Archives de la catégorie: Toriteny

Toriteny alahady maraina na fanompoam-pivavahana hafa

Mitodika manokana amintsika lehilahy ry havana. Ho antsika lehilahy ity toriteny androany ity. Ny dikan’izany dia izao : eo izany ianareo vehivavy an, na ianareo vady, na ianareo zanaka, dia mpampatsiahy aminay lehilahy ilay toriteny ry havana ; ary faharoa, mpitondra am-bavaka anay vady, anay dada. Izay ry havana ô, izany ny finoana masina izany. Izao no hafatra ho antsika Fiangonana : INONA NO LAZAIN’NY ZANAKAO MOMBA ANAO RAINY ? INONA NO TANTARAINY ANY AMIN’NY NAMANY, TANORA NAMANY, NA EO AMIN’NY FIARAHA-MONINA MOMBA ANAO RAINY ? Izay ilay hafatra ry havana. Ary misaotra ny Tompo isika e, amin’izao volana andinihantsika ny finoana masina izao, hoe : misy tena fiantraikany ao amin’ny ankohonantsika izany.

Atombontsika ao amin’ny Isaia 7 izany. Andeha ange iarahantsika ny and.3-4 e : « Ary hoy Jehovah tamin’ Isaia: Mivoaha hianao sy Seara-jasoba zanakao hitsena an’ i Ahaza eo amin’ ny faran’ ny lakan-drano amin’ ny kamory ambony, eo amin’ ny lalambe mankamin’ ny sahan’ ny mpamotsy lamba, ka lazao aminy hoe: Mitandrema, ka aza taitaitra foana ». Misy an’ity lehilahy ity, zanak’i Isaia : Seara-jasoba izany. Inona ary no mba mety tantarain’i Seara-jasoba amin’ny namany momba an’i Isaia dadany ? Ity izany ilay ohatra anankiray ry havana ô. Ilay contexte : Ahaza, mpanjakan’ny Joda, aty Atsimo izany, tafihan’i Syrie, ilay Syrie amin’izao io + Isiraely, any amin’ny Avaratra izany. Syrie sy ny avaratra manao complot hanonganam-panjakana ato Joda ; fanonganam-panjakana ary fananganana adim-poko. Izany ilay situation. Matahotra Joda satria izy irery ; misy coalition ery manao angaredona aminy. Izany no tantarain’i Seara-jasoba amin’ny namany : « tadidiko ry reto an, tadidiko letsy an, tamin’ny andron’ny complot ireny, nirahin’i Jehovah i Isaia dadanay, dia niteny tamin’i Ahaza ; Aza matahotra. Faly aho manana dada itenenan’i Jehovah. Ary faly aho ny amin’ilay hafatra hoe ny olona manana finoana masina, na anaovan’ny fahavalo angaredona aza, dia tafatoetra, miantombona tsara. Hitako izany, hitan’ny masoko ny dadako nanao an’izany ». Mamy izany ry havana ô, mamy izany. « Ary mbola tadidiko ny teny nataon’i dadany tamin’i Ahaza mpanjaka hoe : mitandrema ka aza taitaitra foana, aza matahotra, ary aoka tsy ho ketraka ny fonao. Ary tsy vitan’ny hoe hitako ny nampitan’i dadanay ilay hafatra avy amin’ny Tompo, fa ilay tenin’i Jehovah hoe : tsy hahomby, tsy ho tanteraka io fikomiana io ; izaho mihitsy no nanamarina an’izany e ». Ampianarinao ve ny zanakao fa velona Jehovah ? Ampianarinao ve ny zanakao fa hoe mahita ny problema ary mampahery Jehovah ary manatanteraka an’izay zavatra ambarany Jehovah? Izany ve ianao ry rahalahy malala ô ? Izany ve ianao ? Izany ve no tantarain’ny zanakao amin’ny namany e : « izaho indray l’ty, ny dadanay tsy mba hoatran’izao sy hoatran’izao an ; fa izaho niaraka taminy raha namita iraka nanirahan’i Jehovah azy izy ; ary teo no nahitako fa velona Jehovah ary momba ny mpanompony Izy ».

Ary ny teny farany, ery amin’ny and.9 ho fampieritreretana antsika ry havana, dia manao hoe : « Ary ny lohan’ i Efraima dia Samaria, Ary ny lohan’ i Samaria dia ny zanak’ i Remalia. Raha tsy mety mino hianareo, Dia tsy ho tafatoetra ». Amin’ny teny frantsay izy hoe : « Si vous n’êtes pas fermes, vous ne serez pas affermis ». « Izaho, zanak’i Isaia, zanak’i dadanay, dia miteny aminareo, rehefa ny complot tamin’i Ahaza : minoa, matokia dia ho tafatoetra lisany ». Sambatra ny zanakao raha afaka miteny an’izany amin’ny tanora namany ry havana ô.

Izay izany aloa ny ohatra anankiray hitantsika tao amin’ny zanak’i Isaia, tao anatina angaredona, tao anatina fanonganam-panjakana.              

