Archives de la catégorie: Toriteny

Toriteny alahady maraina na fanompoam-pivavahana hafa

Ao amin’ny Galatiana 5 :6 ry havana : « Fa ao amin’ i Kristy Jesosy dia tsy mahasoa na ny famorana na ny tsi-famorana, fa ny finoana izay miasa amin’ ny fitiavana ». Ny finoana izay miasa amin’ny fitiavana.

RESAKA FINOANA MIASA AMIN’NY FITIAVANA

Izany no mahasoa, izany no ilaina : FINOANA MIASA AMIN’NY FITIAVANA. Tsy misaraka ry havana ny finoana sy ny fitiavana. Tsy possible ny ilazana hoe i Ra-anona tena manam-pinoana fa tokony mivavaka izy mba hanana fitiavana. Tsy mi-existe izany. Ary raha tena fitiavana indray, fitiavana an’Andriamanitra sy fitiavana namana ; tsy mi-existe koa izany raha tsy vokatry ny finoana. Tsy misaraka ireo. Ary manaitra sady marina ny tenin’i Lotera mpanitsy fivavahana manao hoe : rehefa misaraka ny finoana sy ny fitiavana dia finoan maty izay, ary fitiavana maty izay. Tsy misaraka ireo ry havana.

Andeha ary jerentsika ny amin’izany hoe finoana miasa amin’ny fitiavana izany ry havana ô.

Ny fanontaniana voalohany, dia hoe : INONA MOA, AHOANA MOA NY HAMARITANA AN’IZANY FINOANA IZANY ? AHOANA NY HAMARITANA NY ATAO HOE FINOANA ?

Ny finoana ry havana, tsy araka izay hiheverana azy hoe : rehefa tonga aty am-piangonana ohatra dia manonona fanekem-pinoana ; dia hoe ny Alahady voalohany : fanekem-pinoana voalohany, Alahady faharoa : fanekem-pinoana faharoa, fahatelo, fahaefatra. Tsy izany. Satria izany fanononantsika fanekem-pinoana izany ry havana ô, sady tsy manova ny fiainantsika ety an-tany izany, tsy mampiditra antsika any an-danitra izany. Tsy izay no atao hoe finoana : fanambarana fanekem-pinoana.

Fa ny atao hoe finoana dia tena faran’izay tsotra nefa hainao ry havana ô : tena hoe fahatokiana an’i Jesoa, confiance tanteraka amin’i Jesoa. Izany no atao hoe finoana ry havana ô. Ny atao hoe FINOANA : FAHATOKIANA AN’ANDRIAMANITRA IZAY NAHARY ANTSIKA. Ary nahary antsika Izy, dia mbola hoe miahy antsika. Fa tsy hoe nahary antsika Izy dia navelany mandehandeha eny isika. Ny atao hoe FINOANA : FAHATOKIANA AN’I JESOA KRISTY ry havana NOHO NY FANAVOTANA NATAONY TETO AMIN’NY HAZO FIJALIANA. Raha ny ràny aza foiny ho ahy, moa tsy foiny ho ahy avokoa ve ny zavatra rehetra izay mahasoa ahy ? Fahatokiana e ! Ary ny FINOANA dia mbola FAHATOKIANA ihany koa NY FANAHY MASINA. Satria ilay Andriamanitra nahary ahy iny, nanangana ahy ho zanaka tao amin’i Jesoa Kristy ; ary izaho, na dia zanaka aza, mbola fantatro tsara ny fahalemeko, dia mahatoky ny Fanahy Masina aho hiasa anatin’izany. Izany ve ny finoanao ry havana ô ? FINOANA MIDIKA CONFIANCE, FAHATOKIANA TANTERAKA AN’I JESOA AO AMIN’NY FIAINANAO.

Dia hoy ny Soratra Masina hoe : finoana miasa amin’ny fitiavana. Izany finoana nofaritantsika teo izany e, dia miasa, miteraka fitiavana izany ry havana ô. Tena automatique izany, automatique izany. Ary averina indray : tsy ny fombam-pivavahana, tsy ny religion, fa ny finoana no miteraka fitiavana.

Ahoana no iterahan’ny finoana fitiavana ry havana ô ?

Rehefa tena hoe mahatoky tanteraka an’ilay Andriamanitra telo izay iray tahak’izany ianao ; resaka confiance hoy aho ity ry havana ; dia miasa ny Fanahy Masina. Miasa ny Fanahy Masina ry havana ô. Miasa maninona ny Fanahy Masina ? Miasa mampidina ato am-poko, hoy Romana 5 :5 ; mampidina ato am-poko ny fitiavan’Andriamanitra. Fa Izy tsy miasa amin’ny olona tsy mino e. Mampidina ato am-poko Izy an, ny fitiavan’Andriamanitra. Mahazo roa ilay fitiavan’Andriamanitra ry havana : hoe : fitiavan’Andriamanitra ahy : hoe fenoina an’izany ny foko, tena mahatsiaro tena tiana aho, mahatsiaro malala eo imason’Andriamanitra aho. Ary mahazo roa ilay izy : faharoa, hoe : miteraka fitiavako an’Andriamanitra. Asan’ny Fanahy Masina izany ry havana. Izay ilay hoe : finoana miasa amin’ny fitiavana. Miasa tahak’izay ny Fanahy Masina ao amin’ny fanahiko ao, ao amin’ny foko ao. Ary ny Fanahy dia mampahatsiaro ahy isan’andro hoe : « ianao ange tsy olon’olom-poana e, fa zanaka nateraky ny Rainao any an-danitra ianao e ». Manova ny fifandraisako amin’Andriamanitra izany ry havana ô. Tsy hoe mpino fotsiny aho, tsy hoe mpanompo fotsiny aho, fa hoe tena zanaka tiana. Ary miasa aimn’ny fitiavana ilay finoana, satria ilay Fanahy Masina ry havana, izay irahin’Andriamanitra ao amin’ny fiainako : mampifanaraka ny sitrapoko amin’ny maha-zanaka amin’ny sitrapon’ny Raiko ; na hoe : manjary lasa sitrpoko ny sitrapon’ny Ray. Izay ilay finoana miasa amin’ny fitiavana. Izay tapany faharoa izay izany, dia hoe : asan’ny Fanahy Masina mampidina ny fitiavan’Andriamanitra ao amin’ny foko ka mameno ny foko amin’izany, mampahatsiaro ahy mandrakariva : « ianao ka sarobidy eo anatrehan’Andriamanitra », ary fahatelo, hoe : mamboly ao amin’ny foko ny faniriana hanao ny sitrapon’Andriamanitra. Tsy vitan’ny olona religieux izany ry havana ô, fa ny olona mino, ny olona croyant no manao an’izany. Ary mpino izy satria nanapa-kevitra ny hatoky tanteraka an’Andriamanitra. Ary izany ambara izany ry havana, rehefa tena dinihina, mety efa henontsika. Fa raha ny marina izany zavatra sarotra amintsika zanaky ny refôrmasiôna, ho antsika reformée, isika calviniste. Ny zavatra nitaizana antsika dia hoe : mpandray, diakona ny ray aman-drenintsika, dia atao batisa fony fahazaza isika. Izay ara-tsoratra Masina. Dia naman’ny hoe efa mino izany. Tsia ry havana ô ! Tsia. Misy fotoana ianao, na iza na iza ianao manapa-kevitra hoe « Jesoa an, Jesoa, (ary normalement tokony amin’ilay fotoana andraisana anao ho mpandray ny fanasan’ny Tompo ianao no manao ian’izany) ; Jedoa an : tena hoe apetrako tanteraka eo am-pelatananao ny fiainako, hanjakao tanteraka ary anaovy izay tianao aho ». Izay ilay finoana ry havana ô.

