Archives de la catégorie: Toriteny

Toriteny alahady maraina na fanompoam-pivavahana hafa

2 Korintiana 13, teny faran’izay mamy, teny volamena, ary teny mora tadidiana ry havana ; andeha hiarahantsika mamaky izany amin’ny anaran’i Jesoa, 2 Korintiana 13 :14 : « Ho aminareo rehetra anie ny fahasoavan'i Jesoa Kristy Tompo sy ny fitiavan'Andriamanitra ary ny firaisana amin'ny Fanahy Masina ».

Ho an’ny raim-pianakaviana manokana io, amin’izao andro itondrantsika am-bavaka ny raim-pianakaviana, ny loham-pianakaviana, ny vady ; fa ho antsika rehetra ry havana ny fahasoavan’i Jesoa Kristy Tompo, ny fitiavan’Andriamanitra Raintsika ary ny fiombonana na ny  firaisana amin’ny Fanahy Masina, dia ho tody soa aman-tsara any an-danitra isika ry havana ô.

Ny zavatra ambaran’ny Soratra Masina voalohany dia hoe : « Ho aminareo rehetra anie ny fahasoavan'i Jesoa Kristy Tompo ». Tsy ny fitiavan’Andriamanitra aloa no voalohany, tsy ny fiombonana amin’ny Fanahy Masina aloa no voalohany hoy ny Apostoly Paoly, fa ny fahasoavan’i Jesoa Kristy Tompo amiko sy aminao. Iza no mila fahasoavana ? Ny olona tsy mendrika. Ary inona no tsy maha-mendrika antsika olombelona ? Ny fahotantsika ry havana. Izay aloa no traité-ny Soratra Masina, izay no traité-n’Andriamanitra amin’ny alalan’i Jesoa Kristy : ny fahotako sy ny fahotanao e. Ary io fahasoavana io dia fahasoavan’i Jesoa Kristy mahatonga hamela anao. Izay aloa ilay fahasoavana : mila avela ianao. Jereny amin’ny fahasoavany ianao ; ianao ilay tsy mendrika : jereny amin’ny fahasoavany ianao. Ary ny teny fampanantenana dia hoe : teo amin’izay nihabiazan’ny fahotana, ny fahotako sy ny fahotanao, no nihoaran’ny fahasoavana be lavitra. Izany ny vaovao mahafaly e : ny fahasoavan’i Jesoa Kristy Tompo ry havana ô. Dia misy hiteny hoe : « izany ve tsy manome fahalalahana ny olona hanota ? ». Hoy ilay mpiteny frantsay izay, hoe : « izany ve tsy manome ny olona liberté de pécher, satria hoe teo amin’izay nihabiazan’ny fahotana no nihoaran’ny fahotana be lavitra ? ». Tsia ry havana, tsy manome « liberté de pécher » ilay grâce-n’Andriamanitra, ilay fahasoavana ; fa manome anao « libération du péché » : mi-libéré anao io. Ny làlàna jiosy miteny hoe : « aza mangalatra » ; ny fahasoavan’Andriamanitra miteny hoe : « mamela heloka anao Aho », ary izao : « omeko hery ianao tsy isotroanao toaka intsony, tsy hiboboka toaka tahaka an’io ka ho mamo lava ». Izany no izy. Ary ny fahasoavan’i Jesoa Kristy Tompo ry havana, izay ihany no manampy antsika handresy ny fahotana. Sady tsy manameloka antsika Izy, no manampy antsika handresy fahotana. Ary rehefa izany no ataon’i Jesoa ry havana, rehefa izany no ataon’i Jesoa : ilay fahasoavany miasa mamela heloka, ny fahasoavany miasa manampy ahy handresy fahotana ; rehefa izany no ataony an, dia ny zavatra ataony koa dia hoe mampihavana ahy amin’Andriamanitra Raiko ary mamerina ahy ao amin’ny fanekem-pahasoavana, ao amin’ilay alliance de grâce izay nahoriny tamin’ny ràny teo amin’ny hazo fijaliana ry havana ô.

Izany io fahasoavan’i Jesoa Kristy io :

• Mamela ahy, minia mamela ahy
• Manampy ahy handresy fahotana
• Mampihavana ahy amin’ny Raiko any an-danitra   

Ary rehefa hoe miasa ao amiko ny fahasoavan’i Jesoa Kristy, dia tena hoe soa ny fiainana.

Vokovoko manga moa androany : misy an’ilay publicité adala be ataon’ny devoly iny hoe : « soa ny fiarahantsika ». Hampitondra anao any amin’ny helo iny. Publicité tsara be avy amin’ny devoly iny. Fa raha tianao hoe ho vanona ny fiainanao, dia ataovy hoe : « Soa manomboka anio ny fiarahako Aminao Jesoa. Soa ny fiarahako Aminao manomboka anio ».

Dia hoy ny Apostoly Paoly : « Ho aminareo rehetra anie ny fahasoavan'i Jesoa Kristy Tompo sy ny fitiavan'Andriamanitra Ray ». Ry havana ô, io fitiavan’Andriamanitra io, nahatonga Azy haniraka an’i Jesoa hampiseho ny fahasoavany. Jesoa dia fahasoavana ; fa Andriamanitra naniraka Azy haneho fahasoavana, fitiavan’Andriamanitra.

Ary io fitiavan’Andriamanitra io dia :

• Fitiavana faran’izay Masina
• Fitiavana faran’izay madio

Nefa ny tena mahagaga : fitiavana Masina nefa tia antsika tsy Masina – fitiavana madio nefa tia antsika maloto ry havana ô. Izany io, izany.

Io fitiavan’Andriamanitra io dia tena hoe modelin’ilay fitiavana hoe : « TIA NA DIA… ».

• Tia na dia tsy Masina aza
• Tia na dia maloto aza
• Tia anay lehilahy Izy na dia tahaka an’i Adama izahay lehilahy. Tadiavin’Andriamanitra hoe : aiza ianao ry Adama ? Tsy hitako eo amin’ilay toerana nametrahako anao ho lohan’ny vadinao. Izany ny programan’Andriamanitra izany. Aiza ianao rahalehilahy ô, tsy ohatran’i Noa, nitandrina ny teniko ary nitaiza ny zanany hitandrina ny teny, hiara- hanamboatra ilay sambofiara am-polo taonany maro ? Firy ny raim-pianakaviana ohatran’izany ry havana ô ? Angamba mino izy, fa tsy mitaiza ny ankohonany ohatran’izany. Tian’i Jesosy ianao ry havana ô. Tian’Andriamanitra Rainao ianao. Izany ny vaovao mahafaly.
• Io fitiavan’ny Ray io, tia antsika lehilahy na dia tsy kristy ho an’ny vady aman-janatsika aza isika ry havana ô. Izany io fitiavan’Andriamanitra Ray io.
• Tia antsika lehilahy Andriamanitra na dia faly manampatra fahefana aza isika ao amin’ny ankohonantsika, fa tsy tahaka an’i Kristy maka ny toeran’ny andevo manompo ny vady aman-janaka. Firy ny lehilahy manompo vady aman-janaka ? Fa raha hiseho ho chef aloa dia samy chef daholo. Izay ilay zavatra.
• Tia antsika lehilahy Andriamanitra Raintsika ry havana, na dia hoe zandrin’ny vadintsika ara-panahy isika. Ka ianao zandrin’ny vadinao ara-panahy, ampian’ny hakamoanao, dia tsy zakanao ilay izy, dia helo ny ao an-tokantranonao ; normal be izany : fa tian’Andriamanitra ianao. Ary te hanova anao Izy
• Tia anao Andriamanitra na tena hoe champion-ny fitiavan-tena aza ianao ao amin’ny tokantranonao.

Izay ilay fitiavan’ny Ray, hoe : « Ho aminareo ny fitiavan’ny Ray » e.

Nahafinaritra ry havana ilay teny-na mpanompon’Andriamanitra anankiray izay. « Fa raha fantatrao ohatran’izany ny fitiavan’Andriamanitra Ray, itiavany anao manokana, dia mitia Azy koa ianao. Isika tia satria Izy tia antsika taloha ». Fa izao hoy izy ilay fitiavana : « manana fo embrasé », « manana fo embrasé ». Embrasé izany, tena hoe mirehi-pitiavana izany ; fa tsy hoe : « tiako e » ; « tiava an’i Jehovah Andriamanitrao », izao… Fa tena « Un cœur embrasé ». Izany no tian’Andriamanitra omena antsika lehilahy e, mba ho tena hoe ho soa ny fiarahantsika amin’i Jesoa, soa ny fiarahantsika amin’Andriamanitra ry havana ô.

Faranan’i Paoly amin’ny hoe : « Ho aminareo rehetra anie… ny firaisan’ny Fanahy Masina ». Ho aminareo rehetra koa anie ny firaisana amin’ny Fanahy Masina. Hitanareo moa izany, miharihary eto : ilay Andriamanitra inoantsika dia Andriamanitra telo Izay iray. Samy Andriamanitra Izy telo :

• Jesoa mampiseho fahasoavana
• Andriamanitra, noho ny fitiavany antsika, maniraka Azy hamela antsika
• Ary ny Fanahy Masina no hoe, izay manko ilay teny grika ao : mi-communiquer antsika.

Ny Fanahy Masina no mi-communiquer, no fantsona izaran’Andriamanitra amintsika izany fitiavany izany, izany fahasoavany izany. Raha tsy izany dia teny mijanona ato anaty Baiboly fotsiny izany. Ny Fanahy Masina no mi-comminiquer.

Kanefa izao ry havana : alohan’ny hi-communiquer-ny Fanahy Masina an’io fitiavana sy io fahasoavana io, dia ianao (izay koa no azo andikana ilay teny grika hoe firaisana) mila miombona amin’ny Fanahy Masina. Mila miombona ianao. Misy mpitoriteny moa mampiasa ilay hoe « friendship », ohatrany hoe manana amitié aimn’ny Fanahy Masina. Izay ilay fiombonana. Raha tsy manana fiombonana amin’ny Fanahy Masina ianao, tsy hi-communiquer aminao ny fitiavan’Andriamanitra Izy e, tsy hi-communiquer aminao ny fahasoavan’i Jesoa Kristy, ka hiasa ao.

Inona ny vavaky ny olona hoe te hiray amin’ny Fanahy Masina, te hiombona amin’ny Fanahy Masina, manantena ny Fanahy Masina hi-communiquer fitiavana sy fahasovana ? Hoe : « Ray Malala ô, mangataka Aminao aho amin’ny anaran’i Jesoa Kristy : aoka izaho ho tempolin’ny Fanahy Masina araka ny programanao amiko. Aoka izaho ho tempolin’ny Fanahy Masina araka ny programanao amiko fa manaiky aho ».