Miampita ao amin’ny Jaona 4 isika ry havana. Ity indray dia tantara malaza be, tandapa anankiray, officier royal izany, romana jentilisa. Vakiantsika ny and.47 : « Ary rehefa reny fa Jesosy efa tonga tany Galilia avy tany Jodia, dia nankany aminy izy ka nangataka Azy mba hidina sy hahasitrana ny zanany, satria efa ho faty izy ». Inona indray ary no mety ho tantarain’ny zanak’ity tandapa ity amin’ny namany ? Mety hitantara izy hoe : « Ah, izahay indray dia tao Kapernaomy no nipetraka, fa nisy garnison romaine tao, dia ny dadanay tandapa tao Kapernaomy tao. Fa izao no lazaiko an’lisany an : aza misozy anay hoe satria izahay avy ao Kapernaomy ». Kapernaomy mantsy ry havana, ilay tanàna nanaovan’i Jesoa teny masiaka be hoe : « ianao ry Kapernaomy dia hihetry hatrany amin’ny fiainan-tsi-hita ianao, fa raha mba tany Sôdôma no natao ny asa lehibe izay natao tao aminao, raha tany Sôdôma no natao ny asa lehibe izay natao tao aminao, dia ho naharitra mandraka androany Sôdôma ». Kapernaomy tsy nety nibebaka, dia 65 taona taorian’ny nitenenan’i Jesoa hoe : « ianao indray dia hihetry hatrany amin’ny fiainan-tsi-hita » : rava Kapernaomy. Ary mety niteny izy hoe : « lisany aza misozy ahy satria hoe izaho avy any Kapernaomy e ». Fa inona anefa ilay asa lehibe tao Kapernaomy tao ry havana ? - Tao Kapernaomy tao ; ity Kapernaomy ity izany aloa tsara ho fantatsika ihany hoe Kapernaomy dia antsoina hoe tanànan’i Jesoa, satria tao Izy no nipetraka izany tamin’ny fahavelony ; dia tao Kapernaomy an, misy tantara hoe ahitana fanasitranana, fanasitranana mahagaga mararty vitsivitsy ; fa tao Kapernaomy no nitranga ny tantaran’ilay lehilahy paralitika, ilay nobetain’ny namany efa-dahy ; tao Kapernaomy iny. Tao Kapernaomy Jesoa no nanasitrana ny rafozam-bavin’i Petera, tantara fantatsika koa izany ; nanasitrana demoniaka Izy. Tao Kapenaomy i Jesoa no niantso an’i Levy mpamory hetra, Matio taty aoriana ; tao Kapernaomy izy no namory hetra ry havana – Kanefa na dia nisy an’izany zava-mahagaga isan-karazany izany, tsy nety nibebaka Kapernaomy ; fa tao anatin’izany tontolo izany, narary ho faty ny zanak’ity tandapa ity, niainga izy any Kapernaomy ho any Kana, ilay hoe nanaovan’i Jesoa fahagagana, 25km io, tsy misy hoe taxi be, tsy misy hoe bus tamin’izany ; lasa izy nitotototo nitady an’i Jesoa ; izy jentilisa, izy manam-boninahitra, mitady an’i Jesoa izy noho ny fitiavany an-janany. « Izany letsy dadany an : tsy voasakan’ny position sociale, tsy voasakan’ny voninahiny ary noho ny fitiavan-janaka, noho ny finoana, dia nandeha nitady an’i Jesoa tany Kana. Izany ny finoan’i dadanay. Ary izaho milaza amin’ny lisany fa tonga tao Kana izy, mbola nizahan’i Jesoa toetra indray ny finoan’i dadanay : nangataka izy, nivavaka izy, nangataka izy. Ny zanakao ve mba afaka mitantara hoe ny dadanay indray dia lehilahin’ny vavaka, olon’ny vavaka e ? Nangataka tamin’i Jesoa izy hoe midina Ianao mialohan’ny ahafatesan’ny zanako. Mbola nizahan’i Jesoa toetra izy ; tsy nety niteny Jesoa : « an an an, ianao io ahita fahagagana, tsy tiako ny finoanao iorina amin’ny fahagagana izany ; fa mandehana, fa sitrana ny zanakao ». Ary izany no finoana masina ry havana : misy teny ataon’i Jesoa, dia ekena. Misy teny ataon’i Jesoa, dia ekena. Izay ilay obéissance e. Dia mitantara angamba io ankizilahy io amin’ny namany hafa hoe : « mitantara l’ty dadanay hoe tamin’ny 7ora izy nihaona tamin’i Jesoa an, dia tao an-trano tokoa aho tamin’ny 7ora no afaka ilay tazo ». Izany hoe ilay lehilahy tsy nahita ny nahasitranan’ilay zanany lahy. Fa izany, « dadanay indray dia modely-na fankatoavana, fankatoavan’ny finoana ». Raha tsy nankatoa ange e, raha tsy nakatoa ange ilay dadany, ilay tandapa e, raha tsy nankatoa izy, tsy sitrana ilay zanany e. Ianao rahalahy an, ianao zoky an, be loha, be mokon-doha io, tsy fant           atrao fa efa manimba ny zanakao izany e ; manimba ny zanakao izany e, mahafaty ny zanakao izany e. « Ka izaho izao, ka izaho izao… » : asakasakao. Mampalahelo. Avelao ny zanakao hitantara : « ny zanako tsy mba hoatrany ny an’lisany, fa izy kosa modely-na fankatoavana. Ary izany no maha-toy izao ahy zanany ».

Kolosiana 2, lehilahy anankiray mbola modely amin’ny maha-ray. Tsy nanan-janaka ara-nofo, fa nanan-janaka marobe izany e. Kolosiana 2 :5 : « Fa na dia tsy manatrika anareo amin’ ny nofo aza aho, dia manatrika anareo ihany amin’ ny fanahy ». Ny zanakao ve ry havana afaka miteny hoe : dadanay indray, noho ny asa aman-draharahany, dia tsy ao an-trano matetika, fa ny zavatra azo antoka, ny zavatra azoko antoka, dia manatrika anay ankohonany izy amin’ny fanahy ? Manatrika anay ankohonany izy amin’ny fanahy. Afaka miteny izany ve ny zanakao e : tsy ao dada, fa fantatray izy fa manatrika anay amin’ny fanahy ?

Inona moa ilay hoe manatrika amin’ny fanahy ? Izaho izao, ny zanako tsy eto, ny vadiko tsy eto ; fa azoko lazaina tsara mihitsy hoe : noho ny saina omen’ny Tompo ahy hoatran’ny olombelona rehetra, dia mahafantatra aho hoe any izao misy décalage horaire adiny 2 satria mifindra heure d’hiver ry zareo, mbola matory be ireo an, dia rehefa avy eo ry zareo andeha hamonjy confirmation an’i David sy ny karazany. Ilay saina capable mieritreritra an’izany ; fa tsy izay ilay fanatrehana amin’ny fanahy. Fa ilay fanatrehana amin’ny fanahy dia hoe : ny fanahiko izay hoe miombona amin’ny fanahin’ny Tompo : automatique aho mitondra am-bavaka an’izay olona eritreretin’ny saiko ry havana ô. Ny zanakao ve manana antoka e, fa rehefa tsy eo ianao, na aiza na aiza misy anao, dia mitondra azy ireo, mitondra azy ireo am-bavaka ianao ? Izany ilay ray manana finoana masina ry havana, hoe : tsy eo aho an, andeha aho an, tsy manatrika anareo amin’ny nofo aho, fa manatrika anareo amin’ny fanahy. Ary azo apetraka tsara ry havana, na rehefa eo ilay fisarahana vetivety na ilay fisarahana maharitra, apetrantsika mianakavy kely fa isaky ny amin’ny ora hoatran’izao, rehefa avy nampitaha fandaharam-potoana, dia hoe : isaky ny amin’ny 07 hariva, isaky ny amin’ny 08 alina, isaky ny amin’ny 09 alina, isika mianakavy kely dia mifanao rendez-vous manodidina ny seza fiandrianam-pahasoavan’ny Tompontsika, mifampahatsiaro am-bavaka. Izany ny olona manana finoana masina e. Ary izany ve no tantarain’ny zanakao momba anao dadany amin’ny maha-loham-pianakaviana anao manana finoana masina ry havana malala ô?

Faly aho fa toriteny faran’izay tsotra ity ; faly aho fa toriteny sahaza ny rehetra rehetra ity. Ary dia izao, izay hoe aho : ianareo vady, ianareo zanaka, ianareo anabavy, ento am-bavaka ireo lehilahy ao aminareo ireo, ka ny zanany ho faly hitantara hoe : « ny dadako dia tena mpanompon’Andriamanitra, mitondra hafatra fampaherezana, ampitombina ny olona tafihan’ny fahavalo. Ny dadako dia olon’ny vavaka : mangataka, mangataka, manao 25km raha ilaina ahitana an’i Jesoa, manokana fotoana ; tototra izy ; fa rehefa hoe marary ny zanany, ajanony daholo ny rehetra rehetra ahaeoany mitondra am-bavaka ny zanany. Ary lehilahy tena hoe modely-na fankatoavana. Ary lehilahy, rehefa tsy eo izy, dia manatrika amin’ny fanahy ».

Ho aminareo ny fahasoavan’ny Tompo e. Amena

Ny hafatra ho antsika Fiangonana anio ry havana dia azo fintinina tahaka izao, hoe : AOKA IANAO HO MPAMPITA FINOANA TSY MIHATSARAVELATSIHY AMIN’NY ZANAKAO. Rehefa manao an’izany isika dia mandeha mendrika ny fiantsoana hoe : vavahadin’ny lanitra ny Fiangonana, mpampiditra ny maro any an-danitra e.