Rehefa mandinika ny zava-misy isika ry havana, dia, eo amin’ny olona izay mitonon-tena ho kristiana, dia tsita tokoa izay finoana miasa amin’ny fitiavana izay. Tsy hoe ny finoana no tsita, tsy hoe ny fitiavana no tsita ; fa araka ilay nanazavan’i Lotera azy teo : tsy hita fotsiny izao ilay izy e. Dia ilay fanontaniana manaraka izao ry havana, dia hoe : Fa nahoana ary ? Inona no mahatonga izany fahafatesan’ny finoana sy fahafatesan’ny fitiavana izany ?  

Amin’izao ry havana tsy dia misy intsony, fa haka ohatry ny « cafetière électrique » aho, « cafetière électrique », ilay machine à café fanaovana café izany. Dia misy modely-na cafetière électrique taloha, ao amin’ny vodiny ao, misy karazana fusible. Ilay fusible io, mi-saute io rehefa tratry ny surchauffe ilay machine électrique fanaovana café. Izay ilay ohatra ry havana. Maninona no maty ilay finoana ? Maninona no maty ilay fitiavana ? Raha oharina amin’ny cafetière électrique ny fiainantsika ry havana : misy fusible mi-saute ao, satria tratry ny surchauffe. Dia alaivo sary an-tsaina ilay zavatra mitranga. Tratry ny surchauffe ilay izy ; izany hoe efa nandeha tao ela be ihany izany. Ilay café ao anatiny izany, rehefa jerenao : mangotraka ; fa satria ni-saute ilay fusible, mety tsy hitan’ilay mpanao café ilay izy ; ni-saute ilay fusible, efa maty ilay cafetière, mbola mangotraka ilay café. Fa iny, rehefa ela ny ela, miha-mangatsiaka ho azy ao iny ry havana ô. Ohatran’izany ny fiainan’ny kristiana religieux maro. Efa ni-saute ilay fusible-ny fanahiny nefa izy mbola manao asa-na diakona ihany ; efa ni-saute ilay fusible-ny fanahiny nefa izy mbola manoratsoratra andinin-tsoratra Masina any amin’ny Facebook any ; efa ni-saute ny fusible-ny fanahiny nef aizy mbola mihirahira hiran’ny lanitra ihany. Possible tsara mihitsy izany. Efa ni-saute ny fusible-ny fanahiny fa mbola hainy tsara ny manao hoe : « Finaritra » manomboka sms, « Tahin’ny Tompo » mamarana sms. Etc… Rehefa farany iny ilay mangotraka iny : mangatsiaka. Izay ange no ahitantsika ilay kristiana mangatsiaka e. Raha cafetière électrique izy : tsy fantany fa efa ni-saute ilay fusible ry havana ô.

Dia inona no atao ary eo anatrehan’izany fusible mi-saute izany noho ilay surchauffe? Tsotra ny antony : ny mampi-saute an’iny fusible iny ry havana : ny fitiavan’Andriamanitra. Ilay fusible mantsy amin’ny électrique : mi-saute ilay izy mba tsy hirehitra ilay système électique rehetra. Dia hoe, ilay fusible mi-saute ao amintsika dia fanairan’Andriamanitra e. Misy ota tian’Andriamanitra isarihina ny saintsika, raha tsy izany dia mi-saute ilay fusible-n’ilay finoana, mi-saute ilay fusible-ny fitiavana, dia mangatsiaka tanteraka, glacé ianao ry havana ô. Eo anatrehan’izany ary, raha te hiverina amin’ilay fitiavana ianao, amin’ilay finoana mahavonjy ianao, mandiniha tena, ary dia mibebaha.

Isika rehetra samy manana ota amin’izao ora ihainoantsika izao hafatra izao, tian’Andriamanitra isarihina ny saintsika e. Ary isika rehetra malagasy dia concernés daholo amin’ity otan’ny kolikoly ity ry havana ô. Tsy ny lalàna no hahafaka an’io, tsy ny fandrahonana no hahafaka an’io, tsy ny réforme-ny système juridique no hahafaka an’io ; fa izaoh sy ianao mandinin-tena tsirairay, hoe : « Tompo ô, misaotra anao ny amin’ny fusible mi-saute, misaotra anao ny amin’ny fangatsiahako an, fa tena tonga saina aho hoe misy tsy mety tokoa ny amin’ny fifandraisako Aminao ». Dia tsy ohatran’ireny olona miteny ireny intsony ianao hoe, any amin’nyFiangonanao, na sendra nahare toriteny any am-piangonana : « oay, tiako be ilay toriteny teo, tena hiverina aho amin’ny Alahady ». Inona ny Alahady ahitana anao eo ? Misokatra ny Fiangonana depuis le confinement, an-jatony tato amin’ity Fiangonana ity no mbola tsitako tato amin’ny Fiangonana ry havana ô. An-jatony e, an-jatony vitsivitsy maromaro. « Pasitera an, tapa-kevitra amin’izay aho : hanaraka étude biblique aho, hanaraka cellule aho » : tazanina ianao, tanana amin’ny teninao ianao : tsita ianao e. Tsita ianao. Tsy manome tsiny anao ry havana, fa ambara aminao amin’ny anaran’ny Tompo : mbola mi-saute ilay fusible-ny fanahinao, ka tsy hita ao aminao ilay finoana miasa amin’ny fitiavana ny Tompo sy ny fitiava-namana. Tsy omena tsiny ianao ; fa na izaho na ianao amin’izao minitra izao, mila sahy mandinin-tena ry havana ô.

Hoy isika hoe : inona ary no atao ? Dia efa teo ilay voalohany, hoe : mibebaha. Izay no ohatrany hoe fanoloana ilay fusible. Fa fantatsika tsara ry havana, fa raha atao hoe soloina iny fusible iny, tsy avy hatrany dia mandeha ilay machine à café an. Ilay hoe soloina ilau fusible, dia tsy maintsy potsirina ilay bouton « marche/arrêt ». Dia eo izany ianao faharoa, rehefa nanolo fusible tamin’ny fibebahana, dia potsirina ilay bouton « marche ». Dia mandeha indray ilay cafetière électrique-ny fiainanao, ny fanahinao.