Ary hoe, rehefa tempolin’ny Fanahy Masina aho, dia ny Fanahy Masina ry havana sady hi-communiqué an’ilay fitiavana, hi-communiqué an’ilay fahasoavana, araka ilay hira 174 tsara be teo hoe : Ny Fanahy Masina no hanoro antsika ny lalany. Ny Fanahy Masina hanoro antsika lalana. Izany io teny volamena io ry havana ô.

Faranana, faranana izao teny izao ry havana : raha azontsika ny maha-zava-dehibe an’izany tso-drano izany ; tapaho ny hevitra rahalahy, tapaho ny hevitra hoe manomboka androany, hisaina bebe kokoa io 2 Kor 13 :14 io ianao. Izany hoe : fahasoavan’i Jesoa Kristy aminao izany, izany fitiavan’Andriamanitra Rainao anao izany, izany hoe firaisana amin’ny Fanahy Masina izany. Ary ny fisainanao an’izany mandrakariva hanova ny finoanao ; fa hanova indrindra indrindra koa ny maha-vady anao, ny maha-raim-pianakaviana anao. Hanova e, hanova. Ary ho anareo vehivavy : rehefa mahita lehilahy sasany aho, na fantatro ianareo na tsy fantatro, tena malahelo anareo aho : misy lehilahy tena kitoatoa izahay, misy teny kitoatoa izahay. Ilay kitoatoa mety tsy ivelany, fa saron’ilay ivelany ilay kitoatoa ara-panahy ; fa izao no lazaiko anao amin’ny anaran’ny Tompo : tsy kisendrasendra ny hanananao vady kitoatoa ohatran’io. Efa nandalo teo amin’ny seza fiandrianam-pahasoavana hoe : i anona vadin’i anona. Fa ilay fitiavan’ny Rainao anao no mahatonga Azy hiteny hoe : omeko vady ohatran’ity izy, kitoatoa ohatran’io mba hoe hanadiovana ny finoan’izy tenany vehivavy aloa, ary rehefa madio, rehefa voahitsy izy, dia hoe mpitondra am-bavaka an’io vady kitoatoa io, mba ho vady, mba ho lehilahy araka ny fon’i Jesoa ry havana ô. Ary tena hoe vonton’ny fitiavan’ny Rainy any an-danitra ka manana « Cœur embrasé pour Dieu, pour Jésus ».

« Ho aminareo rehetra anie ny fahasoavan'i Jesoa Kristy Tompo sy ny fitiavan'Andriamanitra Ray ary ny firaisana amin'ny Fanahy Masina ». Amena

Ny lohahevitra tiako zaraina aminao ; fa nampianarin’ny Tompo ahy dia tiako zaraina aminao anio dia izao, hoe : ao anatin’izao fianarantsika ny amin’ny hoe : « Mihavàna ao amin’ny Tompo » izao amin’ity volana Jona ity eo amin’ny sehatry ny FJKM, dia andeha ny lohahevitra banjinintsika anio dia izao, hoe : MANDEHA AMIN’NY FITIAVANA MAHERY VAIKA. Misy voambolana anankiray izay, mety manahirana kely ny mihaino azy, fa izao ilay voambolana, asa raha efa hitanao, ampiasaiko amina zavatra anankiray : ohatra hoe misy olona miditra antoko politika anankiray ohatra izao, dia rehefa resy lahatra be amin’ilay antoko politika misy azy mihitsy ilay olona dia tenenina izy hoe : iny olona iny an, tena ohatr’izao iringiriny mihitsy. Izay teny « IRINGIRINY » izay ; efa henonao izay e ? Tena ilazana izany hoe iny indray tsy dia azo atao n’inon’inona mihitsy fa iny tonga dia ohatr’izao iringiriny. Rehefa mandinika ny fampianaran’ny Tompo, haka ny tenin’Andriamanitra ao amin’ny Marka 9 novakiantsika teo isika ; rehefa mandinika ny fampianaran’i Jesoa ny mpianany manokana isika dia mahita hoe misy fampianarana hafa mihitsy, misy sary hafa mihitsy omen’ny Tompo, misy zavatra tsy mitovy amin’ny any sarababen’ny olona fa TIAN’NY TOMPO ISIKA SY IANAO HO MPIANANY IRINGIRINY. Manao ahoana re raha ny olona mahita anao eny an-dalana, ny olona mahafantatra anao dia hiteny ; moa ve afaka hiteny anao ny olona ankehitriny hoe : « hay, iza hono ? iza ? Hay i anona ! Iny tsy azo atao na inona na inona iny fa tonga dia mpianatr’i Jesoa iringiriny mihitsy. Andao ataontsika sy ianao tanjona izany hoe : tena mpianatry ny Tompo iringiriny. Fa ny an’ny Tompo, loi du tout ou rien moa no miasa ao amin’Andriamanitra : na ny rehetra antsika no omentsika azy, na tsisy.

Andao averintsika vakiana ange ny Marka 9 :42-50 hijerentsika an’izay hoe ahoana re izany mandeha amin’ny fitiavana mahery vaika izany ? MANDEHA AMIN’NY FITIAVANA MAHERY VAIKA HO MPIANATRY NY TOMPO IRINGIRINY. Rehefa mamaky an’io teny io ianao dia angatahiko aminao mihitsy, imaginéo kely, alao sary an-tsaina ilay zavatra tenenin’ny Tompo. « Ary na iza na iza no mahatafintohina na iray aza amin’ ireo madinika mino Ahy ireo, dia tsara ho azy, raha anantonana vato lehibe fikosoham-bary ny vozony, ka hatsipy ao anaty ranomasina izy. Ary raha ny tananao no manafintohina anao, tapaho izy; fa tsara ho anao ny hiditra kilemaina any amin’ ny fiainana noho ny manana tanana roa, nefa hariana any amin’ ny helo, dia any amin’ ny afo tsy azo vonoina. Ary raha ny tongotrao no manafintohina anao, tapaho izy; fa tsara ho anao ny hiditra mandringa any amin’ ny fiainana noho ny manana tongotra roa, nefa hariana any amin’ ny helo. Ary raha ny masonao no manafintohina anao, esory hiala izy; fa tsara ho anao ny hiditra toka-maso amin’ ny fanjakan’ Andriamanitra noho ny manana maso roa, nefa hariana any amin’ ny helo; any ny kankany tsy maty, ary ny afo tsy vonoina. Fa samy ho voasira amin’ ny afo izy rehetra. Tsara ny sira, fa raha tonga matsatso izy, inona no ho entinareo mampody ny tsirony? Aoka hisy sira ao anatinareo, ka mihavàna tsara hianareo ». Rehefa mamaky ampahana tenin’Andriamanitra ohatr’izao ao anaty Baiboly, dia indraindray te hiteny amin’ny Tompo hoe : « tsss, aiza kosa ve Tompo ». Efa no imaginé-nao tsar ave ilay zavatra noresahintsika teo ? Efa noraisinao sary an-tsaina tsara ? Mahavariana ny an’ny Tompo ny zavatra teneniny. Misy indraindray ao anaty Baiboly ao, tiana tenenina hoe : « an an an rangaha an, aiza kosa ve dia hoe ho tapahina mihitsy ny tanana ? Aiza ve dia asiana an’izany zavatra 10 taonina be izany hono eo amin’ny vozona dia ariana any an-dranomasina,Tsss, mba sarin-teny angamba ka ampiasain’ny Tompo ». An an an, tena mila azontsika sary an-tsaina mihitsy fa i Jesoa ange no miteny an’io teny io e. Mila mampitovy ny fijerintsika amin’Andriamanitra isika. Ka raha te ho mpianatry ny Tompo iringiriny ianao ; rhaa hampanangan-tanana izao isika hoe : iza aminareo izao no mpianatry ny Tompo ? Dia hoe : « izany angaha dia mila anontaniana, izaho mpianatry ny Tompo, izaho ary tena ao amin’ny Ecole des Disciples ato mihitsy ». Fahasoavana be ny fisian’izany ao amin’ny Fiangonana anankiray. Fa ny fandehananao ao amin’io tsy milaza hoe tena disciple ianao. Fa any amin’ny Jaona 13, tadidinao ve ilay tenin’Andriamanitra, and.34 sy 35 miteny Izy hoe, Jesoa miteny amintsika hoe : « Didy vaovao no omeko anareo, dia ny mba hifankatiavanareo ». Hainao tsianjery izany tenin’Andriamanitra izany. Dia ianao te hiteny hoe : « ah, izaho ange efa mifankatia e, moi j’aime tout le monde ». Mety hiteny an’izay ve ianao ? Fa tsy eo amin’ny resaka je t’aime je t’aime, hoe tiako ianao fotsiny ange e ; tsy hatreo amntsy ilay tenin’Andriamanitra, fa mitohy ilay izy miteny hoe : « tahaka ny nitiavako anareo no aoka hifankatiavanareo koa ». Ny fenitry ny Tompo izany dia ho an’ny mpianatry ny Tompo iringiriny : ny fitiavan’i Jesoa antsika no fenitra. Izany ve no itiavantsika ny manodidina antsika ? Tohizan’ny Tompo amin’ny and.35 amin’izay Jaona 13 izay hoe : ny ahafantaran’ny olona fa mpianatry ny Tompo isika e, haintsika izany, dia rehefa mifankatia isika. Tsy rehefa mankaty am-piangonana, tsy rehefa miaraka amin’ny titre be dia be isika ; fa rehefa mifankatia. Raha mijery ny fiaraha-monina malagasy, ny amin’ny kristiana malagasy ankehitriny, dia mahita hoe ohatrany tena vitsy ihany kay ny tena mpianatry ny Tompo. Fa raha dinihina ny fiaraha-monina dia tena samy mba maka ho azy ; ary angaha vitan’ny samy maka ho azy : misy mifanaratsy, misy fisaraham-bazana samihafa ao anivon’ny kristiana malagasy. Aza mieritreritra olona be dia be ianao fa isika sy ianao ihany aloa no jerentsika izao. Izao mijery ahy dia ianao mijery ny tenanao : aiza ho aiza ny fanatanterahantsika ny tenin’Andriamanitra ?

