Archives de la catégorie: Toriteny

Toriteny alahady maraina na fanompoam-pivavahana hafa

Ao amin’ny 1 Korintiana 12 :12-13. Satria fohy ilay perikopa ry havana dia averiko vakiana amin’ny aanran’i Jesoa izany : « Fa tahaka ny tena iray ihany, anefa maro no momba ny tena, ary ireo rehetra momba ny tena ireo, na dia maro aza, dia tena iray ihany, dia tahaka izany koa Kristy. Fa Fanahy iray ihany no nanaovam-batisa antsika rehetra ho tena iray, na Jiosy na jentilisa, na andevo na tsy andevo; ary isika rehetra dia efa nampisotroina ny Fanahy iray ». Amen

Manoratra, mitodika amin’ny Fiangonana tao Korinto ny Apostoly Paoly. Izany Korinto izany dia port ; ary tahaka ny tanànà rehetra misy port, dia tena hoe tanànàn’ny fikorosohana ara-panahy izany tanànà misy port izany. Ary dia hita taratra tao amin’ny Fiangonana izany hoe problema moraly tao amin’ny tanànàn’i Korinto izany. Nisy fahavetavetana tao am-piangonana, nisy fizarazarana tao am-piangonana, sy ny tahaka izany. Nisy tsy fitovian-kevitra ara-teolojika, ara-panahy tao am-piangonana. Dia hoy Paoly : « tena iray ihany ianareo ». Dia amafisin’ny and.27, ao amin’ny toko faha-12 ity ihany, hoe : « Ary hianareo no tenan’ i Kristy ». Ilay « tena iray » ihany, tsy hoe tena iray ianareo, hoe « vous êtes un », fa « vous êtes un corps » : « tena iray ». Isika mianakavy dia « tena iray » : tenan’i Kristy. Averiko kely, hoe : « tena iray » ihany isika, « nous sommes un seul corps », ary tenan’i Kristy. Ilay hafatra ry havana amin’izao Alahady izao, dia ny hoe : RAHA MIJERY NY TENANY KRISTY… : isika izany, isika tenan’i Kristy, « nous sommes le corps du Christ. RAHA MIJERY NY BIKANY KRISTY DIA INONA NY ZAVATRA HO HITANY AO ? Izany ilay hafatra androany : RAHA MIJERY NY BIKANY KRISTY… Izaho sy ianao no bikan’i Kristy, izaho sy ianao no tenan’i Kristy. Asa izay ho tadidinao amin’ity toriteny ity, fa izay no hafatra androany : RAHA MIJERY NY TENANY KRISTY… RAHA MIJERY NY BIKANY KRISTY… Izaho, ianao, samy mpijery bika isika e. Izay.

Ny Apostoly Paoly ao amin’ny Efesiana 1 dia manazava tsara an’izao zavatra izao, hoe : Andriamanitra nametraka an’i Kristy ho Lohany : la tête, manapaka ny zavatra rehetra ho an’ny Fiangonana an, izay tenany. (Efesiana 1 :22-23). Ny Lohantsika ireto izany an, ny Lohantsika : any an-danitra ; fa isika tenany : ety an-tany. Izany no ambaran’ny Soratra Masina ry havana ô. Dia hoy isika teo hoe, any an-danitra any, rehefa mijery ny bikany, rehefa mijery antsika tenany Kristy, dia faly ve Izy sa malahelo ? Izay ilay hafatra ho antsika androany ry havana ô.

Fa inona no zavatra tadiavin’i Kristy amintsika ry havana ? Ny tadiavin’i Kristy amintsika, amintsika Fiangonana, zavatra tokana : ho tena iray, « un seul corps ». Izany no andrasany amintsika ry havana. Ahoana ary no ahatratrarana an’izany tena hoe « firaisan’ny tena » izany ? Ny and.13 ry havana no manampy antsika hamaly an’izany fanontaniana hoe : ahoana no maha-tena iray antsika ireto e ? Dia hoy ny and.13 hoe : « Fa Fanahy iray ihany no nanaovam-batisa antsika rehetra ho tena iray ». Misy resaka Fanahy Masina eo. « na Jiosy na jentilisa, na andevo na tsy andevo; ary isika rehetra dia efa nampisotroina ny Fanahy iray ». Ny olona ry havana ô, capable miroso amin’izany sitrapon’ny Tompo hoe « tena iray » izany, dia olona mahatsiaro fa : - efa natao batisa tamin’ny Fanahy Masina. Isika rehetra efa natao batisa tamin’ny Fanahy Masina. – Fa misotro, misotro, misotro, misotro mandrakariva ny Fanahy. Misotro ny Fanahy ve ianao ? Misotro ny Faanhy ve ianao e ? Misotro ny Fanahy ve ianao ?

Tadidintsika ilay tantaran’i Jesoa nifanena tamin’ilay vehivavy samaritana, Jaona 4. Dia hoy Jesoa amin’ilay vehivavy samaritana tonga natsaka, dia midinika eo izy, manao dinika pastoraly: « Fa na iza na iza no misotro ny rano izay omeko azy dia tsy hangetaheta mandrakizay ». Ry havana ô, anaty vanim-potoana anisan’izay manahirana isika, raha isika malagasy no resahina ; ny olona manam-bola ihany no mahita hoe tsy sahirana isika malagasy ; fa izao, lazain’ny Tompo aminao : raha misotro ny rano izay omen’i Jesoa anao ianao, dia tsy hangetaheta mandrakizay. Tsy hangetaheta hoe : oay letie, ny olona mitovy taona amiko izao mba efa ohatran’izao, ny havanay izao mba efa ohatran’izao, izaho ity mbola ohatran’izao. Non, non, non. « Fa na iza na iza no misotro ny rano izay omeko azy dia tsy hangetaheta mandrakizay ». Dia tohizan’i Jesoa, hoe : « fa ny rano izay homeko azy dia ho loharano miboiboika ao anatiny ho fiainana mandrakizay ». Ny Fanahy Izay horaisintsika amin’ny Pentecôte, Izay ho tsaroantsika amin’ny Pentecôte raha ny marina, no tenenin’i Jesoa ry havana.

Inona no hamitinana izao Fahamarinana 1 izao ? Ho antsika izay tena hoe te hahatratra ny tanjona « tena iray » ato am-piangonana, ie, ato am-piangonana ; fa maro no tsy miraharaha an’izany hoe : ho iray ato am-piangonana izany ; fa ny Fiangonana voalohany ry havana ô, dia ny fianakaviana ; ny Fiangonana voalohany dia ny tokantranonao ; ny Fiangonana voalohany dia ny tokantranonao : « tena iray » ve ianareo mivady ? « Tena iray » ve ianareo ankohonana kely ? Ny antom-bavaka atoron’ny Tompo antsika anio dia ilay antom-bavak’ilay vehivavy samaritana teo anatrehan’i Jesoa ; hoy ilay vehivavy samaritana : « omeo izany rano izany aho ». Raha misy olona roa aminareo, hoy Jesoa, mifanaiky ety ambonin’ny tany, na amin’inona na amin’inona, ka mangataka an’izany dia omen’ny Raiko azy any an-danitra izany. Ny fanekenareo mivady, ny fanekenareo mianakavy kely hangataka an’izany rano izany hiboiboika ao amin’ny tokantranonareo, ao amin’ny fiainanareo, ao amin’ny Fiangonanareo, dia tsy hangetaheta, tsy hanana hetaheta, tsy hanana hanoanana intsony ianareo.

Izay ny Fahamarinana 1 ry havana ô. Ary raha hoe tenan’i Kristy ny fianakavianao, tenan’i Kristy ny ankohonanao, tenan’i Kristy ny tokantranonao, hoy isika tany am-boalohany hoe : raha mijery ny bikany Jesoa, satria ianao izany bikany izany, ianao izany tenany izany, dia ho tretrika Izy. Ary raha anontanian’ny devoly Jesoa hoe : aiza no ahitako ny tenanao sy ny bikanao ? Mety hiteny Jesoa hoe an an an, ary jerena. Enga anie ka ianao izany tenenin’i Jesoa hoe : atsy, i anona jerena.

Ny Fahamarinana 2 ry havana dia eo amin’ny and.27 amin’ity 1 Korintiana 12 ity ; manazava, manampy an’ilay 1 Korintiana 12 :27 hoe : « Ary hianareo no tenan’ i Kristy, ka samy momba ny tenany avokoa araka ny anjaranareo avy ».

Miresaka Fiangonana moa ity 1 Korintiana 12 ity. Ao am-piangonana ry havana, misy Pasitera, ao am-piangonana misy leads vocaux, ao am-piangonana misy chef de chœur sy accompagnateurs, ao am-piangonana misy responsable ara-panahy. Andriamanitra no nanendry avokoa izany rehetra izany araka ny anjarany avy. Izaho ve dia hidongy amin’ny Tompo hiteny hoe : « izaho Tompo mba omeo feo ohatran’ny an’i Rojo Ramarolahy » : adalana be izany. Izaho Pasitera, ary izany no tsy hirako eto izany an; hitanareo ihany ilay feoko mampihomehy be. Aoka hazava. « Ary hianareo no tenan’ i Kristy, ka samy momba ny tenany avokoa araka ny anjaranareo avy ». Izany no itsimbinan’ny firaisan’ny tena sy maha hoe tenan’i Kristy, mahafantatra hoe : ity tenan’i Kristy ity, dia hoe : ny Lohany any an-danitra, fa ny tenany, ny vatany ety an-tany ry havana ô. Izany, izany.

Fa averina indray : ny Fiangonana voalohany, satria resaka Fiangonana ny amin’ity 1 Cor 12 ity, dia ny tokantrano, ny ankohonana. Ao amin’ny ankohonana dia faritan’Andriamanitra ny anjaran’ny tsirairay. Izany io e, izany io. Raha mbola hoe ankohonana kristiana, raha mbola hoe tokantrano kristiana nentina teto amin’ny alitara teto ry havana ô : Andriamanitra mamaritra hoe izao ny asan’ny lehilahy, izao ny anjaran’ny vehivavy, izao ny anjaran’ny zanaka. Ary hajao izany, hajao izany ry havana ô. Dia eo ianao, dia lasa saina ihany : inona moa no tena sarotra ao amin’ny ankohonana kristiana : ny toeran’ny lehilahy sa ny toeran’ny vehivavy sa ny toeran’ny zanaka ? Satria hoe : Andriamanitra namaritra ny zavatra rehetra, izay momba ny tenany, araka ny anjarany avy (1 Cor 12 :27).

Dia ianao mieritreritra hoe : « Aoka ianareo lehilahy ho tia ny vadinareo tahaka ny nitiavan’i Kristy ny Fiangonana ». Mora ry havana ô, izany hoe lehilahy loha izany, izany chef izany. Na lehilahy jentilisa ary dia mahafantatra fa izy no chef-ny vadiny, izy no chef-ny zanany. Fa raha lehilahy tena ao amin’i Kristy, raha lehilahy tena mahafantatra hoe tsy mora izany hoe hanahaka an’i Kristy izany, lehilahy chef hanaraka an’i Kristy izany, dia tonga sain aizy hoe : « tena tsy haiko izany, tena tsy haiko izany ; fa soa fa atoro ahy hoe ianao izay te ho lehilahy hanahaka an’i Kristy : misotroa haingana, ary misotroa isan’andro ny Fanahy Masina ». Ary ny olona misotro ny Fanahy Masina, dia hoe : mamaky Baiboly isan’andro, dia ny zavatra hitany ao, na inona na inona hitany ao, dia ankatoavina ; dia atobak’Andriamanitra ao ny Fanahy Masina ary loharano hiboiboika hiboiboika ao amin’izany tokantrano izany ny Fanahy Masina.