Ahoana moa izany fampiarana ny hoe ataovy en position « marche » ilay cafetière électique-ny fiainanao ? Zavatra 2 ry havana, zavatra 2 faran’izay tsotra, ary efa hainao :

• Voalohany indrindra, manokànà fotoana ho an’ny Tompo. Raha ohatra moa ianao hoe tsy miasa dia ao an-trano : manokànà fotoana bebe kokoa e hamakiana Soratra Masina. Fa azo atao tsara koa ny hoe : manokana fotoana bebe kokoa ho an’ny Tompo ny hoe : tsy ataoko teny nandalo fotsiny ilay teny novakiako tamin’ny mofon’aina na tamin’ny mana isan’andro na tamin’ilay voa tsara nafafy maraina iny hoe, « oay nahafinaritra » ; fa hoe teny entiko mi-accompagné ahy ao anatin’ny androko manontolo iny teny nomen’ny Tompo ahy iny ho sainiko. Ary rehefa sainiko ohatran’izany iny teny iny : lasa fiainako, lasa fanasitranana ny nofoko. Rehefa sainiko ohatran’izany iny : manefy ahy handeha tahaka ny zanaka, manefy ahy handeha amin’ny fahatokiana ry havana ô. Saino, avelao hi-accompagné anao anatin’ny andro manontolo ilay teny nomen’ny Tompo anao rehefa maraina ry havana. Ovay koa ry havana, manarak’izay, ovay ny hira fihainoanao. Ovay ny hira fihainoanao. Tsy adalan’i Paoly akory e, ny miteny hoe : « mifampilazà ianareo amin’ny Salamo sy ny fihirana sy ny tonon-kiram-panahy ». Tsy adalana izany ry havana ô. Maka ny fitenintsika aho. Hitanao, io hiran’izao tontolo izao io, izay henoinao en boucle io, satrio hiran’izao tontolo izao, tsy avy amin’ny Fanahy Masina fa avy amin’izao tontolo izao, dia mitarika ny fanahinao sy ny fonao sy ny sainao hiondrika eto amin’izao tontolo izao e. Tsy fahateren-tsaina izany ry havana ô, fa toro-lalana omena ny olona izay hoe te hametraka ny bouton-ny cafetière électrique-ny fiainany ao amin’ny position-na « marche ». Atomboy ny fotoana atokanao ho an’ny Tompo, saino ny teny, raha hihira en boucle ianao izao : aoka ho Salamo, fihirana, tonon-kiram-panahy. Ary rehefa izany no ataonao dia ho tarihin’ny Tompo lalana ianao e, ny amin’izay tiany ataonao bebe kokoa amin’izany famerenana ny bouton-ny fiainanao en marche izany. Rehefa izany no ataonao, hahafaly Azy izany, sady hanoro anao Izy hoe izao sy izao indray. Rehefa izany no ataonao, dia hoy Izy hoe : « ianao zanako, tiako ianao raha mba hoe manandrana an’izany hoe manokana fotoana ho Ahy izany, hifady hanina, hivavaka bebe kokoa hananana fiombonana bebe kokoa amiko ». Izay ry havana : ampitomboy ny fotoana atokanao ho an’ny Tompo e.
• Faharoa farany, ho an’ny olona izay manao ny bouton-ny fiainany eo amin’ny « marche », dia hoe : ataovy sérieux ny vavaka. Ataovy sérieux ny vavaka. Ny olona izay nandray au sérieux ny tenin’Andriamanitra, araka ilay nitenenantsika azy teo, dia ao moa misy fampitandremana, misy teny fampanantenana ; ny olona nandray an’izany au sérieux ry havana, automatique manao au sérieux, mandray au sérieux ny vavaka. Izay ilay fandehany. Ataovy sérieux ny vavaka raha te hiverina amin’izany hoe finoana miasa amin’ny fitiavana izany ianao ry havana ô. Ohatra volamena ry havana ao amin’ny Soratra Masina ao, ny ohatr’i Jakoba ao amin’ny Genesisy 32 :29 Nitolona tamin’i Jakoba Andriamanitra, dia nitolona tamin’Andriamanitra i Jakoba. Dia noy handeha Andriamanitra, lehilahy moa, ohatrany hoe nanana endrika lehilahy Andriamanitra tamin’izay, dia hoy Jakoba tamin’Andriamanitra hoe : « Tsy avelako handeha ianao rhaa tsy mitahy ahy ». Izany ny toe-tsaina, toe-po, toe-panahin’ny olona hoe mandray au sérieux ny vavaka. Misy teny fampanantenana ao, fampanantenana fitahiana ao : « tsy hamelako Ianao, tsy hamelako Ianao e, raha tsy mitahy ahy ». Ary isika rehetra ry havana ô, isika rehetra mila mitombo amin’izany fandraisana au sérieux ny vavaka izany. Tahaka ny nandraisan’ilay lehilahy teraka jamba, tamin’ny perikopa tamin’ny herinandro teo au sérieux ny teny fampanantenan’i Jesoa momba ny fampahiratana azy. Nirahana izy ho ary amin’ny farihin’i Siloama. Hoy ny fitenenana : voatery namakivaky ny tanànà iray manontolo izy vao tonga tany Siloama, satria noraisiny au sérieux ny teny fampanantenana. Ohatra anankiray ilay vehivavy nandeha rà 12 taona. Ahiliky ny fiaraha-monina ry havana ny olona marary mandeha rà izany satria ambaran’ny Soratra Masina ao amin’ny testamenta taloha hoe maloto ka tsy afaka miaroaro. Tsy ahoany inona izany : novakivakiany ilay foule, ilay vahoaka teo anilan’i Jesoa satria nitady famonjena izy.

Raiso au sérieux ry havana ny tenin’Andriamanitra an, raiso au sérieux ny vavaka e ! Dia ho hitanao fa tena en position « marche », « marche spirituelle » ny fiainanao e.

Misaotra ny Tompo isika ry havana ny amin’ny nampianarany antsika mazava e ny zavatra andrasany amintsika, isika izay an-dalana ho any an-danitra, dia ny mba hananantsika an’izany hoe finoana miasa amin’ny fitiavana izany.

Angataho ny Fanahy Masina hitarika anao ho amin’ny marina rehetra ary hiasa ao aminao na ny fikasana na ny fanaovana hahatanteraka an’izany finoana e, miasa amin’ny fitiavana izany.

Ho aminao ny fahasoavan’ny Tompo, ary ho an’Andriamanitra irery anie ny voninahitra. Amena.      

Ao amin’ny filazantsara araka ny Jaona, Jaona 9 : 35-38. Izay no anombohantsika ny hafatra. Jaona 9 :35-38, andao iarahantsika mamaky amin’ny anaran’i Jesoa izany : « Jesoa nandre fa efa noroahiny ralehilahy; ary rehefa nahita azy Izy, dia nanao hoe: Mino ny Zanak-Andriamanitra va ianao? Ralehilahy namaly ka nanao hoe: Iza moa no Izy, Tompoko, mba hinoako Azy? Hoy Jesoa taminy: Efa nahita Azy ianao, sady Izay miresaka aminao izao no Izy. Ary hoy izy: Tompoko, mino aho. Dia niankohoka teo anatrehany izy ».

Ilay lehilahy miresaka amin’i Jesoa dia lehilahy teraka jamba, ary nositranin’i Jesoa amin’ny fomba mahagaga. Dia ny fiafaran’ilay perikopantsika androany, eo amin’ny and.38, dia niteny ilay lehilahy jamba teo aloa : « Tompoko, mino aho. Dia niankohoka teo anatrehany izy ». Niankohoka teo anatrehany izy.