2 Timoty 1 :5 : « fa nisy nahatsiarovako ny finoana tsy mihatsaravelatsihy izay ao anatinao, izay nitoetra taloha tao anatin’ i Loisa renibenao sy Eonika reninao, ary matoky aho fa ao anatinao koa izany ». Tsy izaho ry havana ô no andeha hanamarina aminareo sy hanazava aminareo fa izaho Solofo manana finoana tsy mihatsaravelatsihy. Non, non, non. Ianareo, ianareo no milaza hoe ao anatin’i Pasitera na tsy ao anatin’i Pasitera ny finoana tsy mihatsaravelatsihy. Fa izany no anairan’ny Tompo antsika amin’ity volana ity, hoe : mirosoa amin’ny finoana masina, mirosoa amin’izany finoana tsy mihatsaravelatsihy izany. Ary sambatra ianao, rehefa mandinika anao ny mpiara-mivavaka aminao ; izany mantsy ilay tsy tiantsika izay, « tsy tiako io Fiangonana io fa mifampitsikilo, mifampijery, mifandinika » ; f’angaha ianao any ivelany any tsy dinihin’ny olona ? Fa sambatra ianao, raha mijery anao ny olona, ka miteny izy hoe : « ary io finoana tsy mihatsaravelatsihy io an, efa hitako tao amin’ny mamanareo an, efa hitako tany amin’ny bebenareo an » : sambatra ianao e. Izany ny famaritana ny fahasambarana. Izany ny famaritana ilay hoe finoana masina tsy mihatsaravelatsihy, tsy mody izao, tsy miseho ho izao. Zava-doza ry havana ilay finoana mihatsaravelatsihy, zava-doza ilay finoana mihatsaravelatsihy satria tsy mitondra soa ho an’ny manodidina azy. Hoe, raha raim-pianakaviana aho, raha vady aho : tsy mitondra soa ho an’ny ankohonako ilay fisehosehoako hoe mody izao aho, na mody izao. Tsy mitondra soa e. Fiainana efa sarotra ity, ianao loham-pianakaviana, reny indray ve no tsy hitondra soa ? Helo ny ankohonanao. Dia jerentsika ary ny tenenin’i Jesoa momba an’izay ry havana, ao amin’ny Matio 21 :18 : « Ary nony niverina maraina hankany an-tanàna Izy, dia noana ». Ianao ry havana, rehefa manana finoana mihatsaravelatsihy dia ohatran’ity aviavy nitadiavan’i Jesoa voa ity, fa noana Izy. Noana ny ankohonanao dia mieritreritra hoe ny mahanoana an’ity ankohonako ity angamba dia tsy misy atokona androany, na hoe efa herinandro izay tsy nihinana ; eny e, fa ny tena maha-noana azy dia ilay hanoanana ara-panahy. Ary io no mahavanona na tsy mahavanona ny fiainana ry havana ô. Fa mihatsaravelatsihy ny finoanao, manamari-tena ianao rehefa hoe ohatran’izao ange ka ohatran’izao : avy avy ianao indray : « Ka Pasitera, tsy mahafantatra ianao fa izao ». Tsy hitondra soa ho an’ny ankohonanao ianao. AOKA IANAO E, HO MPAMPITA FINOANA TSY MIHATSARAVELATSIHY.

Ary jereo tsara ilay maha-zava-doza an’ilay finoana mihatsaravelatsihy, Matio 21 :19 : « Ary nahita hazo aviavy anankiray teo amoron-dalana Izy, dia nankeo aminy, kanjo tsy nahita na inona na inona teo aminy, afa-tsy ravina ihany; dia hoy Izy taminy: Aza misy voa avy aminao intsony mandrakizay ». Azonareo ve izany ry havana ô ? Ilay olona manana finoana mihatsaravelatsihy izany ohatrany aviavy, mandravona, feno ravina ; manao an’izao aty am-piangonana e, manao asa soa ohatran’izao e, « izaho ange ao am-piangonanay ka ohatran’izao e » : mandravona, mandravona, ary mandravona be, fa tsisy voa rehefa savasavaina ilay ravina. Sao dia izany ianao e : maro be ny olona ato amin’ity Fiangonana ity no ohatran’izany ry havana. Ary fitiavan’ny Tompo antsika no itenenany hoe : aoka izay ny aviavy mandravona e, aoka izay ny miseho ho izao e. Tsy hahasoa anao, tsy hahasoa ny taranakao. Ary rehefa miteny Jesoa : « Aza misy voa avy aminao intsony mandrakizay » : miantso hozona ianao e ; ianao miantso hozona aminao sy ny taranaka mandimby anao. Aoka izay io fisehosehoana io. Aoka izay io fisehosehoana io.

Ary ery amin’ny and.21 miteny Jesoa hoe : « Ary Jesosy namaly ka nanao taminy hoe: Lazaiko aminareo marina tokoa: Raha manam-pinoana hianareo ka tsy miahanahana » : ny olona ry havana ô, ny olona izay manana an’izay finoana mihatsaravelatsihy izay, miahanahana izy. Amin’ny fotoana inona izy no miahanahana ? Rehefa ao anaty fahoriana, rehefa ao anaty fizahan-toetra. Fantaro ry havana malala fa làlàna mifehy an’ity tany misy antsika ity ny fizahan-toetra sy ny fahoriana. Tsy maintsy ho avy izany na ho ela na ho haingana, mba tsy hitenenana hoe isan’andro isan’andro, ho tojo fahoriana ianao. Fa satria ianao manana finoana mihatsaravelatsihy, miahanahana ianao.

Izay izany ilay hoe : aoka isika ho mpampita an’izay ananantsika : finoana tsy mihatsaravelatsihy amin’ny zanatsika. Raha manana an’izany finoana tsy mihatsaravelatsihy izany isika : ho mpanisy soa ny ankohonantsika. Izay ange no zava-dehibe e, ny ankohonantsika e : hanisy soa ny ankohonantsika ry havana ô, ary hanalavitra ny loza amintsika sy ny taranatsika. Ary ao anatin’ny fahoriana sy ny fizahan-toetra, dia tsy hiahanahana.

Ny Fahamarinana 2 dia izao : notenenina hoe ny fiainantsika : fizahan-toetra, fahoriana, voambolana iray ihany ireo : fizahan-toetra, fahoriana. Andao ary jerentsika fizahan-toetra, fahoriana nampandalovan’Andriamanitra an’i Josafata mpanjakan’i Joda, 2 Tantara 20. Misaotra ny Tompo ry havana ny amin’ny fitiavany antsika. Androany, manao teny averina Izy. Aiza Izy no manao teny averina ? Eo amin’ny 2 Tantara 20, ilay tapany farany amin’ny and.15 : « Aza matahotra na mivadi-po ny amin’ ireo olona betsaka ireo, fa tsy anareo ny ady, fa an’ Andriamanitra ». Tena dilirin’Andriamanitra ny sofintsika e, hoe : io fizahan-toetra io, io fahoriana io, aza matahotra fa tsy anareo ny ady, fa an’i Jehovah. Maro amintsika no mahay an’izany tsianjery, azo antoka izany, fa firy ny miaina an’izany ? Firy amintsika no miaina amin’izany ? Dia efa miteny aloa e : ilay olona manana finoana mihatsaravelatsihy, dia miahanahana izy hoe « ahoana tokoa moa izany ? ». Mosesy teo anatrehan’i Farao namaky ny ranomasina mena, Davida teo anatrehan’i Goliata samy niteny hoe an’i Jehovah ny ady ; mbola tsy miditra ihany e. Hitako hoe mbola tsy miditra hoy Jehovah dia andraso averiko kely indray hoe : TSY ANAREO NY ADY FA AN’I JEHOVAH. Misaotra ny Tompo isika ny amin’ny fitiavany antsika ry havana.

Ilay fanontaniana izany izao dia hoe, ilay fahamarinana manaraka izany izao dia hoe : ahoana ary no ametrahako eo an-tanan’i Jehovah ny ady ka anananko toky hoe Azy tokoa ny ady ?

