Archives de la catégorie: Toriteny

Toriteny alahady maraina na fanompoam-pivavahana hafa

Raha fintinina ry havana ny hafatra androany, dia azo fintinina tahaka izao, hoe : NY FINOANA DIA ANORENANA NY MAHA KRISTIANA NY ANKOHONANA. NY FINOANA DIA ANORENANA NY MAHA KRISTIANA NY ANKOHONANA.

Misaotra ny Tompo isika fa hisy hafatra ho antsika lehilahy loham-pianakaviana, ary ho loham-pianakaviana, misy hafatra ho anareo vehivavy, ary misy hafatra ho anareo tanora hanorenana ny finoantsika, hanorenana ny maha-kristiana ny ankohonana.

Romana 12. Ny hafatra voalohany ry havana dia izao : NY RAIM-PIANAKAVIANA KRISTIANA DIA MANAPAKA ARAKA IZAY ONONY. Manapaka araka izay onony. Izay no ho antsika lehilahy. Manapaka isika, fa manapaka araka izay onony.

Vakiantsika ny Romana 12 : 3 : « Fa noho ny fahasoavana nomena ahy dia izao no lazaiko amin’ny olona rehetra izay eo aminareo : aza mihevitra mihoatra noho izay tokony hoheverina ; fa mihevera izay onony araka ny ohatry ny finoana izay nozarain’Andriamanitra ho anareo avy ». Ampiana ny Romana 12 : 8 : « raha mananatra, dia aoka ho amin’ny fananarana ; izay manome, dia aoka ho amin’ny fahatsoram-po ; izay manapaka, dia aoka ho amin’ny fahazotoana ».

Eo izany isika raim-pianakaviana : manapaka araka izay onony. Eto amin’ny and.8 aloha dia hoe : izay manapaka ; ny raim-pianakaviana izany. Isika moa ato Isotry dia izay e : aleo ampiarina eo anivon’ny ankohonana ny teny amin’izay azontsika tsara ny sitrapon’ny Tompo.  « Izay manapaka, dia aoka ho amin’ny fahazotoana ». Amin’ny teny frantsay dia hoe : « soigneusement », amin’ny teny frantsay dia hoe : « empressement ». Aoka isika lehilahy e, aoka isika lehilahy hanapaka soigneusement ny ankohonantsika. Izany no mampiavaka antsika. Tsy misy lehilahy tsy manapaka ny ankohonany ry havana, fa izany no mampiavaka antsika : manapaka soigneusement, manapaka avec empressement. Ataontsika laharam-pahamehana ny vady aman-janatsika ry havana ô. Izany ny lehilahy manapaka araka izay onony. Izany ny lehilahy manapaka amin’ny finoana. Ary rehefa manapaka araka izay onony ka manapaka soigneusement, manapaka avec empressement dia : tsy mihevitra, hoy ny Apostoly Paoly, mihoatra noho izay tokony hoheverina ; tsy mihevitra mihoatra noho izay tokony hoheverina. Manan-karena be izany teny izany. Tsy manampatra fahefana, Izay. Tsy manampatra fahefana amin’ny vady, tsy manampatra fahefana amin’ny zanaka. Tsy mihevitra noho izay tokony hoheverina. Ary isika lehilahy mbola afarana e, tsy hihevitra mihoatra noho izay tokony hoheverina ; isika lehilahy rehefa tratran’io avonavom-po sy avonavom-panahy amin’ny vady io : miala tsiny aminao rahalahy, fa tsy izany ny lehilahy araka ny finoan’ny Tompo, tsy lehilahy hoe mihevitra araka izay tokony hoheveriny, na araka izay onony izany, io hoe miavonavona, manambany vady, manambany zanaka io. Fa nomena finoana ianao, nomena anjara finoana ianao hoy ny Apostoly Paoly ao amin’ny and.3. Tsarovy izany, dia hikarakara vady aman-janaka soigneusement ianao, avec empressement ianao, tsy hihevitra mihoatra noho izay tokony hoheverina ianao. Nomena anjara finoana ianao.

Dia lasa ilay saina hoe : fa inona moa ity anjara finoana ity e ? Soratr’i Paoly io an, dia ao amin’ny tenin’i Paoly ihany, no andeha jerentsika. Ilay anjara finoana nomena antsika dia azavain’ny Apostoly Paoly ao amin’ilay texte malaza ao amin’ny 1 Korintiana 13 :2 hoe : ilay finoana mahafindra tendrombohitra. Finoana mahafindra tendrombohitra. Izany ry rahalahy ny finoana omena antsika : tsy maintsy manana finoana mahafindra tendrombohitra isika raha te hanapaka an’io vady sy zanaka nomen’ny Tompo antsika io araka izay onony ary tsy hihevitra mihoatra noho izay tokony hoheverina. Angatao amin’ny Tompo ary e, hoe : « Tompo a, Tompo a, omeo ahy izany finoana mahafindra tendrombohitra izany ». Ary ianareo ankizy, faly mahita anareo mbola maro be indray androany : ento am-bavaka dadanareo hoe : « Jesoa a, italahoako Aminao : omeo an’izany finoana mahafindra tendrombohitra izany io dadako io, ahazoany manapaka anay soigneusement et avec empressement, araka izay onony ».

Fa andao jerena ihany ange ilay 1 Korintiana 13 :2 : « Ary na dia manana faminaniana aza aho ka mahalala ny zava-miafina rehetra sady manana ny fahalalana rehetra, ary na dia manana ny finoana rehetra aza aho ka mahafindra tendrombohitra, kanefa tsy manana fitiavana, dia tsinontsinona aho ». Izay no vavaka ataonareo zanaka ho anay ray aman-dreny : « Omeo finoana mahafindra tendrombohitra io dadako io, ary indrindra indrindra koa : omeo fitiavana izy. Omeo fitiavana izy ». Finoana miasa amin’izany fitiavana izany, raha tsy izany : tsinontsinona isika, hoy Paoly Apostoly.

Izay ny hafatra voalohany ho an’ny ray an : REHEFA MANAPAKA AMIN’NY FINOANA DIA MANAPAKA ARAKA IZAO ONONY, DIA MIASA NY FAHASOAVAN’ANDRIAMANITRA AO AMIN’IO ANKOHONANA IO, hoy Paoly e. Ary rehefa izany no ataontsika lehilahy, dia manapaka ny ankohonantsika en bon père de famille isika, manapaka ny orinasantsika en bon père de famille isika, manapaka ny fokontany misy antsika en bon père de famille isika, manapaka an’ity firenena ity en bon père de famille isika, manapaka Fiangonana en bon père de famille isika. Raha tsy izany, dia tsinontsinona, tsinontsinona isika ry havana.        

Izay ny Fahamarinana 1 : RAIM-PIANAKAVIANA MANAPAKA ARAKA IZAY ONONY.

Ny hafatra faharoa dia ho anareo anabavy sy reny, hoe : METEZA HO VEHIVAVY HITAIZA NY ZANAKAREO HO AN’I JESOA

Eksodosy 2. Efa nampahatsiahivin’i Pasteur Nali teo ny tantaran’i Mosesy an, dia eo amin’ny and.9, eo amin’ilay hoe nentina teo amin’ny zanakavavin’i Farao izany Mosesy zazakely, dia nalain’i Miriama maman’i Mosesy ihany, hoe hitaiza azy ; dia eto amin’ny and.9 : « Ary hoy ny zanakavavin’i Farao taminy : ento ity zaza ity, ka tezao ho ahy, fa izaho handoa ny karamanao. Dia nentin-dravehivavy ny zaza ka notezainy ». Ny zanakavavin’i Farao no miteny amin’ny maman’i Mosesy izay niteraka azy avy ao an-kibony hoe : tezao ho ahy ity zaza ity.

Ry havana ô, ranabavy malala ô, aza tezaina ho an’i Farao ny zanakareo, aza tezaina ho an’izao tontolo izao ny zanakareo. Tezao, tezao ho an’i Jesoa. Tezao ho an’i Jesoa.