Anio isika sy ianao hianatra hoe : ANDAO ISIKA HANDEHA AMIN’NY FITIAVANA MAHERY VAIKA. Miverina any amin’ny Marka 9 isika. Fitiavana mahery vaika. Hoy ny tenin’ny Tompo milaza amintsika eo amin’ny and.42 hoe : « Ary na iza na iza no mahatafintohina na iray aza amin’ ireo madinika mino Ahy ireo » dia mendrika ho helohina faran’izay ratsy. Izany ange ny dikan’ilay tenin’Andriamanitra e. Fa maninona ny tenin’ny Tompo no milaza antsika an’izany ? Fantatrao moa fa ny olona tsirairay, indrindra rehefa manana an’i Jesoa ny olona anankiray, rehefa mino ny Tompo, dia olona hafa mihitsy ny fijerin’Andriamanitra iny olona iny. Amin’ity anio ity dia te hitaona anao aho hoe ahoana no fomba ahafahantsika sy ianao hanana fitiavana mahery vaika ? Ny mampitovy fijery amin’Andriamanitra rahavako no ahafahantsika manana an’izany. Mampitovy ny fijerintsika amin’Andriamanitra, hoe : rehefa mijery an’itsy olona itsy Andriamanitra dia inona ny fijeriny azy? Inona ny sanda omen’Andriamanitra ny olona tsirairay ? Raha mijery ny Genesisy 12 :3 isika dia mahita ny teny notenin’Andriamanitra tamin’i Abrahama hoe : Izaho hoy Andriamanitra hitahy izay manisy soa anareo, ary hanozona izay manozona anao. Matsiro ery izany tenin’Andriamanitra izany, « eny Tompo an, mety amiko mihitsy ». Fa fantatrao moa fa tsy hoe ho anao ihany, fa ilay olona hafa manodidina anao koa no itenenan’ny Tompo an’izany. Satria maninona ? Satria ange ireo vahoaka Isiraely ireo, izay, rehefa tafiditra ao amin’i Jesoa isika, rehefa ao amin’ny Tompo isika, dia ho antsika daholo koa ny teny fikasana ho an’ny Zanak’Isiraely. Satria ireo olona ireo dia tenenin’Andriamanitra any amin’ny Zakaria 2 :12 hoe anakandriamasony. Izao no tenenin’ny tenin’Andriamanitra ao amin’io Zakaria io hoe : « izay mikasika anareo dia mikasika ny anakandriamasony ». Tsara ery ny mieritreritra an’izany e ! « Izay mikasika ahy izany Jesoa dia mikasika ny anakandriamasonao ». Fa androany, tsy ianao no sainina izao, fa hijery ny hafa isika. Hay kay moa ireo hafa manodidina antsika ireo, ny olona nataon’Andriamanitra manodidina antsika, hay moa rehefa mikasika an’ireo isika dia mikasika ny anakandriamason’Andriamanitra. Misy tenin’Andriamanitra ao amin’ny Salamo 105 :14-15 manambara hoe Andriamanitra ary ange miteny mananatra ny mpanjaka azy Izy noho ny amintsika : fahasoavana ! Amin’ny and.15 izy miteny hoe : « Aza manendry ireo voahosotro, ary aza manisy ratsy ireo mpaminaniko ». Tena mahasarotiny an’Andriamanitra ny zanany anankiray ; mahasarotiny an’Andriamanitra ; mitovy mihitsy aminao amin’ny zanakao. Izaho izao manan-janaka 2 vavy. Raha ohatra izao manao zavatra ny zanako mety tsy mahafinaritra anao dia teninteneninao be eo dia mety kapohinao, mety ataonao tsy fantatro eo, dia hoy aho hoe : « e e fa maninona no ataonao an’izany ny zanako ? Zanako ange io e ». Raiso an-tsaina amin’ny maha-olona tsotra antsika sy ianao ny fahasarotam-piarontsika amin’ny zanatsika ; fa maika lavitra noho izany ny maha-sarotiny an’Andriamanitra amin’ny zanany anankiray. Mijery an’ilay Marka 9 teo isika, dia teneniny eo amin’ny and.37 : « Na zovy na zovy no mandray zaza iray tahaka itony amin’ny anarako, dia mandray Ahy, hoy Jesoa ; ary na zovy na zovy no mandray Ahy, dia tsy mandray Ahy, fa Izay naniraka Ahy ». Isika sy ianao izany, ny tanjontsika dia ahita hoe fa ahoana moa ny fijerin’Andriamanitra an’ireo olona manodidina ahy ireo ? Rehefa mandray ny zaza, ary amin’ilay and.42, madinika no itenenany azy indray, « madinika mino Ahy » ; rehefa mandray an’ireny kay isika hono, kay Jesoa ny raisintsika. Ary tsy hoe mandray an’i Jesoa kay hono fa mandray an’Andriamanitra. Any amin’ny filazantsara nosoratan’i Jaona 13 :20 dia izao ilay tenin’Andriamanitra ao, amin’ny anaran’i Jesoa, hoe : « Izay mandray izay nirahiko dia mandray Ahy ; ary izay mandray Ahy dia mandray izay naniraka Ahy ». Ny zavatra tiako tenenina anao dia ity : ny zavatra ataontsika amin’ny hafa, ny fomba fi-traité-tsika ny hafa, hay kay iny no ataontsika amin’i Jesoa. Ary iny kay no ataontsika amin’Andriamanitra. Raiso an-tsaina ange e, raha hitanao mivantana eto izao Andriamanitra, raha hitanao mivantana eo Andriamanitra, tsy possible mihitsy ianao hamingavinga Azy, tsy possible izany. Tsy possible ianao hiteny hoe : « an an an, tsisy ilàna azy ! », hany e ? Tsy possible, aiza kosa ve dia hiteny an’izany. Fa rehefa mandinika ao amin’i Matio, andao isika sy ianao hivadika kely any amin’ny bokin’i Matio 25 manomboka eo amin’ny and.34, tenin’Andriamanitra mahavariana ahy foana ity rehefa mandinika an’ity aho, vakiako kely dia raiso an-tsaina ihany ilay izy : « Ary amin’ izany ny Mpanjaka dia hilaza amin’ izay eo amin’ ny ankavanany hoe: Avia hianareo izay notahin’ ny Raiko, mandovà ny fanjakana izay voavoatra ho anareo hatrizay nanorenana izao tontolo izao; fa noana Aho, dia nomenareo hanina; nangetaheta Aho dia nampisotroinareo; nivahiny Aho, dia nampiantranoinareo; tsy nanan-kitafy Aho, dia notafianareo; narary Aho, dia notsaboinareo; tao an-trano-maizina Aho, dia novangianareo ». Asa ianao rehefa mamaky an’io, fa variana be aho amin’ilay « Aho » amin’io, jereonao tsata ilay « Aho » ao fa A sora-baventy foana : « Aho ». Jesoa izany no ambaran’ilay « Aho ». Iana ove tsy mbola nandinika tamin’ny fiainana hoe : An, hay ve ny Jesoa-ko, ny Jesoa-nao, ary efa tany am-ponja kay ny Tompo re olona an. Azonao an-tsaina ve izany hoe, efa tany antanimora kay ny Tompo. Raha ianao, raha misy olona izao avy any  am-ponja any, avy any, efa nisazy ohatran’izany, tonga eto amintsika eto, dia matetika ny fiaraha-monina rehefa mahita an’ireny olona ireny dia : « atokany ery » ; mihoatra lavitra noho ny misy coronavirus : « atokany any ». Fa eto ange Andriamanitra mihitsy, Jesoa no miteny hoe tany am-ponja Aho. Fa ianao ve efa nahita an’i Jesoa tany ? Iana ove efa nahita an’i Jesoa hoe tsy nitafy izany ? Azonao an-tsaina moa izany ? Hay moa Jesoa ity efa nisy fotoana hoe 4’mi ; mbola tsy noeritreretiko indray izany. Ary io Jesoa io kay efa nisy fotoana hoe angamba réfugié, ilay olona mitsoaka amin’ny taniny ireny ; fa nivahiny hono Izy. Dia gaga tokoa isika. Dia tahaka ilay tohiny tenin’i Jesoa amin’io texte io mihitsy, hoe : dia manontany ilay olona hoe : « fa taiza moa izahay ry Tompo no nahita anao noana ? Taiza moa izahay no nahita anao tany am-ponja ? » Teneniny mazava eo amin’ny and.40 : « Lazaiko aminareo marina tokoa: Araka izay efa nataonareo tamin’ ny anankiray amin’ ireto rahalahiko kely indrindra ireto no nataonareo tamiko ». Ary amin’ny and.45 teneniny ihany : « Lazaiko aminareo marina tokoa: Araka izay tsy nataonareo tamin’ ny anankiray amin’ ireto kely indrindra ireto no tsy mba nataonareo tamiko ». Mandeha amin’ny fitiavana mahery vaika. Izay no andrasan’ny Tompo amintsika. Inona no dikan’izany ? Ny dikan’izany rahavako, tsy miteny fotsiny hoe : « eny Jesoa an, tena tiako ianao ». Raha asaina mananga-tanana izao hoe : « Iza no tia an’i Jesoa ato amin’ity Isotry Fitiavana ity? », dia tiana atsangana daholo ny tanana roa, atsangana hatramin’ny tongotra, azo atao ; tena hoe : « tena tiako Ianao Jesoa, tena tiako ». Fa ilay tia an’i Jesoa ange, tsy izay no dikan’ilay hoe tia an’i Jesoa. Fa rehefa miteny isika hoe tia ny Tompo : inona no ataontsika amin’ny olona? Fa ny ataontsika amin’ny olona no manamarika raha tia marina an’i Jesoa isika, na tsy tia an’i Jesoa. Ny fiainana kristiana ry havaka tsy resaka fombafombam-pivavahana, fa ilay fiainanao isan’andro mihitsy. Tenenin’ny Tompo amintsika hoe, raha miverina any amin’ilay Marka 9 teo isika : « Ary na iza na iza no mahatafintohina na iray aza amin’ ireo madinika mino Ahy ireo ». Zava-dehibe amin’ny Tompo ny olona tsirairay. Raha miteny hoe : mitia ange ; ohatra izao hoe : « mitia anao » ; izaho izao tsy manana olana mihitsy mitia anao, ianao rahateo moa tsy fantatro. Rehefa tsy fantatra ny olona dia vao maika tsy dia olana loatra, ok, afaka miteny hoe : « tiako ianao ». Fa tsy izay ange ilay mandeha amin’ny fitiavana mahery vaika e. Hoy ny tenin’Andriamanitra milaza hoe : raha izay tia anareo ihany no tianareo, inona moa no mampiavaka anareo amin’izao tontolo izao ? Tsy izay no antsoina hoe mpianatry ny Tompo iringiriny. Izao tontolo izao ary mahay an’izany ko. Fa ny dikan’ny hoe : « tia » dia « tia tahaka ny nitiavan’i Jesoa ». Olona mahasosotra anie izaho sy ianao ity e. Raha dinihina, dia maharitra mihitsy Andriamanitra amintsika. Olona mandreraka ange isika e. Fa tian’ny Tompo isika. Ilay hoe tia amin’ny fitiavana mahery vaika : ilay olona mandreraka ao an-trano io ange izany e ! Misafidy mitia an’io. Ilay olona toa tsy misy dikany. Raha izao izao isika sy ianao no miteny hoe, tsy hoe isika sy ianao ; fa raha izao izao maka ohatra aho hoe Pasteur Solofo izany izao misy zavatra ilaina tampoka eto : « o ry reto an, tena mangetaheta be aho, mangetaheta be aho » ; eritrereto ange izany e ; raha miteny an’izany izao io Pasteur Solofo io dia mino mihitsy aho fa be dia be no haka tavoahangy : « ity Pasitera an, ity ny anao ». Tsy sarotra, tsy sarotra ny mitia an’i Pasteur. Fa manao ahoana raha olona tsotra, ataontsika anaty farango sosona, hoe « tsinontsinona ». Manao ahoana raha mivoaka etsy ivelany etsy isika, tsy ory an’izany olona « tsotra » izany eto amin’ity faritr’Isotry Fitiavana ity, dia any an-tanànanareo rehetra any ; iny olona iny mihitsy anie no andrasan’ny Tompo amintsika anehoana an’izay fitiavana mahery vaika izay ; ilay any amin’ilay tsisy mahita any.