Zavatra mampikolay ny vehivavy izany hoe : « ianao vehivavy, maneke ny vadinao amin’ny zavatra rehetra » ; mampikolay ny vehivavy izany e. Bon, mikolay ianao satria tsy fantatrao hoe Kristy ange io ankatoavinao io e. Izay ilay izy. Ka raha atao hoe : « ka tsy fantatr’i Pasitera, Pasitera an, tsisy maha-Kristy an’io vadiko io » : ok, ok ; fa izao no ataoko anao, izao no ataoko anao : ianao Ezer, mpamonjy ny vadinao, « tsy tsara raha irery rahalehilahy ary anaovako vady saahza ho azy izy, mpanampy sahaza ». Mpanampy mivavaka ho azy, mpanampy mivavaka ho an’io vadinao io. Raha feno défaut io vadinao io : tsy ianao no hanova azy. Fa ny anjaranao, ny anjaranao dia mivavaka ho azy, mitondra azy eo anatrehan’i Jesosy hoe : « Jesosy an, no, io no vady nomenao ahy : ok. Izaho tsy te hanome tsiny anao, fa izao : ovay izy e, ovay izy. Izany, izany no andohaliako aminao isan’andro : ovay izy fa izaho tsy maha-ova azy. Vao misokatra ny vavaka dia hoe : tsy ianao akory no ampianatra ahy an’izany ».

Isika tenan’i Kristy, momba ny tenany avokoa isika araka ny anjarantsika. Eo koa ianareo zanaka e. Possible mihitsy, ary tena hoe mihamaro ny cas ohatran’izany, hoe : ilay zanaka indray no fohazin’ny Tompo dia ny ray aman-dreny mbola jentilisa, manao fomba jentilisa. An an an, izao no lazaiko anao tanora : « Hajao, hajao ny rainao sy ny reninao jentilisa. Hajao izy e ». Ary aoka ho fantany hoe : « Mahavariana ahy ireto zanatsika ireto », rehefa miresaka izy mivady. « Manao an’izao isika nefa fatra-panaja antsika ». Izany no hitaomanao azy ao amin’ny Tompo. Maintenant, raha mampanao anao zavatra mandika ny Soratra Masina izy : tohero izy, tohero am-panajana izy. Fa hajao izy. Zavatra tokana andrasan’ny Soratra Masina amintsika zanaka : izaho Pasitera, tamin’ny fahavelon’ny ray aman-dreniko : marina tamiko izany ; manaja, manaja sy mankatoa ray aman-dreny. Fa tsy ho possible izany ry havana ô, ilay hoe andeha ao amin’ny tena araka ny anjarany avy, raha tsy misotro, migoaka isan’andro ny Fanahy Masina ; ka Ilay Fanahy Masina ho loharano miboiboika ao amin’ny fiainantsika.

Izay ny Fahamarinana 2.

Ny Fahamarinana 3 farany ry havana dia izao : ny Soratra Masina dia miteny hoe, eo amin’ny and.14, 1 Cor 12 :14 : « Nefa ny momba ny tena tsy iray, fa maro ».

Izao moa, ao anatin’ny Corona isika, fa talohan’ny Corona isika Isotry Fitiavana 1500, 1600, 1700 isan’Alahady maraina ato amin’ity Fitandremana ity. Dia hoy Paoly hoe : tsy iray isika, fa maro. Inona no dikan’ilay hoe maro ? Samy hafa fihaviana, samy hafa tantaram-piainana. Fa iray ihany isika na dia izany ary. Iray ihany isika na dia izany aza. Marina izany amin’ilay mpiangona 1500, 1600 vorian’ny Tompo ato isan’Alahady maraina ; fa marina izany aminareo vady : « tena iray » ianareo nefa samy hafa ry havana ô. Ary ny fanadinoana an’izay hoe samy hafa ianareo, samy hafa ny tantaram-piainanareo, no mampikotrana indraindray ny tokantranonareo, ka tsy ahatratraranareo izany hoe « tena iray » izany. Zaraiko ry havana, ity fiteny amin’ny dinika mariazy ity, ampatsiahiviko an’ireo mpivady izay mandalo dinika mariazy, anomanana fanamasinana mariazy ao aminay, ny hoe : nisy mpampianatra anay anankiray izay, nanoratra boky tsara be. Ny titre-ilay boky dia hoe : « L’absolue dans l’histoire ». Inona no dikan’izany ? Ohatrany hafahafa ilay titre, fa mazava be ilay izy : « L’absolue dans l’histoire ». Inona no mahatonga an’ilay « absolue » ? Azavain’ilay mpampianatra, ilay mpanoratra hoe : ny olombelona rehetra raha vao teraka, arakaraky ny hitomboany, dia mieritreritra ny fiainany : anatin’ny fahazazana, anatin’ny fahatanorana ; rehefa tonga 10 taona izy dia mieritreritra hoe : izao no fiainako, izao no mba tiako ao amin’ny fiainako. Amin’izy adolatsento, dia : ohatran’izao sy ohatran’izao sy ohatran’izao izany tiako ho fiainako izany. Afaka Bacc dia hoe : izaho izao hanao fianarana ohatran’izao, dia avy eo rehefa ingénieur aho sy ny karazany, dia mahazo asa ohatran’izao dia hanana trano ohatran’izao, dia hanambady ohatran’izao, dia hanana zanaka ohatran’izao. Ary iny hoe idealim-piainana iny hoy izy, ilay mpanoratra, iny idealy-na fiainana iny, iny nofinofy-na fiainana iny, arakaraky ny androsoan’ny taona, dia manjary « absolue » ; fa tsy hoe nofinofy na revirevy intsony. Ary izany no maha-sarotra ny mampanambady olona efa any amin’ny faha-40 taona na faha-50 taona : lasa tena hoe enjana be ohatrany vato izany nofinofy izany. Izay ilay « absolue ». Fa hoy izy : « L’absolue dans l’histoire ». Dans l’histoire satria ianao io, tsy monina any amin’ny île déserte, tsy monina any an’efitra ianao ; fa monina ao amin’ny fiaraha-monina ianao, amina olon-kafa izay mba manana ny absolue-ny ihany koa. Ary izay marina amin’ny fiaraha-monina, izay marina amin’ny Société hoy ny mpanoratra : marina ao amin’ny couple, marina ao amin’ny tokantrano. Ireo olona anankiroa mitokan-trano ireo dia samy manana ny absolue-ny. Ary izany no mampikotrana azy satria tsy tonga saina izy hoe : « izaho manana ny absolue-ko, ny vadiko koa manana ny absolue-ny ». Izay ilay izy ry havana. Ary izay no mahatonga an’i Paoly, hoe : « Nefa ny momba ny tena tsy iray, fa maro ». Maro ilay absolue eo hoy Paoly e. Izay ilay izy. Fa izao, izao, izao ry havana ô : hoy Paoly hoe : ny hany solution amin’izay dia hoe : misotroa isan’andro isan’andro ny Fanahy Masina. Misotroa isan’andro isan’andro ny Fanahy Masina - Ankatoavy ny teny – Maneke ny Tomponao, maneke ny Lohanao any an-danitra ianao tenany ety an-tany. Izany ny solution amin’io. Fa raha tsy hisotro ny Fanahy Masina isan’andro isan’andro ianao : ho potika io tokantranonao izay efa marary io e. Izany ny réalité izany. Izany ny réalité. Fa rehefa hisotro Fanahy Masina isan’andro isan’andro ianao, ny Fanahy Masina, araka ny Galatiana 5 : Fanahin’ny fandeferana, Fanahin’ny fahari-po. Dia hanana fahari-po ianao eo anatrehan’ny toetra ratsin’ny vadinao, eo anatrehan’ny ditran’ny vadinao, eo anatrehan’ny toetra tsy zakan’ny vadinao. Possible izany raha misotro Fanahy Masina ianao. Handefitra ianao amin’ny zavatra rehetra, handefitra ianao amin’ny zavatra tsy andeferana, satria miboiboika ao anatinao ny Fanahin’ny fandeferana ; dia ho « tena iray » ianareo mivady sy ny zanakareo, ary tretrika Jesosy any an-danitra any rehefa mijery ny bikany : « Ah, mijery ny bikako ianao ry devoly, ndana jereo ny tokantranon’i Ra-anona, ny ankohonan’i Ra-anona sy Ra-anona ».

Izay ny hafatra ho antsika androany. Tena mahavariana ny Tompo ry havana, rehefa miteny Izy hoe : « isika no tenany ety an-tany ». Ary zava-dehibe ange izany hoe « tena » izany e, zava-dehibe ange izany hoe « corps » izany e. Tsisy mahafantatra an’izany fanahin’i Solofo izany, tsy misy mahafantatra izany ; fa ny tenany no hita, ny tenany no anambaran’ny toetrany amin’ny olona izay mifanerasera aminy eo amin’ny fiaraha-monina sy eo amin’ny Fiangonana. Ary ilay tenantsika « imparfait » no ampiasain’i Jesoa anambarany ny tenany. Izy any an-danitra, fa ny tenako, ny tenanao, ny tokantranonao, ny ankohonanao no anambaran’i Jesoa ny maha-izy Azy.

Dia ny Tompo ry havana ô, no hiasa ao aminao, ao amin’ny tokantranonao, ao amin’ny ankohonanao, mba hoe ankohonana « tena iray », ankohonana anambara ny Lohany Izay any an-danitra, ho voninahitry ny Tomponao ary ho fahasambaranao. Amen                                                    

Ao amin’ny Asan’ny Apostoly, teny mahazatra, teny classique moa raha izay no ilazana azy, amin’ny andro fiakarana ; Asan’ny Apostoly 1, andeha iarahantsika mamaky sy mihaino ny and.9-11 : « Ary rehefa nilaza izany Jesosy, dia nakarina Izy, raha mbola nijery izy ireo; ary nisy rahona nitondra Azy, ka tsy hitan’ ny masony intsony Izy. Ary raha mbola nandinika ny lanitra izy ireo tamin’ ny nandehanan’ i Jesosy, indreo, nisy roa lahy teo anilany niakanjo akanjo fotsy, izay nanao hoe : Ry lehilahy Galiliana, nahoana no mijanona eto mijery ny lanitra hianareo ? iny Jesosy Izay nampiakarina niala taminareo ho any an-danitra iny dia mbola ho avy tahaka ny nahitanareo Azy niakatra ho any an-danitra ». Amen

Raha fintinina ry havana ny hafatra androany, dia azo fintinina tahaka izao, hoe : OVAY NY FIJERINAO NY RAHONA. Inona moa ity rahona ? Ilay rahona ery an-danitra ery izany an. OVAY NY FIJERINAO NY RAHONA.

Misy tenin’i Jesoa ao amin’ny Lioka 12 :54 manao hoe : « Raha mahita rahona miposaka any andrefana hianareo, miaraka amin’ izay dia hoy hianareo : Ho avy ny ranonorana ; dia tonga izany ». Ry havana ô, raha hanova ny fomba fijerinao ny rahona ianao : vao mahita rahona ianao dia aoka ahatsiaro an’i Jesoa Mpanjakan’ny mpanjaka. Izay ilay hafatra androany. OVAY NY FIJERINAO NY RAHONA : RAHA VAO MAHITA RAHONA MIPOSAKA IANAO DIA TSAROVY JESOA MPANJAKAN’NY MPANJAKA. Satria io rahona io no nampiasain’Andriamanitra ampiakarana Azy any an-danitra, eo an-tanan’ankavanany. Mariho kely ry havana ilay texte an ; ny Asan’ny Apostoly tsy miteny hoe : Jesoa niakatra ho any an-danitra ; fa Jesoa, hoe : nampiakarina, nampiakarin’Andriamanitra ho any an-danitra Jesoa ry havana ô. Andriamanitra no nampiakatra an’i Jesoa. Ary mahafinaritra, rehefa mahita an’izany hoe Andriamanitra nampiakatra an’i Jesoa ary rahona no nampiasainy ; mahatsiaro ny tenin’ny Salamo 104 :3 hoe : « manao ny rahona matevina ho kalesiny ». Io rahona io izany no karazana kalesy nampiasain’Andriamanitra ampiakarana an’i Jesoa. Izy tsy mba nampiasa vaisseau spatial, fa nampiasa kalesy Izy, dia ny rahona. Izay ry havana ô : ovay ny fomba fijerinao ny rahona. Ary tsy tantara be izany hoe hanova ny fijerinao ny rahona izany an, dia ny rahona saika misy foana isan’andro. Ary rehefa ela ny ela e, raha tsaroanao ny fiatombohan’izao toriteny izao OVAY NY FIJERINAO NY RAHONA : hiova ny finoanao, hiova ny fanantenanao, hiova ny fitiavanao an’Andriamanitra ry havana ô. Azo antoka izany. Hoy ny and.11, ilay tenin’ilay anjely roalahy tamin’izy 11 lahy Galiliana, hoe : « iny Jesosy Izay nampiakarina niala taminareo ho any an-danitra iny dia mbola ho avy tahaka ny nahitanareo Azy niakatra ho any an-danitra ». Iny Jesoa nampiakarina iny dia mbola ho avy. Ny vanim-potoana iainantsika ry havana dia manelanelana an’izany fotoana nampiakarana an’i Jesoa any an-danitra izany, sy ny vanim-potoana mbola hiaviany. Ary izany ny finoana : finoana miorina amin’izay ambaran’ny Soratra Masina. Niakatra Izy an, tahaka izay nahitanareo azy ; fa mbola ho avy indray Izy. Dia enga anie koa ny rahona ampahatsiaro anareo an’izany ry havana ô, satria ny tenin’i Jesoa Kristy dia hoe : Hatramin’izao, hoy Izy, Matio 26 :64, « Hatramin’ izao dia ho hitanareo ny Zanak’ olona mipetraka eo amin’ ny tanana ankavanan’ ny Hery sy avy eo amin’ ny rahon’ ny lanitra ». Mbola ho avy Izy e. Izany ny message-ny rahona, mpitoriteny irahin’Andriamanitra isan’andro hitory teny amintsika ry havana. OVAY, OVAY NY FIJERINAO NY RAHONA E. Dia tsy ho matimaty ohatran’io ny finoanao.