Eto an, dia vao teraka i Mosesy, 3 volana eo, dia ilay hoe tezaina : hampinonoy izy, hampinonoy ho ahy izy. Ok. Dia avy eo, lazaina hoe : rehefa lehibe ilay zanaka, dia nafindra tany an-dapan’i Farao ; tsy fantatra marina hoe firy taona izy no notezain’ny mamany Mosesy ; tsy fantatra ; fa 40 taona latsaka kely, latsaka firy, tsy fantatra, no tao an-dapan’i Farao izy. Fa jereo ny vokatra, vokatry ny fitaizana an’i Mosesy, nitezan’ny mamany azy, eny e, nitazan’ny zanaka vavin’i Farao azy. Ny Soratra Masina dia milaza hoe, any amin’ny Asan’ny Apostoly, hoe : notezaina tahaka ny zanak’andriana izy. Tsy misy maharatsy an’izany aloha. Notezaina tahaka ny zanak’andriana izy, ary hoy ny Asan’ny Apostoly 7 hoe : ny fahendrena rehetra nananan’ny Egyptiana dia nomena an’i Mosesy. Ny fahendrena rehetra nananan’ny Egyptiana dia nitaizana an’i Mosesy. Nahery tamin’ny teniny Mosesy. Tsara izany an, tsara izany. Ary amin’izao Alahadin’ny Sekoly izao an, tsara hoe isika Sekoly an, ny Sekoly malagasy mba miezaka amin’izany e. Mbola lavitry ny afo ny kitay. Fa izao : raha izany ny Sekoly nitaizana an’i Mosesy tao an-dapan’i Farao, ahoana ny vokatr’ilay nitaizan’ny reniny azy, nanomboka tamin’ilay fotoana nampinonoana azy ka nahatonga azy ankizy lehibebe kokoa ? Tena niadana ry havana i Mosesy tao an-dapan’i Farao. Saingy izao : vokatr’ilay nitaizan’ny mamany azy : azon’i Mosesy natao ny nijanona tao an-dapa niaraka tamin’i Farao, nanana laza, nanana voninahitra ; ary fantatra fa maro ny reny mety niteny tamin’izany hoe : « ao an-dapan’i Farao efa mba malaza, efa mba manam-boninahitra fa mijanona tsara ao ». Tsy izany no nataon’i Mosesy ry havana ô, ny fitaizana nataon’ny reniny taminy tsy izany, tsy izany no nataony. Tsy maintsy nisafidy izy. Izany ny olona hoe tezaina ho an’i Jehovah, tezaina ho an’i Jesoa. Inona ny safidy tsy maintsy nataon’i Mosesy ? Hoe : nisafidy izy na hoe ho Egyptiana na ho olon’Andriamanitra. Ho Egyptiana miadana na olon’Andriamanitra azo antoka fa hiharam-pahoriana. Tsy maintsy nisafidy Mosesy, vokatr’ilay fitaizana azy izany, hoe : nisafidy izy hoe na hankafy an’izao tontolo izao, na ho zanaky ny fanjakan’Andriamanitra ; ho zanaky ny Farao na hoe hanatanteraka izay mety hoe fanantenana nampanantenan’Andriamanitra ny razambe-ny. Izany ny safidiny ry havana ô. Ary ny Epistily ho an’ny Hebreo dia mazava be, hoe : aleony, hoy izy, niaritra fahoriana, toy izay hoe nisafidy ny fifaliana, ny fifaliana miaro fahalotoana. Izany ry havana ilay safidy eo amin’ilay fitaizana.

Ary amin’izao andron’ny Sekoly izao : isika ray aman-dreny, dia ny zavatra mibahana ao an-tsaintsika dia hoe : hahatafita ny zanatsika, peu importe raha hoe loha sy fon’izao tontolo izao no mibaiko azy ; peu importe na hoe laza sy voninahitra satria lasa tsara toerana ny zanatsika any am-pitan-dranomasina any. Ry reny malala ô, eto ny modely : ny maman’i Mosesy. Aoka tsy ho izany no itaizanao ny zanakao. Fa marina loatra ny tenin’i Jesoa Kristy hoe : Inona ny soa ho azon’ny olona raha azony izao tontolo izao kanefa very ny fanahiny ? Maty antoka izy, maty antoka izy.

Izay ny amin’ny reny, RENY MITAIZA NY ZANANY, NA DIA FOTOANA VETIVETY FOTSINY AZA, MITAIZA NY ZANANY HO AN’I JESOA ry havana ô.

Fahatelo farany, dia hafatra ho anareo tanora. Hafatra ho anareo tanora eo ambany fahasoavan’Andriamanitra : TANORA MITONDRA NY IRAY TAMPO AMINY EO AMIN’I JESOA.

Jaona 1 :42 : « Dia nitondra azy ho any amin’i Jesoa izy (Andrea io no nitondra an’i Simona ho any amin’i Jesoa). Ary nony nijery azy Jesoa, dia hoy Izy : Ianao no Simona, zanak’i Jaona ; ianao hatao hoe Kefasy (izay atao hoe, raha adika, Petera) ». TANORA MITONDRA NY IRAY TAMPO AMINY ANY AMIN’I JESOA ry havana ô.

I Andrea dia anisan’ilay mpianatra roalahy, mpianatr’i Jaona nitenenan’i Jaona, hoe : « Indro ny Zanak’ondrin’Andriamanitra ». Ny omalin’io izy an, nandre momba ny Zanak’ondrin’Andriamanitra ; fa eto izy an : nahita ilay Zanak’ondrin’Andriamanitra. Nandre dia nahita. Ary tsy nandre, nahita fotsiny, fa dia hoe : nanaraka Azy, nanaraka, nanaraka amin’izay alehany. Ahoana moa izany ny fanarahantsika an’i Jesoa ? Hoe te hanaraka Azy : io ny teniny no mi-guider anao, ny Fanahy Masina no mitarika anao rhaa te hanaraka an’i Jesoa ianao. Ary tarihiny any amin’izay lalana tian’i Jesoa aleha ianao, fa tsy any amin’izay lalana tianao izorana. Nandre – Nahita – Nanaraka – Ary araka ny tamin’ny louange teo, hoe : Mitoetra, mitoetra ao amin’i Jesoa. Ny hoe : mitoetra, dia tena hoe mitoetra maharitra ka tena hoe manana fiombonam-po, manana fiombonan’aina amin’i Jesoa ry havana ô. Izany ity Andrea ity. Izany ity Andrea ity : Nandre – Nahita – Nanaraka – Nitoetra. Ary izany lehilahy izany ry havana ô, izany lehilahy izany, izay no may satria mahita ny Mesia, tena may hizara an’izany vaovao mahafaly izany amin’ny olona akaiky azy indrindra, dia ny iray tampo aminy : Simona.

Hoy Andrea tamin’i Simona: « Efa nahita ny Mesia izahay ». Tsisy toriteny lava, tsisy toriteny manahirana, tsisy dictionnaire novakiana ; « Efa nahita ny Mesia » : izay ny teny tsotra, izay ny toriteny tsotra nataon’i Andrea tamin’i Simona, dia nitombo ny fahasoavan’ny Tompo niasa nandresy lahatra an’i Simona Petera ry havana ô. Ary efa dodona ny Tompo hampiasa ny fahasoavany aminao. Aza miandry ho tapi-pahalalana amin’ny fahaizana Baiboly. Fa raha hoe tahaka an’i Andrea ianao, efa nandre momba ny Zanak’ondry, nahita ny Zanak’ondry, nanaraka ny Zanak’ondry, miara-mitoetra mian’ny Zanak’ondry, manana fiombonan’aina, fiombonam-po, fiombonam-panahy amin’ny Zanak’ondry : na teny kely tsy toa inona aza iasan’ny fahasoavan’Andriamanitra, tahaka ilay fahasoavan’Andriamanitra miasa ao amin’ny loham-pianakaviana hanapahany ny fianakaviana araka izay onony, miasa ao amin’ilay renim-pianakaviana hitaizany ny zanany ; ary izy no mitaiza an ; ny dadan’i Mosesy tsy fantatra ; zanaka Levita fotsiny izy ; fa ilay reny eo no tena hoe rôle an. Ianareo vehivavy ange no tena mitaiza e. Dia eto ilay zanaka iasan’ilay fahasoavan’Andriamanitra. Ilay teny tsotra ataon’i Andrea amin’i Simona Petera.

Mbola manome antsika tombon’andro ry havana ny Tompo handinihana tena. Ary aoka tsy misy hamita-tena ny amin’ny finoany, sao dia hoe saritsary-na finoana ; mamita-tena ianao : tsy anorina ny maha-kristiana anao izany ary tsy handovanao ny lanitra izany.

Ho aminao ny fahasoavan’ny Tompo. Amen.

Marka 11. Andeha iarahantsika mamaky indray, mihaino indray ny and.22 sy 23 : « Ary Jesosy namaly ka nanao taminy hoe : Manàna finoana an’ Andriamanitra. Lazaiko aminareo marina tokoa : Na zovy na zovy no hilaza amin’ ity tendrombohitra ity hoe : Mifindrà, ka mianjerà any an-dranomasina, ka tsy hiahanahana ao am-pony, fa hino fa ho tonga ny zavatra lazainy, dia ho azony izany ».

Raha fintinina ry havana ny hafatra ho antsika Fiangonana amin’izao maraina izao, raha mandre isika izany tenin’i Jesoa izany, hoe : « Manàna finoana » ; soa fa Jesoa no miteny an’izany ry havana, hoe : « Manàna finoana », fa tsy i Pasitera na olona, hoe : « Manàna finoana » ; ary ny mpianatra, ny mpianatra 12 lahy no ilazany hoe « Manàna finoana » ; isika Fiangonana no itenenany amin’izao maraina izao hoe : « Manàna finoana ». Raha fintinina ny hafatra ry havana, dia azo fintinina tahaka izao, hoe : AOKA IANAO HO MPANJERA TENDROMBOHITRA. AOKA IANAO HO MPANJERA TENDROMBOHITRA. AOKA IANAO HO MPANJERA TENDROMBOHITRA.

Maro ry havana ny olona malaza amin’ny finoana, nefa na iza na iza tsaroanao, tsy misy olona fantatra na tadidy, hoe nanjera tendrombohitra izany ; nanjera tendrombohitra ara-batana. Ary Jesoa izay miteny an’izany ary, rehefa dinihinao ny fiainany, tsy nanjera tendrombohitra Izy. Fa inona ary no tiany ho lazaina amin’izao maraina izao rehefa afarany isika hoe : « Manàna finoana », AOKA IANAO HO MPANJERA TENDROMBOHITRA ?

Ny Fahamarinana 1 dia izao : NY OLONA TE HO MPANJERA TENDROMBOHITRA RY HAVANA DIA TSY TE HO AVIAVIN’I BETANIA, TSY TE HO AVIAVIN’I BETANIA. Izay ny Fahamarinana 1 : AOKA IANAO TSY HO AVIAVIN’I BETANIA.