Andao isika hiditra amina teboka kely. Misy teboka kely 4 zaraiko aminao izay, hoe ahoana ary, fa inona moa no dikan’ny hoe « mahatafintohina » ? Ahoana izany hoe « mahatanfintohina » ? Resaka tsy hoe mampahatezitra fotsiny izany an. Ny dikan’io tenin’Andriamanitra io, hoe : rehefa, na iza na iza isika mitarika ny olona hanota ; fa inona moa no ataontsika sy ianao dia mitarika ny hafa hanota isika? Misy teboka 4 mety mahatonga an’izay, zaraiko aminao eto. Mety mitarika ny hafa amin’ny fomba mivantana isika, tonga dia mampanota ny hafa tsotra izao. Tandremo e ny zavatra ataontsika.

• Andao ange jerena ohatra tsotra be izao amin’izany e. Eritrereto hoe manana mpanampy izao nareo ao an-trano ; dia misy mandondona ary ; jerenao kely avy ery am-baravarankely ery : « I ranona, izaho kamo be handray an’io. Ao akia an, teneno izy hoe tsy ao hono aho hoe ». Azonao an-tsaina : bon, mpanampy izy dia asaina miteny izay tenenina. Fa fantatrao moa fa ianao kay rehefa manao an’izay dia mendrika asiana zavatra 10 taonina eo am-bozonao eo, dia heloka be, meloka be eo anatrehan’Andriamanitra, raha izay no itenenana azy. Indraindray zavatra ohatrany tsisy dikany, hay mitarika ny hafa mampanota azy. Mety ao anatin’izany izao isika, mety misy fotoana isika vehivavy ; isika vehivavy ange tia miresaka e, dia indraindray ilay sujet de conversation-tsika, ilay zavatra resahintsika inona ? Olona. Faly ery isika vao mahita : « avia ndry hitantarako : nananona ange retsy e ». Fantatrao moa, raha mitantara zavatra ratsy momban’olona ianao ; faly ery mitantara ; izany anie ilay mampanota ny hafa e. Ianao moa efa manota mifosa olona, fa mitarika azy koa ianao hisaina ratsy momba ny hafa.               
• Zavatra faharoa mety mitarika antsika hampanota ny hafa, amin’ny fomba ankolaka indray kosa ity, tsy amin’ny fomba mivantana tahaka an’ilay teo, mety amin’ny fomba ankolaka : mety misy fotoana nahazo cadeau tsara be ianao, andeha lazaina hoe nahazo Iphone 11+ : tena tsara !Tsy andrinao izay nahatongavan’ny androany itenenana amin’ilay eo akaikinao hoe : « e, ity ny cadeau nomenan’ny vadiko ahy » ; nefa tsy any an-tsainao hoe izy ange tsy mahazaka mahita an’izany e. Velo-pialonana izy noho izany. Indraindray tsy sainintsika akory fa mety misy hafa mety maratra amin’ny tenintsika, na mety maha-tezitra ny tenintsika, fa isika te hiteny fotsiny hoe : « izaho te hiteny ka ». Angaha vitan’ny hoe : « izaho te hiteny ». Mandeha amin’ny fitiavana mahery vaika ry havako, misaina ny hafa hoy ilay any amin’ny Filipiana 2, mihoatra noho ny tenanao.
• Ahoana koa no mety mitarika antsika hampanota ny hafa ? Mety amin’ny alalan’ny ohatra ratsy omentsika. Mety amin’ny fomba fisainantsika mety tsy ratsy ilay zavatra ataontsika ; fa ilay olona ange mety tsy mbola mahazaka e. Misy Fiangonana izao an, misy Fiangonana, ny ao anatiny, tena ny vehivavy tsy mahazo mi-pataloha mihitsy. Ianao efa no-dépassé-nao izay zavatra izay, fa efa azonao an-tsaina ilay izy, dia ianao ve rehefa mankao amin’ilay Fiangonana dia hiteny hoe : « Eee, tsy raharahako, fa ny azy, adalany ny tsy te hi-pataloha any, ny olona mangatsiaka ». An an an, raha mijery ny 1 Korintiana 8 isika, mahita ilay tenin’i Paoly momba ilay hena aterina amin’ny sampy : tsy ilay sampy ange no misy e, ça n’existe même pas ilay andriamanitra tantarain’ilay olona ; fa ilay conscience, ilay fieritreretan’ilay anankiray, tena important amin’Andriamanitra ny fisainan’iny olona iny. Ka ianao ve, satria ianao efa mahazo fahasoavana hafa, mahazo kokoa, dia ieritreritra hoe : « tsy raharahako izay eritreretinao any fa izao ny ahy no sainiko dia vita ». An an an, ndrao dia mampanota ny hafa isika amin’izany.
• Ny zavatra teboka farany ao anatin’iny dia ity : mety mampanota ny hafa isika raha ohatra ka tsy milaza amin’ny teny mazava ny marina, ny tena izy. Misy tenin’Andriamanitra any amin’ny Hebreo 10 :24 milaza hoe :« aoka isika hifampandinika hampandroso ny fitiavana sy ny asa tsara ». Indraindray ianao mieritreritra hoe ao anatin’izany fitiavana izany, dia « tolérance », « tolérance », milefitra e ; « ka ny azy izay hono ny azy ny safidiny dia izay ». O rahavako, ny dikan’ny hoe tia, dia sahy miteny mihitsy koa, manoro mazava hoe ity no marina. Amin’izao vanim-potoana iainantsika izao, ohatra izao ao anatin’ny tena fivohizana an’izao tontolo izao amin’ny resaka fanajana ny zon’ny olombelona, dia indraindray fitahin’i satana isika ao antain’io hoe : « ka manaja ny zon’ny olombelona, raha te ho LGBT ianao, dia ny dikany, tsy maninona rangaha an, izay ny safidinao ». O rahavako, anjaranao ny miteny hoe inona no antsoina hoe mety araka ny tenin’Andriamanitra, manoro azy. Azy no misafidy avy eo ; fa tsy hoe milefitra amin’ny fahotana. Ary izay ny teboka farany zaraiko anao anatin’ity : raha te handeha amina fitiavana mahery vaika ianao, dia mila « tolérance 0 » amin’ny fahotantsika. Jereo anie ny itenenan’ny Tompo azy ao amin’io Marka 9 io e. Raha ny tananao no mitondra anao amin’ny fahotana : tapaho. Ankehitriny rahavako an, ny olana ankehitriny dia ity : ny fahotana izao dia tsy lazaina hoe fahotana fa amboarina kely, atao hoe « mba fahalemena e ». Tsia.

Fotoana mihitsy izao, indrindra ao anatin’izao tahaka ny fahatezeran’Andriamanitra amin’izao tontolo izao, mitataho eo ambony loha izao ; fotoana ijoroantsika, ianao, ho mpianatry ny Tompo iringiriny. Izany mpianatry ny Tompo iringiriny izany, ohatrany ireny hoe fanatique ireny, fa ohatrany hoe ratsy ilay terme hoe fanatique ; fa ohatra ohatra an’izany, tena hoe pro Jesoa ianao.  Ny dikan’izany rahavako dia tsy manao marimaritra iraisana amin’ny fahotana, na inona na inona. Tenenina, hitsiana : rehefa fahotana dia fahotana. Mety hiteny angamba ianao hoe : « i anona, izy moa dia tsy mahazaka mihitsy rehefa mandeha mission ohatran’ireny fa dia tsy maintsy mba maka 2è bureau kely e, maka… ». Azonao an-tsaina ilay tiako lazaina ? Dia lazaina hoe fahalemeny e. Tsy fahalemena izany fa fijangajangana, fahotana tsotra izao. Andao isika sy ianao, catégorique amin’ny fomba fahitantsika, amin’ny fomba fi-traité-tsika ny fahotana rehetra rehetra. Tapahina ny fahotana. Inona ny zavatra jeren’ny masonao, raisin’ny tananao, alehan’ny tongotrao, izay mitarika anao any amin’ny fahotana ? Tsy afaka ny handeha amin’ny fitiavana madio, mahery vaika mihitsy ianao, rhaa mbola manao marimaritra iraisana amin’ny fahotana.

Amin’ity anio ity, andao hijoro isika ho mpianatry ny Tompo iringiriny ianao izao. Azonao moa ny dikan’izany rehefa mandeha, vao mivoaka eo ivelany eo fotsiny ianao, izay toerana rehetra rehetra alehanao dia saino ange hoe : vao miala eo ianao, dia faly be ilay olona hoe : « oay, hay ve izaho misy e ». Lasa meheno ny valeur-ny ilay olona izay mifanerasera aminao, satria omenao ny lanjany izy, amin’ilay lanja omen’Andriamanitra azy. Andao isika hiara-hijery ny zanatsika, ny mpanampintsika, ny vadintsika, ny dadantsika, ny rafozantsika, ny rehetra rehetra e, jerena amin’ny mason’ny Tompo hoe : « oay, kay tian’i Jesoa, nahafatesan’i Jesoa koa kay io olona io » dia ho sarobidy amintsika ny hitondra tena ara-dalàna eo anatrehany, handeha amin’ny fitiavana mahery vaika isika.