Ny Fahamarinana 1 ry havana dia izao : NY ARETINA, NY TSY FAHASALAMANA, DIA AMPIASAIN’I JESOA AMPAHIRATANA ANTSIKA ARA-PANAHY.

Anatin’ny Corona isika ry havana izao. Mihanaka ny Corona. Misaotra an’Andriamanitra fa noho ny famindram-pony, noho ny fitondrany ny fiainako sy ny fiainanao : mbola tsy tratran’ny Corona isika. Fa na ho tratran’ny Corona isika na tsy ho tratran’ny Corona, raha ho tratran’ny aretina hafa isika, tsy maintsy hisy izany, aretina hafa ; dia izao ry havana ataovy ao an-tsaina an : ampandalovin’Andriamanitra amin’io aretina io ianao satria tiany ampahiratina ny masom-panahinao. Ka raha ianao ao anatin’ny aretina ry havana, aretina mety efa mitaiza aman-taonany, aretina vao hitranga, aoka ny reflexe, reflexe-tsika Fiangonana dia hanao hoe : « Tompo ô, ampandalovinao amin’izao aretina izao aho. Inona ary araka ny hafatrao no mbola tianao ampahiratana ny masoko ara-panahy ? Inona ? Hitako ny aretina, fa inona no tianao ampahiratana ahy ara-panahy ? ». Izany ny zavatra mitranga eto amin’ity perikopantsika androany ity ry havana ô. Tena hoe sitranin’i Jesoa ilay mason’ilay lehilahy tena hoe jamba ara-nofo ; fa araka ny nolazaintsika teo : Izy miteny hoe : tsy izy akory no nanota na ny ray aman-dreniny no nanota ka jamba izy ; fa mba hanehoana ny voninahitr’Andriamanitra. Inona ny voninahitr’Andriamanitra ? Dia ny hananantsika maso ara-panahy mahiratra ka tonga ohatran’ny any ity lehilahy teraka jamba ity any amin’ny farany, hoe : miankohoka eo anatrehan’ny Tompo ry havana ô. Izany ny fankalazana ny voninahitr’Andriamanitra. Raha jerena ry havana ny Jaona 9 dia hita miandalana eo tokoa ilay fitombon’ny finoan’ity lehilahy ity rehefa hoe nampahiratin’i Jesoa ny masony. Miteny izy eo amin’ny and.11, anontanian’ilay mpiara-monina taminy izy : « fa iza no nanasitrana anao e ? », dia manambara izy hoe : « Ilay lehilahy atao hoe Jesoa », and.11. Enquêtiavan’ny fariseo indray izy : « fa ahoana no nahasitrana anao e ? », dia and.17 : « Mpaminany Izy ». Ilay lehilahy atao hoe Jesoa : Mpaminany Izy. Ary amin’ny and.33 indray, mbola enquêtiavan’ny fariseo ihany izy : « Avy amin’Andriamanitra izany lehilahy izany ». Izay ilay hoe mitombo miandalana ilay finoana rehefa navelan’i Jesoa nifanerasera tamin’ny mpiara-monina taminy izy, tamin’ny fariseo. Nahiliky ny ray aman-dreniny izy, dia mbola nahiliky ny fariseo. Occasion nitomboany tamin’ny finoana izany. Ary Jesoa ry havana, tena hoe nanaja azy. Tsy vao hoe sitrana, nahiratra avy any amin’ny farihy Siloama izay nanirahan’i Jesoa azy hoe hanasany ny masony, dia tsy tonga dia hoe : « avia ianao ilazako zavatra ara-panahy » ; non. Nanaja azy, nanaja ilay fifaliana. Azontsika an-tsaina anie izany hoe fifalian’ny olona hoe jamba dia mahiratra e. Navelan’i Jesoa iaina an’izany fifaliana izany izy. Tsy avy hatrany dia nandodona azy Izy. Fa izay : hitantsika ry havana ô, hitantsika ilay évolution spirituelle an’ity lehilahy teraka jamba teo aloa ity. Fa izao, hoy ny eo amin’ny and.13 rehefa navelan’i Jesoa niaraka tamin’ny mpiara-monina taminy izy, tamin’ny fariseo, dia tamin’ny ray aman-dreniny, dia tamin’ny fariseo indray ; eo amin’ny and.35 : « Jesoa nandre fa efa noroahiny ralehilahy ». Noroahin’ny ray aman-dreniny ve ? Noroahina tao amin’ny synagoga ve ? Voahilika hatraiza hatraiza ity lehilahy ity. Voahilika izy. Anatin’izany fahoriana izany no anatanterahin’i Jesoa ny finoany. And.35 hoe : « Jesoa nandre fa efa noroahiny ralehilahy; ary rehefa nahita azy Izy, dia nanao hoe : Mino ny Zanak’Andriamanitra va ianao ? ». Mino ny Zanak’Andriamanitra va ianao ? Nahita azy Jesoa, nanatona Azy Jesoa, tsy nanao hoe : « Salama ianao. Nanahoana ilay maso ? Mahiratra tsara ? Mazava tsara ? ». Tsy izany no nataon’i Jesoa ry havana ô. Nanatanteraka ilay fampahiratana azy ara-panahy izy hoe : « Mino ny Zanak’Andriamanitra va ianao ? ». Fa dia ilay fifaneraserana teo amin’ny fiaraha-monina teo no nanamasaka an’ilay finoana. Dia hoy ralehilahy hoe : « Iza moa izy Tompoko, mba hinoako azy ? Hoy Jesoa taminy : efa nahita Azy ianao, sady Izay miresaka aminao izao no izy ». Te hanambara ny tenany aminao ny Zanak’Andriamanitra amin’izao maraina izao ry havana ô. Ary raha mahiratra ara-panahy ianao, zavatra tokana no ahafantarana an’izany amin’izao maraina izao, araka ilay and. 38 hoe : « Mino aho. Dia niankohoka teo anatrehany izy ». Ni- « se prosterner ». Izay ilay fiankohofana. Amin’ny teny frantsay koa, hoe : ni-« adorer ». Na izaho Pasitera, na ianao mpivavaka ato : mila mitombo aimn’izany adoration izany isika e. Mila mitombo amin’izany fitiavana voalohany izany isika e. Na hiodin-kavia ianao na hiodin-kavanana, tsisy afa-miala amin’izany « adoration » izany isika ry havana ô. Ary isika rehetra ireto tao amin’ny fiainantsika nanana olona izay no-adorer-tsika : mety olon-tiana io, mety ray aman-dreny, zanaka, iray tampo. Tian’i Jesoa ho adorer-tsika tahaka izany Jesoa ry havana ô. Ary Izy irery raha ny marina no tiany ho adorer-tsika tahak’izany.

Izay izany ilay Fahamarinana 1 hoe : TSAROVY FA IO ARETINA MAHAZO ANAO IO DIA HOE AMPIASAIN’NY TOMPO MBA HAMPAHIRATRA ANAO ARA-PANAHY.