- Andeha jerentsika ny zavatra ataon’i Josafata. Ny zavatra ataon’i Josafata aloa, dia hoe, eo amin’ny and.2 : « Ary nisy tonga ka nanambara tamin’ i Josafata hoe: Indreo, misy olona betsaka avy any an-dafin’ ny ranomasina, dia avy any Syria, ho avy hiady aminao; ary indreo izy ao Hazezon-tamara (Enjedy izany) ». Voalohany indrindra aloa, ny zavatra ataon’ny olona miatrika fizahan-toetra sy fahoriana, dia mamantatra tsara hoe ohatrohatrany ahoana izany problema izany. Izay ny zavatra voalohany : inona ilay problema ?

- Ny zavatra faharoa, eo amin’ny and.3, ohatra hitantsika amin’i Josafata izay mahafantatra tsara fa ny ady dia an’i Jehovah : natahotra Josafata. Mamantatra ilay problemanao ianao, faharoa : manetry tena ianao e, ary milaza ianao hoe : tena lehibe lavitra noho izaho ity problemako ity Jesoa an. Izany ny olona milaza hoe : « apetrako eo am-pelatananao ny ady ». And.3  hoe : « natahotra Josafata ».

- Dia eo amin’ny and.6 hoe : nivavaka Josafata. Nivavaka, nivavaka, nivavaka. Matahotra ianao an, dia mivavaka. Mamantatra problema ianao an, dia mivavaka. Ity Josafata ity, haintsika tsara ilay 2*7 14, izy ilay niteny hoe : raha ny oloko izay nantsoina amin’ny anarako no ho avy hanetry tena, ho avy hivavaka, hiala amin’ny ratsy fanaony, ka hitady Ahy any an-danitra, dia hihaino azy avy any an-danitra Aho, hamela ny helony, ary hanasitrana ny taniny. Io, io Josafata io : nivavaka. Ny vavaka manova zavatra, ny vavaka mamonjy.

- Dia hoy isika hoe : fantaro ny problemanao, fantaro fa lehibe noho ianao ny problemanao, fantaro fa lehibe noho ny problemanao Andriamanitra ry havana ô. Fantaro fa lehibe noho ny problemanao Andriamanitra. Mamy izany ry havana. Mamy izany e. Mamy izany e. Eo amin’ny and.6 no ahitantsika an’izany raha nivavaka Josafata, hoe : « Ry Jehovah ô, Andriamanitry ny razanay, tsy Hianao va no Andriamanitra any an-danitra? Eny, Hianao no manapaka amin’ ny fanjakan’ ny jentilisa rehetra, ary eo an-tananao ny hery sy ny fahefana ». Lehibe noho ny problemanao Andriamanitra ry havana ô. Mampalahelo ianao raha mivoaka eto amin’ity trano fiangonana ity, ka miahanahana ary tsy mino an’izany tenin’Andriamanitra izany. Satria izao toriteny izao : ny finoana dia avy amin’ny toriteny tahak’izao, ary ny toriteny dia avy amin’ny tenin’i Kristy ry havana ô, tenin’i Kristy.

- Ary fantaro, fantaro ihany koa fa momba anao Andriamanitra. Momba anao Izy. Dieu est de ton côté. Hitantsika izany eo amin’ny and. 7 : « Ry Andriamanitray ô, tsy Hianao va no nandroaka ny mponina tamin’ ity tany ity hiala teo anoloan’ ny Isiraely olonao ka nanome azy mandrakizay ho an’ ny taranak’ i Abrahama sakaizanao ?». Ianao ange no nametraka anay taty e. Dia avy ny Moabita sy ny Amonita. An an an, Ianao nametraka anay, Ianao Tompon’ny hery rehetra, Ianao Andriamanitry ny lanitra, Ianao manapaka amin’ny jentilisa, ao anatin’izany ny Moabita, ny Amonita ary ireo avy any Enjedy ; fantatray fa momba anay Ianao.

- Ary ny zavatra farany ataon’ny olona mametraka ny adiny tokoa eo an-tanan’Andriamanitra mba hananany toky hoe an’i Jehovah ny ady, eo amin’ny and.9 hoe : « Raha manjo anay ny loza, na sabatra, na famaliana, na areti-mandringana, na mosary, ary hitsangana manatrika ity trano ity sy eto anatrehanao izahay (fa ny anaranao no amin’ ity trano ity) ka hitaraina aminao amin’ ny fahorianay, dia hihaino Hianao ka hamonjy ». Ny olona mametraka ny problemany eo an-tanan’Andriamanitra dia tsy manana doute na kely aza, na fisalasalana, tsy miahanahana hoe hamonjy anay Ianao. Izahay mitaraina : Ianao hamonjy anay.

Misaotra ny Tompo ry havana ô, ny amin’ny ahazoantsika mifampahatsiaro an’izany. Averiko kely ilay izy, hoe :

1. Fantaro tsara aloa ny problemanao
2. Fantaro fa lehibe lavitra noho ianao ny problemanao
3. Fantaro fa Andriamanitra lehibe lavitra noho ny problemanao
4. Fantaro fa Andriamanitra momba anao, Dieu est de ton côté
5. Ianao mitaraina, fa Izy hamonjy anao

Ny fahamarinana manaraka dia izao ry havana : ahoana ary no ahafantarana fa iny olona iny, ny olona anankiray efa nametraka tokoa ilay problema ? Satria izaho manao an’izay, tsy hitan’ny olona aho izany ; fa hitan’ny olona indray aho ao anaty problema dia ahoana no ahafantaran’ny olona fa hoe iny dia efa nametraka ny adiny teo an-tanan’Andriamanitra, ka afaka miteny hoe :an’Andriamanitra ny adiny ?

Zavatra 3 ry havana no asehon’ny ohatr’i Josafata eto.

• Raha nivavaka Josafata, dia hoe, misy lehilahy anankiray eo amin’ny 14 antsoina hoe Jahaziela, dia hoe notsindrin’ny Fanahy Masina dia niteny : « Mihainoa hianareo, ry Joda rehetra sy ry mponina any Jerosalema, ary hianao, ry Josafata mpanjaka: Izao no lazain’ i Jehovah aminareo: Aza matahotra na mivadi-po ny amin’ ireo olona betsaka ireo, fa tsy anareo ny ady, fa an’ Andriamanitra ». Ny olona nametraka ny adiny teo an-tanan’Andriamanitra ry havana, ny ahafantarana an’izany : tsy matahotra intsony izy, tsy mivadi-po intsony izy. And.3 natahotra Josafata ; fa eto izy tsy matahotra na mivadi-po. Izany hoe raha nivavaka ianao izany, raha nitaraina ianao, ka mbola matahotra na mivadi-po : mbola tsy ampy ilay vavaka e, mbola tsy ampy ilay vavaka. Hanala examen ianao, hanala concours ianao : matahotra ianao, mivadi-po : mbola tsy ampy ilay fianarana bien sûr ; tsy ampy koa ilay vavaka. Fa avy eo misy tahotra kely ihany eo, mba tsy hatoky tena loatra koa ; misy ihany izay, fa izay ilay izy. Izay izany no ahafantarana, hoe ilay olona nametraka ny adiny teo an-tanan’Andriamanitra : tsy matahotra, tsy mivadi-po intsony.              
• Ny faharoa, dia lazain’ilay 16 hoe : « Rahampitso dia midìna hiady aminy hianareo ». Efa afaka misaina ny ampitso, fa tsy miboretaka eo, manjoretra eo amin’ny anonae o hoe : « ity izaho, dia ho aiza aho, dia ahoana ity, tsy vitako intsony ; izaho vao afaka nanao an’izao sy izao ». Izay ilay zavatra : rahampitso aho handeha hivoaka dia hiatrika ny ady. Izany ny olona tsy matahotra, tsy mivadi-po, misaina ny ampitso ary dia hoe, and.17 : mahatoky tanteraka ny herin’Andriamanitra. Hoy ilay and.17 : « Tsy hianareo anefa no hiady amin’ ity; mijanòna tsara» : ohatrany hoe mipetraha tsara. « fa ho hitanareo ny hamonjen’ i Jehovah anareo, ry Joda sy Jerosalema ». Ianareo mipetraha tsara. Efa hoe an’i Jehovah ny ady, fa ho hitanareo ny hamonjen’i Jehovah anareo. Mipetraha tsara, mipetraha tsara, mipetraha tsara. Hoy ilay mpitoriteny anankiray momba an’ity hoe : tena ridicule foana anie ilay torohevitra avy amin’Andriamanitra hoe mipetraha tsara e ; tena ridicule ilay izy hoy izy, fa izay ridicule izay, izay tsy mifanaraka amin’ny logique-nao izay indrindra, izay no atokiso ry havana ô.