Voninahitra ho an’i Jesoa Kristy, fiadanana ho antsika rehetra. Amena.         

Ao amin’ny Filazantsara an’i Jaona ry havana, Jaona 13 :34-35 : « Didy vaovao no omeko anareo, dia ny mba hifankatiavanareo ; eny, aoka ho tahaka ny nitiavako anareo no mba hifankatiavanareo kosa. Izany no hahafantaran’ny olona rehetra fa mpianatro ianareo, raha mifankatia ».

Tsy misy tsy mahafantatra io andinin-tsoratra Masina io ry havana. Raha ny marina angamba, io no sarotra toriana indrindra ao amin’ny Baiboly. Fa ny tsindrim-peo dia ho apetratsika eo amin’ilay hoe : FITIAVANA SY FIFANKATIAVAN’NY MPIANATRA. FITIAVANA SY FIFANKATIAVAN’NY DISCIPLE. Tsy fifankatiavana na fitiavan’ny mpino ; tsy izany no resahin’i Jesoa eto. Tsy fitiavana na fifankatiavan’ny kristiana ; FITIAVANA SY FIFANKATIAVAN’NY DISCIPLE.

Jaona 13 : ao anatin’ny hariva alina Jesoa sy ny mpianany ; manao veloma azy Jesoa ry havana ô. Jaona 13 manomboka, hatramin’ny Jaona 17. Ary ao amin’ny Jaona 14 ilay teny malaza be manao hoe, hoy Jesoa : « Izaho no lalana sy fahamarinana ary fiainana ». Lalana mankany an-danitra. « Izaho ange handeha e ; aza malahelo ny fonareo fa Izaho handeha, ary raha handeha Aho dia hamboatra fitoerana ho anareo, ary rehefa izay, dia ho avy Aho haka anareo, ary any amin’izay misy Ahy no hisy anareo ». Izany ity ry havana ô. Izany hoe : teny, toriteny amin’ny Fiangonana mahafantatra fa nomanina ho lovany ny lanitra. Ary ny Fiangonana miomana amin’izany dia mandinin-tena hoe : disciple ve ianao sa tsy disciple ? Raha tsy disciple ianao ry havana, araka ny teny teo, hoe : mandinia tena. Mety Pasitera ianao, mpitendry orgue ianao, chorale ianao, diakona ianao : DISCIPLE VE IANAO ?

Ny disciple ry havana rehefa mandre tenin’Andriamanitra dia mankatoa tsisy fepetra ; mankatoa tsisy hatak’andro. Izany no ahafantarana hoe : « ô, ilay ranamana iny tena an-dalana ho any an-danitra » ; « ô, ilay ranamana iny mety mahantra, mety nianatra, mety tanora, mety zokiolona : iny disciple ary tena tia tahaka ny disciple ». Izay izany ilay izy, hoe : NY FITIAVANAO VE DIA FITIAVAN’NY DISCIPLE ? ry havana ô. Izay ihany ny fitiavana andrasan’ny Tompo amintsika.

Tsy mora ry havana ny toriteny momba ny fitiavana, tsy mora ny manazava momba ny fitiavana. Nisy mpanompon’Andriamanitra anankiray izay hono, tia boky, dia tany amin’ny librairie izy, dia mijery boky eo dia, eo amin’ny rayon-ny fitiavana, dia mahita boky anankiray izy hoe : « ahoana ny fifanorohana ? » ; izay ilay oroka masina moa izany. Dia hoe : « ahoana ny fifanorohana ? ». Dia gaga be izy. Ilay hoe : « ahoana ny fifanorohana ? » : volume anankiray tamina 7 volumes momba ny fitiavana. Ianao ve dia mieritreritra hoe inona no ho azonao amin’izany 7 volumes izany. Volume anankiray momba ny fifanorohana. Indray maka indray, mijery encyclopédie ry havana, dia hoe misy définition-ny fitiavana ao : 4 pages. Misy définition-ny atao hoe « atome » ao : 4 lignes. Tsy mora ilay fitiavana e. Ka isika tsy hiresaka 4 pages, tsy hiresaka 4 lignes, fa hiresaka 4 mots amin’ny fitiavana ry havana ; 4 mots. Ny 3 amin’ireo, efa hainareo.

• Ilay voambolana grika ampiasaina amin’ny hoe fitiavana dia hoe : STORGE ; STORGE : teny grika. Io indray dia milaza ny fifankatiavan’ny ankohonana. Ary andao ampiarina ao amin’ny ankohonana, andao ampiarina ao amin’ny tokantrano ity e ; amin’izay hitantsika ny atao hoe fitiavana ô, fitiavana iainana. Izay izany ilay filazan’ny grika ny fitiavana : STORGE : fifankatiavan’ny ankohonana. Fitiavan’ny reny ny zanaka nateraky ny kibony.
• Ilay voambolana faharoa indray dia ilay hoe : EROS. Ilay EROS indray, io fantatsika tsara : ilay fitiavana sensuel, ilay fitiavana charnel, ilay haitraitra vokatry ny bika aman-tarehy, ilay coup de foudre. Izay ilay EROS.
• Dia misy indray ilay PHILIA : fifankatiavan’ny mpirahalahy na fifankatiavan’ny mpinamana ; satria hoe : miara-miasa, miara-mianatra, niara-nanao service militaire, miara-manao basket dia tena misy fifankatiavana lalina mihitsy ao volena.
• Fa ilay tenin’i Jesoa eto, dia ilay AGAPE. Ilay AGAPE ry havana, tena azo fintinina amin’ny teny tsotra, hoe : FITIAVANA VOADIO TANTERAKA AMIN’NY FITIAVAN-TENA. Izay ilay AGAPE izay. Fitiavana voadio tanteraka amin’ny fitiavan-tena. Ary voadio tanteraka amin’ny fitiavan-tena ilay izy ka afaka mitia an’Andriamanitra ; voadio tanteraka amin’ny fitiavan-tena izy ka afaka mitia tanteraka ny rahalahy sy anabavy ao amin’ny Tompo. Izany io ry havana. Ary izay no handidiana antsika. Didiana isika satria tsy naturel amintsika izany fitiavana.

Ny mety naturel, dia ilay STORGE ; ny mety naturel, dia ilay EROS ; ny mety naturel, dia ilay PHILIA. Fa ilay AGAPE : mila didiana izaho sy ianao. Ary io AGAPE io ihany anefa no ahafantarana hoe mpianatra ianao, an-dalana ho any an-danitra ianao. Ary raha ny marina, rehefa hoe tia amin’ilay AGAPE ianao, tia an’Andriamanitra ianao, tia ny hafa amin’ny AGAPE ianao : tanteraka ilay STORGE, tena mifankatia ilay ankohonana ; tanteraka ilay EROS eo anivon’ny mpivady. Ilay EROS io mantsy rehefa hoe tsy miorina amin’ilay AGAPE ilay EROS, dia tonga amin’ilay fitenenana hoe lasa PORNEIA : lasa fitiavana miaro fahavetavetana, na eo amin’ny mpivady aza. Ary io EROS io koa no manimba ny fifandraisan’ny lehilahy sy ny vehivavy. Tsy possible, raha tsy hoe ao amin’ny Tompo, izany hoe fifankatiavana amin’ny maha-mpinamana izany, fa eo foana ilay EROS. Ary na ny meilleur-ami, ilay PHILIA aza, afaka mifamitaka. Ilay mpirahalahy afaka tsy mifampiditra an-trano. Fa rehefa ao ilay AGAPE, dia ao izy 3 ry havana ô. Izay ilay izy. Tena sarotra ilay izy. Tena sarotra ry havana.

Dia ahoana ary, ahoana no atao mba hoe iainana an’izany AGAPE izany ?

Iainana an’izany AGAPE izany, izany hoe : rehefa mijery ny vadinao ianao, mijery ny zanakao ianao, mijery ny ray aman-dreninao ianao, mijery ny iray tampo aminao ; ao amin’ny ankohonana io ; miaina an’ilay AGAPE ianao : mijery azy ianao dia hoe : « n’inon’inona hitako amin’ity vadiko ity : tena hoe mandefitra aho, mandefitra aho ». Mandefitra amin’ny zavatra rehetra atao. Mandainga ry havana izay milaza hoe mahavita an’izany : mandefitra ny zavatra rehetra. Nahafinarita ny teny-na mpanompon’Andriamanitra anankiray izay. Hoy izy hoe (ataoko amin’ny teny frantsay fa sao dia manalasa ilay teny malagasy): misy olona tsy tianao eo : COMPORTE-TOI AVEC LUI, COMPORTE-TOI AVEC ELLE COMME SI TU L’AIMAIS. « Comme si tu l’aimais ». PARCE QUE SI TU TE COMPORTES AVEC LUI, SI TU TE COMPORTES AVEC ELLE EN LE/LA DETESTANT, DIA HI DETESTE AZY IANAO. « Comporte-toi avec lui, avec elle, comme si tu l’aimais et l’amour viendra ». Inona moa izany ? Hoe : amin’ilay fifandraisaina : ny fihetsikao, ataovy hoe ohatran’ny fihetsik’olona tia azy. Nataoko tamin’ny teny frantsay ilay izy satria raha amin’ny teny gasy ilay izy, hoe : ataovy ohatrany fihetsika olonatia, fa aza ho mody tia. Ilay « mody tia » tena mipetraka amin’ilay hypocrisie. Fa hoe : manorina fifankatiavana. Asain’ny Tompo aho amin’ity volana ity, hoe : mihavana amin’ny vadiko, mihavana amin’ny zanako, mihavana amin’ny iray tampo amiko ao amin’ny Tompo. Ny commencement du commencement : aza anehoana tsy fitiavana izy : « fais comme si tu l’aimes ». Hoy ilay mpanompon’Andriamanitra hoe : rehefa zatra an’izany ianao, rehefa zatra an’izany ianao, dia io hoy izy, ohatrany mianatra mitaingina bisikileta ny « mianatra mitia comme si ». Une fois ianao hoy izy mahay mitaingina bisikileta, tsy adinonao intsony io, dia tonga ho azy ilay fitiavana, tonga ho azy ilay fitiavana. Izay ny toe-tsaina, izay ny toe-po voalohany ry havana.