Inona ilay hoe aviavin’i Betania ry havana ? Aviavy tao Betania mandravona be, dia natonin’i Jesoa, nosavainy, nitady voa Jesoa, dia tsy nahita voa. « Aza misy mihinana voa amin’ity aviavy ity intsony » : nohozoniny ilay aviavy. Dia hoy Petera nony maraina hoe : « ohhh, malazo ilay aviavy ». Izay ilay aviavin’i Betania ry havana : mandravona ; ary maro ny kristiana hoe aviavin’i Betania fa tsy mamoa voa, ary tsy mamoa voa satria tsy manana finoana. Izay. Mandravona be izy, mandravona be izy ; miasa be izy : izay ilay hoe mandravona be. Mety mamonjy fotoam-bavaka be izy : izay ilay mandravona be. Mety mifady hanina izy : izay ilay mandravona be. Rehefa savasavain’i Jesoa an : tsy misy voa dia hozoniny.

Misy Pasitera, misy mpiandry, misy diakona : aviavin’i Betania. Aleo ry havana, raha hoe aviavin’i Betania ianao ka mahatsiaro tena hoe aviavin’i Betania : aleo miala amin’ny fanompoana fa hozonin’i Jesoa eo ianao. Izany ny fampitandremana feno fitiavana omen’i Jesoa antsika amin’izao maraina izao : Aoka ianao ho mpanjera tendrombohitra, ary aza mety hoe ho aviavin’i Betania. Fa manàna finoana, manàna finoana, izay ahafahanao miteny amin’ny tendrombohitra hoe : « mifindrà ka mianjerà any anaty ranomasina ».

Tsy tian’i Jesoa ho aviavin’i Betania isika, dia taominy isika anio maraina hiatrika an’izany tendrombohitra, izay tian’i Jesoa hoe afindrantsika, azerantsika any an-dranomasina izany. Ny tendrombohitra tsy hoe : esorina vetivety izao maraina izao mandritra ny fotoan’ny toriteny, fa tena hoe afindra dia azera any anaty ranomasina, toy ny tsy iverina intsony izany. Izay ilay hoe azera any anaty ranomasina ry havana ô.

Ary rehefa mamaky ny tenin’i Jesoa eto isika, rehefa miteny Izy eo amin’ny and.23 hoe : « Lazaiko aminareo marina tokoa : Na zovy na zovy no hilaza amin’ ity tendrombohitra ity hoe : Mifindrà, ka mianjerà any an-dranomasina, ka tsy hiahanahana ao am-pony, fa hino fa ho tonga ny zavatra lazainy, dia ho azony izany » : inona ilay tendrombohitra ? Tendrombohitry ny tsy finoana ry havana ô. Confronter-n’i Jesoa isika izao maraina izao amin’ny tendrombohitry ny tsy finoantsika Fiangonana. Ary malahelo ny fon’ny Raintsika mahita izany tsy finoantsika izany ; fa mamindra fo Izy, dia miteny amintsika Izy hoe : « tsy tiako ho amin’ny zanako izany, tsy misy zanako aviavin’i Betania izany. Ary ahazoako manova azy an, dia confronter-ko izy, taomiko izy amin’izao maraina izao hitoetra eo anatrehan’izany tendrombohitra tiako azerany any an-dranomasina izany, dia ny tendrombohitry ny tsy finoana.

Izay ny Fahamarinana 1 : AZA METY E, HO AVIAVIN’I BETANIA – DINIHO, ATREHO IO TENDROMBOHITRY NY TSY FINOANAO IO.

Ny Fahamarinana 2 : « eny ary e, Tompo ô, azoko ny hafatra, azoko ny hafatra : inona no tianao ataoko, inona ary no tianao ataoko e, tianao izaho tsy ho aviavin’i Betania, tianao izaho hoe hanana finoana, ka inona ary no ho ataoko e ? Ny hafatra ny Tompo ry havana, faharoa, dia izao, hoe : MANKANESA ANY GETSEMANE DIA MIVAVAHA, ATAOVY NY VAVAKY NY FINOANA. MANKANESA ANY GESTEMANE DIA ATAOY NY VAVAKY NY FINOANA.

Inona izany mankany Getsemane izany ka manao vavaky ny finoana ? Toy ny manaraka an’i Jesoa, mahatsiaro ny zavatra nataony tamin’Izy tao Getsemane, dia : nivavaka Izy, niari-tory nivavaka Izy tao Getsemane. Nivavaka Izy hoe : « Ray ô, aoka tsy ny sitrapoko no atao, fa ny sitraponao. Aoka tsy ny sitrapoko no atao fa ny sitraponao ». Ny olona ry havana, izay tsy te ho aviavin’i Betania e, ny olona izay te hanana finoana manjera tendrombohitry ny tsy finoana, dia mankany Getsemane izy, satria kivy amin’ny tenany izy, torotoro ny fony mahita ny fahantrany ara-panahy, mahita an’io tendrombohitry ny tsy finoana io, torotoro ny fanahiny, tena kivy : « Tompo ô, Jesoa an, apetrako eo am-pelatananao tanteraka manombok’izao ny rehetra rehetra momba ahy, apetrako eo am-pelatananao e ». Izany ny vavaky ny olona te hanjera tendrombohitra ry havana ô. Fa raha tsy esorinao io tendrombohitra io, raha tsy esorinao io tendrombohitra io, tsy misy Fanahy Masina hiasa ao amin’ny fiainanao. Ny Fanahy Masina dia Fanahin’ny fitiavana : tsy haheno fitiavana ianao ary tsy hitia ianao ; ny Fanahy Masina dia Fanahin’ny famindram-po : tsy haheno ny famindram-pon’Andriamanitra ianao, ary tsy ho mpamindra fo ianao satria tsy afaka ilay tendrombohitra, tsy nazeranao ilay tendrombohitra. Ary Andriamanitra tsy afaka haninjitra ny tanany hiasa hamonjy anao ao amin’ny fiainanao. Fa ilay vavaka, dia hoe : « Aoka tsy ny sitrapoko intsony no atao amin’ny fiainako fa ny sitraponao. Tiako alamina ny fiainako, tiako apetraka eo am-pelatananao ny fiainako : ampio aho Jesoa an, ampio aho, ary alamino izany, tsy araka ny sitrapoko fa araka ny sitraponao ; fa manaiky aho manomboka izao ».

1. Aoka tsy ho aviavin’i Betania fa azerao io tendrombohitry ny tsy finoana io.
2. Mankanesa ao Getsemane dia manaova ny vavaky ny finoana. Teneno Jesoa hoe : « manomboka anio : aoka tsy ny sitrapoko intsony, fa ny sitraponao no atao. Ary ny zavatra rehetra tianao ho atao : ataovy ao amin’ny fiainako ary fais-le à ta façon, amin’ny fomba izay itiavanao azy ».

Ny Fahamarinana 3 ry havana dia izao : ANDRASO AMIN’IZAY NY VALIM-BAVAKA. ANDRASO AMIN’IZAY NY VALIM-BAVAKA.

Fa izao no lazaina antsika : mety tsy ho zakantsika ilay valim-bavaka. Satria tsy hifanaraka amin’izay mety eritreritsika sy ampoizintsika ilay valim-bavaka. Inona ny valim-bavaka azon’ny olona te hanjera tendrombohitry ny tsy finoana, ka mankao Getsemane manao vavaky ny finoana ? Ny valim-bavaka tompoko ô, dia fahoriana. Fahoriana.

Izany no maha toriteny réformé an’izao toriteny izao. Raha ny titre mantsy, azontsika iombonana any amin’ny secte, hoe : « Aoka ho mpanjera tendrombohitra ». Ta ta ta… tendrombohitra… oaoaoa. Jamais ny secte hiteny aminao, tena fampianarana ara-tsoratra Masina, hoe : ny valim-bavaky ny olona manao vavaky ny finoana ao Getsemane dia fahoriana sy fanenjehana.

Mandinika ianao ao amin’ny Baiboly, mandinika ianao ao amin’ny Testamenta Taloha ireo olo-malazan’ny finoana, ireo mpaminany rehetra ireo, izay nivavaka mba hoe hanana fanambarana lehibebe kokoa momba an’Andriamanitra sy ny fon’Andriamanitra. Nahazo valim-bavaka izy : fahoriana sy fanenjehana. Izany ry havana ô, izany. Ary Paoly Apostoly rehefa nokasihin’i Jesoa ny fony, rehefa nokasihin’i Jesoa ny fon’i Paoly Apostoly an, dia izao no noteneniny : « eny, mba ho fantatro Izy sy ny herin’ny fitsanganany tamin’ny maty ary ny fiombonana amin’ny fijaliana ». Ary ny fiombonana amin’ny fijaliana. Isika Fiangonana samy mivavaka hoe mba ho fantatro Jesoa izany herin’ny fitsangananao tamin’ny maty izany an, hoe Ianao velona ato anatiko, Galates 2 :20, mba tena hoe Ilay Kristy nitsangana tamin’ny maty ho velona ato anatiko. Fa tsy hivavaka isika satria mbola sakanan’ilay tendrombohitr’ilay tsy finoana ry havana. Tsy hivavaka isika hoe : « ampiombony amin’ny fijalianao aho, ampiombony amin’ny fahorianao aho ». Fa ny biographie an’i Paoly Apostoly, ny tantaram-piainan’i Paoly Apostoly dia fahoriana miampy fahoriana, fizahan-toetra miampy fizahan-toetra, fanenjehana miampy fanenjehana. Izay ilay valim-bavaka izay. Izay ilay valim-bavaka ry havana. Fa rehefa tsy mahazo an’izay valim-bavaka izay ianao, rehefa tsy mahazo valim-bavaka ohatran’izany ianao, dia mbola any an’efitra ianao ara-panahy ry havana malala, mbola any an’efitra ianao, any amin’ny désert spirituel ianao. Ary izany no mahatonga ny Apostoly miteny hoe : « mifaly aho, na dia amin’ny fahoriana aza » ; satria fantany tsara fa ao ambadik’io fahoriana io ny tanan’Andriamanitra ry havana ô, ny tanan’Andriamanitra.