Andeha ary jerena ny Fahamarinana 1, dia izao hoe: IO JESOA NAMPIAKARINA NIALA TETY AN-TANY IO AN, HO ANY AN-DANITRA, DIA NAPETRAK’ANDRIAMANITRA EO ANKAVANANY AN, HO MPANJAKAN’NY MPANJAKA SY HO TOMPON’NY TOMPO.

Tsy vaovao amintsika Isotry Fitiavana izany hoe : ny Ascension dia fahatsiarovana an’izany hoe investiture-n’i Jesoa ho Mpanjakan’ny mpanjaka. Investiture-n’i Jesoa ho Mpanjakan’ny mpanjaka. Ovay ny fijerinao ny rahona : rehefa mahita ny rahona ianao izany, dia hoe : hay, io izany ny kalesy nampiasain’Andriamanitra tamin’ny investiture-n’i Jesoa ho Mpanjakan’ny mpanjaka. Ny Mpanjakan’ny mpanjaka : Mpanjakan’i Joe Biden io. Aleo isika hiresaka concret. Mpanjakan’i Xi Jinping any Chine io. Mpanjakan’i Vladimir Poutine io, na fantany na tsy fantany. Izany ange ry havana io e. Asa raha fantatr’i Andry Rajoelina fa Mpanjakany io. Izay ilay zavatra. Fa Mpanjakan’ny mpanjaka io.

Vehivavy anankiray teto amin’ny tanindrazantsika ry havana no nahafantatra hoe : Jesoa dia Mpanjakan’ny mpanjaka, Ranavalona II ; fantatsika Isotry Fitiavana tsara izany. Ny 20 Juillet 1869, raha nametraka ny vato fehizoron’ny Tempoly Anatirova izy, mamy loatra ny teny nataony ry havana ô, mamy loatra ny tenin’izany mpanjaka mahafantatra hoe: misy Mpanjakan’ny mpanjaka eo amboniny eo, hoe : « Noho ny herin’Andriamanitra sy ny fahasoavan’i Jesoa Kristy Tompo, izaho Ranavalomanjaka, mpanjakan’i Madagasikara, no nanorina ity tranovato fivavahana ity, tamin’ny 20 Jolay, ho trano fivavahana sy ho fiderana ary anompoana an’Andriamanitra, Mpanjakan’ny mpanjaka ary Tompon’ny tompo, araka ny teny ao amin’ny Soratra Masina, amin’ny alalan’i Jesoa Kristy Tompo, Izay maty noho ny heloky ny olona rehetra ary nitsangana indray ho fahamarinana sy famonjena izay rehetra mino sy tia Azy. Koa noho izany, dia tsy azon’olombelona ravànà ity tranovato naoriko ho trano fivavahana ity, na iza na iza mpanjaka amin’ity taniko ity mandrakizay mandrakizay. Fa raha mandrava ity trano fivavahana amin’Andriamanitra naoriko ity, dia tsy manjaka amin’i Madagasikara ny taniko ». Mamy ry havana, raha ny ara-teolojia, marina ilay filazany an’i Jesoa, marina ny filaza hoe Andriamanitra na Jesoa, mitovy ihany izany e : Mpanjakan’ny mpanjaka. Ary rehefa mandinika ny fiainantsika ry havana, amin’izao fotoana izao, ny tsy fahafantaran’ny mpitondra ankehitriny fa misy izany Andriamanitra Mpanjakan’ny mpanjaka izany, no mampikorosofahana ity tanintsika ity tahaka an’io. Ary izay handimby an’io fitondrana ankehitriny, satria io hanam-pahataperana, na afaka herintaona, na afaka 20 taona, dia mbola hikorosofahana ihany ity firenena ity, raha tsy manaiky, raha tsy mahatsiaro an’izao Ascension izao, hoe : waouh, andraso aloha e, andraso aloha e, misy Mpanjakan’ny mpanjaka : andao ankinina, andao anontany ny heviny satria efa tamin’ny 1869 no efa nankinina taminy ity ry havana ô. Izany ny hafatry ny Ascension, ny Fiakarana : nasandratra ho Mpanjakan’ny mpanjaka, Tompon’ny tompo, ary napetraka eo an-kavanan’Andriamanitra Jesoa Kristy Tompo ry havana ô. Ary raha mandeha amin’ny fahitana ianao, mijery ny zava-misy : kivy ianao. Raha mandeha amin’ny fahitana ianao mijery ny zava-misy : mandra-pahoviana Tompo ô ? Raha mijery amin’ny fahitana ianao : dia manontany tena hoe aiza ary ny solution ? Fa velona ny fanantenana rehefa mahatsiaro ny hafatry ny Ascension izay hafatra tokana, hoe : nampiakarin’Andriamanitra any an-danitra ho Tompon’ny tompo sy ho Mpanjakan’ny mpanjaka Jesoa. Mahafinaritra ny tenin’i Daniela ry havana : « Ny Avo indrindra no manapaka amin’ny fanjakan’ny olona ka manome izany ho an’izany tiany ». Nomeny an’Atoa Andry Rajoelina sy ny namany ny fanjakana amin’izao fotoana izao, na tianao izany na tsy tianao. Fa ny problema : tsy izany ; fa ny problema dia hoe : Mpanjakan’ny mpanjaka Izy fa manjaka ve ao amin’ny fonao ry havana ô. Izany ny problème n°1 an’i Jesoa.

Ary rehefa niteny isika teo, hoe : Andriamanitra no nampiakatra an’i Jesoa any an-danitra, tamin’ny alalan’ny rahona, kalesin’ny rahona ; iny kalesy iny, tsy nandeha tamin’izao iny, fa io herin’Andriamanitra io, ary mbola haintsika Isotry Fitiavana izany, dia hoe : hery lehibe sy mihoa-pampana tokoa, araka ny fiasany mahery vaika sy tsy hay tohaina e. Izany io herin’Andriamanitra io, izay hoe anasoavan’Andriamanitra antsika mino ry havana ô. Izany ilay herin’Andriamanitra : mi-motorisé an’iny kalesy iny, raha izay no ilazana azy, anasoavany antsika. Ary izany hery izany ry havana, amin’ny alalan’ny Fanahy Masina, izay hoe irahin’Andriamanitra hampiorina antsika, izany hery izany, mbola hoe : tian’Andriamanitra hanafahana antsika koa. Io herin’Andriamanitra io an : nanafaka an’i Jesoa avy tao amin’ny fahafatesana sy tao am-pasana. Maro ny fiainan’ny Kristiana toy ny any am-pasana ry havana ô. Izany ny vaovao mahafaly amin’izao andro fiakarana izao : io hery io an, dia omen’Andriamanitra anao amin’ny alalan’ny Fanahy Masina hamoaka anao avy ao am-pasana ao, hamoaka anao avy ao amin’ny fatoran’ny fahafatesana. Ary io herin’Andriamanitra io hoy ny Efesiana 1 :19-20, hoe : no-prouvé-n’Andriamanitra hoe raha nampiakatra an’i Jesoa any an-danitra Izy eo an-kavanan’Andriamanitra : tsy hoe misy hery eo dia nalefany ilay kalesy an, dia hoe diso lalana ilay kalesy fa lasa any amin’ny Mars na lasa any amin’ny Jupiter izy fa tsy lasa eo an-kavanany : non, non, non ; nankeo amin’ny an-kavanan’Andriamanitra ilay kalesin’i Jesoa ry havana ô. Izany io Andriamanitra io.

Ka ilay hery io anasoavana antsika, amoahana antsika avy ao am-pasana : handresy ny fatoram-pahafatesana mamatotra ny tokantranontsika, mamatotra ny fiainantsika, ny fiainam-piasana, ny fiainam-pianakaviana ; fa io koa hanandratra antsika ry havana ô, hampitombo antsika hampitombo antsika ara-panahy. Izay ilay izy. Izany ny vaovao mahafaly. Ary aoka ho izany no ho tsaroantsika raha manova ny fomba fijerintsika ny rahona isika, hoe : waouh, Jesoa, io rahona io, rahona tahaka an’io no nitondran’Andriamanitra an’i Jesoa raha nametraka Azy ho Mpanjakan’ny mpanjaka Izy. Ary izany hery nampiakarany an’iny kalesy iny, dia mbola ampiasainy hanasoa ahy.                         

Izay ny Fahamarinana 1

Ny Fahamarinana 2 dia izao : hoy ny and.9 hoe : « nisy rahona nitondra Azy, ka tsy hitan’ ny masony intsony Izy ». Ry havana ô, ny drame-ny christianisme, ny drame-ny Fiangonana, dia nanomboka tamin’io Ascension io, hoe : rehefa nentin’ilay rahona Jesoa, rehefa nampiakarin’Andriamanitra Jesoa, ka tsy hitan’ny masony intsony, hoy ny Asan’ny Apostoly 1 :9, tsy hitan’ny masontsika intsony Jesoa. Ho an’ny ankamaroan’ny kristiana tsy hitan’ny maso = tsy misy. Izay, izay. TSY HITAN’NY MASO INTSONY = TOY NY TSY MISY. IZAY NO PROBLEMANTSIKA E. Izay no problemantsika.