Faharoa dia izao : MITOMBOA AMIN’NY VAVAKA. Mitomboa amin’ny vavaka. Rehefa miteny, mampianatra ny Soratra Masina, misy perikopantsika, dia miteny izy hoe : ampifanoheriny ny asan’ny nofo sy ny vokatry ny Fanahy. Mety asan’ny nofo ilay fitiavana ry havana raha tsy vokatry ny Fanahy, œuvre atao. Fa ilay asan’ny nofo moa izany dia hoe mifanditra sy ny karazany, tena hoe asa ataoko mihitsy izany. Fa izy tsy miteny hoe izao ny asan’ny nofo an ; ary tsy miteny izy hoe izao ny asan’ny Fanahy an ; ilay Fanahy tsy miasa : ny Fanahy ao aminao dia miteraka vokatra « Fitiavana ». Ary izay ry havana ô, izay no ilàna vavaka hoe : « Jesoa an, Jesoa an, vonjeo aho, ampio aho amin’ny tsy fahaizako mitia. Ampio aho, vonjeo aho amin’ny tsy fahaizako mitia ny vadiko io, ary mamindrà fo amiko, mamelà ny heloko, izaho raim-pianakaviana, amin’izao fête des mères izao, ny amin’ny tsy fahaizako mitia ny vadiko io ; na izaho zanako, ny tsy fahaizako mitia ny reniko ; mamindrà fo amiko ». Ary marina ilay tenin’i Augustin manao hoe : « Dieu donne ce qu’Il ordonne ». « Omeo ahy izany fitiavana AGAPE izany. Ianao mandidy ; fa omeo ahy izany, omeo ahy izany ». Dia anio fête des mères 2020 ry havana ô, hitombo amin’izay ianao e, rehefa ela ny ela, amin’izany fitiavana AGAPE izany.

Ho aminao ny fahasoavan’ny Tompo. Amena.                               

Miarahaba anareo amin’izao andro Pentekosta izao ry havana, manonona ny fahasoavan’ny Tompo aminareo. Ary raha miarahaba antsika Fiangonana amin’izao Pentekosta izao dia tena lasa eritreritra ry havana ny amin’ny hafatra nomen’i Président Ammi, Filohan’ny FJKM ho antsika FJKM, fa ho an’ny kristiana rehetra eto Madagasikara sy maneran-tany. Milaza izy hoe : ny amin’ity Pentekosta 2020 ity dia Pentekosta eo ambany aloky ny fahafatesana, Pentekosta hitafian’izao tontolo izao mihitsy lamba fisaonana noho ny fandringanana mahatsiravina. Pentekosta ao ambany aloky ny fahafatesana. Izany ity Pentekosta 2020 ity ry havana ô. Ary amin’izao Pentekosta ao ambany aloky ny fahafatesana izao, dia mazava ny hafatry ny Tompo amintsika Fiangonana, hoe : TSY MAINTSY ATERAKA INDRAY IANAREO. TSY MAINTSY ATERAKA INDRAY IANAREO.

Nikodemosy azo lazaina hoe mandeha an-tsokosoko, mangala-dia mba tsy ho fantatry ny namany : manatona an’i Jesoa anatin’ny alina izy. Mety ho izany koa ianao ry havana ô : anatin’ny alina ianao, anatin’ny alin’ny baraingo isa-karazany ianao eo amin’ny fiainanao ; anatin’ny alin’ny fizahan-toetra isa-karazany ianao ; manontany tena ianao : mankaiza sy mankaiza moa ity fiainanao ity. Ny hafatry ny Tompo ao anatin’izany alin’ny baraingo izany, ny hafatry ny Tompo amin’izao Pentekosta eo ambany aloky ny fahafatesana izao dia hoe : TSY MAINTSY ATERAKA INDRAY IANAREO.  Ianao izay miteny indrindra io hoe : « izaho indray ry Pasitera tsy teriterena an, amin’ny resaka finoana » : TSY MAINTSY ATERAKA INDRAY IANAREO.

Izay ny Fahamarinana 1 ry havana : TSY MAINTSY ATERAKA INDRAY IANAREO.

Mahafinaritra amin’ny Tompo ry havana, rehefa hanazava fahamarinana fototra Izy, hanazava fahamarinana maharitra mandrakizay Izy, dia maka ohatra tsotra, ohatra fantatry ny be sy ny maro avy amin’ny fiainantsika olombelona. Eto ny ohatra alainy dia ohatry ny fahaterahana. TSY MAINTSY ATERAKA INDRAY IANAREO.  Ny firariana ho antsika ry havana dia izao : misaora an’Andriamanitra ianao raha efa manana antoka hoe : « Izaho indray Tompo ô, misaotra anao fa efa nateraka indray » ; ary raha eto am-pihainoana ny hafatra ianao dia misaora ny Tompo ianao hoe : « azoko fa tsy maintsy ateraka indray aho ». Izao manko ry havana : raha misy olona izao miresaka amiko dia mety ho gaga ihany aho raha ataony hoe : « Solofo an, Pasitera Solofo an, efa teraka ve ianao ? ». Dia hoy aho hoe : adala ve ity ranamana ity ; dia ataoko hoe : « ianao ary mahafantatra ny anniversaire-ko ko ». Azoko antoka fa mazava be amiko ilay izy, mazava be aminy. Fa raha io olona io ihany no manontany amiko hoe : « Solofo an, Pasitera Solofo an, efa nateraka indray ve ianao ? », mety hisalasala ve ny valin-teniko na ny valin-teninao hoe : « ie, normalement an », « antenaiko an », « possible an ». Tsia ry havana ô. Miala eto isika anio tsy maintsy afaka samy miteny hoe : « izaho androany Pentekosta 2020 : nateraka indray ». Satria maninona ? Hoy Jesoa hoe : « raha tsy ateraka indray ianareo dia tsy mahazo miditra amin’ny fanjakan’Andriamanitra ». « Raha tsy ateraka indray ianareo dia tsy mahazo mahita ny fanjakan’Andriamanitra ». Izay no maha fahamarinana volamena amin’izay andro Pentekosta izao an’ity Jaona 3 ity ry havana ô. Dia manazava izy, satria mety tonga ao an-tsaintsika hoe : « dia ahoana tokoa moa izany hoe ateraka indray izany ? » ; dia efa ialohavan’i Jesoa ilay fanontaniana dia hoy Izy eo amin’ny and.5 hoe : « Jesosy namaly hoe: Lazaiko aminao marina dia marina tokoa: Raha misy olona tsy ateraky ny rano sy ny FanahyJesosy namaly hoe: Lazaiko aminao marina dia marina tokoa: Raha misy olona tsy ateraky ny rano sy ny Fanahy ». Ny olona ateraka indray izany dia olona tenenin’i Jesoa hoe : « ateraky ny rano sy ny Fanahy Masina ». Inona moa ny rano ? Hitanareo izany fa misy singa anankiroa eo : rano sy ny Fanahy. Io, ohatran’ilay fahaterahan’ny olombelona. Eo ilay lehilahy mametraka tsirin’aina ao an-kibon’ny vadiny, dia bevohoka ny vadiny. Dia eto koa, tsy maintsy ateraky ny rano sy ny Fanahy. Ao amin’ny Baiboly iray manontolo ry havana dia hoe saika ilazana ny tenin’Andriamanitra ny hoe : « rano ». Sarin’ny tenin’Andriamanitra ny hoe : « rano ». Ary 1 Petera 1 :23 dia manazava tsara hoe : « Fa efa teraka indray ianareo, tsy taimn’ny voa mety ho lo, fa tamin’ny tsy mety ho lo, dia ny tenin’Andriamanitra ». Izay izany ilay tenin’Andriamanitra ampiasain’Andriamanitra hiteraka antsika indray. Fa tsy ampy izay. Tsy ampy izay. Hoy Jesoa hoe : « tsy maintsy ateraky ny rano sy ny Fanahy Masina ». Ianao izay mety mbola tsy nateraka indray io ry havana izany, tsy dia hoe maty antoka ianao raha ohatra hoe hatramin’izay ianao mba nahavatra namaky Baiboly ihany, namaky Mana isan’andro, namaky mofon’aina. Tsy very maina izany. Fa amin’izao andro Pentekosta izao, ampahatsiahivin’ny Tompo anao hoe ilay tenin’Andriamanitra efa napetrany ao aminao, dia hoe tongavan’ny Fanahy Masina, dia ny Fanahy Masina no mamonto an’iny teny iny, dia miteraka anao indray. Tsy maintsy ateraka ohatran’izany isika ry havana ô. Tsy maintsy ateraky ny rano sy ny Fanahy. Fa hoy Jesoa hoe rehefa tsy ateraky ny rano sy ny Fanahy isika dia ateraky ny nofo. Ary raha ateraky ny nofo isika dia nofo ; ary raha nofo isika, nateraka tamin’ny nofo, dia malaky mivily manao ny ratsy. Rehefa tsy ateraky ny Fanahy isika, dia mba manompo ; fa tsy hahavita mandat ianao e ; fa malaky reraka ianao. Izay no itenenan’ny Tompo amintsika hoe : TSY MAINTSY ATERAKA INDRAY – TSY MAINTSY ATERAKY NY RANO SY NY FANAHY.