Rehefa misy olona mifankatia, rehefa misy olona mifankatia, na lahy na vavy, samy miteny hoe, samy mahateny hoe : « tu es tout pour moi », « tu es tout pour moi ». Dia hoy Andriamanitra, hoy Jesoa : « Si je ne te fais pas passer par cette souffrance, je ne serai jamais tout pour toi ». Tsy maintsy ampandaloviko amin’izao ianao e. Izay, anamboarana anao. Ary izay ilay valim-bavaka fahoriana anesorana ilay tsy finoana, fahoriana ahatanteraka ny finoantsika ry havana ô, mba afaka hiteny isika hoe : « Jésus, tu es tout pour moi ». Ary izay ilay miracle, izay ilay miracle ry havana. Hoy ilay mpanompon’Andriamanitra izay, hoe : rehefa tsy vonton’ny tenin’Andriamanitra isika, tsy hanaiky mihitsy isika, tsy hanaiky mihitsy isika, hoy izy, hoe : valim-bavaka dia fahoriana sy fanenjehana ; fa isika, hoy izy, rehefa hoe mivavaka ao anaty problema, misy tendrombohitra eo manampina ny lalantsika : miandry miracle instantané, miandry miracle eo noho eo ihany isika. Izany, izany toriteny-na secte izany. Fa tsy hitanao, hoy ilay mpanompon’Andriamanitra ilay miracle progressif, ilay miracle ataon’Andriamanitra miandalana ao amin’ny fiainanao, ka ahatratrarana ilay miracle goavana be, où tu peux dire à Jésus : « Jésus, tu es vraiment tout pour moi ». Dia eny am-panompoana eny isika, mitady famantarana, mitady famantarana, mitady famantarana.

Ry havana ô, ry havana ô, aza mitady famantarana ianao. Rehefa mivavaka ianao tao Getsemane, nivavaka tao Getsemane : io fahoriana ampandalovin’Andriamanitra anao io, io ilay valim-bavaka.  

Miresaka finoana isika, ny finoana dia avy amin’ny toriteny, ny toriteny dia avy amin’ny tenin’i Kristy nentin-dry Thomas Bevan sy David Jones. Niala tany Pays de Galles tany ireny an, tao anatin’ny fahatanorany, tao anatin’ny fahatanjahany, nandre antson’ny Tompo mazava, ary nanaiky irahana taty Madagascar. Ny missionnaire hono an, tsy nisy nety nankaty Madagascar fa hoe sarotra ny mitory ao Madagascar, fa lasa tany Maurice sy ny karazany. Fa ry Thomas Bevan sy David Jones nanaiky irahana taty. Izay ilay antso iraka e. Andao isika haka ny toeran’i David Jones miaraka amin’i Thomas Bevan. Samy manambady izy roalahy. Raha nanao ohatrantsika i David Jones ry havana, ka nanao hoe : « Tompo ô, eto Madagascar aho an, fa omeo famantarana aho, omeo famantarana aho hoe tena nirahanao aho, ary aty Madagascar no andehanako », inoako marimarina fa ho niteny taminy Jesoa hoe, tamin’i David Jones : « hitanao, io vadinao vao maty io, io zanakao vao maty io : io ilay valim-bavaka ary io ilay signe tadiavinao ». « Hay, Tompo ô, omeo famantarana hafa indray ary aho ». Herinandro vitsivitsy taorian’izay, omen’ny Tompo famantarana izy : maty ny zanak’i Thomas Bevan, maty ny zanak’i Thomas Bevan. « Tompo ô, omeo famantarana aho » : maty Thomas Bevan. « Tompo ô, omeo famantarana aho » : maty ny vadin’i Thomas Bevan. Aza mitady famantarana ianao, fa rehefa nivavaka tao Getsemane ianao, io fahoriana ampandalovin’ny Tompo anao : io no valim-bavaka. Ary izany no mahatonga an’i Paoly hiteny hoe : « mifaly aho na dia amin’ny fahoriana aza satria fantatro, fantatro fa Kristy no ao ambadik’izany ». Ary raha maka ny toeran’i David Jones teo isika ry havana, ny zavatra nosoratan’Andriamanitra, nosoratan’ny Fanahy Masina tao am-pon’i David Jones dia hoe : an an an, maty, ripaka raha ny fijerin’olombelona Thomas Bevan mianakavy, ny vady aman-janak’i David Jones ; fa ny fahafatesany dia tsy inona fa fampitomboana isa ny olo-marina any am-paradisa ary koa zezika ho fampandrosoana ny filazantsara taty Madagascar. Ary raha misy zavatra azontsika antoka ry havana : izany Thomas Bevan sy David Jones izany, tsy mba aviavin’i Betania izany, tsy mba aviavin’i Betania izany. Ary ianao anaty fahoriana io, ianao anaty fahoriana io, raha nivavaka tao Getsemana ianao, dia fantaro fa valim-bavaka io.

Nahafinaritra ery ny fijoroana vavolombelona natao-na evanjelista malaza be izay, izay tsy ho tononiko anarana : ny vadiko hoy izy, no-opéré-na, nodidiana, opération chirurgicale, 28 opérations chirurgicales dans sa vie, et elle est devenue une servante exceptionnelle. Elle m’a servi, elle a servi mes enfants, nos enfants, elle a servi la famille, elle a servi l’Eglise.

Ry havana ô, ry havana ô, ry havana ô, manànà finoana, finoana manjera tendrombohitra any an-dranomasina.

Ho aminao ny fahasoavan’ny Tompo, ho an’Andriamanitra ny voninahitra. Amen

Miarahaba ny Fiangonana, manonona aminareo ny fahasoavana sy ny fiadanana avy amin’Andriamanitra Raintsika sy Jesoa Kristy Tompo. Amen

Ny Fahamarinana 1 ry havana izay ampahatsiahivina anareo reny, izay entintsika am-bavaka amin’izao Alahady izao, araka ilay vavaka teo dia mba hoe : ho reny tena hoe ampiorenin’ny Fanahy Masina ianareo an ; ny Fahamarinana 1 ho anareo dia ny hoe : AOKA IANAREO HO RENY MPANONONA NY ANARAN’NY ZANAKAREO EO ANATREHAN’I JESOA. HO RENY MPANONONA NY ANARAN’NY ZANAKAREO EO ANATREHAN’I JESOA.   

Eksodosy 31 :2-3 : « Indro (Jehovah no miteny), efa notononiko anarana Bezalila, zanak’i Ory, zank’i Hora, avy amin’ny firenen’i Joda ; ary efa nofenoiko fanahin’Andriamanitra izy, dia fahendrena sy fahiratan-tsaina sy fahalalana ny amin’ny tao-zavatra samy hafa ». Miresaka lehilahy anankiray Jehovah eto amin’i Mosesy, dia hoy Izy hoe : « efa notononiko anarana Bezalila ». Tsy fantatra ry havana izay antony nisafidianan’Andriamanitra an’i Bezalila eto amin’ity Eksodosy 31 ity ; fa izao : Andriamanitra nanonona ny anarany. Ianao reny afaka manonona ny anaran’ny zanakao eo anatrehan’i Jesoa. Afaka manonona ianao ny anaran’ny zanakao eo anatrehan’i Jesoa.

Ny dikan’ny anaran’i Bezalila dia hoe : « eo ambany aloka », « à l’ombre de ». Izany hoe « eo ambany aloka » = eo ambany fiarovan’Andriamanitra. Ry havana ô, ry reny malala ô, ranabavy ô : tonony eo anatrehan’i Jesoa ny zanakao mba ho Bezalila, eo ambany alok’i Jesoa. Izany no hafatra ho anao amin’izao fête des mères 2021 izao. Dia ho fenoin’Andriamanitra ny Fanahiny izy, tahaka an’i Bezalila, ho fenoiny fahendrena izy, ho fenoiny fahiratan-tsaina izy.

Mandava-taona ry havana misy resaka momba ny ankizy kilasiana hoe « surdoué », momba ny ankizy kilasiana, na olon-dehibe hoe « HPI : Haut Potentiel Intellectuel ». Ny quotient intellectuel-n’izany hono an, supérieur à 130 ary manakaiky ny 160. Ny quotient intellectuel moyen eo amin’ny 100 eo. Ny azy izany an, supérieur à 130. Ry reny malala ô, ranabavy malala ô : tonony eo anatrehan’i Jehovah ny zanakao dia tena hoe ho « surdoué », ho « Haut Potentiel Intellectuel ». Fa ireo zaza surdoués ireo hono, ireo olona « Haut Potentiel Intellectuel » ireo rehefa manorina tokantrano dia sady manahirana no sahirana : sahirana ny fiaraha-monina ; fa ry Bezalila ry havana ô, tsy mba sahirana izany tamin’ny fiaraha-monina ; ary izy sy ny assistant-ny Oholiaba, izay notendren’i Jehovah, dia tena hoe : izy feno fahendrena, feno fahiratan-tsaina, feno fahalalana ; dia izy no nasaina nandrindra ilay ekipa nanamboatra ny tabernakely ry havana ô. Ary tena niroso tsara, niroso tsara ny fanamboarana an’izany hoe tranolay fihaonana, izany tabernakely izany. Tsy nanana problème-na fiaraha-monina izy.