Marina be ilay fitenin’ny vazaha hoe : « quand le chat n’est pas là, les souris dansent ». Mifona aho, fa tsy hoe fanivaivàna an’i Jesoa izany : rehefa tsy eo Jesoa, ohatrany tsy misy Izy ho antsika, dia manao izay danin’ny saintsika isika, manao izay danin’ny kibontsika isika ; dia farany isika gaga hoe maninona ny finoako no matimaty ohatran’izany, maninona ny finoako no matimaty ohatran’izany ? Fa soa fa hoe : tsy mandeha amin’ny fahitana isika ry havana ô, soa fa tsy mandeha amin’ny fahitana isika fa manana finoana miorina amin’ny tenin’Andriamanitra, manana finoana miorina amin’ny tenin’Andriamanitra. Ary io tenin’Andriamanitra io no ahafantarantsika fa tsy aiza tsy akory Jesoa, fa any an-danitra Izy e, eo anatrehan’ny Ray, araka ny tenin’ny Hebreo 8 hoe : Mpanalalana Izy. Intercesseur Izy, Intermédiaire, manalalana antsika sy Andriamanitra. Isika no tsy mahita Azy, fa Izy any mahita antsika ary mpanalalana Izy, intermédiaire, intercesseur mifona, mifona, mifona isan’andro ho ahy sy ho anao Izy, Romana 8 :34. Izany io Jesoa niakatra any an-danitra io. Izaho variana amin’ny fiainako ety, izaho boda ny lohako, izaho donto ny saiko mieritreritra an’izany ; fa Izy mahita dia mifona ho ahy, mifona ho ahy, manalalana ho ahy isan’andro ry havana ô. Ary zava-dehibe, zava-dehiba, haintsika tsianjery nefa toa adinodino e, ilay teniny ao amin’ny Jaona 14, rehefa milaza ny amin’ny hitsanganany amin’ny maty Izy : rehefa izay, hoy Izy, dia andeha aho, handao anareo Aho,hanamboatra fitoerana ho anareo ; ary rehefa izay, dia ho avy Aho haka anareo. Ry havana ô, ho anareo izay mihaino ahy ireo : raha maty aho afaka adiny iray, dia teneno hoe, teneno miaraka amin’ny vava hoe : « Ah, vita izany ilay fitoerana ho an’i Pasitera Solofo any an-danitra, dia nalain’i Jesoa izy », na matin’ny corona na matin’ny zavatra hafa ry havana ô. Fa ilay rahona manakona ny masontsika dia : ny ety an-tany ihany, ny ety an-tany ihany, mihohoka amin’ny ety an-tany, tsy misaina afa-tsy ny zavatra ety an-tany isika. Izany no mahamay antsika.

Fa manamboatra fitoerana Izy ao an-danitra ao, ary ny firariana ho antsika ry havana ô, dia izao : takona ny masontsika, noho ilay rahona, i Jesoa Kristy. Fa raha mitaraina Aminy ianao, raha mivavaka Aminy ianao : tsy voasakan’ny rahona izany vavakao izany. Enga anie ka hoe hamporisika anao hivavaka izany manomboka amin’io Ascension 2021 io ; hamporisika anao hivavaka satria io rahona io tsy manakana ny vavaka, tsy manakana ny fitarainanao ho tonga eo anatrehan’ny seza fiandrianany. Ary io rahona izay resahina io ry havana, tsy manakana ny valim-bavaka, tsy manakana ny fitahiana avy any an-danitra, tsy manakana ny famonjena izay nokasaina teo amin’ny seza fiandrianana, araka ny tenin’ny Apokalypsy 4 :1-2.       

Fa ny hafatry ny Ascension 2021 dia hoe : AOKA IZAY E, ITY FIHEVERANA ADALA BE ITY E, HOE : SATRIA TSY HITAN’NY MASONAO ARA-NOFO JESOA DIA TOY NY TSY MISY IZY. Maro ny olona tsy miaraka amintsika eto androany, tsy miaraka amintsika eto izy, fa angamba ataontsika hoe adala be ra-anona mieritreritra hoe : tsy eo i anona dia manao izay danin’ny sainy sy danin’ny kibo izy, fa rahariva hahita azy ihany. Izay ilay izy : OVAY NY FIJERINAO NY RAHONA MANOMBOKA ANIO ARY FANTARO FA IO RAHONA IO TSY MANAKANA NY VAVAKA SY NY FITARAINANA ATAONAO AMIN’I JESOA, ARY MBOLA AFAKA MAMONJY ANAO AVY ANY AN-DANITRA IZY.

Ny Fahamarinana 3 farany ry havana dia izao, eo amin’ny and.11 : « iny Jesosy Izay nampiakarina niala taminareo ho any an-danitra iny dia mbola ho avy tahaka ny nahitanareo Azy niakatra ho any an-danitra ». INY JESOA INY DIA MBOLA HO AVY. Ary araka ny tenin’ilay Matio 26 :64 teo ihany : « ho avy eo amin’ ny rahon’ ny lanitra Izy ».

Rehefa miteny isika hoe : OVAY NY FIJERINAO NY RAHONA, mijery ny rahona ianao, dia hoe : oay, aleo ihany hijery any fa sao dia hitaingina rahona Jesoa tamy, tonga indray. Izany ilay izy ry havana ô. Izany. Ary rehefa tsy hanova ny fijerinao ny rahona ianao, dia mieritrereta ry havana, mieritrereta ny amin’ny ho avinao mandrakizay.

Rehefa jerena ny bokin’ny Asan’ny Apostoly 1, eo amin’ny and.14, Asa.1 :14 : « Ireo rehetra ireo niray saina naharitra nivavaka mbamin’ ny vehivavy sy Maria, renin’ i Jesosy, ary ny rahalahiny ». Ilay and.14 io, efa nampiakarina any an-danitra izany Jesoa ; ok. Dia miandry izy an, ny fihaviany. Inona no ataony ? Niray saina naharitra nivavaka izy. Iza no tao ? Izy 11 lahy. Iza koa no niaraka taminy tao ? Rahalahin’i Jesoa. Iza koa no niaraka taminy teo ? Maria renin’i Jesoa, mbamin’ireo vehivavy izay nanohana, nanampy an’i Jesoa tamin’ny Ministère-ny. Ireo izany, groupe-n’olom-bitsy, vao niakatra Jesoa dia nankany amin’ny efitrano avo hanohy ny fomba nahazatra azy : niara-nivavaka. Izany no ataon’ny olona, raha ara-tantara, niandry ny Pentekosta ; izany no ataon’ny olona miandry ny fihavian’i Jesoa ry havana ô, eny amin’ny rahona. Vonona ve ianao, vonona ve ianao hampitombo ny vavakao ao amin’ny fiainanao sa tahaka ny olona miandry marina izany hoe fihavian’i Jesoa izany ry havana ?            

Ny fitantaran’ny Lioka 24 dia hoe : rehefa niakatra tany an-danitra Jesoa, teo imason’izy 11 lahy, nitso-drano azy Izy ary teo am-pitsofana rano azy 11 lahy Jesoa no nakarina ho any an-danitra. Dia nidera an’i Jesoa izy an, nanakalaza an’i Jesoa izy an, ary faly be niverina tany amin’ny tempoly tany Jerosalema. Ireto olona mankao amin’ny efitrno avo ireto izany an, olona tena hoe feno fifaliana ; nefa na feno fifaliana aza izy, olombelona ihany araka ilay fitenintsika, dia mahatsiaro ny fahalemeny nilaozan’i Jesoa ry havana ô, mahatsiaro fahalemena. Ny olona mahatsiaro fahalemena, zavatra tokana no ataony : mivavaka, mivavaka, mivavaka. N’inon’inona problemenao eo amin’ny fiainanao ka mahatsiaro fahalemena ianao : mivavaha e, mivavaha. Nivavaka izy, sady izany vavaka izany nampiombona azy tamin’i Jesoa Izay nandao azy. Mampiombona amin’i Jesoa ny vavaka ry havana ô ; rehefa tsy vavaka pli-vava atao tsianjery manta : mampiombona amin’i Jesoa izany vavaka izany. Ary indrindra indrindra koa, satria eto talohan’ny Pentekosta, izany vavaka izany nanadio ny fon’ireto mpianatra ireto handraisana ny Fanahy Masina tamin’ny andron’ny Pentekosta. Anaty fahalemena izy dia mivavaka. Te hiombona amin’i Jesoa Izay nandao azy izy dia nivavaka. Tiany ho diovina ny fony andraisana ny Fanahy Masina, dia nivavaka izy. Izany ny fiainan’ny olona, izany ny fiainan’ny Fiangonana voalohany, izany ny fiainan’ny olona izay mino ary miomana ho amin’izany fihavian’i Jesoa izany. Jereo tsara ry havana ny tenin’i Lioka, Lioka Dokotera, nanoratra an’ity bokin’ny Asan’ny Apostoly ity, hoe : « niray saina naharitra nivavaka ». Rehefa taitra iny ianao, ary na tsy taitra ary ianao, tsy problema ry havana ny hoe « andao hanao zava-baovao » ; olombelona izany : tia vao. « Andao hivavaka ary e, andao hiara-hivavaka ary e ». Fa zavatra hafa izany hoe : maharitra, maharitra amin’ny fivavahana izany. Ireto niray saina naharitra amin’ny fivavahana. Ary izay maharitra tahak’izany no hahazo valim-bavaka. Izay maharitra no ho voavonjy.

Inona ary, eto am-pamaranana, no mety hoe antom-bavak’ireto olona ireto ry havana, sady miandry ny Pentekosta, no miandry ny ho fihavian’i Jesoa ? Dia hoe : azo antoka mihitsy fa ny vavaka voalohany dia hoe : « Jesoa an, manjakà Ianao ato am-ponay ». Koa izay, izay no izy koa, vao niresaka investiture aho teo, dia any an-danitra Ianao : « Manjakà ato am-poko ». Antom-bavakao izany ry havana ô. « Manjakà Ianao ato am-poko ». Ny antom-bavaka faharoa, satria hoe miandrandra ; vao teo izy notenenin’i Jesoa, hoe : « hahazo hery ianareo amin’ny hilatsahan’ny Fanahy Masina aminareo ary ho vavolombeloko any Jerosalema sy any Jodia sy Samaria ary hatramin’ny faran’ny tany » : mipetraha tsara aloha eto e, ambara-pilatsahan’ny Fanahy Masina aminareo. Dia mivavaka izy, faharoa manarak’izay, hoe : « Jesoa an, aoka izaho mba ho anisan’ny hilatsahan’ny Fanahy Masina ». Isika rehetra vita batisa, nilatsahan’ny Fanahy Masina ; « fa aoka aho ho fenoina ny Fanahy Masina mandrakariva ». Izay ny antom-bavaka faharoa izay, hoe : « Manjakà Ianao ato am-poko an ; fenoy ny Fanahy Masina aho ». Ary vavaka fahatelo, vavaky ny Fiangonana voalohany, dia hoe : « Maranata, Maranata : Avia Jesoa, faingana ianao Jesoa ». Ka rehefa tonga Jesoa, raha haka anao Izy amin’ny alalan’ny fahafatesana, tsy ianao no hanoratsoratra any amin’ny réseaux sociaux any hoe : « tampoka loatra e », « vao omaly izahay no niaraka nanao enregistrement e », oaoaoa e oaoaoa… Izay ilay izy ry havana. Izay ilay izy : maranata. Izay. Izay ilay vavaka telo fototra ry havana ô :

• « Manjakà Ianao ato am-poko »
• « Fanahy Masina ô, fenoinao mandrakariva aho »
• « Ary Jesoa an, avia Ianao, faingànà Ianao haka ahy »

Izay ny vavaka fototra, fa misy antom-bavaka 5 ry havana izay ampatsiahivina antsika Fiangonana, satria fantatsika tsara, fa fampatsiahivana ho anao izay te hanova ny fijerinao ny rahona ka mahafantatra hoe : Ilay Mpanjakan’ny mpanjaka, sy Ilay Tompon’ny tompo no Tompon’ny teny farany ao amin’ny fiainanao sy amin’ny zavatra mitranga ety ambanin’ny lanitra. Ilay vavaka 5, tsiahivina amin’ny rantsan-tanana 5 :

1. Ny vavaka voalohany, ity moa izany ny tanana akaikin’ny foko indrindra, dia ny vavaka ho an’ny olona akaiky ahy indrindra : vady aman-janako, ny ray aman-dreniko, ny iray tampo amiko, meilleur(e) ami(e)-ko. Izay ilay vavaka voalohany.
2. Ny vavaka faharoa, atao ho an’ilay olona manondro ahy ny lalan’ny fiainana, manondro ahy ny lalan’ny lanitra, ilay mpanabe, ilay zoky ara-taona sy ara-panahy manondro ahy hoe : e, ary ny destination finale.
3. Ilay fahatelo, ilay lava indrindra dia hoe ho an’ny manam-pahefana, ny mpanapaka, ny mpanjakantsika. Ry havana malala ao amin’ny Tompo ô, mikorosofahana ity firenena ity amin’izao 13 Mai 2021 izao, satria maninona ? Eo angamba izay tsy fahaiza-mitantana, tsy haiko izany ; fa ny zavatra fantatro : tsy ampy vavaka isika, tsy ampy vavaka ho an’ny mpanapaka antsika isika. Izay azoko antoka izay.
4. Karazam-bavaka faha-efatra, ity moa no hoe ratsan-tanana faible indrindra, hoe vavaka ho an’ny olona marefo. Hattrany amin’ny Testamenta Taloha ny olona marefa an, dia ny mpitondra tena sy ny kamboty. Fa misy olona marefo ao, isaky ny tokantrano an, eo amin’ny fianakaviana, eo amin’ny fiaraha-monina. Misy olona marefa ara-pahasalamana. Ento am-bavaka ny marefo.
5. Fahadimy farany, ity akikely ity : ianao io kely io, ianao io kely io. Mahatsiaro ny fahakelezanao ianao, eo anatrehan’ny fahalebiazan’Andriamanitra, ary arakaraka ny isainanao an’Andriamanitra sy ny fahalebiazany, no ahatsiarovanao ny fahakelezanao. Arakaraky ny isainanao ny fahamasinan’Andriamanitra no ahatsiarovanao ny maha-tsinontsinona anao sy ny maha-mpanota anao.

