin’ny fivavahana. Ny olona miankohoka ka mangataka : maharitra amin’ny vavaka ry havana.
Fa ny zavatra lazain’i Marka eto dia hoe : « Fa hoy Jesoa taminy », mbola mizaha toetra ilay finoany : « Aoka ho voky aloha ny zaza ». «Ah, ianao aloa, izaho tsy miteny hoe tsy hamonjy anao Aho, na tsy hamonjy ny zanakao Aho an : fa aoka ho voky aloa ny zaza ». Ilay zaza : ilay zaza avy amin’ny firenen’Isiraely aloa ; izay Izy vao hoe hamonjy ny jentilisa. Tsy nampaninona, tsy nampaninona an’ilay vehivavy izany ry havana, tsy nampaninona an’ilay vehivavy izany. Ary ny zavatra ampianarin’ilay vehivavy eto ry havana, ny zavatra ampianarin’ilay vehivavy eto, na hoe nangina aza aloa Jesoa, na dia hoe nilaza aza Izy hoe : misy filaharany ny famonjena an, ny jiosy aloa izay vao ny jentilisa ; na dia sanatria an’izany ary nalikainy ity vehivavy ity ; nalikainy sanatria an’izany ity vehivavy ity ; marina fa ilay teny grika hoe : alika kely, ohatrany hoe zavatra mahafatifaty ; fa somary alikainy e ; dia neken’ilay vehivavy izany, neken’ilay vehivavy izany ry havana ô. Nekeny soa aman-tsara izany.
Tary isika niteny hoe nahatsiaro ny fahantrany, nahatsiaro mila vonjy ; eto izy : manetry tena. Izany ny olona manantena famonjena avy amin’ny Tompo ry havana. Manana finoana mahatonga azy hanetry tena, ka manaiky haka ny toeran’ny biby fandaka ao ambany latabatra ry havana. Ratoandro ianao, rahampitso ianao, raha sanatria an’izany alikain’ny ao an-trano ianao, isaory ny Tompo tena hoe exercie pratique : izao izany, izao izany no niainan’ilay vehivavy kananita raha nitalaho tamin’i Jesoa izy momba ny zanany vavy. Aza malaky mitomany any amin’i Pasitera : « Pasitera an, izao no nanaovany ahy » : non, non, non.
Nanetry tena izy, ho toy ny hoe biby fandaka ao ambany latabatra. Nanetry tena izy, fa amin’ny maha-jentilisa azy, mpanompo sampy azy, dia mitovy amin’ny biby izany fiainany izany, mitovy amin’ny biby ny fiainany. Fa izao : fantany fa Jesoa no solution amin’izany. Jesoa no solution amin’izany. Dia nanatona izy. Ny probleman’ity vehivavy ity : manan-janaka vavy ampahorian’ny demonia izy ; ary fantany fa Jesoa no solution ; Ny problema hoe : ho eken’i Jesoa ve ? Izany ange io tantara io e : ho eken’i Jesoa ve izy e ? Eken’i Jesoa ve ny hamonjena ny zanany vavy e ?

Fantatsika ry havana ô, fantatsika fa eken’i Jesoa ny hamojeny ny ankohonantsika, fa tsy manatona an’i Jesoa isika, satria tsy mahatsiaro ho mahantra ara-panahy isika ny amin’ny fahoriana izay mety mianjady amin’ny ankohonantsika. Ary mivavaka ry havana, ho anareo vehivavy rehetra, izay mahare an’izao teny izao : miovà ianareo e ; miovà ianareo. Meteza hanana finoana, tsy finoana hoe omban’ny sentiment, fihetseham-po sy ny ranomaso aza, fa hoe finoana mahatonga anareo hiankohoka ho an’io vadinareo io, ho an’io zanakareo io ; fa matoa izy ohatran’izao, sanatria an’izany, misy asan-demony manajamba azy, misy asan-demony manakona an’i Jesoa velona ry havana ô, Ilay Jesoa te hamonjy amin’ny fahoriantsika rehetra.
Ny teny nataon’ity vehivavy ity tena hoe namoha ara-bakiteny ny varavaran’ny fahasoavana ; tao amin’ny faran’ilay texte hoe nony tonga tany an-trano izy, dia nahita an’ilay vehivavy nipetraka soa aman-tsara ao amin’ny fandriana, fa tsy ilay vehivavy, ilay ankizy hoe mitsikofokofona eo amin’ny tany sy manao fihetsik’adala eran’ny trano. Izay nataon’i Jesoa ry havana ô, tamin’ity vehivavy kananita ity, dia tiany atao amin’ny ankohonantsika. Fa izao ny hafatra e : MANGATAHA FINOANA MIANDRANDRA MARINA NY FAMONJENA.
Ho aminareo ny fahasoavan’ny Tompo. Amena

Ao amin’ny bokin’ny Asan’ny Apostoly ; Asan’ny Apostoly 3. Tantara-na lehilahy nalemy tongotra efa hatrany an-kibon-dreniny. Dia araka ny mahazatra azy isan’andro an, dia nankeo an-tempoly izy amin’ny ora fahasivy. Amin’ny ora fahasivy izany no mitranga izao tantara izao. Dia ilay hafatra ho antsika Fiangonana ry havana, azo lazaina tahak’izao hoe : ANDRANDRAO JESOA AMIN’NY ORA FAHASIVY. Ilay fahasivy io, raha ao amin’ny Baiboly : ny ora voalohany amin’ny 6ora maraina ; izany hoe ny ora fahasivy amin’ny 3ora tolak’andro. Fa izay ilay titre an’ilay toriteny, hoe : ANDRANDRAO JESOA AMIN’NY ORA FAHASIVY.

Ny Fahamarinana 1 ho antsika Fiangonana amin’izao maraina izao, dia hoe : ANDRANDRAO JESOA REHEFA MANKATY AM-PIANGONANA IANAO

Mety mahagaga ihany izany an, fa mazava be izany fahamarinana izany : ANDRANDRAO JESOA, ANTENAO JESOA, ANDRANDRAO NY HIHAONA AMIN’I JESOA REHEFA MANKATY AM-PIANGONANA IANAO.

Ity lehilahy ity an, 40taona mahery eo, nalemy hatrany an-kibon-dreniny, ary azo lazaina hoe tragédie, tragédie ny fiainan’ity lehilahy ity. Nalemy izy hatramin’ny fahazazany, tsy mba niara-nilalao tamin’ny ankizy namany, tsy afaka nihazakazaka tahaka ny ankizy namany an ; mihalehibe izy, tsy autonome, tsy mahavita tena, tsy maintsy bataina, tsy afaka miasa, tsy afaka mamelon-tena. Ary fanampin’ilay tragédie an : mpangataka no iafarany. Izay ilay tragédie. Fa inona no tena tragédie amin’ity lehilahy ity ? Tonga mankany amin’ny tempoly izy : tsy mitady an’i Jesoa. Andeha jerentsika, Asan’ny Apostoly 3 :5-6 : « Dia nibanjina azy roa lahy tsara izy, fa nanantena hahazo zavatra taminy. Fa hoy Petera: Tsy manana volafotsy na volamena aho, fa izay ananako no omeko anao: Amin’ ny anaran’ i Jesosy Kristy avy any Nazareta, mitsangantsangàna ». Ity lehilahy ity nankany am-piangonana : nanantena hahazo fiantrana. Ity lehilahy ity nankany am-piangonana : nanantena hahazo vola kely. Tsy niandrandra an’i Jesoa izy ry havana ô. Ary possible, maro amintsika tonga aty am-piangonana : tsy miandrandra an’i Jesoa fa bodan’ny fiainana ny lohany. Ity lehilahy ity ange izao rehefa jerena e : mangataka izy. Tsy any an-tsena izy no mangataka, tsy eny an-dalam-be izy no mangataka ; fa any am-piangonana izy no mangataka, any amin’ny tempoly izy no mangataka. Ary antenainy hoe ao am-tempoly an, ny mpivavaka mety hoe malala-tanana tokoa amin’ny maha-mpiavavaka azy. Ary fantany koa fa be Fariseo ao amin’io Fiangonana io. Ary maninona no zava-dehibe ilay hoe be Fariseo ? Satria ny Fariseo, mpihatsaravelatsihy, rehefa manao fiantrana izy dia misehoseho. Izay ilay kajy ao an-tsain’ity lehilahy ity. Asa koa izay kajy tao an-tsainy : tsy problemany izany Jesoa izany. Ary maro amintsika angamba ry havana, no hoe tonga ato am-piangonana tsy miandrandra an’i Jesoa, fa mba tonga aty ihany, naharesy fahalainana ; tonga aty, avy hatrany ilay saina dia mandehandeha : mandehandeha ho azy any an-kafa, tarihin’ny devoly : « hay moa izany any an-trano ohatran’izao, hay moa izany rahampitso ohatran’izao, hay ilay zavatra iry any am-piasana ohatran’izao sy ohatran’izao ». Tsy miandrandra an’i Jesoa izy. Ary satria tsy miandrandra an’i Jesoa izy : tahaka an’izay nidirany teto an, no ivoahany teto ry havana ô. Izay ilay tragédie izay. Miangona aman-taonany izy, pilier-ny Fiangonana izy : tragédie ny fiainany satria tsy miandrandra an’i Jesoa izy aty am-piangonana.