Ny Fahamarinana 2 dia ao amin’ny Asan’ny Apostoly 26 :16 : « Fa mitsangàna, ka mijoroa amin’ ny tongotrao ». Ny Fahamarinana 2 dia izao ry havana : AZA MENATRA NY LASANAO.

Rehefa tahaka an’ity lehilahy teraka jamba ity mantsy, ary ny olona rehetra ry havana dia teraka jamba. Mety tsy teraka jamba ara-nofo ; fa ny olona rehetra dia teraka jamba ara-panahy. Dia rehefa mahiratra ara-panahy ianao dia mahita ny fiainanao, mahita ny lasanao ianao : menatra ianao. Ny hafatry ny Tompo, dia hoe : AZA MENATRA NY LASANAO INTSONY, FA MITSANGANA KA MIJOROA.

Araka ny voalaza teo ry havana : misy fotoana isika, rehefa mijery ny lasantsika, mahita ny lalana sasany, mahita ny lalana maro nizorantsika fahiny, dia mahamenatra antsika izany ankehitriny rehefa nahiratra ny masontsika ara-panahy. Misy pejy sasany ao amin’ny fiainantsika ry havana ô, izay hoe tiantsika ho rovitina vao mahatsiaro azy isika. Ary ho an’ny sasany, tsy pejy, fa tena toko iray ao amin’ny bokin’ny fiainany mihitsy no tiany ho dorana. Tena possible izany, tena possible izany ry havana ô. Fa ny atoron’ny Tompo amintsika, dia ny hoe : rehefa mahatsiaro ny lasanao ianao, ifony tsy misy hatak’andro izany. Ny lasanao, ny sehon-javatra rehetra teo amin’ny lasanao ka mahamenatra anao : hifony tsy misy hatak’ andro izany. Ary izao no zavatra mitranga ry havana : rehefa hoe ny tantaram-piainanao, izay sehon-javatra tsaroanao tamin’ny fahininao efa nifonanao, dia izao ny hafatry ny Tompo aminao hoe : aoka izay ny mitanondrika, aoka izay ny mankalahelo tena. Fa ny Tompo miteny aminao hoe : « Mitsangàna e, ka mijoroa e ». Rehefa mahatsiaro ny passé-nao ianao ry havana. Andao anie sokafy ny fihirananao ao amin’ny 487 e, ilay hira 487. Andeha ange iarahantsika mamaky ilay and.2 amin’izany 487 izany : « Ny fiainako be siasia taloha, voaova mihitsy izao. Eny, ny fahotako izay nahavoa, voasasany koa izao ». Ataovy ao am-bavanao io hira io ry havana ô, rehefa mahatsiaro ny passé-nao ianao. Izao manko : ianao mahatsiaro ny passé-nao ; fa ny devoly koa, mahalala ny passé-nao izy e, mahalala ny lasanao ny devoly e ; ary ny lahasan’ny devoly dia ny mampatsiahy anao mandrakariva an’izany passé-nao izany ry havana ô. Izany ny lahasany. Ary mampanahy anao izy, miteraka fiahanahana ao aminao izy ny amin’ny famelan-keloka efa natolotr’Andriamanitra anao momba izany passé-nao izany. Ary raha tsy miambina ianao, raha tsy miambina ianao ry havana : tena ho lasa tokotany filalaovan’ny devoly io lohanao io io sainao. Lasa tokotany filalaovan’ny devoly. Tsy hanam-pifaliana ianao, tsy hanam-piadanana ianao : izy dia hiezaka handresy lahatra anao isan’andro isan’andro fa Andriamanitra mbola tezitra aminao fa impardonnable ianao e. Ary ianao io dia hoe tsy mendrika hanatona an’Andriamanitra izany. Izany ny attaque-ny devoly mba tsy hananantsika fifaliana ary hitoetra amin’ilay fahamenarana noho ny lasa ry havana ô. Enga anie ry havana, ka ho maro ny mpivavaka ato amin’ity Fiangonana ity amin’izao maraina izao, ka afaka hiteny hoe : « ie, mpangalatra aho taloha, ie mpanodikodina volam-panjakana aho taloha, ie mpandainga aho taloha, ie mpandala fomban-drazana, mpanompo sampy aho taloha, fa efa afaka tamin’izany aho ary efa nofafan’ny Tompo tamin’ny ràny teo amin’ny hazo fijaliana izany fahadalako sy fahalotoako rehetra izany » ry havana ô. Aza mitanondrika intsony, aza mitanondrika. Ny Tompo no miteny aminao hoe : Mitsangàna, mijoroa.

Ary Paoly izay ampitondrain’ny Tompo izany hafatra izany : izy no nitsangana, izy no nijoro, izy rehefa nokasihin’ny Tompo ny fony teny an-dalana ho any Damaskosy ny havana ô, rehefa novain’i Jesoa fo izy ry havana : tsy nagatak’andro izy : teo noho eo ihany izy dia nanomboka ny asa fitoriana ny filazantsara. Ary nanomboka tamin’ilay minitra voalohany nitoriany ny filazantsara ka hatramin’ny fara-fofon’ainy, tsy ahitana trace, na kely ohatran’iny aza ny amin’izay hoe fahamenaran’i Paoly ny amin’ny lasany sy nanenjehany an’i Jesoa Kristy sy ny mpianany. Ry havana ô, aza menatra ny lasanao intsony.

Ny Fahamarinana farany dia izao : MANOME ANAO ANTOM-PISIANA MAZAVA NY TOMPO DIA NY HAMPAHIRATRA NY MASON’NY HAFA