Izay no firariana ho anao, hoe : tezao ny zanakao hahalala an’i Jehovah, dia ho feno ny Fanahy Masina izy. Ary ianareo zanaka : idongio neninareo, idongio dadanareo hoe : « tezao izahay e, tezao izahay mba ho tahaka an’i Bezalila ».

Izay ny Fahamarinana 1, hoe : TONONY NY ANARAN-JANAKAO, TONONY MANDRAKARIVA EO ANATREHAN’I JEHOVAH.

Ny Fahamarinana 2 dia izao, atolotra anao reny izay hoe ampiorenin’ny Fanahy Masina, dia hoe : AMPIANARO NY ZANAKAO HIRAVORAVO AMIN’NY FANAHY MASINA. AMPIANARO NY ZANAKAO HIRAVORAVO AMIN’NY FANAHY MASINA.

Lioka 10 :21 : « Ary tamin’izany ora izany dia ravoravo tamin’ny Fanahy Masina Jesosy ka nanao hoe : Midera Anao Aho, Raiko ô, Tompon’ny lanitra sy ny tany, fa efa nafeninao tamin’ny hendry sy ny manan-tsaina izany ka nasehonao tamin’ny zaza madinika ; eny, Raiko, fa izany no sitrakao ». Ary tamin’izany ora izany dia ravoravo tamin’ny Fanahy Masina Jesosy. Eto amin’ity and.21 ity, manamarina, mi-expérimenter izany hoe asan’ny Fanahy Masina izany Jesoa. Mi-expérimenter izany hoe vokatry ny Fanahy Masina izany, izany « fruit de l’esprit » izany Jesoa, dia ny fifaliana. Fa tsy fifaliana kely na mandalo ; fa tena hoe : miravoravo amin’ny Fanahy Izy.

Ry reny malala ô, ranabavy malala ô, tena miravoravo amin’ny Fanahy ve ianao io androany maraina sa ianao isan’ilay malahelo fa tsy nahazo cadeau ? Rehefa mihaino vaovao ry havana tamin’ity herinandro ity, dia tena hoe mangiana sy maina mihitsy ny tsena. Hoy ny mpivarotra hoe : tamin’ny herintaona ohatran’izao dia tena misy ihany, misy ihany ; fa tamin’ity tena maina ilay tsena. Ianao ve izany anisan’ilay tsy nahazo cadeau dia malahelo ? Hoy ny Tompo aminao : ao fa ampianariko hiravoravo amin’ny Faanhy ianao.

Ireto mpianatra ireto an, izy 70 lahy, mpianatra, nirahan’i Jesoa, dia tafaverina avy amin’ny iraka izy, dia niverina tamin’ny fifaliana, hoy ny and.17. Niverina izy an, tamin’ny fifaliana. Ary faly izy mitantara amin’i Jesoa hoe : « Tompo ô, na dia ny demonia aza dia manaiky anay noho ny anaranao ». Faly izy fa mandroaka demonia, hita izy, ary spectaculaire izany hoe demonia hoe hitanao miala ao amin’ny olona izany. Dia hoy Jesoa taminy : « Kanefa aza mifaly ianareo fa manaiky anareo ny fanahy ». Jereo tsara an, faly izy izany, ataontsika hoe amin’ilay asany e. Faly izy amin’ny asany. Ianao koa angamba mety hoe mifaly amin’ny asanao ; dia hanao ahoana ianao rahatrizay tsy an’asa : tsy ho faly ianao izany ? Fa miverina eto amin’ireto mpianatra ireto an : mifaly izy satria manaiky azy ny fanahy ratsy. Tsy mifaly izy satria hoe maro ny olona niova fo noho ny toriteniny ; fa faly izy satria hoe voaroaka, voaroaka ny devoly. Tsy izany no essentiel hoy Jesoa e. Ary aza mifaly amin’izany ianareo de toute façon ; aza mifaly amin’izany ianareo. Fa maninona no ampitandreman’i Jesoa ry havana, ireto mpianatra ireto ? Ampitandreman’i Jesoa satria hoe : ianao izany mandroaka demonia ; ary maro ny mpanompon’Andriamanitra tratran’izany : lasa mirehareha ianao amin’izany succès-nao izany, lasa mihevi-tena ho zavatra ianao, dia lasa mifanohitra amin’ilay toetran’ny olona manetry tena, fa miseho azy ho hendry sy manan-tsaina ianao : ka mahavoaka demonia ka ! An an an, mahavoaka demonia ianao hoy Jesoa fa izao : sady tsy manetry tena ianao, tsy midika inona izany ny amin’ny ho avinao mandrakizay. Tsy hoe ianao namoaka demonia dia ho tafiditra any an-danitra. Aza mifaly amin’izany, aza mifaly fa manaiky anao ny demonia, fa mifalia satria voasoratra any an-danitra ny anaranareo. Izany hifalianareo e ! Izany hifalianareo. Ary vao nampahatsiahy izany programan’Andriamanitra izany Jesoa tamin’ireto mpianatra ireto, vao nampahatsiahy izany programan’Andriamanitra hoe : hanoratra ny anarantsika any an-danitra no programan’Andriamanitra, dia hoe : niravoravo tamin’ny Fanahy Jesoa.

Ry havana ô, ny olona mahafantatra ny programan’Andriamanitra sy ny antony nanirahan’Andriamanitra an’i Jesoa, sy ny nanirahan’i Jesoa ny Fanahy Masina ; izany ihany no afaka hiravoravo anatin’izao vanim-potoana maizina sy mafy lalovantsika izao : miravoravo amin’ny Fanahy. Ary izany no vavaka, izany no vavaka atao aminao, izany ny vavaka atao aminao : mba ho reny mahafantatra marina ny essentiel, ka reny afaka hiravoravo amin’ny Fanahy n’inon’inona circonstance-piainanao, miravoravo amin’ny Fanahy. Izany no irariana ho anao. Ary ianareo zanaka izay mihaino an’izao, dia teneno dadanareo, teneno neninareo hoe : « neny an, neny an, neny an, neny ô, mba hataovy voasoratra any an-danitra ny anaranay ».

Ny Fahamarinana 3 farany dia izao : tiako hazava ilay resaka dia mety ho hafahafa ilay teny, mety teny tsy mahazatra ety amin’ny pilopitra nefa tonga amin’ny tenin’i Président Ammi izay, hoe : mamelà ahy fa fantatro ny ataoko.NY RENY AMPIORENIN’NY FANAHY MASINA DIA MITAIZA NY ZANANY MBA TSY HO FÔPLA. MITAIZA NY ZANANY MBA TSY HO ZANAKA FÔPLA.

1 Jaona 3 :18-19 : « Anaka, aoka tsy ho tia amin’ny teny na amin’ny lela isika, fa amin’ny asa sy amin’ny marina. Izany no hahafantarantsika fa avy amin’ny marina isika sy hampahatokiantsika ny fontsika eo anatrehany ». Izany no hahafantarantsika fa avy amin’ny marina isika. Izany no hahafantarantsika fa tsy fôpla isika. Izany no hahafantarantsika fa tsy fôpla isika ary tsy mitaiza ny zanatsika ho zanaka fôpla ry havana ô. Ahoana tsara moa izany ? Satria Alahady voalohany manaraka ny Pentekosta isika izao, dia hoe : nirahan’i Jesoa ry havana ny Fanahy Masina mba hoe hianarantsika izany atao hoe fitiavana izany. Mianatra fitiavana, mianatra ny atao hoe fitiavana izany isika. Ary ny vokatry ny Fanahy Masina dia fitiavana. Fitiavana, fifaliana, fiadanana… Fa fitiavana no resahina eto. Vokatry ny Fanahy Masina izany. Matoa ny olona mitia dia satria ny Fanahy Masina no mamoha azy io. Ary fanomezana avy amin’ny Fanahy Masina ry havana izany fitiavana izany. Fanomezam-pahasoavana lehibe indrindra, hoy Paoly ao amin’ny 1 Korintiana 12 :31. Fanomezana io e. Tsy fahazako mitia io e, tsy herin-tsaiko io e, tsy hatsaran-toetra na hatsaram-po io e : fanomezam-pahasoavana lehibe indrindra io. Ary rehefa hoe tia ianao, ka fitiavana vokatry ny Fanahy Masina, dia hoe : tsy tia amin’ny lela fotsiny ianao, araka ny tenin’i Jaona eto, fa tia amin’ny asa. Tia amin’ny asa sy amin’ny marina. Tia amin’ny asa sy amin’ny marina.