Ry havana malala ô, ry havana malala ô, ny fomba fankanesanao aty am-piangonana : ovay. Ovay ny fomba fankanesanao aty am-piangonana. Rehefa mankaty am-piangonana ianao manomboka izao : andrandrao Jesoa Kristy. Fa na inona na inona motivation nankaty am-piangonana, isaory ny Tompo izany. Tahaka ny amin’ity lehilahy nalemy tongotra hatrany an-kibon-dreniny ity, ary efa 40 taona mahery ity lehilahy ity an, tahaka ny amin’ity lehilahy ity : te hanome anao mihoatra noho izay tadiavinao sy irinao. Vola kely, vola kely no nantenain’ity lehilahy ity ; tsy vola kely no azony fa fahasitranana, fahatanjahana nahazoany miasa angamba ahazoany mamelon-tena ry havana ô, mba hahazoany manana fiainana ohatran’ny rehetra. Izany no tian’i Jesoa omena anao anio ry havana ô : hamoaka anao avy amin’izany tragédie-ny fiainanao izany. Ary raha andrandrainao Jesoa ry havana ô, raha andrandrainao Jesoa, dia raha fifaliana hihaona amin’ny namana, raha fahafinaretana vokatry ny fanompoana na zavatra hafa tahaka izany no nankanesanao aty am-piangonana : zavatra mihoatra lavitra noho izany no omeny anao, omeny antsika rehetra, dia fahasitranana ara-panahy ary fiainana mandrakizay. ANDRANDRAO JESOA REHEFA MANKATY AM-PIANGONANA IANAO. 

Izay ny fahamarinana voalohany.

Ny Fahamarinana 2 dia milaza andraikitra apetraky ny Tompo amintsika Fiangonana izay efa manana an’i Jesoa, tahaka an-dry Petera afaka miteny hoe : tsy manana volamena aho, tsy manana volafotsy aho, fa Jesoa no atolotro anao. Ilay Fahamarinana 2 dia izao, hoe : RAISO NY TANAN’NY NAMANAO DIA ENTO AO AMIN’I JESOA IZY.

Mitadiava tanana ho raisina, mitadiava tanana ho entina any amin’i Jesoa. Izay ilay fahamarinana 2.

Jerentsika ny and.7 ry havana, amin’ny Asan’ny Apostoly 3 teo ; amin’ny anaran’i Jesoa : « Ary noraisiny tamin’ ny tànany ankavanana ralehilahy ka natsangany; dia natanjaka niaraka tamin’ izay ny tongony sy ny kitrokeliny ».  Inona ny andraikitra, inona no zavatra ataon’ny Apostoly Paoly eto ? Noraisiny tamin’ny tànany ankavanana ralehilahy. Dia inona no zavatra nitranga ? Izay no azony natao. Izay no azoko atao. Izay no azontsika rehetra atao : mitadiava olona azo raisina amin’ny tanana ankavanana. Izay ilay izy ry havana. Fa inona no ataon’i Jesoa ? Jesoa nampahatanjaka azy, nampahatanjaka ny tongony, nampahatanjaka ny kitrokeliny. Mitadiava olona ho raisina amin’ny tanana ankavanana ka entina ao amin’i Jesoa ry havana ô, raha manana an’i Jesoa marina ianao, raha feno ny Fanahy Masina marina ianao.

Mahavariana ilay fanamarihana hoe ity tantara ity dia hoe eo amina vavahady antsoina hoe, eo amin’ny and.2 no ahitana an’izany, hoe : Itsaraendrika. Izay ilay endrika. Dia ny mpandinika milaza hoe vavahady tena ngeza be izany vavahady izany ary impressionnant ilay vavahady. En plus ilay haingon’ilay vavahady, ilay décoration misy bronze tsara tarehy, fa mbola hoe miravaka volamena : impressionnant. Ary tena marina mihitsy ilay hoe : Itsaraendrika. Ary reehfa tarafin’ny masoandro hono ilay volamena, dia tena hoe mamirapiratra io hoe vavahady atao hoe Itsaraendrika io. Fa izao no mitranga ry havana : teo amin’io vavahady Itsaraendrika io no misy an’ity lehilahy kilemaina ity. Io vavahady Itsaraendrika io ry havana : mety ohatran’ ity Isotry Fitiavana ity ry havana : tsara endrika ity Isotry Fitiavana ity an noho  ny finiavanareo Fiangonana hanatsara azy. Fa izao : ny olona ato, araka ity perikopa ity : mety misy tsara endrika ivelany, fa ao anatiny ao, manana fiainana tragédie. Tsara endrika izy ivelany, satria hitanao hoe mpanankarena manefoefo angamba ; tsara endrika izy ivelany satria hitanao mihitsy fa olona tsy orin-java-tsoa : tsara endrika izy ivelany. Tsara endrika izy ivelany nefa ny tokantrano tragédie ; tsara endrika izy ivelany : fitaizana zanaka tragédie ; tsara endrika izy ivelany : any am-piasana tragédie. Izany, izany ny fiainantsika olombelona ; tsy hoe fiainantsika Isotry Fitiavana, fa fiainantsika olombelona ry havana ô : tragédie.

Mitadiava olona ho raisina tanana ianao : ho ento any amin’i Jesoa izy. Miresaka ilay olona efa ato am-piangonana aho, fa mijereva koa olona e any ivelan’ny Fiangonana: olona efa tsy miditra am-piangonana intsony, efa tsy manana fanantenana, tena kivy tanteraka ny amin’ny fiainana, tsy mba manana tanjona azony hoe ifaharana na iafarana. Misy olona ohatran’izany : raiso ny tanany : « commençons par le commencement : andao hiverina hiangona hiandrandra an’i Jesoa any am-piangonana ». Raiso ny tanany dia hiandrandra an’i Jesoa izy. Satria ilay Jesoa eto dia velona mandrakizay ary tsy miova omaly sy anio ary mandrakizay. Ilay Jesoa ry havana, ao amin’ny Testamenta Vaovao e : io no nampitony ranomasina. Ilay manasitrana eto : nampitony ranomasina. Izany io Jesoa io. Raiso ny tanan’ny olona ho any amin’izany Jesoa izany.  Io Jesoa io, ilay tompon’ny aina : ianao kivy, mamoy fo, tsy manana estime de soi intsony, te hamono tena aza noho ny tari-dalana avy amin’ny devoly ; tompon’ny aina Jesoa ry havana ô : Raiso ny tanany, ento any amin’io Jesoa io. Mitadiava olona.