Irahin’ny Tompo ianao hampahiratra ny mason’ny hafa, eo amin’ny and.17 sy and.18 : « hamonjy anao amin’ ny olona Isiraely sy ny jentilisa, izay anirahako anao, hampahiratra ny masony hialany amin’ ny maizina ho amin’ ny mazava, ary amin’ ny fahefan’ i Satana ho amin’ Andriamanitra, mba hahazoany famelan-keloka sy lova eo amin’ izay nohamasinina noho ny finoana Ahy ».  Miverina in-telo ity fijoroan’i Paoly Apostoly vavolombelona ny amin’ny fihaonany tamin’ny Tompo. Mahagaga izany ry havana. Misy zavatra tian’ny Soratra Masina, tian’i Paoly avohitra ao. Ny avohitr’i Paoly amin’izao maraina izao, dia hoe : misy mission ry havana ô ankininy amiko sy ankininy aminao, dia ny hampahiratra ny mason’ny hafa. Ary azavaina ilay hoe « mampahiratra ny mason’ny hafa ». Ilay olona jamba ara-panahy ry havana lazain’i Paoly eo amin’ny and.18 dia mitoetra ao anatin’ny haizina ara-panahy, ao anatin’ny fahafatesana ara-panahy. Irahina isika ampahiratra ny masony. Ny olona jamba ara-panahy araka ity and.18 dia hoe mitoetra eo ambany fahefan’i Satana. N’inon’inona fahaizany, firazanany, etc…, rehefa jamba ara-panahy izy ; mitoetra eo ambany fahefan’i Satana, mbola ivelan’ny fanjakan’Andriamanitra. Ary izany no asa ambony indrindra ary masina indrindra anirahiny ahy sy anirahany anao : rehefa nampahiratiny isika dia hoe : « irahiko koa ianao ampahiratra ny masony ialany amin’ny maizina ». Paoly maniraka io dia hoe mijoro vavolombelona ny amin’ny tantarany. Paoly ange ry havana e : izy ilay hoe niainga avy any Jerosalema nifofofofo fankahalana ; miainga any Jerosalema ho any Damaskosy, nojereko hoe 330km izany hoe Jerosalemana mankany Damaskosy. Asa na nandeha inona izy na nandeha inona, nitondra taratasy hisamborana ireo kristiana, hampiverina azy any Jerosalema, hanameloka azy ho faty. Teny an-dalana Saoly no nisehoan’i Jesoa ary nokasihiny ny fony. Teny an-dalana ho any Damaskosy, nokasihin’i Jesoa ny fony ry havana ô. Fa izao : tao Damaskosy Saoly vao voavonjy. Tao Damaskosy fa tsy teny an-dalana. Tao Damaskosy izy vao voavonjy. Inona ny zavatra nitranga tao Damaskosy rehefa nokasihin’i Jesoa ny fon’i Saoly? Hoe ndana ianao aloa mankany Damaskosy dia ho lazaina aminao izay tokony ho ataonao. Niseho tamina mpianatr’i Jesoa anankiray antsoina hoe Ananiasy i Jesoa, dia niteny Izy hoe : « ndana ianao mankany amin’i Saoly ». Tena natahotra be Ananiasy hoe efa re nge ny lazany, tena hoe mpamono olona ; « ndana ianao mankany amin’i Saoly fa manana programa Aho ho an’i Saoly ». Dia inona no nataon’i Ananiasy ? Nankatoa izy. Niteny izy hoe : « Inty aho Tompoko. Inty aho Tompoko ». Dia nametra-tanana tamin’i Saoly i Ananiasy ry havana ô. Nametra-tanana tamin’i Saoly izy ary dia hoe, niaraka tamin’izay, dia nisy zavatra toy ny kiran-trondro niala tamin’ny mason’i Saoly. Natao batisa izy, nahazo famelan-keloka izy. Tamin’izay fotoana izay Saoly, tamin’izay fotoana izay Paoly no voavonjy.

Inona no hafatra ho ahy sy ho anao ? Fa maninona izany no mahakasika ahy amin’izao maraina izao ry havana ô ? Mitady Ananiasy, tahaka ny nanirahana an’i Ananiasy i Jesoa ry havana ô hampahiratra ny mason’ny hafa e. METEZA IANAO HO ANANIASY. Rehefa miteny izy hoe : « Irahiko ianao hampahiratra ny masony, ny mason’ny jamba » : irahiko ianao an ; ianao no hampahiratra azy an. Asanao izany fa izaho tsy hampahiratra azy. Azonareo ve izany ? Izaho maniraka anao hampahiratra azy. METEZA HO ANANIASY RY HAVANA O.

Fa izao no teny fampanantenana, arka ny hitantsika tao amin’ny tantaran’i Saoly : ianao tsy miasa irery. Irahiny Ananiasy ; fa Izy efa nikasika ny fon’i Saoly. Ary amin’izao andro taorian’ny Pentekosta izao, ny Fanahy Masina ry havana ô, efa mahakasika ny olona izay tian’ny Tompo anirahana anao mba hampahiratinao ny masony. Isika Isotry Fitiavana moa mampihatra ny toriteny ao amin’ny ankohonana. Izao no hafatra ho antsika, fampaherezana eto am-pamaranana : mahatsiaro anao vady, mahatsiaro anao ray aman-dreny ny amin’ny zanakao, mahatsiaro anao zanaka ny amin’ireo ray aman-dreninao ireo : milaza aminao ny Tompo e : tsy foana tsy akory ny fikelezanao aina mananatra, mijoro vavolombelona, manao tenim-pitiavana, manao teny amin’ny fahalemem-panahy amin’io vadinao io, amin’ny zanakao, amin’ny ray aman-dreninao. Tsy foana izany. Avy amin’ny Tompo izany. Efa fanomanana azy izany. Fa ianao kosa : mangataha amin’ny Tompo hoe : « izaho efa nijoro vavolombelona Tompo an, fa andefaso Ananiasy amin’izay ity vadiko ity, ireto zanako ireto, ireto ray aman-dreniko ireto. Andefaso Ananiasy izy e, tahaka ny netezako ho Ananiasy ho amin’ny tokantrano sy ho amin’ny ankohonana hafa ».

Ho aminareo ny fahasoavan’i Jesoa Kristy Tompo, ny fitiavan’Andriamanitra Ray, ary ny firaisana amin’ny Fanahy Masina. Amena

Lioka 21 :36 : « Fa miambena ka mivavaha mandrakariva, mba hahery ianareo ka handositra izany zavatra ho avy rehetra izany ary hitsangana eo anatrehan’ny Zanak’olona ».

Ilay tapany farany ry havana, ilay tapany farany amin’io andinin-tsoratra Masina io, hoe : HITSANGANA EO ANATREHAN’NY ZANAK’OLONA. Ny sitrapon’ny Tompo aminao : ny hitsangana eo anatrehan’ny Zanak’olona.

Maro amintsika izao no mahafantatra hoe ny Zanak’olona dia titre entin’i Jesoa rehefa manambara sy mampianatra ny amin’ny fihaviany indray Izy. Zanak’olona no anambarany ny tenany. Fa tsy izay ny zava-dehibe ry havana ô. Ny zava-dehibe anio dia hoe : IANAO VE, RAHATRIZAY MIVERINA NY ZANAK’OLONA, ISAN’ILAY NITSANGANA ? Izany ilay hafatra fampieritreretana antsika amin’izao maraina izao ry havana ô. Mazava ho azy fa matoa misy ny mitsangana, dia misy ny tsy mitsangana izany. Matoa misy ny mitsangana eo anatrehany, dia misy ny nitsaoka teo anatrehany.Tena misy izany ry havana ô, ary ho jerentsika izany. Fa enga anie izaho sy ianao tonga eto ka mandre an’izao hafatra izao dia ho hita mitsangana eo anatrehan’ny Zanak’olona ry havana ô. Ataovy tanjona izay e, ataovy tanjona izay. Ary rehefa mamaritra tanjona ohatran’izay isika, dia iny tanjona izay nofaritantsika iny, iny no mibaiko ny fomba fiainantsika ry havana ô.

Dia ilay fomba fiainana tian’ny Tompo amafisina na volena ao amintsika dia eo amin’ny and.36 : « ka mivavaha mandrakariva ». AOKA HO FOMBA FIAINANAO NY MIVAVAKA – AOKA HO STYLE DE VIE-NAO NY MIVAVAKA. Mijery ny clip-ny artistes iny aho ry havana, ilay navoakany tatoato, dia hitanao mihitsy hoe ny style de vie-ny, ny fisehony ivelany dia hoe :ireto dia artistes. Fa ianao tsy izany, izaho sy ianao : aoka ny ahafantarana ahy, ny style de vie-ko, ilay fivavahana mandrakariva.

Ny fanontaniana ary dia izao : Ahoana izany olona hitsangana eo anatrehan’ny Zanak’olona izany ?