Izany ny vavaka 5 ry havana ô, ataon’ny olona izay nandre ny tenin’ny anjely manao hoe : « iny Jesosy Izay nampiakarina niala taminareo ho any an-danitra iny dia mbola ho avy tahaka ny nahitanareo Azy niakatra ho any an-danitra ».

Ho aminareo ny fahasoavan’ny Tompo, ary samy ho hita mibanjina, tena mibanjina izany fihavian’ny Tompo indray izany isika mianakavy. Ho an’Andriamanitra irery anie ny voninahitra, ho aminareo ny fahasoavan’ny Tompo. Amen.

Ao amin’ny Epistily ho an’ny Romana, Romana 5 ry havana no hakantsika hafatra anio. Ny fanontaniana ry havana apetraky ny Tompo amintsika dia izao : FANTATRAO MARINA VE FA TIA ANAO ANDRIAMANITRA ? Tsy hoe : « Fantatrao ve fa tia anao Andriamanitra ? ». FANTATRAO MARINA VE FA TIA ANAO ANDRIAMANITRA ? Hoy ny Romana 5 :5 ry havana : « Ary ny fanantenana dia tsy mampahamenatra, satria ny Fanahy Masina, Izay nomena antsika, no nentiny nampidina ny fitiavan’Andriamanitra ho ao am-pontsika ». Ny Fanahy Masina, Izay nomena antsika, no nentiny nampidina ny fitiavan’Andriamanitra ho ao am-pontsika.

Ny zava-misy ry havana, dia : isika rehetra raha anontaniana hoe : « Fantatrao ve fa tia anao Andriamanitra ? » ; haintsika tsianjery ny Jaona 3 :16 hoe : « Fa toy izao no nitiavan’Andriamanitra izao tontolo izao » ary anatin’izany « izao tontolo izao » izany aho. Fa izao ry havana ô : saika fitiavana mijanona ho tsianjery ato an-kandrina, ato an-tsaina izany fitiavan’Andriamanitra izany. Ny sasany ary moa tsy mino hoe : an an an, tsy possible hoe tia ahy izany Andriamanitra. Fa ho an’ny ankamaroan’ny kristiana : fitiavana mijanona ho katekisma ato an-tsaina ato izany ; fa izy tsy mino, tsy manompo Andriamanitra hoe tena tia azy. Satria nahoana ? Atoron’ny Apostoly Paoly eto ny antony ry havana ô : io fitiavana izay ato an-tsaina io, tsy nidina tato am-pony ; ary tsy henony hoe tena tia azy Andriamanitra. Ary maninona no tsy nidina avy ato an-tsaina nankato am-pony io fitiavana io ? Tsy fantany hoe ny Fanahy Masina, Izay efa nomena azy ; izay no lazain’ny Apostoly Paoly ; ny Fanahy Masina, Izay nomena antsika, no nentin’Andriamanitra nampidina izany fitiavany izany ato am-pontsika ry havana ô. Ahoana moa izany ? Ny fitiavan’Andriamanitra, ilay fitiavana itiavan’Andriamanitra ahy izany ; io izany no toy ny rano ampidinina. Ampidinina aiza ? Ampidinina ao anaty siny : ny foko toy ny siny ampidinana izany ranon’ny fitiavan’Andriamanitra izany. Ary ny Fanahy Masina no karazana fantsona entina ampidinana izany fitiavana izany ao am-poko. Izay ilay izy ry havana. Ka tsy midina io, tsy midina io, raha tsy fantatrao hoe tokony ampidinina e. Izay ange ilay izy e. Ary tsy midina io, raha tsy mangataka amin’Andriamanitra hoe : « Ray Malala ô, Raiko noho ny amin’i Jesoa Kristy Tompoko, ny Fanahy Masina Izay efa nomenao ahy tamin’izao natao batisa : aoka izany Fanahy Masina izany no ampidinanao ato am-poko isan’andro isan’andro, izany hoe fitiavanao ahy izany ».

Ry havana ô, mila ny Fanahy Masina isika hoe ahazoan’Andriamanitra mampidina ilay fitiavany ao am-pontsika. Fa raha ny saiko, raha ny foko amin’izao, tsy mahatakatra izany fitiavan’Andriamanitra izany. Ary izany io Andriamanitra Raintsika io : tsy vitan’ny hoe tia antsika Izy ; fa izay mbola azony atao, ampahafantarana antsika izany fitiavany izany, dia ataony. Omeny ny Fanahy Masina. Nomeny indray mandeha io Fanahy Masina io tamin’ny alalan’ny batisa ; fa io Fanahy Masina io, isaky ny angatahantsika, isaky ny ivavahantsika, dia mampidina, mampidina ao am-pontsika izany fitiavan’Andriamanitra izany. Ary dia hoe marina amintsika ireny tenin’i Isaia mpaminany hoe : ahatsiaro isika tena hoe « malalan’Andriamanitra, tena tian’Andriamanitra, tena be voninahitra eo anatrehan’Andriamanitra ». Fa rehefa tsy mivavaka isika ry havana ô, tsy ho henontsika mihitsy izany fitiavan’Andriamanitra izany. Ary ny tena zava-mahagaga, ny tena zava-mahagaga dia hoe : tsy ny fitiavan’Andriamanitra ihany no ampidinin’ny Fanahy Masina ao am-pontsika, fa ny toe-panahin’Andriamanitra, ny toetrany, ny maha-Izy Azy ; izany no ampidininy ao am-pontsika.

Izay izany ny Fahamarinana 1 ho anao izay hoe te hahafantatra marina fa tia anao Andriamanitra, hoe : MIANARA ARY VARO NY MANGATAKA ISAN’ANDRO ISAN’ANDRO NY FANAHY MASINA AMPIDINA AO AM-PONAO IZANY FITIAVAN’ANDRIAMANITRA IZANY. Indray mandeha Izy no nomena ; fa isan’andro Izy, isan’andro Izy dia ampidina izany fitiavany izany ao am-ponao.

Ny fanontaniana manaraka izany dia izao : inona ary ny sitrapon’Andriamanitra ho ahy raha izay ny sitrapony voalohany androany, hoe : tiany ho fantatro marina fa tena tia ahy Izy ? Ny sitrapony faharoa ry havana dia izao, ery amin’ny and.2 ery : Tiany isika, hoy ny Romana 5 :2, tiany isika hifaly. Tiany isika hifaly.

Voalohany izany, hoe : TIANY ISIKA AHAFANTATRA HOE TENA TIANY. Ary faharoa : TIANY ISIKA HIFALY.

Hifaly amin’inona ? Hifaly, hoy ny and.2 hoe : « hifaly amin’ny fanantenana ny voninahitr’Andriamanitra ». Inona ary izany letie ? Inona izany hoe « hifaly amin’ny voninahitr’Andriamanitra » izany ? Hifaly satria manantena hahita ny voninahitr’Andriamanitra rahatrizay miala ety ry havana ô. Mifaly satria manantena hahita ny voninahitr’Andriamanitra. Io moa izany, raha hoe, sanatriavina amin’ny fitenin’olombelona, hoe sanatria matin’ny Covid aho rehefa avy eo, afaka adiny iray ; ny tenako no resahako : dia manantena aho fa hahita ny voninahitr’Andriamanitra. Ny masoko no hahita ny fahatanterahany any an-danitra any. Izany no mahatonga ny kristiana hifaly, ary ny tokony hifalian’ny kristiana : tian’Andriamanitra izy, dia hoe : « hay, nangataka ianao an, ampidiniko ao am-ponao ny Fanahy Masina an, ny fitiavako an. Izao ary : mifalia ianao. Mifaly ianao, afaka mifaly ianao ; dia mifaly ianao. Satria maninona ? Satria manana fanantenana hahita ny voninahitro, hahita ny fahatanterahako rahatrizay ».

Tsy hoe manantena aho hoe ho lasa amin’izay ity Covid ity fa tratra ilay pic sy ny karazany, tsy manantena aho hoe efa midina hono ilay Covid e ; tsy izany ilay izy ; efa mihena hono ny filaharana any amin’ny pharmacie e, efa miheno hono ny any amin’ny hopitaly nefa tsy fantatra hoe ilay fihenan’ny marary eny amin’ny hopitaly ve satria efa misy CTC-19 etsy sy eroa ; tsy fantatra intsony. Fa ilay fanantenana, tsy fanantenana miankina amin’ny zavatra eto an-tany eto, fa miankina amin’ny zavatra mbola ho avy. Ary izany no mila ianarentsika ry havana ô. Matetika isika Fiangonana, dia hoe : ny fiainantsika, ny problemantsika, ny zavatra eto an-tany. Fa eto, sarihan’i Paoly ny saintsika hoe : e, ianao ve manantena hahita an’izany voninahitr’Andriamanitra, izany fahatanterahany izany rahatrizay miala ety ? Izany hoe famirapiratany izany, izany hoe voninahiny izany, dia hitan’ny Apostoly Paoly, hitan’i Saoly raha teny an-dalana ho any Damaskosy izy, rhaa nahita jiro manelatrelatra be ry havana, tena hoe nahajambena. Izany ny voninahitr’Andriamanitra, izany no famirapiratan’Andriamanitra. Ary izany no hoe ho hitantsika rahatrizay any an-danitra ry havana ô. Ary io zavatra manjelanjelatra nahajambena io anefa, mbola hoe famirapiratana tapany io ry havana ô ; fa any an-danitra isika e, hahita an’izany famirapiratana sy voninahitr’Andriamanitra feno izany ; ary izany no hifaliantsika hoy ny Apostoly Paoly. Efa mifaly isika amin’izao.

Eny ary ry havana : ianao izay hoe ampidinan’ny Fanahy Masina ny fitiavan’Andriamanitra ao am-ponao isan’andro, dia ampidinany ao am-ponao koa izany fifaliana avy any an-danitra izany. Fifaliana mifandraika amin’ny fanantenana izany hoe hahita ny voninahitr’Andriamanitra izany, izany fahatanterahany izany rahatrizay mifanatri-tava Aminy. Possible tsy miteny aminao izany androany ry havana ô. Possible. Fa izany no programan’Andriamanitra ho anao izany e.    

Ny Fahamarinana 3 farany anambaran’ Andriamanitra ny sitrapony dia hoe, eo amin’ny and.3 : ary tsy izany ihany, fa mifaly amin’ny fahoriana aza isika. Mifaly amin’ny fahoriana aza isika.

Voalohany, hoe : AMPIDININ’ANDRIAMANITRA AMIN’NY ALALAN’NY FANAHY MASINA AO AM-PONTSIKA NY FITIAVANA. Faharoa : MIFALY, AFAKA MIFALY SATRIA MANANTENA HAHITA NY VONINAHITR’ANDRIAMANITRA. Ary fahatelo : MIFALY NA DIA AMIN’NY FAHORIANA AZA.      