Ireny olona lazaina fa hoe tsy milamnina, manana maladie psychiatrique, psycohlogie sy ny karazany ireny : Jesoa io ry havana ô, Jesoa io : nandroaka demonia io. Ary mandrak’androany, ny anarany ampy handravana izay mety asan’ny devoly manelingelina antsika raha mbola eto amin’ity tany ity isika. Mitadiava tanan’olona ho raisina raha fantatrao Jesoa, raha fantatrao ny anaran’i Jesoa, raha feno Fanahy Masina ianao. Ny Fanahy Masina iangavio, italahoy, angataho hoe : « iza amin’ireto olona be dia be ato Isotry ireto, iza amin’ireo olona be dia be any am-pianarana, any am-piasana ireo, iza no tianao ho raisiko tanana, fa tsy ary ho raisiko tanana daholo akory izy ireo ; ary izaho tsy te hoe handraindray tanana foana ; fa tiako ny Fanahy Masina no miteny amiko hoe :  iry raisonao tanana ; fa tsy te ho tahaka ny tenin’i Paoly aho hoe : tahaka ny mamely rivotra fa manao kapo-batana. MITADIAVA TANAN’OLONA HO RAISINA RY HAVANA, DIA ENTO ANY AMIN’I JESOA IZY.

Izay ilay fahamarinana 2 : RAISO AMIN’NY TANANA ANKAVANANA OLONA, DIA ENTO ANY AMIN’I JESOA IZY.

Ny Fahamarinana 3 farany dia izao : NY OLONA NIANDRANDRA AN’I JESOA KA NOVONJENY DIA VOAOVA NY FIAINANY

Dia inona no ahitana an’ilay fanovana ankoatra an’ilay hoe natsangana, nihanatanjaka ilay lehilahy malemy? FENO FIDERANA

Vakiantsika ry havana ny and.8-9 : « Ary niantsambotra izy ka nijoro, dia nitsangantsangana ary niara-niditra taminy ho eo an-kianjan’ ny tempoly, nitsangantsangana sy niantsambotsambotra sady nidera an’ Andriamanitra. Ary ny vahoaka rehetra nahita azy mitsangantsangana sy midera an’ Andriamanitra ». Ny Fahamarinana 3 farany dia izao, hoe : MANAO AHOANA NY FIDERANAO AN’ANDRIAMANITRA RY HAVANA O ?

Ity lehilahy ity araka ny notenenina teo : tragédie ny fiainany nandritra ny 40 taona mahery. Nositranin’i Jesoa tamin’ny fomba mahagaga izy ; nositranin’i Jesoa. Dia inona ny zavatra nitranga ? Ka 40 taona mahery ka : ohatran’ireny olona hoe voagadra ela ireny dia afaka : faly e, ary fifaliana tsy amboarina, fiderana tsy amboarina. Hoy ilay mpitoriteny anankiray izay hoe : fifaliana mandroatra. Izany ry havana ny olona hoe niandrandra an’i Jesoa ka nahita ny famonjeny. Ary ity lehilahy ity, sûr izao fa any an-trano any mba manana havana izy, misy olona iarahany mipetraka. Tsy nihazakazaka tany an-tranony izy an, nitantara hoe izao no nataon’i Jesoa, nijoro vavolombelona an : non non non ; nidera an’Andriamanitra izy. Ary izy nidera an’Andriamanitra io, nijanona tao am-piangonana, tsy nahafoy ny tao am-piangonana, tsy nahafoy an’i Petera sy Jaona. Izany ry havana. Olona nankany am-piangonana nitady vola kely, fa tafahoana tamin’i Jesoa : tsy mahafoy an’i Jesoa, tsy mahafoy ny mpanompony, tsy mahafoy ny Fiangonana. Izany ny fiderana izany, izany no fiovam-piainana, ary izany no fiderana.

Manao ahoana ny fideranao ? Tena miteraka fifaliana ho anao ve ny fiarahan-dalana amin’i Jesoa ry havana ? Tena miteraka fifaliana aminao ve ny fiarahan-dalana amin’i Jesoa ?

Tena voatsindrona ny foko naheno toriteny-na mpanompon’Andriamanitra anankiray izay, niteny izy tamin’ny Fiangonana tahak’izao : manana ny finoanao ianao ry Fiangonana malala hoy izy, manana ny finoanao ianao ; fa raha inoanao ho marina, ne serait-ce que ampahafolon’ny zavatra inoanao, tsy ohatran’izao ny finoanao e, tsy ohatran’izao ny fideranao e. Raha ny 1/10è ny zavatra inoanao fotsiny no raisinao hoe marina : tsy ohatran’izao ny finoanao, tsy ohatran’izao ny fideranao. Ary izaho izay. Possible ianareo koa izay.

Avy aiza ny famonjena ahy, hoy ny Salamo 121 ? Avy amin’i Jehovah Mpahary ny lanitra sy ny tany. Raha tena mino an’izany ianao e : tsy dépressif ohatran’io. Raha tena mino ianao, andeha ange jerentsika ilay Efesiana 1,  haintsika, efa nianarantsika tsianjery taloha fa taloha efa ela be moa izany, Efesiana 1 :19 : « ary ny fihoaran’ ny halehiben’ ny heriny ho antsika izay mino, araka ny fiàsan’ ny herin’ ny faherezany ». Incompréhensible ilay izy, fa averiko vakiana amin’ny DIEM ; mivavaka Paoly : « ary hahafantaranareo ny hery lehibe sy mihoa-pampana tokoa izay anasoavany antsika mpino, araka ny fiàsany tsy hay tohaina sy mahery vaika ». Raha mino an’izany ianao hoe misy hery lehibe sy mihoa-pampana tokoa omanin’i Jesoa anasoavana antsika : tsy ohatran’izao ny finoantsika ry havana ô, tsy ohatran’izao ny finoantsika e. Raha mino ny 1/10è an’izany fotsiny isika, hoy ilay mpanompon’Andriamanitra izay : hafa, hafa ny fiainantsika ry havana ô, hafa ny fiainantsika.

Andrandrao Jesoa rehefa mankaty am-piangonana dia haneho aminao izany hery lehibe sy mihoa-pampana tokoa izany Izy, efa omaniny anasoavany anao.

Faranana izao teny izao, faranana izao teny izao : fa maninona moa ity toriteny ity no atao hoe : ANDRANDRAO JESOA AMIN’NY ORA FAHASIVY ? Andeha isika ry havana hiray saina, hiray fo, hoe isan’andro amin’ny 3ora ahatsiaro an’i Jesoa. Tsy dia hoe loatra satria tamin’ny 3ora ity tantara ity no nitranga ; fa raha tsaroantsika, Jesoa anie ka tamin’ny 3ora tolak’andro no tapitra ny ainy e. Sambatra ianao, sambatra isika raha isan’andro isan’andro ahatsiaro an’i Jesoa amin’ny 3ora, tena 3ora tolak’andro mihitsy izany ity an ; ahatsiaro Azy hoe « hay moa izany Jesoa an, Ianao tamin’izao 3ora izao maty nisolo heloka ahy, nalevina, nitsangana tamin’ny maty, ho fanamarinana ahy, ary any an-danitra ankehitriny mipetraka eo ankavanan’Andriamanitra, manamboatra fitoerana ho ahy ary mifona ho ahy, mifona ho amin’ny adalako amin’izao fotoana izao ». Ahatsiaro an’izany ianao, hiova ny fiainanao ry havana malala ô, ho feno fiderana ianao, ka  n’inona n’inona problemanao, tsy ahoanao inona izany, fa fantatrao ilay anarana izay mamonjy amin’ny fahoriana rehetra ; ka na tsy atsangany ara-batana ianao : atsangany amin’izay fahalemenao ara-tsaina, ara-moraly, ara-panahy. Ny fanamarinana ataon’ny mpandinika anie ka hoe : tsy ny marary rehetra no sitranin’i Jesoa e ; ary maninona Jesoa mba nankao amin’ny tempoly ihany tsy nositraniny ity marary ity ? Mety ianao, mety tsy sitraniny ara-batana, fa sitraniny amin’ny areti-pahotana ianao. Izany no mahamaika Azy, ary te hampahery anao izy amin’izay mety mamesatra anao rehetra ao amin’ny fiainana ; ny promesse-ny dia hoe : « Mankanesa aty Amiko e, ianareo rehetra izay miasa fatratra sy mavesatra entana, fa Izaho hanome anareo fitsaharana ». Ny olona rehetra afaka manamarina an’izany à 100%.    