Ny valiny ry havana dia hoe : OLONA TSY MATAHOTRA FITSARANA. Andeha jerentsika ny Salamo 1 :5 : « Ary noho izany ny ratsy fanahy dia tsy hahajanona eo amin’ny fitsarana ». Ny ratsy fanahy izany dia sokajin’olona tsy hahajanona amin’ny fihavian’ny Zanak’olona noho ny fitsarana izay entiny. Jerentsika anie ny Jaona 5 :24 : « Lazaiko aminareo marina dia marina tokoa : Izay mandre ny teniko ka mino Izay naniraka Ahy no manana fiainana mandrakizay, ka tsy hohelohina ». Izany aloa izany ny fahamarinana ry havana ô, ampatsiahivin’ny Tompo antsika : ny ratsy fanahy dia tsy hahajanona eo anatrehan’ny Zanak’olona . Ny ratsy fanahy dia izay tsy nihaino ary tsy nino ny teny. Fa izay nitandrina ny teny, dia hoe : « an an an, formalité io, tsy hohelohina izany aho. Ary izay zavatra ataoko ary amin’ny andro hiavian’ny Zanak’olona, dia hijoro eo anatrehany aho, dia hiteny amin’i Jesoa aho hoe : izaho tokoa ilay nosoloinao voina teo amin’ny hazo fijaliana, izaho tokoa ilay vidin-drànao teo amin’ny hazo fijaliana. Avia Jesoa an, raiso aho, ary ento any amin’ilay fitoerana izay efa nomaninao ho ahy ao an-tranon’ny Raintsika ». Izay ry havana aloa no tian’ny Tompo ampatsiahivina antsika : Enga anie ka samy ho hita hitsangana eo anatrehan’ny Zanak’olona isika.

Ny zavatra faharoa ry havana dia izao : NY OLONA HAHAJORO HITSANGANA EO ANATREHAN’NY ZANAK’OLONA DIA TENA HOE NAHATANTERAKA NY ZARA FANOMPOANA NANKININY TAMINY TETY AN-TANY. Olona nahatanteraka ny zara fanompoany. Jerentsika ny Apokalypsy 7 : 15 : « Ary noho izany…mitoetra eo anoloan’ny seza fiandrianan’Andriamanitra izy ka manompo Azy andro aman’alina eo amin’ny tempoliny ». Ilay olona mijoro izany ry havana dia olona efa mivonona hoe : hanompo an’Andriamanitra andro aman’alina . Izany ny ho aviny mandrakizay : mijoro eo anatrehan’ny Zanak’olona izy satria mijoro eo anatrehan’ny seza fiandrianana izy ary dia mahita an’Andriamanitra izy : midera Azy andro aman’alina, manompo Azy andro aman’alina. Ary satria hoe miomana ho amin’izany aho ry havana, dia izay mba zara fanompoana kely omen’ny Tompo ahy ety an-tany, n’inon’inona  anarany, dia tanterahiko an-tsakany sy an-davany fa tsy ampandeferiko en fonction an’izay hoe loisir-ko na adidy apetrako ambonin’izany. Tsy fomban’ny olona izay manantena fa hitsangana eo anatrehan’ny Zanak’olona ny mampandefitra ny zara fanompoana, n’inon’inona anaran’ilay zara fanompoana, ary n’inon’inona antony ry havana ô.

Izay izany ilay hafatra, hoe : ny anankiray : TSY MATAHOTRA FITSARANA, ny anankiray : MANOMPO AMIN’NY FAHAZOTOANA ETY AN-TANY ry havana ô.

Dia inona ny zavatra anampian’i Jesoa an’izany hafatra izany raha miverina amin’ny Lioka 21 isika ry havana. Satria hoy isika teo hoe ilay famaritana tanjona no mibaiko ny fomba fiainana. Dia hoy ilay and.36 : « Fa miambena ». Dia misy naoty kely hoe : miareta tory. Ilay miambina : tsy manaiky ho varimbariana. Izay ilay hoe miambina : tsy manaiky, miezaka ny tsy ho varimbariana ry havana ô. Dia manampy antsika ialana amin’ilay varimbariana, tsy ao anaty perikopa ilay izy fa ery amin’ny and.25 ery, Lioka 21 :25-26 : « Ary hisy famantarana eo amin’ ny masoandro sy ny volana ary ny kintana, ary etỳ ambonin’ ny tany dia hisy fahorian’ ny firenena amin’ ny fahaverezan-kevitra noho ny firohondrohon’ ny ranomasina sy ny fanonjany, ka ho reraka ny fon’ ny olona noho ny fahatahorany ». Bon, sarotra be ny hanazava hoe inona moa izany famantarana eo amin’ny masoandro sy ny volana sy ny kintana izany ; fa ilay and.26, ny zava-dehibe : « ho reraka ny fon’ ny olona noho ny fahatahorany ». Io fonao reraka, ianao mi-stresse lava io, ianao miakatra tosi-drà lava io ry havana ô : aoka izay hanampy anao amin’ny fiambenana hoe : « oay, hay moa izany no lazain’ny Soratra Masina hoe ilay fon’ny olona reraka noho ny fahatahorana ny zavatra ho avy ». Izany no aoka haha-vigilant ahy, aoka izany no ampieritreritra ahy tsy ho varimbariana ry havana ô.

Tantarain’ny mpandinika, tamin’ny taona 79 tany Italie tany, nisy éruption-na volcan nalaza be tamin’ny taona 79, dia hoe 3.000 morts ; éruption-na volcan izany. Dia mitantara ny mpahay tantara hoe talohan’ny nisian’ilay éruption, efa nisy éruption madinidinika, ary efa natao folo hafatra ny olona, hoe : « ô re olona an, ireo éruptions madinidinika ireo efa fanairana antsika hoe : attention fa hipoaka io » ; tsisy niraharaha ilay olona : 3.000 morts. Ary izay no itenenana antsika hoe : « an an an, miambena ianao e ». Ary aza miteny hoe io ny famantarana eny amin’ny lanitra, nisy zavatra niseho tery : non non non. Io fonao mavesatra io, jereo ilay naoty, kely ery hoe : ohatrany hoe hisy ho faty ary tsy ho zakanao ny fiainanao, tsy eran’ny aina ny zavatra mitranga. Miambena ry havana ô, miambena. Ary fantaro hoe efa ho avy ny Tompo. Dia hoy Jesoa eo amin’ny and.36 hoe : « Miambena ka mivavaha mandrakariva, mba hahery ianareo ka handositra izany zavatra ho avy izany ».