Inona ary no dikan’izany hoe tia amin’ny asa, tia amin’ny marina ? Ny perikopa manomboka eo amin’ny and.18, fa ny and.16 no ahitana an’izany olona tia amin’ny asa sy ny marina izany, maka tahaka an’i Jesoa. 1 Jaona 3 :16, mampahatsiahy an’ilay Jaona 3 :16 « Fa toy izao no nitiavan’Andriamanitra an’izao tontolo izao… » ; fa ity hoe 1 Jaona 3 :16 hoe : « Izao no ahafantarantsika ny fitiavana, satria Izy no nanolotra ny ainy hamonjy antsika ; ary isika kosa mba tokony hanolotra ny aintsika hamonjy ny rahalahy ». Isika kosa mba tokony hanolotra ny aintsika hamonjy ny rahalahy. Ity ilay fitiavana hoe mahatonga hanolotra ny aina hamonjy ny rahalahy. Ity ilay antsoina amin’ny teny frantsay hoe, ilay fitiavana izay vokatry ny Fanahy : « amour sacrificiel ». Amour, fitiavana mahatonga anao hanao sacrifice ho an’ilay olona tiana. Ary raha misy olona ry havana ô, hitako fa manana an’izany « amour sacrificiel » izany : ianareo reny ; itaizana anay vady, itaizana ny zanakareo. Ianareo no manana an’io « amour sacrificiel » io. Ary mahereza fa hitan’ny Fanahy Masina ny momba anareo ary Izy hampionona sy hampiorina anareo ; fa araka ilay teny teo, hoe : izany ampiorenin’ny Fanahy Masina izany, ilay lazain’i Jaona eto, hoe : tia mivavaka izany. Tia mivavaka izany. Hoy ilay and.19 hoe : « Izany no hahafantarantsika fa avy amin’ny marina isika, tsy fôpla isika, sy hampahatokiantsika ny fontsika eo anatrehany ». Rehefa inona ianao no eo anatrehany ? Rehefa inona ianao no eo anatrehany ? Rehefa mivavaka. Izany reny ampiorenin’ny Fanahy Masina izany, feno ny Fanahy Masina izany : tarihin’ny Fanahy Masina amin’ny vavaka izany. Ny Fanahy Masina dia Fanahin’ny vavaka. Ny Esprit Saint dia Esprit de prière : mitarika antsika hivavaka Izy e. Izay ny natiorany, izay ny natiorany. Ary rehefa mivavaka ianao dia mampahatoky ny fonao ny Fanahy Masina. Inona moa no dikan’ity, zavatra sarotsarotra hoe : « Izany no hahafantarantsika fa avy amin’ny marina isika, sy hampahatokiantsika ny fontsika eo anatrehany, na amin’inona na amin’inona no anamelohan’ny fontsika antsika, satria Andriamanitra lehibe noho ny fontsika ka mahalala ny zavatra rehetra » ? Mety miteny izao ianao, mety manameloka anao ny fonao : « ah, tena mifona aho Jesoa an » ; tonga manao dinika any amin’ ny mpitondra fivavahana ianao : « tena mifona aho fa mba miezaka ny hitia ihany aho e, miezaka ny handefitra ihany aho e amin’io vadiko io e, miezaka ny hitaiza aho amin’ilay zanako, fa izao sy izao sy izao, izao sy izao sy izao… ». Manameloka anao ny fonao satria tena zandrikelin’i Jesoa ianao. Fa inona no lazain’i Jaona aminao eto, ampaherezana anao ? Hoe : Andriamanitra lehibe noho ny fonao. Hitany ny fonao izay natolotrao ho Azy io hanjakany. Hitany io fonao izay hoe andrarahany ny Fanahy Masina isan’andro io. Miezaka mitia, miezaka manao sacrifice ; fa tsy tanteraka ilay sacrifice-nao. Ary hitan’ny devoly ny échec-nao dia iny no idiran’ny devoly ao aminao. Fa Andriamanitra lehibe noho ny fonao ary mamela ny fahadisoanao rehetra ary mampahery anao.

Mahereza ry havana malala, mahereza ranabavy malala, mahereza ry zoky malala. Mahatsiaro aho eto, dinika tamina mariazy miara-mizotra, olona efa nahazoazo taona izy roa. Dia manomboka an’ilay dinika aho, hoe hanao ilay mariazy miara-mizotra, asa efa 65, mihoatra lavitra noho izany ary ilay olona. Eo anoloako eo amin’ny biraoko eo izy roa, eo anoloako eo amin’ny birao eo izy roa, dia hoy aho hoe : fa maninona hoy aho ianareo vao mankaty mitondra ny mariazinareo eo amin’ny alitara ? Jereko izy roa, tsisy namaly. Dia hoy ilay ramatoa mantsy an’ilay vadiny eo akaikiny : « niandry azy aho ». Ilay rangaha tsy nahateny ry havana ô, latsa-dranomaso ilay rangaha. Izany ilay « amour sacrificiel » ranabavy malala ô. Izany ilay fitiavana vokatry ny Fanahy Masina. Izany ilay fitiavana ampatsiahivana antsika. Ianareo vehivavy no entina am-bavaka androany ; fa ho antsika lehilahy izany : itaizana an’ireo zanaka izay nomen’ny Tompo antsika ireo, mba hoe isika mianakavy hoe : ANKOHONANA SAMY HO TAFIDITRA ANY AN-DANITRA RAHATRIZAY MIALA ETO AMIN’ITY TANY ITY.

Ho aminareo ny fahasoavan’ny Tompo. Amen                                                                  

Miarahaba anareo amin’ny anaran’ny Tompontsika ry havana. Manonona aminareo ny fahasoavana sy ny fiadanana avy amin’Andriamanitra Raintsika sy Jesoa Kristy Tompo.

Raha fintinina ny hafatra androany Pentekosta 2021, dia azo fintinina tahaka izao, hoe : FANTATRAO VE NAHOANA NY FANAHY MASINA NO TSY MIASA AO AMIN’NY FIAINANAO ? FANTATRAO VE MANINONA NY FANAHY MASINA NO TSY MIASA AO AMIN’NY FIAINANAO ? Izay ny hafatra androany ry havana ô.

Ny Tompo hitahy ny teny izay ho renesintsika ; ka hampitombo ny fahalalantsika ny Fanahy Masina, ka Izy handresy lahatra antsika tena hoe misaotra Azy isika fa tena hoe : nahatsara antsika, nahatsara antsika ny nandaozan’i Jesoa antsika ry havana ô.

Raha valiana ilay fanontaniana hoe : FANTATRAO VE NAHOANA NY FANAHY MASINA NO TSY MIASA AO AMIN’NY FIAINANAO ? : TSY MIASA AO AMIN’NY FIAINANAO IZY SATRIA TSY FANTATRAO IZY. TSY FANTATRAO IZY. Ary tsy ianao irery no tsy mahafantatra Azy. Inona no dikan’izany ? Ny dikan’izany dia hoe : Andriamanitra, Andriamanitra telo izay iray :

• Andriamanitra Ray
• Andriamanitra Zanaka
• Andriamanitra Fanahy Masina

Ary io Fanahy Masina io, voalohany indrindra, dia Andriamanitra ; faharoa, faharoa, faharoa, araka ny fitenin’ny teolojiana hoe : « personne » io. « Personne ». « Personne » fahatelo ao amin’ny Trinité : Andriamanitra « personne » fahatelo. Ary io « personne » fahatelo io, dia hoe : « personne » nirahan’i Jesoa Kristy. Izay ilay fahamarinana tiana zaraina aminao eto am-piandohana. FANTARO FA « PERSONNE » NIRAHAN’ANDRIAMANITRA RAY SY ZANAKA NY FANAHY MASINA : « PERSONNE ». Raha tsy tandremanao izany an, izany fampianarana izany, dia mety ho diso hevitra ianao ; ary satria diso hevitra dia hanjavozavo aminao izany atao hoe : Fanahy Masina izany. Dia ho diso hevitra ianao satria hoe : tsy ho azonao ilay tenin’i Jesoa hoe : « hahazo hery ianareo amin’ny hilatsahan’ny Fanahy Masina aminareo ». Ilay hery io izany dia heverina hoe karazana énergie. Tsia ry havana ô. Tsy énergie, tsy angovo ohatran’ny hoe électricité akory ny Fanahy Masina fa « personne » ny Fanahy Masina. « Personne » Andriamanitra Raintsika. « Personne » Jesoa Kristy Tompontsika. « Personne » ny Fanahy Masina ». Izany no ambara aminao amin’izao andro Pentekosta izao. C’est une personne – C’est une personne. Ary tena hoe « personne » mitovy lenta amin’Andriamanitra Ray sy Jesoa Kristy. Ary nandao antsika Jesoa ry havana ô, ka naniraka ny Fanahy Masina. Satria maninona ? Hitomboantsika amin’ny fahalalana an’i Jesoa. Izay ny hevitry ny Pentekosta : hitomboantsika amin’ny fahalalana an’i Jesoa, hitomboantsika amin’ny fiombonam-po, fiombonam-panahy amin’i Jesoa. Izany no atao hoe Pentekosta. Izany no nanirahana an’io « personne » fahatelo ao amin’ny trinité io ry havana ô. Izany no nahatongavan’ny Fanahy Masina. Fantaro hoe « personne » io. Izany aloha ny voalohany dia voalohany indrindra no dikan’ny Pentekosta. Ia, ny Pentekosta : niseho tamin’ny lelafo mipetraka amin’ny olona tsirairay ny Fanahy Masina : Ok. Tamin’ny andron’ny Pentekosta : niteny tamin’ny fiteny izay tsy hainy ny olombelona : eny e. Izany ny Pentekosta izany. Izany ny Pentekosta izany. Fa ny Pentekosta aloha dia fahatsiarovana ny nitanan’i Jesoa ny teniny hoe : « andeha Aho ary dia ho alefako aminareo ny Fanahy Masina. Izany aloha ny Pentekosta. Ny Pentekosta, tsy hoe feno ny Fanahy Masina aho dia miteny amin’ny teny tsy fantatra. Possible izany. Izaho ry havana ô, mahafantatra mpanompon’Andriamanitra tsy manam-paharoa, tsy niteny tamin’ny teny tsy fantatra tamin’ny andron’ny fanompoany. Donc tsy critère-ny hoe fananana na fahafenoan’ny Fanahy Masina ny fitenenana amin’ny teny tsy fantatra. Ary mbola tena hoe araraotiko : fampianaran-diso ny filazana hoe : rehefa feno ny Fanahy Masina ianao, araka ny hitantsika ao amin’ny secte ry havana, niainga tany Canada io, tany Toronto tany, fa tena hoe mieli-patrana ao Afrika ao : mametra-tanana ilay mpitondra fivavahana dia iny fa mitsorapaka amin’ny tany mankany aoriana ilay olona hoe iasan’ny Fanahy Masina. Asan-demony izany. Ary asan’ny occultisme ireny, rehefa manomboka mijery an’ireny ianao ao amin’ny Youtube. Na hoe : ametrahan’ilay mpitondra fivavahana tanana ilay mpivavaka dia mitsirara amin’ny tany eo, dia miolakolako ohatran’ny kankana, na ohatran’ny bibilava. Asan-demony izany. Fa ny Fanahy Masina dia « personne » nirahan’Andriamanitra Ray sy Jesoa Zanaka hananantsika fifandraisana Aminy. Izay no inoantsika Azy. Mampahatsiahy anao aho ry havana, fa Jesoa Kristy Tompontsika, tamin’iny andro izay nitsanganany tamin’ny maty iny, rehefa nihaona tamin’ny mpianany : mbola nisalasala, nanana doute ny mpianany. Na dia efa hoe nitsangana tamin’ny maty aza Izy : nanana doute ny mpianany. Fa rehefa tonga ny Fanahy Masina, tonga io « personne » io, izay izy vao tena hoe feno fahasahiana nitory an’i Jesoa maty ary nitsangana tamin’ny maty.