Ilay hoe : « mifaly », mitovy amin’ilay voambolana tetsy amin’ny faharoa, « mifaly », amin’ny teny frantsay izy hoe : « exulter ». « Exulter » : tena hoe mifaly havanja. Raha izao isika angamba no hoe omena 1 milliard dia mi-exulter isika. Izany. Fa eto, hoe : an, mifalia ianao, mifalia ianao na dia amin’ny fahoriana aza.

Ary toa teny nomena antsika malagasy ao anatin’izao Covid, ao anatin’izao fahorian’ny Covid izao. Noho ny tenin’Andriamanitra ve ianao, noho ny tenin’Andriamanitra ve ianao, dia hoe hanapa-kevitra hifaly na dia ao anatin’ny Covid aza ?

Fa maninona ry havana no hoe : « mifaly amin’ny fahoriana aza » ? « Mifaly amin’ny fahoriana aza ». Misy antony 3 ry havana mahatonga ny tena kristiana hifaly na dia amin’ny fahoriana aza, satria io fahoriana io dia mamokatra harem-panahy sarobidy, mamokatra richesse spirituelle précieuse. Tsy mamokatra haren’ny tany, tsy mamokatra harena ara-bolamena sy ara-bolafotsy ; non. Fa mamokatra harem-panahy sarobidy. Anankitelo ireo harem-panahy ireo. Ary izany ny programan’Andriamanitra ho anao amin’izao anio izao ry havana : ny hanananao, ny hampanan-karena anao amin’ny harem-panahy.

• « Isika hifaly amin’ny fahoriana aza, satria fantatsika fa ny fahoriana mahatonga faharetana ». Izay ilay harem-panahy voalohany : ny faharetana, ny « patience ». Tena richesse izany hoe « faharetana » izany, tena harena izany hoe « patience » izany ry havana ô. Ny « faharetana », ny « patience » : zavatra roa : fahazakana – fifehezan-tena. Fahazakana sy fifehezan-tena. Arakan y mahazatra antsika Isotry Fitiavana, andao ange jerena e, au niveau-na couple, au niveau-ny tokantrano izany hoe « mifaly na dia amin’ny fahoriana aza satria ilay fahoriana mamoa faharetana, mamoa fahazakana ». Tonga mahay mitondra izay mihatra amin’ny tenanao ianao, izay mihatra amin’ny tokantranonao ianao, na avy amin’ny vadinao izany, avy amin’ny ray aman-dreninao izany, avy amin’ny zanakao izany : fahazakana. Mahay mitondra izay mihatra ianao. Izay ilay harena ry havana ô.

Manana fifehezan-tena ianao. Noho ny fahoriana efa midona matetika dia tsy tapohin’izay hoe firehetam-po ianao, sy fahamaikamaikam-po. Matetika ny olona anaty fahoriana, indrindra ao anaty fahoriana mivaivay : tapotapohiny e, tapotapohina. Tsy mahafe-tena. Raha resaka tokantrano : « an an an, Pasitera an, izaho hi-divorce ». Izany. Tsy olona mahatsapa ny fitiavan’i Kristy izany, tsy olona mahafantatra ny tenin’Andriamanitra hoe : « mifalia ianao amin’ny fanantenana, ary mifalia ianao na amin’ny fahoriana aza ». Satria ilay fahoriana mamoa fahazakana, fifehezan-tena. Ary izay fahazarana izay, izay fahazarana miaritra fahoriana izay : hananana saina milamina, hananana saina tsy miraika amin’izay fitsapana mihatra amin’ny tena, mihatra amin’ny tokantrano, mihatra amin’ny ankohonana ry havana ô. Izany no hafatra mazava ho antsika : tsy miresaka famonjena tokantrano isika fa hoe : anatin’io tokantrano toy ny afo, toy ny lafaoro io io fahoriana io, io fahoriana ampandalovan’Andriamanitra anao io ; nataony mba hanananao fahazakana sy fifehezan-tena.

• Faharoa ; harem-panahy voalohany izany an : « faharetana » ; harem-panahy faharoa hoy ny Apostoly Paoly hoe: « ary ny faharetana, 4, mahatonga fahatsaram-panahy voazaha toetra ». Ny faharetana mahatonga fahatsaram-panahy voazaha toetra. Misy izany ny fahatsaram-panahy. Efa tsara be izany hoe tsara fanahy, hatsaram-panahy izany. Fa misy tsara lavitra : ny fahtsaram-panahy voazaha toetra.

Ilay fahatsaram-panahy, amin’ny teny frantsay izy hoe : « fidélité » amin’Andriamanitra. Ianao ve ao amin’ny fiainanao ataonao tanjona mibaiko ny fiainanao izany hoe « fidélité » izany ?

Ary ilay hoe « fahatsaram-panahy voazaha toetra » dia hoe : « fidélité éprouvée ». Eprouvée-n’inona ? Eprouvée-n’ilay afon’ilay fahoriana. Izay ilay izy. Ampandalovin’Andriamanitra ny fahorian’ny tsy fisiana ianao, fahorian’ny fifaninanana rehefa hoe mitady contrat, mitady chantier. Eprouvé-n’Andriamanitra ianao e. Vitanao ve ny tsy hanao kolikoly ? Raha vitanao ny tsy hanao kolikoly : mety maty ianao, maty antoka ara-bola ianao ; fa nahazo harem-panahy sarobidy ianao dia ny fahatsaram-panahy voazaha toetra, ny « fidélité éprouvée ». Te hampanan-karena anao Andriamanitra ry havana ô, te hampanan-karena anao Izy. Ary ao anatin’ny fahoriana izay alefany hisedrana anao no hanolorany an’izany hoe harem-panahy sarobidy izany. Izao manko ry havana : ny olombelona amin’ny androm-panambinana, ny olombelona amin’ny androm-pitahiana dia tsy fantatra marina izay itiavany an’Andriamanitra e. Tsy fantatra akory ary raha tia an’Andriamanitra izy. Fa ny tena mahafaly azy dia ny hareny, ny fananany sy ny karazany. Fa misy olona ihany, hoe tena tia an’Andriamanitra ka tena hoe amin’ny andro fanambinana : tsy fantatra intsony raha Andriamanitra no tena tiany, na hoe fanantenan-javatra satria hoe nivavaka izy dia nahazo an’izao sy izao sy izao. Fa ny tadiavin’Andriamanitra amin’ny alalan’ilay fahoriana dia ny hanana antoka hoe : « an an an, na ao anaty fahoriana aza, dia mbola tia Ahy Rainy ity zanako ity, satria ny hahasoa-ko, ny voninahitro, ny hatsarako : izany no tian’ity zanako ity fa tsy fanantenan-javatra na filan-javatra ».

Ka ilay fahoriana karazana hoe memy fanadiovana hijeren’Andriamanitra raha hoe tena hoe fitiavana madio, fitiavana volamena tsy mifangaro tain-drendrika na taim-by ilay finoantsika ry havana ô. Mba ho tena hoe finoana mahatoky, mba ho tena hoe fahatsaram-panahy éprouvée.

Ary izay no tanjon’Andriamanitra ho antsika : hampanan-karena antsika amin’ny faharetana, amin’ny fahatsaram-panahy voazaha toetra.

• Ny fahamarinana fahatelo farany amin’ilay harem-panahy dia eo amin’ny 4 ihany, hoe : « ary ny fahatsaram-panahy voazaha toetra mahatonga fanantenana ». Mahatonga fanantenana. Tsara be izany ry havana. Tsara be izany. Fa raha tsy kristiana ianao, ary na kristiana anarana ianao, ny fahoriana mahatonga anao hamoy fo dia hanalavitra an’Andriamanitra rehefa avy nanome tsiny Azy ianao. Fa ny tena kristiana, izay manana ny fitiavan’Andriamanitra ao am-pony, dia mitoetra amin’ny fanantenana mandrakariva.

Andao ange jerentsika tsara inona moa no mahatonga an’ilay fanantenana e. Tsy resaka fampiesonana ireo. Ilay faharetana, na ilay « patience » nianarana tao anaty fahoriana ; izay ialy voalohany, ilay harem-panahy voalohany. Iny « patience » iny miteraka fahatsaram-panahy voazaha toetra, miteraka fahamatorana voazaha toetra. Isika samy mahita, raha samy ato am-piangonana e : misy ny kristiana e, dia misy ny kristiana matotra e. Ary fantatsika fa matotra izy satria, tsy hoe matotra ara-taona fotsiny, fa na mbola tsy nahazo taona aza izy an, dia fantatra fa kristiana efa nosedrain’ny Tompo ireny, efa voazaha toetra ireny, azo antoka ireny, azo hiazakazahana ireny anaty fahoriana amborahana problème. Izany, satria efa nosedrain’Andriamanitra ireny olona ireny.

Dia eo izany ilay « patience » nianarana tao anaty fahoriana, niteraka fahamatorana voazaha toetra, niteraka « maturité éprouvée ». Mba irio ry havana ô, izany hoe ho kristiana matotra izany, izany hoe kristiana mûr izany. Dia ireo zavatra roa ireo indray an, niteraka fanantenanana. Nahoana no niteraka fanantenana ireo ? Antenaiko fa Ilay Andriamanitra miasa ao amiko nanome « patience », nanome « maturité éprouvée » tsy hanao soa tapany fa tena antenaiko Izy, hoe hanefy ahy tanteraka mba hitomboako amin’ny fanahafana an’i Jesoa. Ary rehefa izany, dia vao maika mampiorina ny fanantenako hihaona Aminy rahatrizay miala ety aho. Izay ilay harem-panahy sarobidy fahatelo, dia ny fanantenana.

Dia io moa manhoy amin’ilay and.5 hoe : ary izany fanantenana izany, n’inon’inona analyse-nao, tsy ho menatra ianao, tsy hangaihay ianao hanantena tahak’izany, satria hoy ny and.5 hoe : « Ary ny fanantenana dia tsy mampahamenatra, satria ny Fanahy Masina, Izay nomena antsika, no nentiny nampidina ny fitiavan’Andriamanitra ho ao am-pontsika », hoe : afaka mahatoky isika ary afaka manantena isika Ilay Andriamanitra tia antsika e.

Ry havana, ry havana, hafa ity toriteny ity satria tsy toriteny fampaherezana anao anaty problema, ianao izay mitrongo vao homana, ianao izay hoe ny hohanina anio dia tadiaviny anio, fia hoe : « andao ento am-bavaka aho Pasitera ». Tsy izany ilay toriteny. Tsy miompana aminao, tsy miompana amin’ny problemanao ity toriteny ity ; fa toriteny miompana amin’Andriamanitra sy ny programan’Andriamanitra ho anao, ny fijeriny anao. Dia varo ary ry havana ô, manomboka anio, ny hangataka ny Fanahy Masina hampidina isan’andro isan’andro ao am-ponao ilay fitiavan-dehibe nitiavan’Andriamanitra anao tao amin’i Jesoa Kristy. Ary dia izany Fanahy izany, izay Fanahin’ny fifaliana no ahatonga anao hanantena ; ary hampiorina amin’ny fifaliana ; hanantena ny fihaonana amin’i Jesoa araka ny tenin’i Joba hoe : « ny masoko, fa tsy ny mason’ny hafa no hahita Azy ». Dia hitondra fifaliana ho anao izany e. Ary ny Fanahy Masina ry havana ô, ny Fanahy Masina no hamoa ihany koa fifaliana ao aminao, amin’ny fahoriana aza.

Ho aminao ny fahasoavan’ny Tompo, ary ho an’Andriamanitra ny voninahitra. Amena.

Eo amin’ny tontolon’ny fitantanana dia zava-dehibe ry havana izany atao hoe « porte-parole » na mpitondra teny izany. Porte-parole-ny gouvernement, porte-parole-ny présidence ; tena hoe andraikitra tsy manam-paharoa izany. Tsy latsa-danja noho ny andraikitry ny hoe minisitry ny governemanta ianao, tsy latsa-danja noho izany hoe président de la République izany ianao ; izany hoe porte-parole, mpitondra teny miandraikitra ny serasera. « Porte-parole ».