Izany mandan’i Jeriko izany : imprenable izany. Inona ny stratégie militaire nasain’i Jehovah nataon’ny Zanak’Isiraely ? Mandritra ny henemana aoka ianareo hanodidina indray mandeha isan’andro, fa amin’ny andro fahafito : miodidina impito. « Dia ahoana ? Hanodidina fotsiny ve izahay, hanao tourisme hankaty Jeriko aty ry Jehovah an ? » ? Izay ilay zavatra, izay. Mipetraha tsara dia mijere. Mipetraha tsara dia mijere.

• Ary farany, eo amin’ny 17 hoe : « Aza matahotra na mivadi-po, fa rahampitso dia mivoaha hiady aminy; fa Jehovah no momba anareo ». Ny olona nametraka ny adiny teo amin’i Jehovah dia manana certitude fa rahampitso izy dia hi-expérimenter izany hoe présence an’Andriamanitra izany. Haintsika tsianjery ilay tenin’i Jesoa hoe « momba anareo mandrakariva Aho ambaran-pahatongan’ny fahataperan’izao tontolo izao ». Firy no mahay mi-expérimenter an’izany ? Ary io fizahan-toetra, io fahoriana ampandalovan’i Jehovah anao io, tsy kisendrasendra ry havana ô, fa hi-expérimenter-nao an’izany hoe présence-n’Andriamanitra ao amin’ny fiainanao izany.

Izay izany ilay Fahamarinana 2  hoe : AZO FANTARINA TSARA HOE AHOANA IZANY OLONA NAMETRAKA NY ADINY EO AN-TANAN’I JEHOVAH IZANY.

Ny Fahamarinana 3 farany dia izao ry havana : TENA HOE ARME, FIADIANA REDOUTABLE NY FIDERANA. ARME REDOUTABLE EO AM-PELATANAN’NY MPINO NY FIDERANA

Jerentsika ny 2 Tantara 20 :22 : « Ary raha vao nanomboka nihoby sy nidera ireo, dia nasian’ i Jehovah otrika hamely ny taranak’ i Amona sy Moaba sy ny avy any an-tendrombohitra Seïra, izay avy hamely ny Joda, ka dia resy ireo ». Vao nanomboka nihoby, vao nanomboka nidera. Izay ange ilay ridicule amintsika e : ady ve no atrehina, fahavalo tsy hita isa ve no atrehina dia hidera ? Paoly sy Silasy tany Filipia, voahidy tao an-tranomaizina, tao anaty tranomaizina lalina indrindra tany, voa-bloque tamin’ny hazo izy mba tsy ahafahany mandositra ; nony mamatonalina, ao anatina situation sans issue : midera an’Andriamanitra, dia nihovitrovitra ny fanamban’ilay tranomaizina ry havana ô.

Nanomboka nidera ny Joda eto, dia nasian’i Jehovah otrika hamely ny taranak’i Amona sy Moaba sy ry zareo avy any Enjedy. Fa maninona ry havana no hoe « arme redoutable » ny fiderana ? Andao anie jerentsika ny Salamo 22 e. Redoutable ny fiderana : Salamo 2 : 3 : « Kanefa masina Ianao, ry mipetraka eo ambonin’ny fideran’ny Isiraely ». Ianao izany midera : miantso an’i Jehovah hidina eo ambonin’izany fiderana izany.

Ny fiainana ange ry havana, ny an’ny Joda eto, hoe Moaba e, Amona e ; izay ilay izy, dia ry zareo avy any Enjedy e. Fa Jehovah ; ianao mety hoe « haiko ny manatrika ny Amona », mety hanao ianao hoe « haiko ny mandresy ny Moabita, raha ry zareo avy eny Enjedy indray, tsy problema ireny e » ; fa tout le monde en même temps : Andriamanitra irery ry havana ô, Andriamanitra irery no afaka mandresy an’ireo miaraka, ary afaka mandresy an’ireo tsirairay ; mahafantatra an’ireo tsirairay, mahafantatra ny fahalemen’ireo, mahafantatra ny fomba hamelezana an’ireo ; fa ianao tsy mahay an’izany. Izany no maha zava-dehibe ny fiderana.

Ary fa maninona no henoin’i Jehovah ny fideran’ireto Joda ireto ? Jerentsika ny Salamo 34 :1. Ny tena fiderana, ny fiderana masina : « Hisaotra an’i Jehovah lalandava aho ; ho eo am-bavako mandrakariva ny fiderana Azy ». Ahoana ? « Ho eo am-bavako mandrakariva ny fiderana Azy ». Andramo ka zahao dia ho hitanao « la puissance de la louange » eo anatrehan’ny fizahan-toetra sy ny fahoriana ; dia ho hitanao Andriamanitra hampandositra, handresy, hamotipotika ny fhaavalonao, na iza na iza fahavalonao. Ary atomboka foana ny antsika ao amin’ny ankohonana ry havana ô. Fa izao, aza hoe, ao anaty fahoriana dia hoe : « araka ilay toriteny mazava be iny dia andeha hidera aho » ; non, non, non. Ahoana hoy ny mpanao Salamo ?  « ho eo am-bavako mandrakariva ny fiderana Azy ». Tsy hoe Alatsinainy hatramin’ny Sabotsy aho dia hihaino Jerry Marcoas, Tence Mena sy yn karazany, dia hoe ny Alahady : « midera anao Andriamanitra ô, oaoaoa… ». Tsy izany ry havana ô, tsy izany ny fiderana, tsy izany ny finoana masina. Ary fiainam-paharesena sy ozona no vokatr’izany. Fa miovà ianao, ilay fotoana kely hanaovana fiderana aty, aoka izay ny mamadibadika Baiboly eny an-toerana eny rehefa mba hoe fotoanan’ny louange ety ry havana ô. Aoka ho eo am-bavanao mandrakariva ny hira fiderana an’Andriamanitra, Alatsinainy ka hatramin’ny Alahady. Izany, izany no andrasana amintsika rhaa te handresy isika, raha te hiroso amin’ny finoana masina isika. Ary anisan’ny tena isaorako ny Président Ammi ry havana ô, ny anisan’ny fanapahan-kevitra noraisiny voalohany tamin’ny 2016 : « atsaharo ny hiran’izao tontolo izao ao amin’io radio am-piangonana antsoina hoe Fahazavana io ». Mahamenatra izany, ary tsy vitan’ny hoe mahamenatra izany, fa manimba ny vahoakan’Andriamanitra. Raha mitady hiran’izao tontolo izao izy, any amin’izao tontolo izao izy mitady hiran’izao tontolo izao, fa tsy any amin’ny radio am-piangonana.