Tsy maninona raha ajanonao eto ny fihainoana ity toriteny ity, raha tsaroanao hoe : ny Fanahy Masina dia « personne » irak’i Jesoa Kristy, irak’i Jesoa Kristy hampifandray anao marina amin’ny Ray sy ny Zanaka.   

Andao ary jerentsika hoe inona no ataon’ny Fanahy Masina, amin’ny alalan’ny texte voalohany amin’ny perikopantsika, ao amin’ny Ezekiela 36 :26. Malaza loatra ity ry havana, ary efa tsianjerintsika Isotry Fitiavana : « Ary homeko fo vaovao hianareo, ary fanahy vaovao no hataoko ao anatinareo, ary hesoriko amin’ ny nofonareo ny fo vato, ka homeko fo nofo hianareo ». 

Ny Fahamarinana 1 : IRAHAN’I JESOA NY FANAHY MASINA – TONGA NY FANAHY MASINA DIA OVAINY HO VAOVAO NY FANAHINAO

Ovain’ny Fanahy Masina, io irak’Andriamanitra sy Jesoa io, ovainy vaovao ny fanahinao. Tsy ny herinao, tsy ny fahaizanao tenin’Andriamanitra, tsy ny ezaka ataonao no hanova ny fanahinao ho vaovao, fa ny Fanahy Masina Izay irahan’i Jesoa ry havana ô.

Ary izany no tsy iasan’ny Fanahy Masina ao aminao : tsy fantatrao Izy hoe « personne », efa nolazaina teo, tamin’ny introduction. Faharoa, tsy miasa ao aminao ny Fanahy Masina satria tsy fantatrao hoe irahan’i Jesoa haninona Izy ? Irahany hanome anao fanahy vaovao.

Hoy ny and.26 hoe : « Ary homeko fo vaovao hianareo, ary fanahy vaovao no hataoko ao anatinareo, ary hesoriko amin’ ny nofonareo ny fo vato, ka homeko fo nofo hianareo ». Fa maninona ry havana no hoe : « homeko fo vaovao hianareo » ? Satria ilay fontsika olombelona, ilay fo voajanahary, io fo io, dia fo vato ; fo vato io e, raha mbola tsy novain’ny Fanahy Masina. N’inon’inona fahaizanao, n’inon’inona hatsaranao, n’inon’inona eritreritrao sy fikasanao : manana fo vato ianao raha mbola tsy nandray ny Fanahy Masina hanaisotra an’io fo vato io. Fo vato. Mety hoe manokana ny volanao ianao, ny fotoananao ianao, ny herinao hanompoana aty am-piangonana ; fa raha tsy nandray ny Fanahy Masina ianao : fo vato. Izany ange no mahatonga ny olona malaky mi-abandonne e : fo vato ka, fo vato. Satria ilay fo vato an, tsy toa ilay fo nofo lazain’i Ezekiela hoe : sensible amin’ny fananaran’ny Fanahy Masina hoe : E, Solofo an, tsy mety izao ataonao izao. Ilay fo nofo, fo vato, tsy sensible amin’ilay hoe : fitahiana arotsaky ny Tompo ao amin’ny fiainanao, dia malaky vizana ianao, satria tsy mifandraika, tsy mifandray amin’ilay Andriamanitra sy ilay Jesoa velona ianao. Ary izany no nanirahan’i Jesoa ny Fanahy Masina : « personne » io e, hanao an’izany ao amin’ny fiainanao. Ny fanahinao no ovainy ho fanahy vaovao manana fifandraisana vaovao amin’Andriamanitra. Ary rehefa manana fifandraisana vaovao amin’Andriamanitra ianao : ovainy iny fo voajanahary iny mba tena hoe fo mitempo fitiavana ho an’Andriamanitra ry havana ô.

Izay ny Fahamarinana 1. RAISO E, RAISO IO FANAHY MASINA IO, IRAKY NY TOMPO, « PERSONNE » IRAKY NY TOMPO HANOVA NY FANAHINAO HO FANAHY VAOVAO, HANAISOTRA IO FO VATONAO IO

Ny Fahamarinana 2 dia izao ry havana ô, ao amin’ny filazantsaran’i Jaona 16. Hoy ny and.13 : « Fa raha tonga ny Fanahin’ ny fahamarinana » : hitanareo izany filazan’i Jesoa izany : rehefa tonga Izy. Iraka Izy. Irahan’i Jesoa Izy ; dia rehefa tonga, rehefa tonga ao amin’ny fiainanao. « Fa raha tonga ny Fanahin’ ny fahamarinana, dia Izy no hitari-dàlana anareo ho amin’ ny marina rehetra ». IZY NO HITARI-DALANA ANAREO HO AMIN’NY MARINA REHETRA. Izany io iraky ny Tompo io, izany io « personne » ; sarotra moa ny miteny hoe olona irahan’ny Tompo, fa « personne » irahan’ny Tompo, hoe : hitari-dalana ahy sy ianao ho amin’ny marina rehetra.

Inona no dikan’izany hoe : hitari-dalana antsika ho amin’ny marina rehetra ? Manao Sefala ianao, manao Setela ianao, manao EB sy ny karazany ianao ; fa raha tsy eo ny Fanahy Masina tsy ahatakatra ny marina rehetra ianao e, tsy ahatakatra ny marina rehetra ianao. Marina sombitsombiny, marina ampahany no fantatrao. Satria ianao mandeha amin’ny herin-tsainao sy ny inteligence-nao. Marina sombitsombiny no fantatrao satria hoe ny masonao, ny intelligence-nao voajanahary, ny masonao, ny masom-panahinao, dia pahina ka tsy mahatakatra ny marina rehetra. Fa izany no anirahan’i Jesoa an’io « personne » io, mba hitarika anao ho amin’ny marina rehetra. Hitanao : irahana Izy, fa azonao atao ny mandà. Fa inoako, raha ianao izay mihaino : tsy ianao akory ilay handà ; fa ianao ilay tsy mahafantatra fotsiny, ianao ilay mi-ignorer fotsiny hoe : hay ve ny Fanahy Masina e, irak’i Jesoa e ; nifampiresahany tamin’ny Rainy dia niara-naniraky Izy e. Izany ilay izy ry havana, izany ilay izy. Irahan’i Jesoa Izy hoe : hitari-dalana antsika ho amin’ny marina rehetra.

3 taona ngarangidina nanana formation avo lenta ireto mpianatra ireto. Nanana formation avo lenta izy ry havana ô. Fa izao : rehefa miteny Jesoa hoe : Izaho andao anareo, eto amin’ny Jaona 16 : « Mbola manana zavatra maro holazaina aminareo Aho, nefa tsy zakanareo ankehitriny ». Tsy zakany raha tsy amin’ny andron’ny Pentekosta, androany izany ; tsy zakany raha tsy amin’ny andron’ny Pentekosta androany. Satria ao an-tsain’i Jesoa ry havana ô, ao an-tsain’i Jesoa, dia hoe : hahazo hery ireto mpianatra ireto amin’ny hilatsahan’ny Fanahy Masina aminy ; fa indrindra koa hahazo fahalalana izy amin’ny hilatsahan’ny Fanahy Masina aminy. Hahazo fahalalana izy amin’ny hilatsahan’ny Fanahy Masina aminy ka hahafantatra ny marina momba an’i Jesoa, hahafantatra ny marina rehetra momba an’i Jesoa. Tsy midika mihitsy izany hoe tsy ampy ny fampianaran’i Jesoa, misy banga ny fampianaran’i Jesoa : tsia ry havana ô, tsia ry havana ô. Fa ilaina ny Fanahy Masina hampiharihary amiko, ilaina ny Fanahy Masina hampiharihary amiko momba an’i Jesoa. Ary rehefa ampihariharian’ny Fanahy Masina amiko momba an’i Jesoa, dia miharihary amiko ny famirapiratan’i Jesoa. Mamirapiratra aminao ve Jesoa ? Mamirapiratra aminao ve Jesoa ry havana ô ? Mamirapiratra aminao ve Jesoa e ? Mamirapiratra aminao ve Jesoa ?    