Izay ny hafatra ho antsika ry havana malala ao amin’ny Tompo an : ANDRANDRAO ISAN’ANDRO JESOA AMIN’NY 3 ORA TOLAK’ANDRO ;

Ho aminareo ny fahasoavan’ny Tompo. Amena                   

Titosy 2 ry havana, Titosy 2, ilay and.11 no iaingantsika : « Fa efa miseho ny fahasoavan’ Andriamanitra ».
Ny hafatra ho antsika androany dia faran’izay tsotra, dia ny hoe : ANDRANDRAO NY FAHASOAVAN’ANDRIAMANITRA
Averiko indray : ilay « Miandrandra » : « Manantena » ; ANTENAO, ANDRANDRAO NY FAHASOAVAN’ANDRIAMANITRA. Izay ilay hafatra ry havana.
Raha misy voambolana ao amin’ny Baiboly tena hoe sarotra, sarotra, sarotra azavaina ry havana, dia ity voambolana hoe « Fahasoavana » na « Grâce » -n’Andriamanitra ity. Nefa moa tsy maintsy azavaina ilay izy an, dia tahaka izao ry havana no mety ahazoana manazava azy amin’ny fomba tsotra sy fohy : ny atao hoe « fahasoavan’Andriamanitra » dia ny « fitiavan’Andriamanitra ». Ka fitiavany mahatonga Azy hiasa, hiasa hamonjy antsika mpanota. Izay no atao hoe fahasoavan’Andriamanitra : ny fitiavan’Andriamanitra mahatonga Azy hiasa hamonjy antsika ry havana ô. Ary dia izay ilay hafatra androany hoe : ANDRANDRAO IZANY FAHASOAVAN’ANDRIAMANITRA IZANY. Raha tohizana dia hoe : n’inon’inona situation, n’inon’inona problema, na problema ara-panahy izany, na problema ao amin’ny fiainana andavan’andro izany ; n’inon’inona lafim-piainanao ry havana, io problema io dia antso ho anao hiandrandra ny fahasoavan’Andriamanitra e. ANDRANDRAO, ANTENAO NY FAHASOAVAN’ANDRIAMANITRA.
Rehefa jerena ny and.11, ny asa voalohany ataon’ny fahasoavan’Andriamanitra dia ny hoe : « Fa efa miseho ny fahasoavan’ Andriamanitra, izay famonjena ny olona rehetra ». NY FAHASOAVAN’ANDRIAMANITRA MAMONJY NY OLONA REHETRA. Mamonjy amin’inona ny fahasoavan’Andriamanitra ? Mamonjy amin’ny fahotana rehetra amin’ny olona rehetra. Ny olona rehetra dia manana fahotana izay manandevo azy daholo ; ary ny fahasoavan’Andriamanitra no mamonjy azy amin’izany. Izaho ry havana, ianareo mianakavy ireo koa, isika rehetra dia samy manana izay hoe fahazaran-dratsy mamatotra antsika, ary fantatsika tsara fa tiantsika ialana, fa tsy afaka e, tsy afaka e. Ary izany ilay fitiavan’Andriamanitra tia olona hoe mpanota, tia olona ratsy toetra, tia olona tsy mendrika ho tiavina ; izany io fitiavany io. Fa noho ilay fitiavana, dia hoe : miasa Izy hamonjy an’io olona io. Ary ny tena mampieritreritra ange e : ilay olona hoe andevon’ny fahotana io, matetika izy tsy mieritreritra akory hoe « izaho, izaho ange ka mila famonjena e », fa mianina amin’ilay situation spirituelle-ny izy. Fa izay ilay hoe fahasoavan’Andriamanitra miasa : fitiavan’Andriamanitra miasa hamonjy antsika amin’ny fahotantsika rehetra. Tonony ry havana ary, tonony ao am-ponao ao, farito ao an-tsainao hoe « tena ho ahy izany teny izany Tompo ; io ary : izaho mbola ohatran’izao, izaho mbola ohatran’izao, tsy misy mahafantatra hoe izaho mbola ohatran’izao, fa andrandraiko ny fahasoavanao hamonjy ahy amin’izany fahotako izany.
Izay aloa no ataon’ny fahasoavan’Andriamanitra.
Fa ilay ery amin’ny and.14 ry havana mameno an’izay fanazavana izay. Ilay and.14 dia manao hoe : « Izay nanolotra ny tenany hamonjy antsika, mba hanavotany antsika ho afaka amin’ ny ota rehetra, sy hanadiovany izay olona ho an’ ny tenany, sady ho mazoto indrindra amin’ ny asa tsara izany ».
Ilay olona vonjen’Andriamanitra amin’ny fahotana ohatran’izany, dioviny amin’ny fahalotoany, dia hoe antsoiny, tendreny ho amin’ny asa tsara. Fa jereo tsara ilay ordre ry havana : avotany dia dioviny dia miasa tsara. Mety matetika ny olona mihazakazaka hoe « izaho hanao diakona, izaho hanao mpiandry, izaho hanao Pasitera mihitsy aza » ; asa tsara izany. « Hiditra sampana amin’izay aho fa efa ohatran’izao sy ohatran’izao » ; dia hitanao ilay olona avy eo tsy mahatojo hatramin’ny farany, na mahatojo hatramin’ny farany izy, fa hoe malaindaina, kamo, tsy assidu amin’ilay fanompoana. Satria maninona ry havana ? Satria mbola misy ota mitambesatra eo, mbola misy fahotana mamatotra eo, dia hoe ohatrany hoe manelingelina an’ilay hazakazaka, dia tsy eo aminy ilay tenin’i Paoly hoe : « mazoto indrindra ». Sady tsy mazoto indrindra izy no tsy mazoto akory. Eo isika, asain’ny Tompo mandinin-tena ry havana ô, asain’ny Tompo mandinin-tena isika ; sao dia isika izany mbola hoe, tenin’ny Hebreo hoe : itambesaran’ny zavatra maro mbamin’ny fahotana izay malaky mahazo antsika, ka tsy mazoto isika, tsy mazoto indrindra isika amin’ny asa tsara. Tsy maintsy avotana isika, tsy maintsy diovina isika.
Isika manana an’ilay Tetik’asa Ankizy Krismasy, ilay hoe les enfants des rues alaina dia taomina ho ao amin’i Jesoa. Dia jereo tsara fa izay mihitsy ilay atao an : alaina izy an, dia hoe afahana amin’ny fahotana izy ; fa en même temps an, tany anaty loto izy, dia diovina izy, izay vao scolarisé-na izy. Fa ohatran’izay tssiy hafa ny antsika : afahana amin’ilay fahotana, ilay fahazaran-dratsy ohatran’izao, diovina satria tao anaty fahalotoana isika, izay vao ampiasaina amin’ny asa tsara. Andrandrao e, ny fahasoavan’Andriamanitra ry havana ; n’inon’inona tsy fahamendrehanao, n’inon’inona faharatsianao : hainy ny manafaka anao amin’izany ary hainy ny manadio anao amin’izany.
Izay ilay fahasoavan’Andriamanitra mamonjy ny olona rehetra, mamonjy amin’ny fahotany rehetra.
Fa ny amin’ity hoe mamonjy ity, farany ry havana : mamonjy Izy amin’ny fahorianao rehetra. Teo manko ilay hoe mamonjy amin’ny fahotana ; ity mamonjy amin’ny fahoriana, amin’ny fahoriam-piainana. Izay ilay izy ry havana. N’inon’inona problema-piainanao ; averina indray : n’inon’inona problema-piainanao ka miteraka fahoriana, na fahoriana kely, na fahoriana be : antso ho anao izany e hiandrandra ny fahasoavan’Andriamanitra.
Izay izany ny Fahamarinana 1 hoe ANDRANDRAO NY FAHASOAVAN’ANDRIAMANITRA HAMONJY ANAO AMIN’NY FAHOTANAO, HANADIO ANAO DIA HANIRAKA ANAO HO AMIN’NY ASA TSARA, ARY HAZOTO INDRINDRA IANAO AMIN’IZANY. ARY FAHATELO : HAMONJY ANAO AMIN’NY FAHORIANAO REHETRA : ZANAKA MALALA IANAO