Faranana izao teny izao e : olon-kandalo isika ry havana ô, vahiny sy mpivahiny isika. Fantaro izany, ary ampitao amin’ny zanakao izany hoe : vahiny sy mpivahiny isika ; ary anomananao azy ho amin’izany, ampitao aminy ny finoana tsy mihatsaravelatsihy.

Ho aminareo ny fahasoavan’ny Tompo. Amena.          

1 Samoela 17, tantaran’i Davida sy Goliata ry havana. Misy lesona vitsivitsy tian’ny Tompo omena antsika amin’ny alalan’izany tantara izany. Goliata moa, hoe « géant ». Fa Goliata eto, sarin’ny « géants » rehetra ifanenantsika ; fahavalo na situation tsy hay resena. Izany ilay hoe « géants » atrehina. Ary ny tantaran’i Davida, ny niatrehan’i Davida an’i Goliata dia azo hakana lesona tsara irosoana ho any amin’ny finoana masina.

Nisy mpanompon’Andriamanitra izay ry havana nitoriteny momba an’ity tantaran’i Davida sy Goliata ity, dia izao hoy izy no azo amaritana an’izany hoe finoana masina izany, raha miainga amin’ity tantara ity ; ilay hoe finoana moa amin’ny teny frantsay dia hoe « foi », dia izao no azo analavana ny hoe « FOI » : F : Foi, O : qui Ouvre, I : l’Impossible. « Foi qui ouvre l’impossible ». Ary tena izay ilay finoana nananan’i Davida, satria impossible ny handresena an’i Goliata e ; fa eo ianao manana « géant » sy ny situations impossibles rehetra, hoe zava-manahirana eo amin’ny fiaraha-monina, mpifanolo-bodirindrina aminao, chef manahirana any am-piasana, mpampianatra manenjika lava anao, sy ny karazany sy ny karazany ao an-tokantrano : géant izany hoe vady tsy miraika amin’ny fivavahana izany, ary maneso anao rehefa hankaty am-piangonana ianao. Ny Tompo te hanome anao an’izany hoe : « foi qui ouvre l’impossible » izany ry havana ô. Izany ny vaovao mahafaly amin’izao maraina izao.

Andeha ange jerentsika ny and.47 : « Ary ho fantatr’ izao fiangonana rehetra izao fa tsy sabatra sy lefona no amonjen’ i Jehovah; fa an’ i Jehovah ny ady, ary hanolotra anareo ho eo an-tànanay Izy ». An’i Jehovah ny ady. Ary izay no mahatonga an’ilay finoana qui ouvre l’impossible, satria ilay Andriamanitsika io, araka ny toriteny rentsika teto ombieny ombieny, ce Dieu, c’est le spécialiste de l’impossible. Azy ny ady e ! Ataovy masaka ao an-tsainao izany manomboka fa ireo « géants », ireo Goliata manodidina anao ireo, na manomboka ao amin’ny ankohonanao aza, ny ady atrehinao amin’ireo an : an’i Jehovah. An’i Jehovah izany ady izany.

Misy fahamarinana vitsivitsy ry havana atoro antsika, ampatsiahivina antsika izay te hanana an’izany hoe « Foi qui ouvre l’impossible » izany, izany hoe finoana mampahatsiaro mandrakariva fa hoe : an’i Jehovah ny adinao e.

Ny Fahamarinana 1 dia hoe : ATREHO AMIN’NY ANARAN’I JEHOVAH NY ADY

And.45 : « Fa hoy kosa Davida tamin’ ilay Filistina: Hianao manatona ahy amin’ ny sabatra sy ny lefona ary ny lefom-pohy; fa izaho kosa manatona anao amin’ ny anaran’ i Jehovah, Tompon’ ny maro, Andriamanitry ny miaramilan’ ny Isiraely, Izay efa nohaikainao », izay efa no-défié-nao. ATREHO AMIN’NY ANARAN’I JEHOVAH NY ADINAO ry havana ô ; ATREHO AMIN’NY ANARAN’I JEHOVAH. Ary manomboka izao ianao, raha manatrika ady amin’ny anaran’i Jehovah, eo anatrehan’ireo Goliata ireo, mahatsiarova hoe solontenan’i Jehovah aho io manatrika io e. Mety misozy anao Goliata tahaka ny nisoziany an’i Davida : « inona koa izay tovolahy kely io ? ». Goliata moa any amin’ny 3metatra any hoe mpandinika ; Davida tamin’izany tovolahy kely eo amin’ny 20taona eo. Mety misozy anao Goliata e, fa mahatsiarova tena ianao hoe : solontenan’Andriamanitra aho, solontenan’i Jehovah Tompon’ny maro, Andriamanitry ny miaramilan’i Isiraely ; izany ianao. Solotenan’i Jehovah Tompon’ny maro. Ny firenena rehetra ety an-tany manana armée anankiray, asa moa raha anankitelo no ilazana azy : armée de terre, armée de l’air, armée de mer (armée amin’ny maritime) : anankitelo ; ireo izany atao hoe anankiray ihany. Filistina manana anankiray any, Isiraely manana anankiray any. Fa io Jehovah izay nandray an-tanana ny adinao io, hoe Azy ny ady : « Eternel des armées », manana tafika tsy hita isa Izy ry havana ô. Izany io Eternel des armées io. Ary tsy hoe anarana any anaty Baiboly na anaty boky io, fa tenenin’i Davida hoe : Andriamanitra velona io. Nahita an’i Goliata izy dia hoe : « inona koa io jentilisa tsy voafora izay miaiky an’Andriamanitra velona io ? ». Indroa Davida no miteny hoe velona Andriamanitra. Ny problemantsika mianakavy : tsy manompo Andriamanitra velona isika fa manompo Andriamanitra maty, izany no maha-matimaty ny finoantsika ry havana. Ampahatsiahivin’Andriamanitra antsika e : velona Andriamanitra, Tompon’ny maro Izy, Tompo-na tafika maro Izy, Eternel des armées Izy. Ary ianao hiatrika Goliata, irany ianao, solontenany ianao hiteny aminy hoe : « raha ny amiko, n’inon’inona fijerinao aho, izaho dia tonga eto amin’ny anaran’i Jehovah ». Ary izay ny laklen’ny fandresena ry havana, izay ny tsiambaratelon’ny fandresena ara-panahy : miatrika amin’ny anaran’i Jehovah.