Rehefa fintinina ry havana ny hafatry ny Tompo ho antsika Fiangonana anio, dia azo lazaina tahaka izao, hoe : MITADY PORTE-PAROLE ANDRIAMANITRA. Tsy mora izany andraikitra izany, ary rehefa mahita porte-parole sasany isika, dia lasa ihany ny eritreritra eo am-pijerena, eo am-pihainoana azy eo : toa mampihomehy koa izany porte-parole izany, toa manala baraka ny mpanjakany ihany izany porte-parole izany. Fa androany ilay hafatra dia hoe : MITADY PORTE-PAROLE TSY MANALA BARAKA AZY ANDRIAMANITRA. Izay ry havana ilay hafatra androany : MITADY PORTE-PAROLE TSY MANALA BARAKA AZY ANDRIAMANITRA.

• Mitady porte-parole ny Ray
• Mitady porte-parole ny Zanaka
• Mitady porte-parole ny Fanahy Masina

Hafatra ho anareo rehetra tsy an’asa amin’izao fotoana izao izany. Izany no antom-pisiantsika e : ho porte-parole-n’Andriamanitra.

Hafatra ho anareo izay am-perin’asa, tototry ny asa ka tsy manam-potoana, tsy manana eritreritra hoe ho porte-parole-n’Andriamanitra ; hafatra ho antsika Fiangonana e : MITADY PORTE-PAROLE TSY MANALA BARAKA AZY ANDRIAMANITRA.

Andeha atombontsika ao amin’ny 2 Korintiana 3. Hoy ny and.2 hoe : « Ianareo (hoy ny Apostoly Paoly) no epistilinay voasoratra ato am-ponay sady fantatra sy vakin’ny olona rehetra ». Epistily voasoratra ka vakin’ny olona. Izay aloa ilay porte-parole voalohany resahina ry havana. Tsy misokatra akory ny vavany na ny molony, fa vao mahita azy ny olona, vao mahita azy ny olona dia efa toy ny mamaky Filazantsara, mamaky Epistily. Ary ny olona rehetra, tsy ny mpino ihany, ny olona rehetra, dia afaka mamaky an’izany Epistily izany. Mitsatoka ato am-ponay Pasitera ry havana, ilay fanamarihan’ny mpandinika manao hoe : rehefa misy olom-baovao miditra amin’ny Fiangonana anankiray, ny 2/3 ny olona miditra ao amin’ny Fiangonana, mijery an’ilay Pasitera izy, ny 2/3 mijery ilay Pasitera, mbola tsy mitory teny ilay Pasitera, dia efa fantany hoe hiverina izy na tsy hiverina ao amin’io Fiangonana io. Izany ilay hoe : porte-parole : tonga dia vakiana.

Ary inona no anoratana an’izany tenin’Andriamanitra izany ao amin’ilay Epistily io ? Hoy ny Apostoly Paoly hoe : « tsy nosoratana tamin’ny ranomainty anefa, fa tamin’ny Fanahin’Andriamanitra velona ». Ny Fanahin’Andriamanitra no nanoratana tato am-poko izany tenin’Andriamanitra izany. Ny Fanahin’Andriamanitra velona, and.3, no nanoratana tato am-poko io Baiboly iray manontolo io. Hany ka isaky ny mitempo io foko io, isaky ny mitempo io foko io, dia mitempo, mitempo, mitempo, mitempo tenin’Andriamanitra. Tsy nanao teolojia aho, tsy nanao sefala aho, tsy nanao setela aho, tsy nanao an’izao aho, fa navelako ny Fanahin’Andriamanitra nanoratra tato am-poko, fa tsy tahaka ny tamin’ny andron’i Mosesy : tamin’ny takela-bato ny làlàn’Andriamanitra.

Ilay contexte-ity 2 Korintiana 3 ity dia hoe : tao Korinto misy docteur, izany hoe olona manam-pahaizana, fa hafahafa ny fampianarany  , na tsy izy ny fampianarany ; ary mba hoe hakanan ny fon’ilay Fiangonana, dia hoe : mitondra lettre de recommandation avy any an’anona any hoe : « izaho ange ka tena izy e, i anona no ni-recommander ahy tary ». Izaho tsy manana recommandation afa-tsy ianareo hoy ny Apostoly Paoly. Ianareo no Epistilinay, ianareo no lettre de recommandation anay.

Ry havana ô, rehefa mijery an’ity Fiangonantsika ity ny olona, rehefa mijery anareo Epistily ny olona, dia hoe misaotra an’Andriamanitra ve ny aminareo sy amin’ny Pasitera ao amin’io Fiangonanareo io ; ny aminareo aloa, satria hoe voasoratry ny Fanahy Masina ao am-ponareo ny tenin’Andriamanitra ? Lettre de recommandation ve ianareo ho an’ny Pasiteranareo noho ny zavatra hitan’ny olona ao amin’ny fiainanareo ?    

Tena mampieritreritra ary fianatra ry havana ny zavatra nataon’ny Apostoly Paoly rhaa nitaiza an’ireto Korintiana ireto izy. Ary ilay fampieritreretana sy ilay fakana tahaka, tsy fakana tahaka ao amin’ny Fiangonana ; fa araka ny fanaontsika ato Isotry Fitiavana, hoe : fakana tahaka amin’ny fitaizana ny ankohonana. Mba ho Epistilin’Andriamanitra ny ankohonantsika. Ny zanatsika, ny vadintsika, mba hoe lettre de recommandation antsika eo anatrehan’ny be sy ny maro sy eo anatrehan’Andriamanitra.

Inona no tenenin’ny Apostoly Paoly eo amin’ny and.17, toko 2 :17 ? « Fa tsy mba toy ny maro izay manatsatso ny tenin’Andriamanitra hahazoam-bola izahay ; fa toy ny amin’ny fahadiovam-po kosa, dia avy amin’Andriamanitra sady eo anatrehan’Andriamanitra no itenenanay ao amin’i Kristy ». Ny Apostoly Paoly izany tamin’ny nitory teny tamin’ireto Korintiana ireto, ka nahatonga azy ho Epistily, dia zavatra 4 no nolazainy ry havana, zavatra 4 no nolazainy, na toe-tsaina 4 no nolazainy e.

• Izahay, hoy izy, dia nitory teny tamin’ny « fahadiovam-po »; tamin’ny fahadiovam-po. Amin’ny teny frantsay, hoe : tena hoe « sincère » izahay e tamin’ny nitory teny. Tena hoe « transparent » izahay tamin’ny nitory teny, mangarahara, tsy misy eritreritra ambadika ; fa ny tenin’Andriamanitra ranony no notorianay. « Sincère » izahay.
• « Avy amin’Andriamanitra ». Ny toriteninay dia hoe avy amin’Andrimaanitra. Andriamanitra no loharanon’ny teny rehetra, izay rehetra nentinay teto amin’ity Fiangonana eto Korinto ity. Andriamanitra no loharano. Ary Andriamanitra no nampahery anay raha nitory teny izahay, nitory teny tamin’ny fahasahiana. Izy no namome ny teny, ary Izy no nampahery.
• « Fa toy ny amin’ny fahadiovam-po » : amin’ny sincérité, amin’ny transparence ; « dia avy amin’Andriamanitra » : Andriamanitra no source sy mampahery.

« Sady eo anatrehan’Andriamanitra » izahay hoy ny Apotoly Paoly. Sady eo anatrehan’Andriamanitra. Inona no dikan’izany hoe « sady eo anatrehan’Andriamanitra ny Apostoly Paoly » ? Fantatro fa mandinika ahy Andriamanitra ny amin’izay teny toriako. Ary fantatro fa raha ny amin’ny fiainako, ankoatra an’izay toriteny, tsy misy zavatra azoko afenina amin’Andriamanitra. Izany no mahatonga anareo ho Epistily azo vakina hoy ny Apostoly Paoly, satria izany no fomba nitorianay taminareo : amin’ny fahadiovam-po, amin’ny teny avy amin’Andriamanitra ary nitory teny toy ny teo anatrehan’Andriamanitra.

• Ary farany, niteny ao amin’i Kristy Niteny ao amin’i Kristy izahay. Inona ny dikan’izany hoe : niteny tao amin’i Kristy izany izahay ? Niteny tamin’ny anaran’i Kristy aho hoy ny Apostoly Paoly. Niteny tamin’ny anaran’i Kristy aho hoy ny Apostoly Paoly. Raha lazaina amin’ny teny hafa izany : porte-parole an’i Kristy aho tato Korinto. Izany no mahatonga anareo ho Epistily azo vakina.

Izay ny Fahamarinana 1 ry havana, hoe : MITADY PORTE-PAROLE I JESOA, ARY IANAO IZANY RAHA METY IANAO. Ary ho fampieritreretana anao dia hoe : inona no vakin’ny olona ao amin’ny fiainanao ? Sao dia omena titre ianao ao amin’ny Fiangonana misy anao, ao amin’ny orinasa misy anao, eo amin’ny fanjakana, hoe : porte-parole ; nefa porte-parole mampihomehy, porte-parole manala baraka an’i Kristy ? Fa mitady porte-parole i Kristy.

Raha jerena ny Filazantsaran’i Matio, perikopantsika andorany, dia eo indray ry havana, dia hoe : MITADY PORTE-PAROLE NY FANAHY MASINA. Ny Fahamarinana 1 hoe : MITADY PORTE-PAROLE I KRISTY. Ny Fahamarinana 2 hoe : MITADY PORTE-PAROLE NY FANAHY MASINA.

Iza no manana an’ilay profil ho porte-parole-ny Fanahy Masina ? Voalaza tao amin’ny louange nanomboantsika izao fanompoam-pivavahana izao, hoe ny and.16 hoe : « Indro, Izaho maniraka anareo ho tahaka ny ondry ao ampovoan’ny ambodia ; koa hendre tahaka ny menarana, ary morà tahaka ny voromailala ». Ny olona hendry tahaka ny menarana ary tsotra tahaka ny voromailala ; izany no manana profil ho porte-parole-ny Fanahy Masina. Ny olona hendry na fetsy thaaka ny menarana ary mora na tsotra tahaka ny voromailala.

Efa voalaza tsara teo amin’ny louange teo ry havana, ary tsy mampinona izany, raha tsy manokatra Baiboly ianao e : ny programan’Andriamanitra Raintsika, ny programan’i Jesoa ho antsika Fiangonana, ho antsika mpiangona, ho antsika mpianany, dia hoe : io an, Izaho maniraka anareo eo ampovoan’ny ambodia. Rehefa eo ampovoan’ny ambodia ianareo dia sao dia hoe kitihin’ny devoly, ka hoe : nidi-bingo ihany aho an. Tsy nanira-tena ianao e ! Fa ny Tompo no naniraka anao eo ampovoan’ny ambodia. Ny eo ampovoan’ny ambodia dia ny synedriona : aty am-piangonana ianao eo ampovoan’ny ambodia. Ny ambodia dia ny mpanapaka sy ny mpanjaka : eo amin’ny fiaraha-monina tapahin’ny fanjakana ianao : eo ampovoan’ny ambodia. Eo anivon’ny ankohonanao ianao : mbola eo anivon’ny ambodia. Ary ny Tompo no maniraka anao eo ampovoan’ny ambodia ry havana ô. Dia tenenina ianao hoe : ny profil tadiaviko, hoy ny Fanahy Masina, satria mitady porte-parole ny Fanahy Masina ; ny profil tadiaviko dia : olona hendry na fetsy tahaka ny menarana ary olona tsotra, mora fanahy tahaka ny voromailala. Mora am-pitenenana izany ry havana ô. Fa tena hoe sarotra iainana. Ahoana moa izany ? Ilay ambodia ve dia ilaina azavaina. Ny ambodia dia karazana alika tena hoe vaventy ary alika tena hoe faran’izay masiaka dia masiaka ; izany ambodia misy manodidina antsika izany. Ary alika mandeha amin’ny andiany fa tsy mba mandeha irery. Izay no maha-grave azy. Eo ampovoan’ny ambodia izany ianao. Dia inona ny zavatra tenenina ? Hendre, fetse tahaka ny menarana. Mahafinaritra ilay teny-na mpandinika anankiray izay : fetse tahaka ny menarana. Ny menarana, hoy izy, faible. Donc tsy maintsy fetsy izy. Satria izy faible, dia tena hoe ialany aok’izany izany hoe hiady izany ; tsy te hiady izany menarana izany, raha tsy hoe efa tsy fidiny ho azy. Izay ilay izy ry havana. Raha misy ambodia izany eo an : aleo mitsoaka ihany raha mbola azo atao. Ilay ambodia manodidina eo : ilay vady, ilay zanaka, ray aman-dreny, mpiara-manompo, mpiara-miasa : fantaro ny toetrany. Ilay olona ifaneraseranao sy ifampiraharahanao : tsoahy raha mbola azo atao, ialao raha mbola azo atao izany hoe miady izany. Izay ilay fahafetsen’ny menarana izay. Fa akory atao, rehefa tsy maintsy iatrika ady, dia hoy ny Tompo hoe : eo ny Fanahy Masina.