Faharoa ry havana dia izao, eo amin’ny and.12 : MAMPIANATRA ANTSIKA. Izay ny asan’ny Fahasoavan’Andriamanitra faharoa : mampianatra antsika. Izany zanak’Andriamanitra izany, ny ahafantarana azy : tia mianatra, ary manaiky ampianarina. Izay ilay izy. Fa tsy hoe Pasitera aho izao, dia tsy mila mianatra intsony. Rehefa mamaky ny biographie an’ireny ngezalahin’ny finoana ireny ianareo, rehefa anontaniana izy, sans exception hoe : « inona no tianao ho tadidiana anao ? na inona no zava-dehibe tao amin’ny fiainanao ? na inona no heverinao tena toetranao ? ». Dia hoe : « Tia mianatra, tia ampianarina ». Jereo ange ny biographie rehetra ry havana e. ANDRANDRAO NY FAHASOAVAN’ANDRIAMANITRA HAMPIANATRA ANAO ARY METEZA AMPIANARINA E.
Mampianatra inona ? Hoy ilay and.12 hoe : « mampianatra antsika handà ». Handà inona ? handà izay toe-panahy tsy araka an’ Andriamanitra sy ny filan’ izao tontolo izao, iray izay ; ary mampianatra antsika ho velona amin’ ny onony sy ny marina ary ny toe-panahy araka an’ Andriamanitra amin’ izao fiainana ankehitriny izao. Betsaka amintsika no mahay tsianjery an’izany e : fantatsika ny zavatra tokony ho lavina e, ary fantatsika ny zavatra tokony tratrarina satria hoe onony, mendrika eo anatrehan’Andriamanitra. Haintsika tsianjery izany, fa na izaho ny ianareo samy tsy manatanteraka an’izany. Ary izay ilay hafatra, hoe : ANDRANDRAO NY FAHASOAVAN’ANDRIAMANITRA HAMPIANATRA ANAO. Andrandrao Izy hampianatra anao handà.
Ny tombon’ny testamenta vaovao par rapport amin’ny testamenta taloha ry havana dia izao : fantatsika tsara ny hoe « aza mamono olona, aza mangalatra, aza mitsiriritra, aza mijangajanga, aza manana andriamani-kafa ». Haintsika tsianjery izany fa tsy tanteraka. Ary raha tenenina hoe mety tsy manan-tsiny ihany ry zareo tao amin’ny testamenta taloha ; fa isika tsy manana excuse satria ny fahasoavan’Andriamanitra izay manome an’iny teny iny, ny fahasoavan’Andriamanitra no manome ny hery hanatanterahako an’izany teny izany. Tsy ny heriko ry havana ô, no hanatanterahako an’izany didy izany, fa ny fahasoavan’Andriamanitra. Ary izay no maha sarobidy an’ilay fanekena ataontsika, indraindray moa atao plivava ilay izy : « Izaho ra-anona dia manaiky… manaiky… manaiky. Ny herin’ny fahasoavan’Andriamanitra ho iankinako hahatanterahako izany ». Tsy izaho, fa ny herin’ny fahasoavan’Andriamanitra no iankinako.
Andrandrao e, ny fahasoavan’Andriamanitra, dia ho gaga amin’ny tenanao ianao hoe izaho tamin’ny début-ny confinement ireny : ohatran’izao ; izaho taloha ohatran’izao, tsy nampoiziko ho afaka nefa afaka. Ny fahasoavan’Andriamanitra niasa nahazoako nandà. Ary tsy vitan’izany hoe afaka aho, tena efaka aho, fa hoe : hay, mandeha mendrika ny fiantsoana hoe zanak’Andriamanitra aho amin’ny lafiny ara-panahy.
Ary ihazakazao ry havana ny fahasoavan’Andriamanitra. Fa izao manko : rehefa jerenao indray ny and.15, ny hafatr’i Paoly amin’i Titosy izany mikarakara Fiangonana : « Izany no lazao sy ananaro ary andrarao amin’ ny fahefana rehetra ». Titosy an, teneno an’izany ny Fiangonana : anaro ny Fiangonana, rarao ny Fiangonana ary aza avela hisy hanao tsinontsinona anao noho ny hatanoranao. Rehefa tsy avelanao hiasa ny fahasoavan’Andriamanitra ry havana, ho avy ny mpitondra fivavahana hananatra anao, ary hananatra amin’ny fahefana rehetra hoy ny Apostoly Paoly, dia eo ianao, tsy iasan’ny fahasoavan’Andriamanitra. Dia eo ianao hiteny indray hoe : « io indray ary ny jadona, io indray ary fa miainga ny dictateur ». Izay ilay izy ry havana ô. Andrandrao ny fahasoavan’Andriamanitra handavanao amin’izay izay fantatrao fa tokony ho lavina. Ary andrandrao ny fahasoavan’Andriamanitra hampandeha anao amin’ny toe-panahy mahafaly ny Rainao any an-danitra.

Ny Fahamarinana 3 farany, eo amin’ny and.13 : « miandry ny fanantenana mahafinaritra sy ny fisehoan’ ny voninahitr’ Andriamanitra lehibe sady Mpamonjy antsika, dia Jesosy Kristy ». NY FAHASOAVAN’ANDRIAMANITRA DIA MAHATONGA ANTSIKA HIANDRY.
Tsy dia mazava ilay dikan-teny protestanta, fa rehefa jerena ny dikan-teny DIEM, dikan-teny iombonana ; io and.13 io dia hoe : « Toy izany no tokony hiandrasantsika ny hasambarana antenaintsika sy ny andro hisehoan’ny voninahitr’i Jesoa Kristy ». Ilay fahasoavan’Andriamanitra izany mahatonga ny saintsika hibanjina ny fahasambarana ho avy, fahasambarana feno, fahasambarana maharitra. Izay ny asan’ny fahasoavan’Andriamanitra : mahatonga ny saiko hibanjina ny fahasambarana antenaina.
Izao manko ry havana : milaza ny hiaraha-mahita, rehefa mijery vaovao ianao amin’izao fotoana izao, tena hoe isan’andro vaky izao, mahare olona mitaraina ianao hoe « ny anay indray izay hohanina anio dia tadiavina anio. Ary ny hohanina rahampitso, tadiavina rahampitso ». Ary na dia tsy miteny an’izany ary ny sasany, inoana fa maro ny olona sahirana amin’ny fiainana, mitady izay hohanina rahampitso. Inona no dikan’izany ? Tsy misy olona izany ry havana ô, andeha hoe hibanjina an’izany fahasambarana antenaina tsy hita maso izany. Izay ilay problema. Nefa misy fahasambarana nomanin’Andriamanitra ho lovantsika. Tsy misy olona sahirana amin’ny fiainana ka ieritreritra hoe ho avy Jesoa amin’ny voninahiny : an an an. Eny e, efa henoko izany, fa ny ahy aloa ny hameno ny viliako anio atoandro no problemako. Andrandrao, andrandrao ny fahasoavan’Andriamanitra dia hanova ny fiainanao izany. Ka na anaty fahoriana aza ianao, na tsy miova asa ianao, tsy miova trano ianao : ny fahasoavan’Andriamanitra hisarika anao ; satria izay ilay dikan-teny hoe : toy izany no tokony iandrasantsika. Tena hoe miandry ianao, miandrandra an’izany fahasambarana ho avy izany.
Andrandrao ry havana ny fahasoavan’Andriamanitra :
- Voalohany hoe hamonjy anao
- Faharoa hoe hampianatra anao
- Fahatelo hoe hampibanjina anao ilay fahasambarana antenaina
Fitenin’ny mpitoriteny ry havana dia hoe : rehefa mijery antsika avy any an-danitra ny anjely, dia tena hoe gaga, gaga amin’ny zavatra aankiroa : ny zavatra voalohany mahagaga ny anjely dia ny fitiavan’Andriamanitra Raintsika antsika. Araka ilay fitenintsika : tena kirana izy, tena kirana ny anjely mahita ny fitiavan’Andriamanitra Raintsika antsika. Izay ny voalohany. Fa ny zavatra faharoa tena mahatsikaiky azy dia izao : fantany ilay fahasoavana omanin’Andriamanitra ho antsika ry havana ô, fa dia tsy raharahantsika zanaka ilay fahasoavana ; ary tena mahatsikaiky ny anjely hoe : « ils ne comprennent pas ». Enga anie, ka rehefa mijery ahy sy mijery antsika ny anjely avy any an-danitra dia hiova hevitra izy hoe « an an an, ao Isotry Fitiavana ao dia fantatro fa Fiangonana miandrandra ny fahasoavan’Andriamanitra ny ao »
Ho aminareo ny fahasoavan’Andriamanitra e ! Amena