Mety misy ve amintsika eto, na mihaino amin’ny fahitalavitra, manao hoe : « Ka izaho ange tsy fantatr’i Pasitera e, izaho tsy fantatr’i Pasitera » ; dia normal izy rhaa miteny an’izany. Tsy izaho no miteny an’izany fa Jesoa ry havana. Satria rehefa mijery an’i Nikodemosy dia manohatra ny tenany amin’i Nikodemosy izy. Nikodemosy dia lazaina hoe : Fariseo. Izany Fariseo izany dia tena hoe spécialiste-ny Baiboly, spécialiste-ny tenin’Andriamanitra sy ny Testamenta taloha izany. Izany ry havana ô. Dia mety hanao ianao hoe : « an an an, izaho indray raha Baiboly, izaho ary mahazo voalohany foana amin’ireny hoe Question pour un chrétien » ireny. Izay ilay izy. An an an, tsy ampy izany ry havana ô, tsy ampy izany. Tsy maintsy ateraka indray ianao. Nikodemosy : Sinedriona, izany hoe : sady mpanapaka Fiangonana no mpanapaka firenena. Mety hiteny ianao hoe : « an an an, izaho mpiandraikitra foibe, izaho birao foibe, izaho any amin’ny sampana foibe, moa eo amin’ny fitondram-panjakana, izaho minisitra, izaho PM, izaho Président » sy ny karazany. TSY MAINTSY ATERAKA INDRAY IANAO E. TSY MAINTSY ATERAKA INDRAY IANAO. Tenenina izy hoe mpampianatra ny Isiraely ; tsy mivoaka tsara moa ilay izy amin’ny teny malagasy, fa ilay mpampianatra ny Isiraely dia hoe : « l’enseignant d’Israël » fa tsy hoe « un enseigant parmi d’autres en Israël » ; « l’enseignant d’Israël ». An an an hoy Jesoa e : tsy maintsy ateraka indray ianao. Milaza anao ho mpampianatra ianao, nefa tsy fantatro ny lalam-pamonjena. Ka inona no ampianarinao ? Milaza anao ho mpampianatra ny Isiraely ianao, tsy fantatrao ny lalana ahazoan’ny olona ny lanitra. Fa inona ihany no ampianarinao eo e ? TSY MAINTSY ATERAKA INDRAY IANAO. TSY MAINTSY ATERAKA INDRAY IANAO. Miteny mazava ny Tompo, ary fitiavany antsika ry havana ô, hoe : raha ohatra ange ianareo e, ka tsy ateraka indray, dia tsy mahazo miditra ny fanjakan’Andriamanitra ; tsy mahazo miditra ny fanjakan’Andriamanitra. Ary rehefa tsy tafiditry ny fanjakan’Andriamanitra ianao ry havana, malahelo aho miteny aminao fa any amin’ny helo no idiranao.

Angatao ny Tompo e, amin’izao andro Pentekosta izao hiteraka anao indray amin’ny rano sy ny Fanahy Masina. Ary aoka mba ho vavaka ataonao indra mandeha amin’ny fo sy amin’ny finoana tanteraka izao vavaka izao hoe : « Jesoa a, mino aho fa maty nisolo heloka ahy teo amin’ny hazo fijaliana ianao. Mifona aminao aho noho ny fahotako rehetra, mifona aminao aho noho ny heloko rehetra ». Hanao an’izany vavaka izany amin’ny finoana ianao ? Eo noho eo ihany ry havana ô, dia hisy tselatry ny Fanahy hiditra ao anatin’ny fonao ary hanasitrana ny fanahinao ; ka eo noho eo ihany dia ho teraka indray ianao. TSY MAINTSY ATERAKA INDRAY ISIKA RY HAVANA O. Izay ny fahamarinana 1.        

Ny Fahamarinana 2 dia izao : IANAO IZAY NATERAKY NY RANO SY NY FANAHY IO : TSY HO VANONA ARA-PANAHY IANAO RAHA TSY FENO MANDRAKARIVA NY FANAHY MASINA

Tsy ho vanona ara-panahy ianao raha tsy feno mandrakariva ny Fanahy Masina. Hoy ny Asan’ny Apostoly 4 :8-10 : « Ary Petera, feno ny Fanahy Masina, dia nanao taminy hoe: Ry mpanapaka ny vahoaka sy loholona, raha adinina izahay anio ny amin’ ny asa tsara natao tamin’ ny nahasitranana ilay lehilahy malemy, dia aoka ho fantatrareo rehetra sy ny olona Isiraely rehetra fa ny anaran’ i Jesosy Kristy avy any Nazareta, Izay nohomboanareo tamin’ ny hazo fijaliana, fa natsangan’ Andriamanitra tamin’ ny maty kosa, dia Izy no itsanganan’ io lehilahy io finaritra eto imasonareo ». Petera feno ny Fanahy Masina no miteny an’izany. Anaovana demande d’explication izy ry havana ô, ny amin’ny asa tsara nataony raha nanasitrana an’ilay lehilahy nalemy hatrany an-kibon-dreniny izy. Asa tsara : convoqué izy teo amin’ny sinedriona. Hoy isika hoe mpanapaka ireo. Mivavaka isika e, mba tsy hanana mpanapaka isika eto amin’ny firenena hanapatra fahefana tahaka izany : olona manao ny tsara ve dia gadraina, dia convoqué-na. Fa Petera, convoqué-na izy sy ny namany, dia miteny hoe : « ny anaran’ i Jesosy Kristy avy any Nazareta, Izay nohomboanareo tamin’ ny hazo fijaliana, fa natsangan’ Andriamanitra tamin’ ny maty kosa, dia Izy no itsanganan’ io lehilahy io finaritra eto imasonareo ». Fahasahiana ange izany ry havana e ; fahasahiana. Ary izay ilay fahasahiana omen’ny Fanahy Masina, omeny ny olona feno ny Fanahy Masina. Raha tsaroantsika tsara ny tantara, tsy ampy 2 volana akory anie izay e, raha ity perikopa ity no jerena ; tsy ampy 2 volana akory ange izay e, teo amin’io toerana io, no nandavan’i Petera an’i Jesoa in-telo ; fa tamin’ny mbola tsy nanana ny Fanahy Masina izy tamin’izany. Ary tsaroantsika ry havana, tsaroantsika fa tamin’ilay andro voalohany nitsanganan’i Jesoa tamin’ny maty, Petera sy ny namany tena azo lazaina hoe natahotra fatratra, nihidy aman-trano, ni-se barricader tao an-trano noho izany tahotra izany. Tsy mbola nanana ny Fanahy Masina izy. Ary marina tamin’i Petera ry havana tamin’io fotoana io ny tenin’i Jesoa manao hoe : « Ry Simona, ry Simona, indro, Satana efa nilofo nitady anareo hokororohiny toy ny vary ». Tena hoe nitady an’i Petera hokororohina toy ny vary Satana tamin’izy nandà an’i Jesoa in-telo io ry havana ô. Fa efa niova tanteraka Petera ankehitriny. Ary izay fanovàna tao amin’i Petera izay no tian’ny Fanahy Masina atao amiko sy ao aminao. Niova izy. Fa maninona izy no niova ? Efa nateraka indray Petera. Ahoana moa no ilazana an’izany ? Ireo mpianatra, Petera sy ny namany ireo, tena marina mihitsy fa nandritra ny 3 taona efa nilona tao anatin’ny tenin’Andriamanitra sy ny fampianarana an’i Jesoa. Efa nilona tamin’ny fankatoavana ny tenin’Andriamanitra. Fa tahaka ny rehetra, dia marina aminy ilay tenin’i Jesoa hoe : raha tsy ateraka indray ianareo, rhaa tsy ateraky ny rano sy ny Fanahy ianareo dia tsy hiditra any an-danitra. Dia teo amin’ny Pentekosta teo izy, tahaka ny rehetra rehetra, nandray ny Fanahy Masina dia nateraka indray. Fa ny ohatra omen’i Petera : tsy nateraka indray fotsiny izy, fa feno ny Fanahy Masina. Sambatra ianao ry havana raha miteny hoe : « Misaotra Tompo ô, ny amin’ny fampaherezana ahy, fa izaho izay nateraka indray voalohany, ary mandeha mandrakariva amin’ny fahafenoan’ny Fanahy Masina » ; satria zavatra iray ry havana ny hoe irahin’Andriamanitra ny Fanahy Masina, dia tonga Izy, dia mitoetra ato amiko ; ary hafa izany hoe feno ny Fanahy Masina isan’andro isan’andro izany ianao. Izao mantsy : rehefa tsy mandeha amin’ny fahafenoan’ny Fanahy Masina isika ry havana ô, rehefa tsy mandeha amin’ny fahafenoan’ny Fanahy Masina : tsy ho vitantsika ny fiainantsika ara-panahy. Tsy ho vitanao izany e. Tsy ho vitanao izany. Hitanao, rehefa hoe manomboka fiainam-panahy ianao, manaraka an’i Jesoa ianao, dia toy ny miakatra ho azy eo amina ring de boxe, ring de boxe, na fantatrao izany, na tsy fantatrao. Ary ny olona manao boxe aminao, tsy iza fa Satana. Maro ny olona tsy mahafantatra an’izany ry havana ô. Atao batisa ianao, raisina mpandray ianao, tokanana diakona, tokanana mpiandry sy ny karazany : manomboka an’ilay fiainana kristiana ianao, mandalina ilay fiainana kristiana ianao, dia ampidirin’Andriamanitra eo amin’izany ring de boxe izany. Dia inona no ataonao ? Niova ho kristiana ianao, manomboka manokana ny Alahady marainanao aty am-piangonana ianao, manomboka mandany fotoana amin’ny vavaka ianao, manomboka miresaka an’i Kristy amin’ny hafa ianao, manomboka mandefandefa Soratra Masina amin’ny Facebook amin’ny hafa ianao etc… Fa izao : mitady moment, mitady fotoana hikororohana anao Satana ry havana ô. Ary faly izy satria maro ny kristiana mi-abandonne. Tsy mahavita mandat nefa hoe voafidy, tsy mahavita fanompoana fa hoe : « leo an’io Pasitera io aho », « tsy mety amiko ny biraon’ny Sampana misy ahy ». Ry havana ô, izay ilay eo ambony ring de boxe ianao. Ary kororohin’i Satana ianao raha tianao ho fantatra izany. Mi-abandonne ianao. Ny dikan’ny hoe mi-abandonne ? Lavinao, araka ny tenin’i Petera, lavinao ilay vato fehizoro. Ilat vato fehizoro tokony hoe fehizoron’ny fiainanao, tokony hoe fehizoron’ny tokan-tranonao sy ny ankohonanao : lavinao iny. Fa maninona no lavinao ? Lavinao satria tsy mety aminao ny bikan’ilay vato fehizoro, tsy mety aminao ny dimension an’ilay vato fehizoro, tsy mety aminao ny halavan’ilay vato fehizoro, na vato fehizoro be exigence, be conditions : lavinao ilay vato fehizoro.

Ry havana ô, izay no maha-zava-dehibe, ianao mikomy lava io, ianao manohitra lava io ; rehefa mba manokatra vava ianao : fanoherana, fanoherana, fanoherana. Ry havana ô, tena marika hita maso izany : tsy feno ny Fanahy Masina ianao, na iza na iza eo anoloanao eo. Fa ilay vavaka ianarantsika manomboka anio ry havana dia hoe : « Aoka ny Fanahinao Ray Malala ô, aoka ny Fanahinao Masina, izay nataonao ao anatinay hitoetra ao aminay, aoka ny Fanahinao Masina e, hameno anay mandrakariva, isan’andro isan’andro ».