Andeha haka ohatra malaza be amin’izao fotoana izao, tena hoe tantaran’i Davida sy Goliata. Davida gasy sy Macron Goliata, ity resaka nosy manodidina, ity resaka îles éparses. Tonga any Macron, volana vitsivitsy lasa izay angamba, dia miteny izy eo amin’ilay île glorieuse : « ici, c’est la France ». Izay ilay Goliata izay. Inona no avalinao an’izany ? Tsy manan-kavaly an’izany ange isika e. Davida sy Goliata ange io e. Davida sy Goliata io. Nohamafisin’ny sénat frantsay : an an an hors de question hoe hamerina an’ireo nosy manodidina ireo amin’i Madagascar ; dia mangina le gasy e, mangina ilay gasy e. Mety azo atao angamba ny hiteny hoe : ary maninona isika raha mba hoe andao hifanaraka amin’ny sinoa, hifanaraka amin’ny russes, hifanaraka amin’ny australiana hanohitra ny frantsay ; eny e, azo atao izany ; fa hoy Davida amin’i Goliata hoe : « Hianao manatona ahy amin’ ny sabatra sy ny lefona ary ny lefom-pohy; fa izaho kosa manatona anao amin’ ny anaran’ i Jehovah ». Capable ve ianao miteny an’i Macron, raha filoham-pirenena, raha PM, na parti politique mitolona ho amin’ny famerenana an’ireo îles éparses ireo, hoe : « henonay izany ry Goliata Macron an, fa izahay tamy amin’ny anaran’i Jehovah Andriamanitra izay Tompon’ny maro, ilay Andriamanitry ny miaramila malagasy ary Andriamanitry ny malagasy ». Sa hiteny : « Pasitera, tsy any am-piangonana ange isika e, fa ety amin’ny nosy manodidina e, ary misy resaka rapport de forces militaires io, resaka géo-politique io, resaka relation internationale sy ny karazany » etc… Tsy any ny problema. Ny problema dia hoe : sahy hiteny ve ianao « izaho tamy amin’ny anaran’i Jehovah ary milaza aminao ahy fa ho averin’i Jehovah aminay malagasy io ». Mino an’izany ve ianao ? Ary tohizanao araka ilay tenin’i Davida teto, hoe : « averinay amin’ny malagasy io ahafantaranao sy ahafantaran’ny rehetra fa manana Andriamanitra tokoa, manana Andriamanitra tokoa, ary velona Izy, izahay malagasy ». Izay ilay finoana masina tian’ny Tompo ananantsika ry havana ô.

Atreho amin’ny anaran’i Jehovah, ary Jesoa ilay Tompon’ny Tompo sy Mpanjakan’ny mpanjaka, tsy efa nampanantena ve Izy ry havana hoe : n’inon’inona angatahinareo amin’ny anarako dia ataoko izany, ataoko. An’i Jehovah ny adinao, ny Goliatanao. Ary angataho amin’i Jesoa ny fandresena dia haneho an’izany Izy.

Izay ny Fahamarinana 1 : ATREHO AMIN’NY ANARAN’I JEHOVAH.

Ny Fahamarinana 2 ry havana dia jerentsika eo amin’ny and.40 sy ny and.47 : « Dia nitondra ny tehiny teny an-tànany izy sady nifidy vato kilonjy dimy tao amin’ ny lohasahan-driaka, ka nataony tao anatin’ ny kitapo fitondran’ ny mpiandry ondry, izay teny aminy, ary ny antsamotadiny koa teny an-tànany ; dia nanatona ilay Filistina izy. Ary ho fantatr’ izao fiangonana rehetra izao fa tsy sabatra sy lefona no amonjen’ i Jehovah… ». Ny Fahamarinana 2 dia izao : TSY SABATRA, TSY LEFONA NO AMONJEN’I JEHOVAH FA ANTSAMOTADY.

Io antsamotady io no nanisian’i Davida vato kilonjy, dia natsipiny tany amin’ny andrin’i Goliata, dia maty Goliata ry havana.

Ahoana moa ny amin’ity Davida ity ry havana ? Davida dia tena nanana an’ilay « foi qui ouvre l’impossible » ; Saoly tsy nanana an’izay. Rehefa jerenareo ery amin’ny and.38 ery, rehefa neken’i Saoly hoe i Davida no hisolo an’i Isiraely iray manontolo amin’ilay ady amin’ny Filistina, hiady amin’i Goliata, inona no nataon’i Saoly ? Nampiakanjo an’ i Davida ny akanjo fiadiany izy, nanisy fiarovan-doha izy, nanisy fiarovan-tratra izy. Avy eo dia namehy ny sabany tamin’ny akanjo fiadiany izy. Ohatran’i Saoly isika ry havana, mazava be anie izany teny hoe : « an’i Jehovah ny ady », « eny e, eny Pasitera an, fa aleo ihany aloa izaho hanao akanjo fiadiana, aleo ihany hanao fiarovan-doha, hanao fiarovan-tratra, omeo sabatra aho ». Non, non, non, hoy Davida. Nandramany ilay izy satria natolotr’i Saoly mpanjaka ka. Fa avy eo, tsy afaka mandeha Davida, tsy à l’aise Davida, « fa aleo ilay mahazatra ahy, amin’ny maha-mpiandry ondry ahy, aleo izay no iatrehako an’i Goliata e ; tehina, antsamotady, dia vato kilonjy dimy, dia ilay kitapo-na mpiandry ondry ». Fa io Davida io, io ange ilay mpiandry ondry nanoratra ny Salamo 23 e ; ilay nanao an’i Jehovah ho Mpiandry azy e ; nanana confiance tanteraka tamin’i Jehovah tamin’ny lafim-piainany rehetra. Dia aleo izaho, miaraka amin’izay confiance amin’i Jehovah izay no hiatrika an’i Goliata.

Ary ilay antsamotady eto ry havana, dia azo lazaina hoe antsamotadin’ny confiance. Ary isika rehetra dia tenenin’ny Tompo hoe : e, ianao ange ka tokona hanana antsamotadin’ny confiance. Ary faharoa manarakarak’izany an, inona ilay vato kilonjy ? Ery amin’ny and.40 izy dia hoe : « nifidy vato kilonjy ». Ilay vato kilonjy dia lazain’ny mpandinika hoe sarin’ny tenin’Andriamanitra.  Rehefa hiady amin’ny fahavalo ianao, tsara ianao mivatsy tenin’Andriamanitra ; sarin’ny tenin’Andriamanitra. Ilay hoe « nifidy vato kolonjy dimy » : nisafidy izy tenin’Andriamanitra ry havana malala. Raha tenenina ianao hoe fantatro ianao, fa hiatrika Goliata rehefa mirava eto, fa mifidiana vato kilonjy dimy, misafidiana tenin’Andriamanitra : firy amintsika no capable mi-citer tenin’Andriamanitra dimy, firy amintsika ? Izany no maha-matimaty ny finoana, izany no tsy hananantsika fiainam-pandresena. Ary ilay izy an, vato kilonjy, « pierres polies ». Maninona no hoe « pierres polies », vato malama ireny izany no nalain’i Davida ? « Polies » ilay izy satria ampiasaina foana, dia farany dia lasa malama. Ny tenin’Andriamanitra nifankazaranao ry havana ô, iny no alefan’ny antsamotadin’ny confiance any amin’ny andrin’ilay fahavalo. Izany ve ianao ry havana ô ? Izany ve ? Fa tsy sabatra, tsy lefona na lefom-pohy. Ilay antsamotadin’ny confiance andefasanao ny vato kilonjy nofidianao noho ny fahafantaranao azy tsara, dia atolotra anao ny fandresena ry havana ô. Atolotra anao. Ary vitsy ny kristiana tonga amin’izay niveau spirituel izay, hoe manana fiainam-pandresena, mitady an’izay fiainam-pandresena izay. Fa matetika ny kristiana ry havana ô, zara fa velona dia efa faly izy : tsy resy, tsy maharesy, zara fa velona. Rehefa tsy maharesy ianao, rehefa tsy resy ianao, naman’ny fiainana faharesena ihany izany e. Ary izany no tenenin’i Davida eto an, asehon’i Davida eto, nony potraka, lazaina efa maty ihany aloa Goliata, dia nanatona Davida, nihazakazaka Davida nanatona, notsoahiny ilay lefona, dia notapahiny tamin’iny ny lohan’i Goliata, satria hoe ilay fandresena, ary ilay farany io moa fandresena amin’ny fahotana sy ny fakam-panahy : tsy maintsy resena hatramin’ny farany izany fahotana izany ry havana ô.