Fa tsy miteny fotsiny Izy hoe : fetse, hendre tahaka ny menarana ; Ary morà. Ny profil tadiavina tsy hoe olona fetsy fotsiny, fa hoe : fetse ary morà. Ilay mora dia tena hoe : olona tsotra izany e. Ao ihany ilay hoe bonaika, mora fitahina ; fa mila mianatra tsotra ianao. Ary ny Tompo no mampianatra antsika an’izany. Raha fetsy fotsiny ianao an, rehefa ela ny ela, dia lasa manompy any amin’ny fahafetsen’ny devoly. Fa tsy maintsy fetsy ianao sady tsotra tahaka ny voromailala. Izay zavatra anankiroa izay no profil tadiavin’ny Tompo ry havana. Dia rehefa izay no hitany ao aminao, dia manampy anao Izy hamboly an’izay toetra izay. Ary rehefa izay no toetra hitany ao aminao : io ary ianao fa tojo fanenjehana, ho entina any amin’ny tribonaly ; eo ilay mpanenjika : inona no ho lazainao ? Hoy ny and.19 : « aza manahy ny amin’izay fomba hitenenanareo, na izay holazainareo ; fa homena anareo amin’izany ora izany izay holazainareo. Fa tsy hianareo no miteny, fa ny Fanahin’ny Rainareo ». Ny Fanahin’ny Rainao.

Ry havana ô, ry havana ô, aza manahy intsony ny amin’ny mpanenjika anao ; aza manahy intsony ny amin’ny mpanenjika anao : ny Tompo no mampandalo anao amin’izany fanenjehana izany. Ary io circonstance-na fanenjehana io, tena hoe occasion itenenanao amin’ny Ray hoe : « tanako amin’ny teninao Ianao Jesoa an, tena te haheno ny Fanahy aho manome teny ahy. Te haheno ny Fanahy manome teny ahy amin’izao fotoana izao, sy amin’izao toerana anenjehana ahy izao. Ary Izy no hanome teny ary dia izaho ho porte-parole-ny Fanahy Masina. Tsy amin’ny andron’ny krizy ihany, tsy amin’ny andron’ny fanenjehana ihany ; fa amin’ny androm-piainako rehetra, hoe : ny fahasambarako, izay teny aloaky ny vavako dia tena hoe teny avy amin’ny Fanahy Masina. Tsy hoe teny anakombona ny vavan’ny mpanenjika fotsiny, fa tena hoe : faly aho e, izaho izao : porte-parole-ny Fanahy Masina ».   

Ny Fahamarinana farany dia izao : ANDRIAMANITRA RAINTSIKA DIA MITADY PORTE-PAROLE IHANY KOA.

Jesoa mitady porte-parole, hoy ny Apostoly Paoly.

Ny Fanahy Masina mitady porte-parole, hoy Jesoa, tao amin’ny Matio teo an.

Andriamanitra koa, Andriamanitra Raintsika : mitady porte-parole.

Ao amin’ny Deoteronomia 34 miresaka an’i Mosesy ny Soratra Masina. Dia izao no ilazan’ny Soratra Masina an’i Mosesy eo amin’ny and.10, izay tsy perikopa, fa juste après an’ilay perikopa izay mifarana eo amin’ny and.9, hoe : « Ary tsy nisy mpaminany intsony niseho teo amin’ny Isiraely tahaka an’i Mosesy, izay fantatr’i Jehovah nifanatrika ». Tsy nisy mpaminany intsony teo amin’ny Isiraely tahaka an’i Mosesy, izay fantatr’i Jehovah nifanatrika. Mosesy izany ry havana eto, ambara hoe : ilay lehilahy nanana fifanatrehana manokana tamin’i Jehovah. Ary tsy nisy tahaka azy intsony, amin’ireo mpaminany izay nandimby azy. Ary io Mosesy io ry havana, io Mosesy io, no hoe porte-parole-n’Andriamanitra ; Andriamanitra izay antsointsika hoe Ray. Izany no mahatonga antsika hiteny eto amin’ity Fahamarinana 3 ity hoe : porte-parole-ny Ray i Mosesy. Porte-parole-ny Ray izy : nanolorany ny Didy 10 tany Sinai. Fa porte-parole-ny Ray izy amin’ny ankapobean-javatra satria nifanatri-tava tamin’Andriamanitra hoy ny Soratra Masina, toa ny sakaizan’Andriamanitra. Ka izay resany teo, izay resany tamin’izany, tamin’Andriamanitra Rainy, dia nozarainy tamin’ny Fiangonana. Nozarainy tamin’ny Fiangonana. Izany ity Mosesy ity ry havana ô : porte-parole-ny Rainy. Ary inoana fa hoe nahatonga ny vahoaka, ny Zanak’Isiraely ho tena tia azy izany, satria hoe mamy ny teny entin’i Mosesy, dia fantany ny amin’i Mosesy e ; mifanatrika amin’ny Ray, mitondra ny tenin’ny Ray. Tena mamy hoditra tamin’ny vahoaka Mosesy ary rehefa maty izy, hoy ilay perikopantsika, rehefa maty izy, hoy ilay Deoteronomia 34 :6 hoe : « Ary naleviny tao an-dohasaha tao amin’ny tany Moaba, tandrifin’i Beti-peora izy ; ka tsy misy olona mahalala ny fasany mandraka androany ». Fantatr’Andriamanitra ny fitiavan’ny Zanak’Isiraely an’i Mosesy ry havana ô, ka rehefa maty Mosesy, Andriamanitra mihitsy ; any an-danitra isika hanontaniantsika Andriamanitra hoe ahoana marina moa no nandevenanao an’i Mosesy : naniraka anjely ve ianao sa iza e ? ; fa ny zavatra lazain’ny Soratra Masina dia hoe : « tsy misy olona mahalala ny fasany mandraka androany ». Maninona no tsy misy olona mahalala ny fasany ? Tsy tian’Andriamanitra hoe ho lieu de pèlerinage, tsy tian’Andriamanitra hoe idolâtrer’ny Zanak’Isiraely izany Mosesy porte-parole-ny Ray izany. Izany Mosesy ry havana ô : porte-parole-ny Raintsika.

Maro ny zavatra mety hoe ahatsiarovana an’i Mosesy ry havana, raha tsy hilaza ny hoe loza 10 raha hoe hanafaka ny Zanak’Isiraely Andriamanitra, hoe : ny rà, ny sahona, ny moka, ny lalitra, ny aretina, ny vay, ny havandra, ny valala, ny aizim-pito, ny lahimatoan’ny Egyptiana naringana. Mosesy daholo izany. Mosesy nahita an’izany. Fa ny zava-dehibe amin’i Mosesy dia zavatra 2, eto am-pamaranana :

• Ny voalohany, dia nolazaina teo, hoe : izy izay hoe nifanatrika ; Jehovah miteny mifanatrika tamin’i Mosesy Eksodosy 33 :11. Izay ny zavatra voalohany.
• Fa ny faharoa, ary ity no tokony ampieritreritra antsika izay candidat porte-parole Jesoa, porte-parole-ny Fanahy Masina, porte-parole-n’Andriamanitra Ray : tena sarotiny amin’ny teniny Andriamanitra. Sarotiny amin’ny teniny Andriamanitra ry havana ô. Fantatrao hoe maninona Mosesy tsy navelan’Andriamanitra hiditra, na dia hoe sakaizany ary, tsy navelan’Andriamanitra hiditra tany Kanana ? Satria nandika ny teniny indray mandeha tao amin’ny Soratra Masina. Ao amin’ny Nomery 20 no ahitana an’izany ry havana. Any an’efitra moa izany ny tantara no mitranga dia ny Zanak’Isiraely ohatrantsika Fiangonana e : mimonomonona lava, jamais satisfait ; fa mimonomonona lava. Dia tamin’izay nangetaheta ny Fiangonana dia niteny tamin’i Mosesy Jehovah ; ary izay no maha-porte-parole an’i Mosesy, Nomery 20 :8 hoe : « Alao ny tehina, ka vorionao sy Arona rahalahinao ny Fiangonana, ary henoy kely tsara ; mitenena amin’ny vatolampy eo imasony, dia hampiboiboika ny ranony izy ». Ary mitenena amin’ny vatolampy eo imasony. Mitenena amin’ny vatolampy, hoy Jehovah. Mitenena amin’ny vatolampy. Novorian’i Mosesy sy Arona teo anoloan’ny vatolampy ny Fiangonana, dia hoy ny Nomery 20 :11 hoe : « Ary Mosesy dia nanainga ny tànany ka nikapoka ny vatolampy indroa tamin’ny tehiny ; dia niboiboika be dia be ny rano ». Tena tezitra Jehovah. Nampiboiboika rano izy : ok ; fa tena tezitra Izy, tena tezitra Izy. Hoy Jehovah hoe : « tsy nino Ahy hianareo hanamasina Ahy eo imason’ny Zanak’Isiraely, dia tsy hitondra an’izao Fiangonana izao ho any amin’ny tany izay nomeko azy hianareo ». Fa inona no zavatra nitranga ? Inona ny zavatra nitranga ? Mangetaheta ny Zanak’Isiraely, mamindra fo Andriamanitra eo anatrehan’ilay fimonomononana. Io misy vatolampy hoy Jehovah ; vorio eo anoloan’io vatolampy io ny Fiangonana, dia mitenena amin’io vatolampy io. Inona no nataon’i Mosesy ? Tsy niteny tamin’ilay vatolampy izy. Nanainga ny tànany izy, nokapohiny indroa ny vatolampy. Tsy mendrika ny porte-parole izany ry havana ô. Tsy mendrika ny porte-parole-n’Andriamanitra izany. Ary izany ny lesona hoe antsika : « aoka eto tsy misy hanao kapo-batana hoe : dia ahoana koa e, ny vahoaka ange nangetaheta e, malemy izy e, dia mimonomonona izy e : niboiboika ange ilay rano e ». Non non non. Rehefa miteny Andriamanitra hoe : « teneno ny vatolampy » dia teneno ny vatolampy, fa aza kapohina ny vatolampy. Aza kapohina indroa ny vatolampy. Tsy mendrika ny porte-parole-n’Andriamanitra izany.

Inoana tanteraka ry havana, fa raha ny Soratra Masina no jerena : namindra fo tamin’i Mosesy Andriamanitra ary miandry antsika any an-danitra i Mosesy ankehitriny. Fa ho antsika : misy lesona izany. Izay te ho porte-parole ry havana ô : aoka ianao ho porte-parole môdely amin’ny fankatoavana ny tenin’Andriamanitra. Tsy ianao indray no hiteny hoe : « aza dia fanatique ohatran’izany e, aza dia tery saina ohatran’izany e. Dia inona koa no maha samy hafa an’izany e ? ». Aoka tsy ho izaho, aoka tsy ho ianao izany ry havana ô. Fa ny firariana ho antsika, dia porte-parole tena hoe mankalaza ny voninahitry ny Tompony isika, porte-parole-n’Andriamanitra Ray, porte-parole-n’i Jesoa Zanaka, porte-parole-ny Fanahy Masina ; ka rehefa vita ny asantsika ety, na afaka adiny iray aza, dia mamantana ary.

Ho aminareo ny fahasoavan’ny Tompo. Amen