Ny Fahamarinana 3 farany dia izao : tany amin’ny voalohany moa izany isika dia niresaka hoe fidirana any amin’ny fanjakan’ny lanitra. Izay ny amin’ilay ho avy mandrakizay tsy maintsy ateraka indray. Ilay fahafenoan’ny Fanahy Masina somary niompana tamin’ny fiainantsika ety an-tany. Ilay Fahamarinana 3 indray dia hoe : JESOA IRERY NO MOT DE PASSE IDIRANA ANY AN-DANITRA. JESOA NO MOT DE PASSE IDIRANA ANY AN-DANITRA

Hoy ny  Asan’ny Apostoly 4 :12 : « Ary tsy misy famonjena amin’ ny hafa; fa tsy misy anarana hafa ambanin’ ny lanitra nomena ny olona izay hahazoantsika famonjena ». Andinin-tsoratra Masina volamena ho an’izay mino azy – Andinin-tsoratra Masina faran’izay manafintohina ireo izay tsy mino na marivo salosana.

Fa inona moa ny problema amin’io andinin-tsoratra Masina io ry havana ? Hoy Petera hoe : « Ary tsy misy famonjena amin’ ny hafa. Izany hoe : ho an’ny sasany aloa, aoka ho fantatsika ry havana, fa tsy évident aminy hoe : mila famonjena izany izy, na mila famonjena izany ny olombelona. Ary ny olona hoe tsy mahatsiaro an’izany filàna ny famonjena izany, dia tena hoe marina ara-bakiteny aminy ilay tenin’ny Apostoly Paoly ao amin’ny 2 Korintiana 4 :4 hoe : « nohajambain’ny andriamanitr’izao tontolo izao ny sain’ny tsy mino ». Ny sainy nohajambain’ny andriamanitr’izao tontolo izao. Dia ahoana ny fomba hanajamban’ilay andriamanitr’izao tontolo izao ny sain’ireo tsy mino ireo ? Nampieritreritra ahy toriteny-na Pasitera amerikana izay ry havana. Dia mitoriteny izy hoe : isika kristiana amerikana hoy izy, maro amintsika no hoe ajambain’ny andriamanitr’izao tontolo izao ny saintsika. Ahoana ? Satria hoe asainy mitoky isika amin’ny  volantsika, amin’ny harentsika, amin’ny fahaizantsika sy ny herin’ny sandrintsika. Izay hoy izy. Ary fantatry tsy maro ilay fitenen-dry zareo amerikana, tena hoe filamatra ho an’ny amerikana izany hoe : « self-made man ». Izany hoe ianao, ny tenanao, ny herin’ny sandrinao no naha-tafita anao. Fa isika malagasy tsy amerikana an. Fa isika koa ry havana, na dia tsy manana dollar aza, io vola kelintsika io, io vola be antsika io, harena kelintsika, io, harena be antsika io, io koa no itokiantsika aryn ynherin’ny sandrintsika no itokiantsika ry havana ô ; dia jamba ny saintsika ry havana ô, najambain’ilay andriamanitr’izao tontolo izao. Jamba amin’izay vrai problème, jamba amin’izay problème n°1 ny olombelona dia tsy inona izany fa ny fahotana. Ary io fahotana io, raha tsy nisy fahotana : tsy nidina avy any an-danitra Jesoa ry havana ô. Fa io fahotako sy fahotanao io no nidinan’i Jesoa avy any an-danitra. Aza lazaina fa misy karazany 2 ilay fahotana ry havana :

• Ny fahotana voalohany dia ilay otanao manokana, ilay hoe « pêché personnel ». Ny famaritana ny ota mahazatra dia hoe : ny ota dia hoe :tsy mahatratra ilay cible, na ilay tanjona napetraka teo amin’ny fiainana. Mba mametraka tanjona ihany ianao. Isika rehetra ry havana samy mpanota. Tsisy nahatratra an’izany cible izany isika. Satria raha noforonin’Andriamanitra izaho sy ianao, ny tanjona sy ny cible napetrany dia hoe : ny hankalaza ny Voninahiny. Fa isika mianakavy e, ny mety amintsika dia ny mankalaza ny voninahitry ny tenantsika sy ny manandratra tena foana. Mila mifona amin’izany isika ry havana. Izay ilay otan’ny tsirairay.
• Fa eo indray ilay « otan’ny firenena » : firenena malagasy, na « otan’izao tontolo izao ». Amin’izao fotoana izao, tena mahatsiravina ary mahavaky fo ohatra izany hoe fihanaky ny homosexualité, fihanaky ny LGBT ; ary isan’andro, isa-kerinandro any anaty gazety dia hoe ankalazaina ahindrahindra ilay olona manao « coming-out » manao hoe : i anona homosexuel, i anona LGBT voafidy maire tary an’anona. Izay ilay otan’ny firenena, izay ilay otan’izao tontolo izao ry havana ô hilana famonjena. Ary raha isika malagasy :ity ilay fanompoan-tsampy nentin-drazana ity : gaga ianao mahita, mijery vaovao tatoato : hay tena mbola maro ny mandàla an’izany hoe « fomban-drazana », manaja an’izany hoe « sampin-drazana », manaja an’izany hoe « fadin-drazana ». Ireo « fomban-drazana » ireo ange e, azo lazaina hoe tamin’ny fotoana nanomezana azy na nahazoana azy : nanana ny logique-ny. Fa araka ny fitenenana, hoe ireo « fomban-drazana » hoe ianao izay mandàla fomban-drazana ; ireo nomena antsika malagasy tamin’ny andron’ny tsy fahalalana. Fa amin’izao andron’ny fahalalana, rehefa tonga Jesoa Fahazavana ary Fahazavan’aina : asa maty ireo. Ary fahavetavetana eo anatrehan’Andriamanitra ry havana ô. Ary mila vonjena amin’izany isika. Fa ny ota no problème n°1-ko ary ny ota no problème n°1-ny firenena sy izao tontolo izao. Ka rehefa miresaka ota ianao, ny dikan’izany : mila Mpamonjy, mila famonjena. Ary izay no lazain’i Petera mazava : « tsy misy anarana hafa nomena antsika aty ambanin’ny lanitra ahazoana famonjena ». Mety manitikitika ny sainao ihany ry havana ny hoe : « dia ahoana izany ny religion hafa ? », « ahoana izany ny slamo ? », « ahoana izany ny bouddhisme ? », « ahoana ny religion sy ny philosophie hafa e ? ». Ry havana, ny zavatra misy : rehefa mandinika ny religion ianao na ny philosophie : tena misy sombina fahamarinana ; fa fahamarinana sombintsombiny amina religion anankiray. Misy fahendrena sombintsombiny any amina philosophe anankiray. Fa Jesoa indray miteny :« Izaho no fahamarinana », « Je suis la vérité ». Tsy miteny Izy hoe : « Sombin’ny fahamarinana Aho » na hoe « ampahany amin’ny fahamarinana Aho », fa : « Izaho no fahamarinana ». Ary ny tena zava-doza ny amin’ilay hoe religion sy ilay hoe fahendrena manana sombina fahamarinana ; ilay sombina fahamarinana hitan’ilay mpandala an’io religion io, ilay sombina fahamarinana kely iny, ohatrany hoe mi-vacciné azy amin’ilay tena fahamarinana ry havana. Fa Jesoa, lalana sy Fahamarinana ary Fiainana. Ary nosoniaviny tamin’ny ràny teo amin’ny hazo fijaliana izany ary nasiany tombon-kase tamin’ny nitsanganany tamin’ny maty. Azo antoka, azo antoka tanteraka izany.

Faranana izao teny izao. Niteny isika teo hoe miavaka ity Pentekosta ity satria Pentekosta eo ambany aloky ny fahafatesana. Pentekosta eo ambany aloky ny fahafatesana. Ny tena hita moa izany dia hoe ny Corona. Asa moa ianareo, fa hoe officiellement, 6 no maty hatreto ; asa ianareo, fa izaho dia mbola milaza fa hitombo io isan’ny maty io e. Maninona aho miteny an’izany ? Izaho tsy mpaminany ; fa mijery ny any amin’nyfirenen-kafa izay niharan’io : tsy maintsy hitombo io ry havana. Ary tsy maintsy hitombo io noho ny antony vitsivitsy maromaro, raha tsy hiteny afa-tsy ny hoe faiblesse-ny moyens, fahantran’ny moyens ananantsika malagasy iatrehana an’io. Ary mahavaky fo ry havana rehefa mba mahita olona etsy sy eroa mitaraina : izahay hoy izy, izahay angamba tsy ny Corona izany no ahafaty anay e, fa ho fatin’ny fahantrana sy ny hanoanana izahay. Tsisy politika amin’izany. Réalité izany.

Fa ao anatin’izao Pentekosta eo ambany aloky ny fahafatesana izao dia tenenina ianao hoe : IANAO IO VE ANDROANY PENTEKOSTA 2020 MAHALALA ILAY MOT DE PASSE IDIRANA ANY AN-DANITRA, NA HO FATIN’NY CORONA IANAO NA TSIA ? Tsy izany ny problème, fa : FANTARAO VE IO MOT DE PASSE IDIRANA ANY AN-DANITRA IO RY HAVANA O ? Ary rehefa hoe maty ianao, rehefa matin’ny fahafatesana ianao, handalo fitsaran ianao ry havana ô, handalo fitsarana ianao. Inona ny toerana nomenao an’io Jesoa io nandritra ny fahavelonao ? Sanatria an’izany, sao dia fantatrao hoe mot de passe io nefa tsiratsirainao amin’ny teninao, tsiratsirainao amin’ny fomba fanaonao, amin’ny fomba fanompoanao. Samy hiseho eo anatrehan’ Andriamanitra isika ry havana ô, amin’ny minitra ialantsika eto amin’ity tany ity. Ary sahinao ve ny hiteny amin’izay fotoana izy, rehefa hanatrika ny Rainao ianao hoe : « Inty aho Ray Malala, fa ny anaran’i Jesoa no entiko manatona anao satira Izy maty nisolo heloka ahy teo amin’ny hazo fijaliana, Izy nanolotra ny ainy hamonjy ahy, ka amin’ny anarany no ahasahiako manatona Anao amin’izao fotoana izao ». Dia hiteny anao ny Rainao Izay any an-danitra hoe : « Mandrosoa anaka, mandovà ny fanjakana izay efa voavoatra ho anao hatrizay nanorenana izao tontolo izao ».

Ho aminao ny fahasoavan’ny Tompo. Ho an’Andriamanitra irery anie ny voninahitra. Amena.