Ao amin’ny bokin’ny Asan’ny Apostoly ; fohy ilay perikopa, volamena ilay perikopa, ary raha eo amin’ny tantaran’ny famonjena, eo amin’ny tantaran’ny fitoriana filazantsara, dia perikopa manan-danja manokana satria io ambany masontsika io ny fotoana sy ny fomba nahatongavan’ny filazantsaran’i Kristy any Europe ry havana ô.
Andeha hiarahantsika mamaky miadana, Asa 16 :6-10 : « Ary rehefa noraran’ ny Fanahy Masina tsy hitory ny teny tany Asia izy, dia nandeha namaky ny tany Frygia sy Galatia ka efa tonga tany an-tsisin’ i Mysia, dia nitady hankany Bitynia izy, fa tsy navelan’ ny Fanahin’ i Jesosy. Ary rehefa nandalo an’ i Mysia izy, dia nidina nankany Troasy. Ary nony alina dia nisy fahitana niseho tamin’ i Paoly, koa, indro, nisy lehilahy Makedoniana nitsangana teo ka nangataka azy hoe: Mità mankaty Makedonia, ka vonjeo izahay! Ary nony nahita ny fahitana izy, dia nitady handeha niaraka tamin’ izay hankany Makedonia izahay, satria nataonay fa Andriamanitra no efa niantso anay hitory ny filazantsara amin’ ny olona any ».
Ny hafatra ho antsika ry havana, amin’izao maraina izao, dia ny hoe : MITODIKA AMIKO, MITODIKA AMINAO NY TOMPO, DIA MANAFATRA HOE : IANAO ZANDRIKELIN’I JESOA : ANDRANDRAO NY FANAHIN’I JESOA. Dia fenoina hoe : DIA HANORO ANAO NY LALAN’NY LANITRA IZY. Vaovao mahafaly, tenim-pitiavana ; izany no omen’ny Tompo antsika amin’izao maraina izao. Ambara ianao, na iza na iza ianao tonga eto, hoe : zandrikelin’i Jesoa ianao ry havana ô. Ary dia hoe : andrandrao, araka ilay teny ao amin’ny perikopa ao amin’ny and.7 hoe : ANDRANDRAO NY FANAHIN’I JESOA.
Maninona ry havana no zava-dehibe izany miandrandra ny Fanahin’i Jesoa izany ? Zava-dehibe izany satria ny Fanahin’i Jesoa irery ihany (ny Fanahy Masina moa izany) no mahafantatra ny sitrapon’i Jesoa, mahafantatra ny programan’i Jesoa ho ahy sy ho anao. Izay ilay izy. Ary io sitrapony io ihany no hananana fiainana vanona ety an-tany ; ary rehefa vita izay fivahiniana ety an-tany, dia miditra any an-danitra. Tsy misy olona tsy niandrandra ny Fanahin’i Jesoa ka manantena hoe hanana fiainana vanona, na hiditra any an-danitra ry havana ô. Ary tsy misy olona tarihin’ny Fanahin’i Jesoa ka tsy miandrandra an’izany Fanahin’i Jesoa izany e. Fa tsarovy, tsarovy amin’ny andro anio, tsarovy amin’ny androm-piainanao rehetra hoe : « Misaotra Jesoa ny amin’ny anaovanao ahy ho zandrikelinao ; ary izaho dia hiandrandra, tena hiandrandra ny Fanahinao aho ao amin’ny fiainako ».
Ahoana ny fiasan’io Fanahin’i Jesoa io amin’ny olona izay miandrandra Azy ? Voalohany indrindra : ny Fanahin’i Jesoa no mamonto olona ny tenin’Andriamanitra, no mamonto tenin’Andriamanitra amin’olona iray.
Izay ny Fahamarinana 1 : NY FANAHIN’I JESOA NO MAMONTO TENIN’ANDRIAMANITRA AMIN’OLONA ANANKIRAY
Ary iny tenin’Andriamanitra iny no ahafantarana ny sitrapon’Andriamanitra. Ny Fanahin’i Jesoa no mamonto tenin’Andriamanitra olona anankiray.
Ny atao hoe olona vonton’ny tenin’Andriamanitra ry havana dia olona manana ilay fifandraisana manokana amin’i Jesoa ; manana fifandraisam-pitiavana. Ka ny atao hoe vonton’ny tenin’Andriamanitra dia hoe : ny eritreriny rehetra, ny sainy, ny fony, dia tena hoe feno, feno, feno, satria misy fifandraisam-pitiavana eo. Izay ilay haintsika tsianjery izay. Ary ny Fanahy no mamonto teny ary manome anao teny isan’andro.
Fa raha ohatra ianao hoe tsy vonton’ny Fanahin’i Kristy : tsy ahafantatra an’izany sitrapon’Andriamanitra izany ianao. Misy olona ihany, efa henonareo ity tantara ity : tantara-na tovolahy anankiray nahare toriteny hoatran’izao, dia hoe, asa moa izay fampianarana, fa misy fampianarana hoatran’izany ihany any an’anona any, hoe mitady tenin’Andriamanitra izy dia sokafany hoatran’izao ny Baiboly, dia napetrany teo ilay tanany, dia inona no novakiany ? « Nivoaka Jodasy niala teo, ary nananton-tena dia maty ». Dia hoy izy hoe : « an an an, inona koa izany teny izany ? Tsy hitako ny hevitr’izany teny izany : izaho koa ve dia Jodasy ? ». Izay ilay nataony hoatran’izao ilay izy (-notondroiny tamin’ny tanany). Dia nakatony indray ilay Baiboly dia nosokafany indray mandeha indray dia nataony hoatran’izao indray (-notondroiny tamin’ny tanany), dia hoy ilay teny hoe : « Mandehana ianao, ka mba manaova toy izany koa ». Izay. Tena mampihomehy, satria mampihomehy ilay olona mba te hamaky tenin’Andriamanitra nefa tsy manana fifandraisana manokana amin’i Jesoa, tsy manana an’izay fifandraisam-pitiavana izay. Ianao ange rehefa mandray sms, mandray taratasy e: mahafinaritra anao foana ny mamaky an’iny e. Izay ilay izy ry havana. Fa izay ny hoe olona tena hoe manaiky ho vontosan’ny Fanahin’i Jesoa tenin’Andriamanitra ry havana ô. Ary izany ry Paoly eto, Paoly sy ny namany eto ; Paoly teny an-dalana ho any Damaskosy no nifanena tamin’i Jesoa. Tonga tao Damaskosy, nambaran’i Jesoa tamin’ny alalan’i Ananiasy hoe i Paoly io dia fanaka voafidy hitory ny anarako eny amin’ny jentilisa sy ny mpanjaka sy ny mpanapaka. Izany hoe vao nanomboka nandray an’i Jesoa i Paoly, dia efa hoe vonton’ny tenin’Andriamanitra izy ry havana ô, vonton’ny tenin’Andriamanitra. Ary isiky ny mandeha izy dia omen’Andriamanitra teny, omen’Andriamanitra teny.
Izay ny Fahamarinana 1 hoe : ANDRANDRAO NY FANAHIN’I JESOA, FA NY FANAHIN’I JESOA VOALOHANY INDRINDRA HAMONTO TENIN’ANDRIAMANITRA ANAO AHAFANTARANAO NY SITRAPONY.
Ny Fahamarinana 2 dia izao : MAMPIANATRA ANTSIKA NY SITRAPON’ANDRIAMANITRA NY FANAHIN’I JESOA KA MAMETRAKA FANDRESEN-DAHATRA ANATY AO AMINTSIKA. Izay ilay Fahamarinana 2 : ny filazan’ny teolojiana azy, hoe : « conviction intérieure ».