Ary io Fanahy Masina ry havana, izay hoe nirahan’i Jesoa, « personne » nirahan’i Jesoa hitarika antsika ho amin’ny marina rehetra ; ny marina : rehefa fantatra ; ny tena marina rehefa fantatra dia tsy maintsy tiana, tsy maintsy tiana rehefa fantatrao ny marina ambaran’ny Fanahy Masina. Ary ny marina rehefa tena fantatra : iraketan’ny fonao ; satria na ny foko na ny fonao dia mangetaheta fahamarinana. Izany ny asan’ny Fanahy Masina nirahan’i Jesoa ry havana ô : « personne » hitarika antsika ho amin’ny marina rehetra. Ary rehefa fantatsika tahak’izany ny marina, mamirapiratra ao amintsika ny marina momba an’i Jesoa, iraiketan’ny fontsika izany fahamarinana izany : tsy problème amintsika intsony ary tsy hanafintohina antsika intsony izany hoe : « ankatoavy ary e, ankatoavy ary e izany fahamarinana izany ».

Ny Fahamarinana 3 farany ry havana dia izao, ao amin’ny 1 Korintiana 2 :2 ;4 : « Fa ninia tsy hahafantatra zavatra hafa teo aminareo aho, afa-tsy Jesosy Kristy, indrindra fa Izy voahombo tamin’ ny hazo fijaliana. Ary ny teniko sy ny toriteniko dia tsy tamin’ ny teny fahendrena mahataona, fa tamin’ ny fanehoan’ ny Fanahy sy ny hery ». Ny teniko sy ny toriteniko dia hoe mifototra « sur une démonstration d’esprit et de puissance ».

Io « personne » irahan’i Jesoa io ry havana ô, io « personne » irahan’i Jesoa io, dia nirahan’i Jesoa hampifantoka antsika amin’ny « personne » -n’i Jesoa. NIRAHAN’I JESOA NY FANAHY MASINA HAMPIFANTOKA ANTSIKA AMIN’NY PERSONNE-N’I JESOA ry havana ô. Hampifantoka antsika Aminy, araka ny tenin’ny Apostoly Paoly hoe : voahombo tamin’ny maty. Sambatra ianao izay miambozona hazo fijaliana, tena ara-tsoratra Masina. Fa tahian’ny Fanahy Masina anie iny lakroa iambozonanao iny, ahatsiarovanao an’i Kristy mandrakariva. Sambatra ianao izay manana porte-clé na manana T-shirt amakiana hoe : « Mahery ny ràn’i Jesoa », « Mahery ny ràn’i Jesoa ». Fa asan’ny Fanahy Masina ao aminao izany, asan’io « personne » nirahan’i Jesoa io izany, ampahatsiaro anao araka ny tenin’i Paoly hoe : « tsy hahafantatra zavatra hafa teo aminareo aho, afa-tsy Jesosy Kristy, indrindra fa Izy voahombo tamin’ ny hazo fijaliana ». Izany ny asan’ny Fanahy Masina : mampibanjina antsika an’i Kristy ry havana ô.

Ary mamy loatra ilay fifampiarahabantsika ato Isotry Fitiavana, rehefa miarahaba : ny anankiray dia manao hoe : « Nitsangana tamin’ny maty Kristy », dia mamaly ilay arahabaina hoe : « Eny, nitsangana tokoa Izy ». Inona no dikan’izany ? Voahaisotra ny fahotanao ry havana ô, voahaisotra ny fahotanao ary ny Fanahy Masina no mampiteny anao an’izany. Mifampiarahaba tahaka izany isika dia mifampahatsiahy fa izao tontolo izao dia manana Mpamonjy, manana Mpanavotra. Ny Fanahy Masina, ilay irak’i Jesoa, ilay « personne » nirahan’i Jesoa no mampiteny antsika an’izany ry havana ô. Isaky ny miteny isika hoe : « Nitsangana tamin’ny maty Kristy » dia mamaly hoe : « Eny, nitsangana tokoa Izy », dia mifampahatsiahy isika hoe : ny voary manontolo, ny « univers » dia manana Mpanjaka. Izany no nanirahana ny Fanahy Masina. Izay no nanirahan’i Jesoa ny Fanahy Masina : hampi-focaliser antsika ny amin’ny toetra sy ny asan’i Jesoa. Izaho, hoy Paoly Apostoly, eo amin’ny and.1 eo, tsy tonga taminareo tamin’ny teny sy fahendrena marevaka ; izaho tsy nanao taminareo teny mampitolagaga e ; izay no ilazan’ny DIEM azy. Tsy nanao taminareo, araka ny teni’nyn DIEM eo amin’ny and.4 : tsy nanao lahateny mampiaiky volana ? Non non non, non non non. Tsy nanao fahagagana teo aminareo, tsy niteny mampiaiky volana. Tsy ny fahagagana no anorenana finoana tena mitombona ry havana ô, fa ny tenin’i Kristy voahombo teo amin’ny hazo fijaliana ary nitsangana tamin’ny maty ho fanamarinana antsika ; ary efa nampiakarin’Andriamanitra any an-danitra, dia nitana ny teniny ka naniraka ny Fanahy Masina hoe : hahasoa antsika.

Faranana, faranana izao teny izao. Ny lohatenin’izao toriteny izao, ny votoantin’izao toriteny izao dia ny hoe : FANTATRAO VE NAHOANA NO TSY MIASA AO AMIN’NY FIAINANAO NY FANAHY MASINA ? Dia efa nazavaina teo hoe : TSY MIASA AO AMIN’NY FIAINANAO NY FANAHY MASINA, TSY MIASA AO AMIN’NY FIAINANAO NY FANAHY MASINA SATRIA TSY FANTATRAO HOE « PERSONNE » NIRAHAN’I JESOA NY FANAHY MASINA. Izay no Fahamarinana 1. Ok. Dia hoy ianao : Ok, dia ahoana ary izany e ? Ok. Faharoa : ny zavatra hoe andrasan’ny Tompo aminao dia ny hoe hanokana fotoana hi s’isoler-vanao, hanokana fotoana hitokanana amin’Andriamanitra Rainao. Izay ilay izy. Izay ny faharoa : HANOKANA FOTOANA IANAO IANARANA NY TENIN’ANDRIAMANITRA, HANOKANA FOTOANA HANDINIHANA NY FIAINAN’IREO OLONA MARO IZAY NAMPIASAIN’ANDRIAMANITRA TAMIN’NY FOMBA MAHAGAGA. Izay ry havana ô. Izay no andrasany amintsika amin’izao andron’ny Pentekosta izao, mba hahazoan’i Jesoa mampiasa anao koa amin’ny fomba mahagaga.

• Fantaro fa « personne » ny Fanahy Masina, nirahan’i Jesoa manokana.
• Manokàna fotoana handinihana ny tenin’Andriamanitra. Manokàna fotoana handinihana ny zavatra nataon’ireo olona nampiasain’Andriamanitra tamin’ny fomba mahagaga. Aza isaina ny ora laninao amin’izany. Izaho ry havana rehefa mahita an’ireny, satria moa lamaody amin’izao fotoana izao, ireny olona bokona ireny, bokona ara-batana izany : tsy mila manontany aminy akory aho hoe « fa adiny firy isan-kerinandro ianao no manao exercice ? » ; fantatra fa tsy manisa ora izy anaovana exercice hampiasana ny vatany, hikotranany ; dia hitanao ilay vokany. Ohatran’izany tsy misy hafa ny amin’ny fiainana ara-panahy : aza manisa ora. Tiako ho azonareo ilay resaka, dia rehefa miteny aho hoe « aza manisa ora », dia te hiteny aminareo tanora aho hoe : « manokàna ora bobaka be handinihana tenin’Andriamanitra, hitokanana amin’Andriamanitra ». Izay ilay hafatra androany.
• Ary ny fahatelo farany dia izao, ny fahatelo farany dia izao : 1/ mandinika tenin’Andriamanitra, 2/ Mitokana miaraka amin’Andriamanitra ; 3/ Ary mianara mitaraina, mitalaho, mikiakiaka amin’Andriamanitra hoe : « Atobay amiko ny herin’ny Fanahy Masina. Mandray Anao aho Fanahy Masina ô, irak’i Jesoa ; ny herinao atobay, atobay ato amiko, atobay ao amin’ny fanahiko, atobay ao amin’ny foko ». Izay zavatra 3. Atobay ny herinao Fanahy Masina ô. Aza manisa ora, araka izay nolazaina teo. Ary tsy vitan’izany : « atobay ao amin’ny fanahiko sy ao amin’ny foko ny herinao Fanahy Masina ô ary dia ho hita ao amin’ny fiainako, ho hita ao amin’ny fiainako izany herinao izany ; izany herinao manova ahy, hampitombo ahy amin’ny fanahafana an’i Kristy ; hahitako ny hatsaran’i Kristy ; ary tena mba hoe ho modelim-piainako Ianao Jesosy an, ho modelim-piainako Ianao amin’ny lafiny rehetra. Ary izany no tena fifaliako ; n’inon’inona mba faniriako amin’ny maha-olombelona tsy tanteraka ; izany no tena fifaliako, izany no tena fahasambarako. Ary aoka ny Fanahinao Masina hahatanteraka ny asa izay nanirahanao Azy, dia ny hampibanjina ahy anao Jesoa 24/24, 7/7. Ary fantatro fa mbola hiverina Ianao. Ary hiandrandra aho ny feon’ny arikanjely, ny trompetran’Andriamanitra manambara fa miseho eny amin’ny rahon’ny lanitra ianao ; fa dieny izao die efa mati-paniriana ny foko hihaona Aminao ; ary tsy andriko izany andro izay hahitako ny hatsaranao izany, ny hatsaran’ny tarehinao izany ».

Mbola miarahaba anareo ry havana malala ao amin’ny Tompo amin’izao Pentekosta 2021 izao. Ary ho aminareo ny fahasoavan’ny Tompo. Amen.