Izay ilay fahamarinana 2. Enga anie ianao ka hanana an’izany hoe antsamotadin’ny confiance izany. Davida ity manko nijoro vavolombelona hoe tamin’ny notenenin’i Saoly hoe « inona izay ianao boay kely io ? » « Azafady, miala tsiny fa ny mpanomponao hoy izy, tamin’ny niandry ondry, dia nisy liona sy bera tany amin’ny fiandrasana ondry tany, nangalatra an’ilay ondry ; nalaiko avy teny am-bavany nge ilay ondry e. Ary avy eo, saika hamono ahy indray ilay liona sy bera : izaho indray no namono azy, hoy izy. Izany ity Davida ity, hoe nahatoky ny Tompo tamin’ny fiainany satria hoe Mpiandry tsara Jehovah. Izay izany no itenenana amintsika hoe : fantaro fa tokony hanana ianao an’izany hoe antsamotadin’ny confiance amin’Andriamanitra izany. Ary izany no anipazanao vato kilonjy izay efa nosafidianao ry havana ô. Raha ny marina izany, ity fahamarinana 2 ity dia azo lazaina ohatran’izao, amin’ny fomba tsotra hoe : ANATY ADY, ATEVENO NY FIFANDRAISANAO AMIN’ANDRIAMANITRA.

Ilay fahamarinana 1 hoe : ATREHO AMIN’NY ANARAN’ANDRIAMANITRA NY ADINAO. Ary ilay fahamarinana 2 hoe : ANATY ADY, ATEVENO NY FIFANDRAISANAO AMIN’ANDRIAMANITRA.

Goliata anie ry Pasitera no atrehina e ! Ateveno, hoy aho ny fifandraisanao amin’Andriamanitra, fa io Goliata io : Andriamanitra no anolotra azy aminao.

Lioka 17, mamarana isika ry havana. Misy Goliata be ato izay tena nahakivy ny mpianatra ary mino aho fa mahakivy antsika koa, dia ilay hoe : tsy maintsy mamela olona izay nanafintohina antsika. Ary ho jerentsika eto ilay « foi qui ouvre l’impossible ». Jerentsika ilay tenin’ny mpianatra amin’i Jesoa, Lioka 17 : 5 : « Ary hoy ny Apostoly tamin’ny Tompo : Ampitomboy ny finoanay ». Inona ilay Goliata eto ? Goliata ry havana izany hoe hamela olona nanafintohina anao izany an. Goliata be izany. Ary na mifona aza izy, mbola Goliata be izany hoe hamela olona nanafintohina anao fanindroany. Tsy tratry ny herintsika izany. Ary nefa ny tenin’i Jesoa eto : « raha manota aminao impito izy an, ka mibebaka impito an » : ianao mamela azy. Izaho, ianao : « manao indroa izy, mamerina fanintelony izy, fa ianao ve, ataonao ho iza aho, ataonao kilalao ohatran’izao ve io fibebahana io e !? ». Non non non, hoy Jesoa, Izaho milaza aminareo : « raha mibebaka impito izy, anatin’ny iray andro izany an, tsy ao antin’ny fito andro na anatin’ny taona ; anatin’ny iray andro ; mamelà azy, mamelà azy ianareo », hoy Izy. Dia ilay mpianatra moa izany miteny hoe : « Ampitomboy ny finoanay ». Bedesin’i Jesoa ny mpianatra : ianareo ange hoy Izy manana finoana e, fa tsy exercé-nareo ilay finoana ; tsy exercé-nareo ilay finoana. Ny tenin’i Paoly manazava kokoa an’io fibedesan’i Jesoa io, Romana 12 :3d : « fa mihevera izay onony araka ny ohatry ny finoana izay nozarain’Andriamanitra ho anareo avy ». Ilay hoe « ohatry ny finoana » dia hoe « anjara finoana ». Samy nizaran’Andriamanitra anjara finoana isika ry havana ô ; izay no ampahatsiahivin’i Jesoa ; dia hoy Jesoa ao amin’ny Lioka 17 :6 ; avy niteny izany ny mpianatra hoe « Ampitomboy ny finoanay », hoe : « raha manana finoana na dia hoatra ny voan-tsinapy iray aza iaanreo, dia azonareo lazaina amin’io vorihazo io hoe : miongota, ary aoka hambolena ao anatin’ny ranomasina, dia hanaiky anareo izy ». Ianareo ange manana finoana e, finoana mety hoatry ny voan-tsinapy aza ilay izy, fa tsy ampiasainareo ilay izy : hoatran’ilay lehilahy notenenin’i Jesoa hoe manana talenta iray dia tsy nampitomboiny ilay izy fa naleviny. Manana finoana ianareo hoy Izy, na dia hoe hoatry ny voan-tsinapy aza, fa tsy ampiasainareo ilay izy. Kisarisary moa ity ampiasain’i Jesoa ity hoe : « azonareo lazaina amin’io vorihazo io hoe : miongota, ary aoka hambolena ao anatin’ny ranomasina ». Amin’ireo fahagagana tantarain’ny Soratra Masina, tsy nisy hoe : Jesoa niteny tamin’ny vorihazo hoe : miongota dia mankanesa ery anaty ranomasina ; fa sary izany ilazana amintsika hoe : e, e, manana finoana ianao, na finoana kely hoatra ny voan-tsinapy aza. Izay no ambaran’i Jesoa ry havana, fa exercé-o io, execré-o io. Ary exercé-o io amin’ny fotoana hamelana ilay olona nanafintohina anao.

Fa izao ry havana no ampianarin’ny mpianatra antsika eto amin’ity Lioka ity. Talohan’ny nitsanganan’i Jesoa tamin’ny maty, ny mpianatra no miteny amin’i Jesoa hoe « Ampitomboy ny finoanay ». Fa inona ny zavatra nitranga ? Taorian’ny Pentekosta rehefa tonga tany an-danitra Jesoa, dia nandray ny fahafenoan’ny Fanahy Masina ny mpianatra ry havana ô, ary izay no niteraka transformation tao amin’ny mpianatra, nananany fahasahiana hitory an’i Jesoa ; Petera andro vitsivitsy nandà Azy tao an-tranon’ny mpisoronabe, tao an-tokotanin’ny mpisoronabe Kaiafa. Tena nanana fahasahiana izy. Ary ny lesona eto, ny lesona eto dia hoe : nony feno ny Fanahy Masina ny mpianatra, tsy problema taminy intsony izany hoe fatran’ny finoana, izany hoe anjara finoana izany. Fa tena hoe feno fahasahiana izy nijoro vavolombelona ny amin’i Jesoa Kristy Tompo maty, nalevina, nitsangana tamin’ny maty ho fanamarinana antsika ry havana ô.

Aza mety ho rebireben’ny devoly amin’izany hoe kely ange ny finoanao e ; ianao ange ka mila ampitomboina ny finoanao e ; fa ny Tompo ry havana ô, izay efa nanome anao ny Fanahy Masina, nanisy anao tombonkase tamin’ny Fanahy Masina, no hanome anao fahasahiana hijoro vavolombelona ny amin’izany Tomponao izany, hoe Andriamanitra velona Izy, ary Izy no hanampy anao handresy ny Goliatan’ny tsy fahaizana mamela heloka, na iza io na iza, ary atomboy ao amin’ny ankohonanao e.

Ho aminao ny fahasoavan’ny Tompo. Amena.