Inona moa ilay hoe zavatra ho avy sady mamesatra antsika? Inona ilay zavatra ho avy ka hoe manelingelina ilay fiambenana ry havana ? Eo amin’ny and.34 : « Ary mitandrema, fandrao ny fonareo hovesaran’ ny vokatry ny fisotroan-toaka sy ny fahamamoana ary ny fiahiahian’ izao fiainana izao ». Ireo ny zavatra 3 ampitandreman’ny Tompo antsika amin’izao maraina izao. Mandosirà an’ireo zavatra 3 ireo, miambena ary mandosirà an’ireo zavatra 3 ireo. Ilay voalohany nadika hoe « fisotroan-toaka ». Rehefa jerena ry havana ny teny grika izay nandikana an’io, dia hoe milaza ny hoe : « plaisirs sensuels, plaisirs charnels ». Mandosirà an’izany plaisir-ny nofo izany e. Fa tsy haha-hambina izany ianao fa ho variana amin’izany ianao ; mazava be izany. Faharoa, hoe : « mandosira ny fahamamoana ». Ary eto ilay fahamamoana, tsy hoe ilay fisotroana divay kely, fa ilay fibobohana toaka ka mahatonga anao ho mamo, mahatonga anao ho mamo lava, raisina any an-tatatra, mahatonga anao hitabataba ao an-tokantrano, mamaky zavatra, miteny ratsy ny vady aman-janakao sy ny karazany, manimba fihavanana ; Mihavàna ao amin’ny Tompo ; manimba fihavanana. Izany ilay fahamamoana ary tsy manampy anao amin’ny fiambenana izany. Ary farany, « ny fiahiahiana izao fiainana izao ». Ilay fiahiahiana ange ry havana tsy dia hoe zavatra ratsy aloa ilay izy e. Manomana examen moa izany ny ankizy atsy ho atsy, dia hoe : tenenina izy hoe : « mianara, ataovy tsara, hajao ilay sacrifice ataon’ny ray aman-dreny hahatafita anareo ». Dia io tokoa ilay zaza mianatra ; fa ilay tsy mety an, dia ilay tafahoatra, ilay ray aman-dreny miteny hoe : « Pasitera an, fantatro fa efa 15 taona ilay zanako, fa classe d’examen izy amin’ity, na 16 taona, aleo izy aloa tsy hanao katekomena », na hoe « ianao tsy manao Sekoly Alahady aloa amin’ity satria classe d’examen ». Izay ry havana ô, izay ry havana, izay ilay toe-tsaina tsy miambina izay. Ny fianarana dia fianarana ; fa ny Alahady dia natao atokana hihaonana amin’Andriamanitra mba ho vangiany araka ilay tenintsika teo izany e, mba ho vangian’Andriamanitra, ampahereziny ianao, omeny toky ianao fa tsy irery ianao, omeny antoka ianao fa hisy io examen io ary Izy hiara- manomana aminao. Hoy ny Tompo hoe : miambena mba tsy hahatratra anao izany. Fa maninona no mila vavaka anefa ? Tsy vitantsika izany ry havana ô, tsy vitantsika izany. Raha miresaka an’ilay ankizy teo, misy tena ankizy hendry be mianatra, tsy misotro toaka, tsy manana plaisir fa hoe ampandeferiny Andriamanitra e. Tsy mety izany. Misy olona indray, tsy mba tratran’izany hoe fahamamoana izany, tsy mikasika izy alkôla ; fa ivelan’ny alkôla, ny fiainany feno plaisirs sensuels. Izay ilay hoe : sarotra ny mitandrina ireo zavatra 3 ireo ry havana. Ary izany no itenenan’ny Tompo hoe : « an an an, atoroko ianareo : mivavaha mandrakariva ». Mivavaha mandrakariva ary ataovy antom-bavaka ny fahalemenao mikasika ireo domaines anankitelo ireo. Tsy ota manokana ireo, fa domaine ry havana ô, ao amin’ny fiainantsika. Ataovy antom-bavaka. Fa raha tsy mivavaka ianao, tsy mahavita an’io zavatra io. Ary ilay vavaka eto mampieritreritra, ilay teny grika nampianarina, ilay teny grika nadika hoe vavaka dia hoe : « mangataka mitalaho ». Mangataka tahaka ny mpangataka, tahaka ireny hoe mendiants ireny. Italahoy Jesoa, angataho ny famindram-pony hoe : « Ampio aho fa mazava loatra ny hafatrao, te hitsangana aho rahatrizay miverina Ianao Zanak’olona, fa tena tsy vitako e, tsy vitako ny mandositra ireo anankitelo ireo e. Ampio aho Jesoa an, ampio aho ». Ary rehefa mamaritra ilay tanjona ianao, dia rehefa ela ny ela ianao, tena hivavaka ianao, ahatsiaro hiresaka amin’ny Rainao ianao, satria ilay Zanak’olona izay italahoanao hanome anao ny Fanahy Masina, dia ny fanahin’ny vavaka. Tsy hivavabavaka intsony ianao, tsy hisahirana hanao vavaka miady rima sy ohatran’ny poète ianao nefa vavaka pôkaty. Vonjen’ny Tompo, vonjen’ny Tompo amin’izany ianao ry havana ô, vonjen’ny Tompo amin’izany ianao. Fa aoka izao ho occasion tena hoe hitomboanao amin’ny vavaka mba haharetanao amin’ny fanarahana ny Tompo, ary hitsangananao rahatrizay miseho ny Zanak’olona.

Faranana izao teny izao ry havana. Ny firariana ho antsika ry havana, dia rahatrizay tonga ny Zanak’olona, dia ho hitany isika eo am-pivavahana mandrakariva. Miverina amin’ilay éruption-ny Vésuve teo aho. Ilay mpandinika mpikaroka koa dia nanamarika fa dia tena mahavariana mihitsy fa ilay olona maty, taty aoriana, rehefa dinihina ilay olona, dia tamin’ilay paoziny izay nahafatesany no mbola ahitana ny paoziny aty aoriana. Izay teo am-pisakafoanana dia hita hoe mbola mipetraka teo am-pisakafoanana, izay tany an-tsena dia hia hoe ity tany an-tsena, izay teo am-patoriana dia teo am-patoriana. Izay no itenenantsika hoe : an an an, enga anie rehefa ho avy ny Zanak’olona ry havana ô, dia tena hoe hitany ianao manao zavatra tokana : eo am-pivavahana mandrakariva ; izany no ahitany anao. Ary rehefa izany no ataonao, mivavaka mandrakariva, dia ny fiainanao tonga amin’ny tenin’ilay mpitoriteny anankiray izay : lasa akaikin’Andriamanitra ianao, satria ny fiainanao toy ny hoe ao amin’ny salle d’attente-n’Andriamanitra, toy ny ao amin’ny salle d’attente-n’Andriamanitra. Fantatrao izay toerana misy anao, fantatrao izay vanim-potoana misy anao hoe efa ho avy ny Zanak’olona, fantatrao ny ataonao hoe vao maika aho hahery hivavaka mba hananako connexion marina amin’izany hoe Zanak’olona ho avy izany. Ary dia hanome anao fo tena hoe fo mitempo fitiavana ho Azy Izy ry havana ô, hanome anao fo tena hoe mivavaka efa dodona : « Avia Tompo, avia alaivo amin’izay aho », ary hanome anao fo tena hoe feno faniriana Azy izany. Ary izay hoe faniriana, hetahetan’ny fonao rehetra dia ho tanterahiny avokoa ry havana ô.

Ho aminareo ny fahasoavan’i Jesoa Kristy Tompo, ny fitiavan’Andriamanitra Ray ary ny firaisana amin’ny Fanahy Masina. Amena.