Ry Paoly izao rehefa jerentsika, dia hoe, eo amin’ny and.10, Asan’ny Apostoly 16 :10 : « Ary nony nahita ny fahitana izy, dia nitady handeha niaraka tamin’ izay hankany Makedonia izahay, satria nataonay fa Andriamanitra no efa niantso anay hitory ny filazantsara amin’ ny olona any ». « Nataonay fa Andriamanitra no efa niantso anay hitory ny filazantsara any Makedonia ». Tena hoe resy lahatra. Ary izay fandresen-dahatra izay ry havana ô, izay fandresen-dahatra izay : fandresen-dahatra omen’ny Fanahin’i Jesoa ny olona izay mitady marina ny sitrapony.
Izao anefa ry havana : io « conviction intérieure du Saint Esprit » io, io fandresen-dahatra omen’ny Fanahy Masina io, jamais, jamais hanohitra ny tenin’Andriamanitra mazava. Tsy possible aho izany hiteny hoe mpiantafika, dia hoe misy tafika goavana tokony atrehin’ny Fiangonana, dia hoe ny enti-manana anefa tsisy, dia hoe : « andeha aho hamaky banky aloa ho entiko manana an’ilay tafika masina ». Tsy conviction avy amin’ny Fanahy Masina izany ry havana ô. Fa ilay conviction-ny Fanahy Masina, tena hoe sady tsy manohitra ny tenin’Andriamanitra, no mametraka anao eo afovoan’ny sitrapon’Andriamanitra. Ilay afovoan’ny sitrapon’Andriamanitra : natoron’ny Fanahy Masina an’i Paoly sy ny namany, hoe any Makedonia ianareo ; any Makedonia ianareo. Izay ilay conviction.
Fa manontany ihany ny olona ry havana hoe inona marina io fahitana hitan’i Paoly tamin’ny fahitana tao Troasy tamin’ny andro alina, izay niteny taminy hoe « mità mankaty » ? Io ry havana samy manana ny fiteniny ny mpandinika, tsy any ilay problema ; fa ny zavatra ampahafantarin’ny Tompo antsika dia izao, hoe : ilay fahitana raha ny marina, ilay fahitana, adika amin’ny teny frantsay izy hoe « vision » : vision momba ny fiainanao. Ary iny vision iny no miteraka « mission » ao amin’ny fiainanao. Ary ilay « mission » indray dia amaritanao tanjona. Izany no ambaran’ny Tompo amintsika anio, hoe : angataho amin’ny Fanahy Masina hoe inona ny mission-nao ? Inona ny vision-nao ho an’ny fiainanao ? Mbola kely ange isika dia hoe izaho rehefa lehibe dia hoatran’izao na hoatran’izao na hoatran’izao e. Izay ilay vision. Inona ny mission ? Inona no tanjona ? Ary ny Fanahy Masina sady manome no mandresy lahatra ry havana.
Nisy mpanompon’Andriamanitra anankiray izay tato Isotry Fitiavana, nangata-bavaka taminay indray mandeha, dia hoy izy hoe : « ento am-bavaka aho Pasitera fa te hi-évolué aho amin’ny asako, ary ny se présenter aho tamina recrutement-na directeur ao amin’ny Jirama ». Asa, 2 taona na 3 taona lasa angamba izay, na hoatran’izany. Dia nitantara izy hoe efa nisy premier entretien hoy izy, misy cabinet-na consultant hoy izy, tao amin’ny hôtel Colbert izahay no novoriana, 200 tany ho any izahay. Dia herinandro taty aoriana angamba, dia niantso ahy indray ilay mpanompon’Andriamanitra, dia niteny izy hoe « ento am-bavaka aoh Pasitera an, fa amin’izao étape iantsoako an’i Pasitera izao, 5 izahay sisa » hoy izy, « dia ao anatin’ireo 5 aho » hoy izy. Dia ny ampitso, niantso ahy ilay mpanompon’Andriamanitra : atsaharo ny vavaka hoy izy fa efa naneho ny sitrapony Andriamanitra, nomeny ilay conviction intérieure du Saint Esprit aho. Para rapport amin’ny vision-ko amin’ny fiainako, sy ny mission-ny fiainako sy ny tanjona amin’ny fiainako ». Ahoana izay hoy aho ? Izaho hoy izy natsoina directeur anankiray efa ao, dia izao no noteneniny ahy : ianao aloa raha voaray aho, hoy izy, mazava be fa ho tsara karama be ianao, ho tsara karama noho ny amin’izao ianao ; fa milaza aminao aho hoe tranquille be ny fiainanao, anio ianao amin’ny 6 dia efa mody, aza manantena hiala alohan’ny amin’ny 10 alina raha tafiditra ao amin’ny Jirama ianao, ary adinoy izany hoe hamonjy Fiangonana izany ny Alahady ; na ny Sabotsy ary ianao voatery hiakatra. Dia hoy ilay mpanompon’Andriamanitra : « misaotra anao niantso ahy tahak’izay, fa tsoahy ny candidature-ko ». Izay ilay conviction intérieure du Saint Esprit. Izany ny vision-ny amin’ny fiainana, hoe : natolony ho an’Andriamanitra. Ny mission-ny : hitaona ny maro ho any an-danitra. Ary ny but dia hoe ao amin’ilay asa aman-draharahany no hijoroany vavolombelona amin’izany : sady hoe hanana asa aman-draharaha mamela azy temps libre ahazoana manao ny asan’Andriamanitra. Mangataha ry havana ô, mangataha an’izany hoe conviction intérieure du Saint Esprit izany dia hoe ny lalana alehanao, na mankaiza io na mankaiza ; ny lalana alehanao dia hoe ny lalana nosafidian’Andriamanitra izoranao. Fa tsy lalana nofaritanao ka hoe na hitory filazantsara aza ianao, izay asa tsara, dia toy ny mamely rivotra, toy ny mamely rivotra, dia vizana ianao, kivy ianao, fa tsy hahita vokatra ianao.
Hoy isika hoe : Andrandrao ny Fanahin’i Jesoa, ilay Fanahin’i Jesoa miteny : izay ny fiasany. Fa ny Fanahin’i Jesoa faharoa : manome conviction intérieure na manome vision.
Ny Fahamarinana 3 farany dia hoe : NY FANAHIN’I JESOA MANDAMINA NY CIRCONSTANCE-PIAINANAO – NY FANAHIN’I JESOA MANDAHATRA NY CIRCONSTANCE-PIAINANAO HAHATANTERAHANAO NY SITRAPON’ANDRIAMANITRA
Jereo anie ireto teny tsy dia mahazatra e, Asa.16 :6 : « Ary rehefa noraran’ ny Fanahy Masina tsy hitory ny teny tany Asia izy » ; dia eo amin’ny Asa 16 :7 indray hoe : « ka efa tonga tany an-tsisin’ i Mysia, dia nitady hankany Bitynia izy, fa tsy navelan’ ny Fanahin’ i Jesosy ». Mazava ilay tenin’ny Soratra Masina hoe ny Fanahy Masina, ny Fanahin’i Jesoa and.6 nandrara azy tsy hitory teny any Asia, izany hoe any amin’ilay Turquie amin’izao fotoana izao izany, hoe : hidina any Turquie. Ny Fanahy Masina ilay nandra azy hoatran’izay io, eo amin’ny and.7 hoe : tsy namela azy andeha ho any Bitynia, any amin’ilay Urss amin’izao fotoana izao izany. Dia ianao ve dia miteny hoe : « ka inona anefa ny problème Pasitera, hitory ny tenin’Andriamanitra ka maninona ? Any koa ange mila tamin’izany e, any Turquie koa ange mila tamin’izany e ». Non, non, non. Non, non, non, non, non.
Ry zandrikelin’i Jesoa ô, andrandrao ny Fanahin’i Jesoa dia ho vanona ny fiainanao, ary izay asa ataonao, na zavatra madinika indrindra ary, satria asa nalahatr’Andriamanitra, dia tena hoe fankalazana ny voninahiny.
Fomban’Andriamanitra ry havana, rehefa miteny isika hoe mampiasa circonstance ; fomban’Andriamanitra ny hoe manidy varavarana tahak’izany. Taona vitsivitsy maromaro lasa izay, nisy train izay tratry ny attentat. Maro ny olona maty tao amin’ilay train. Dia nijoro vavolombelona ilay lehilahy anankiray : izaho, hoy izy, tokony haka an’io train io, andeha hanao entretien d’embauche any Paris ; ary satria entretien d’embauche, izy izany any amin’ny province no mipetraka ; entretien d’embauche any Paris, asa tsara be any Paris : no doubler-ko ny réveil, hoy izy, fa tsy possible aho tsy ho tafafoha ho tara train. Inona ny zavatra nitranga ? Tsy nisy naneno ireo réveil anankiroa. Izay ry havana : Andriamanitra no nanakana an’ilay réveil, fa tsy possbile izany réveil anankiroa e tsy maneno izany. Ary izay ilay hoe : mampiasa circonstance Andriamanitra : tsy sitrapony ny ankanesan’io lehilahy io amin’izany asa izany na ahoana na ahoana, mbola tsy sitrapon’Andriamanitra koa hoe ny ahafaty an’ilay lehilahy : izay ilay réveil.
Ary rehefa miteny isika hoe : « noraran’ny Fanahy Masina », « tsy navelan’ny Fanahy Masina » : tsy fantatra anie hoe inona ny circonstance napetraky ny Fanahy Masina e. Angamba nisy hoe jiosy nanohitra teny an-dalana dia nanakana an-dry Paoly sy ny namany. Asa, mety tratran’ny aretina angamba ry Paoly. Asa, nisy sakana hafa : sakana hafa ve avy amin’Andriamanitra, sakana hafa ve avy amin’ny devoly. Fa ny tontaliny dia hoe : noraran’ny Fanahy Masina ary tsy navelan’ny Fanahin’i Jesoa.
Handray katekomena moa rehefa avy eo, dia tantaraiko foana ity amin’ny katekomena ry havana, hoe ahoana moa no ahafantarako fa ity lehilahy ity na ity vehivavy ity no nomanin’i Jesoa ho vadiko sy ho rain-janako, na ho vadiko sy ho renin-janako, raha tena samy fantatra hoe efa samy nateraka indray, samy vonton’ny filazantsara ary tena hita mihitsy hoe samy mandeha eo ambany fitarihin’ny Fanahy Masina, rehefa napetraka izay profil izay, rehefa natao ny sivana, dia hoe mbola misy 3 na 4 eo tavela eo, dia iza amin’ireo 3,4 ireo ? Na hoe samy mety aza, iza no nomanin’i Jesoa ho ahy ? Dia io ilay nolazaintsika hoe ny Fanahy Masina ry havana, ny Fanahy Masina no mandamina an’ilay circonstance. Io aho fa, fa célibataire aho, dia mieritreritra an’izy 3 vavy ireo na izy efa-bavy ireo. Dia eo ary fa antsoiko, azafady raha misy Robertine ato : - « Allo Robertine, izaho ihany ity, tadidinao ve ? » - « Ohh, vao saika hiantso anao mihitsy aho fa atao fisehoana aho amin’ny Sabotsy izao ». Zay ilay izy. Dia antsoiko indray i Gudule (ato sûre aho fa tsisy Gudule) : - « Gudule an, isika mpinamana be tany amin’ny Saint Michel tany fa izao sy izao sy izao, izao sy izao sy izao… fa izaho te hiresaka aminao ». Mbola tsy tapitra akory ny resako an, dia hoy Gudule hoe : « oay, izaho hanao pot d’adieu fa izaho andeha ho any an-dafy amin’ny Sabotsy izao ». Dia efa rava ny tsena ko ; izaho eto Antananarivo eto moa izany. Dia antsoiko indray ilay fahatelo, tsy tadidiko intsony ilay anarany ; fa misy circonstance hoatran’izany. Dia io izany fa ilay faha-4 izany. Asa raha azonareo ilay izy. Fa izay : izaho manao an’izany : ny Fanahy Masina efa namonto ahy tenin’Andriamanitra ; izaho manao an’izany : efa nomena conviction intérieure du Saint Esprit aho hoe ireo samy mety. Fa ny Fanahy Masina ry havana no manome hoe iry izany ilay izy.
Ry zandrikelin’i Jesoa ô, andrandrao ny Fanahin’i Jesoa dia ho vanona ny fiainanao, dia azonao antoka ny lanitra. Ary aza kivy ianao rehefa manakatona varavarana anankiray Andriamanitra ; fa ny fomban’Andriamanitra : manakatona varavarana iray Izy, fa efa miomana ny hanokatra varavarana iray hafa, ho anao izay mitady ny sitrapony. Ary aza hoe lany andro, malahelo hoe : « fa maninona Jesoa no nakatonao ity varavarana ity », aza lany andro manome tsiny an’i Jesoa hoe « Ianao Jesoa, hay tsy tia ahy akory, maninona io no nakatonao nefa fantatrao fa tena tiako be ». An an an, andrandrao izay varavarana manaraka sokafany. Ary mety tsy eo noho eo ihany izy no hoe manidy dia manokatra ; Paoly ato amin’ity perikopa ity : nandeha niainga avy any Antiokia dia efa nandeha, araka ny filazan’ny mpandinika, nandeha l’équivalent de 1.000km izay vao hoe nahita mazava hoe noraran’ny Fanahy, tsy navelan’ny Fanahy, fa notenenin’ny Fanahy hoe : ndana ianareo mankany Makedonia. Io, rehefa ela ny ela e, Andriamanitra ry havana ô, manokatra varavarana ho anao ary mitaona ny dianao ho any amin’izany varavarana izany.
Ny varavarana farany ry havana tsy maintsy ho hidin’Andriamanitra ho antsika rehetra, dia ny varavaran’ny fiainana ety an-tany. N’inon’inona fomba hanakatonany an’izany, indray andro, afaka 70 na 80 taona, fara-fahelany : ho akatony io varavaran’ny fiainana ety an-tany io. Ny firariana ho antsika e, amin’izay fotoana izay, dia efa samy ho hita anokafan’Andriamanitra izany varavaran’ny lanitra izany isika mianakavy.
Ry zandrikelin’i Jesoa an, ANDRANDRAO NY FANAHIN’I JESOA. Ho aminao ny fahasoavan’ny Tompo. Amena